جعل العيون اللي بكتنا تهنا = وجعل الليالي له سبات وسعاده
يفداه قلبٍ من فراقه تعنا = ويفداه رمشٍ ما اهتنا في سهاده
ماكل من يطلب لقا ما تمنا = ولا كل من يهوى تهنا فؤاده
يا هيــــه تعرف عنكم ما تونا = ولا يمكن احرم مثلكم من مراده
لكن وقفنا والاقدار جنا = وصرنا مع الاقدار سيد وساده
الله يا مقسى زمانٍ جحدنا = ابعد وليفٍ واتعبه في بعاده
عيني بكت من شان عينٍ بكتنا = والدمع غرق فرشتي والوساده
يا هيــه ياللي لك عطينا هوانا = ابشر بقلبٍ ما بقى الا رماده
وابشر بعينٍ عبرت عن عنانا= وابشر بوجهٍ اعتلا بالسواده
ياللي بقلبي حاضرٍ لو بعدنا = قلبك ملكته وصار قلبي بلاده
اللي مضى ماظن انه كفانا = والقلب حافظ لك غلاه ووداده
تدري وش اسباب الجفى يا عنانا = قلبٍ ظلوم ودوم زايد عناده
وتدري وش اللي احرق اخر رجانا = ابوي والقدره وسلمٍ وعاده

مشكور يا وراد مرحب وحياك=حياك يومك جايلٍ في مجالي
اعجاب مثلك بالقصيده وشرواك=هو غايتي هو مطلبي وراس مالي

ابشر بما يطربك معنى وعنوان = حنا على نظم القوافي مربين
بيجيك مني رائعه تحمل الوان = تطرب بها سمعك وتسعد بها العين
لي بالقوافي شهر وسين و ازمان = اكتب ويسمعها رجالٍ مهمين
واليوم ابكتب واشعل القاف نيران = ومثلك يميز شين لبيات والزين

[عزيزي الزائر يتوجب عليك التسجيل لمشاهدة الرابط للتسجيل اضغط هنا]

مثل موج البحر جتنا اموااااج=يلعب به الاعصار وزاد ارتداده

واسرع من الصاروخ صنع ميراج=ياحلقت بالجو اخذة الرياده

الشاعره المبدعة تستاهل التاج=تاج الشعر والفخر والسياده

ياهلا بمواج عدد مالبوا الحجاج=وعداد من صلى وأدى العباده

والنعم فيك وبكل الاعضاء الميامين=وباهل الحمى والشعر واهل القصايد
ويا مرحبا بزوارنا والمحبين=اللي يمتعهم جميل الفرايد
هذا فطوري وابشرو بالغداء الزين=بتجيكم ابياتٍ تركب قلايد
واللي يبي زودٍ ترانا وفيين=نعقد خطام الشعر لو هو شرايد