الله من قلب دبـل كبـد راعيـه=قام يتدرّق مثل شمـس المراتـي

ما يرعوي للنصح من دون طاريه=لياما غـدا بيـن الحذاوالصفاتـي

أرجع واهون وافتكر في مواضيه=وليا الحسايـف ماتـرد الفواتـي

كم واحد يطرف عيونـه بياديـه=ويفارق الغالي على ادنى حكاتـي

عزّي لمن عمره مضى في تمنيه=ماهمّه إلا قول ويـش السواتـي؟

ياقلب ذا وقت عسى الله يمضّيـه=وياراكب اللي تقل فـزّة قطاتـي

حرَّهمـيـم لـلـوازم معفّـيـه=مـن يـدي علمته عـلـوم الثبـاتـي

يلفي على خـل ولانيـب كاميـه=صحيبي اللي ينطـح الملزماتـي

هوشوق من كل العسل بين اشافيه=اللي قرونه بالحجـب شارعاتـي

فيا ركبه لى جيت عنـد ناصيـه=الليث (ابوصالح)عطيب الرماتـي

تلفى على اللي دايم القلب يطريـه=حيث ان ماغيـره رفيـق ثباتـي

سلا مشتاق ليـا شـاف غاليـه=به اختلط حبل الرجـا والمماتـي

فان قال كيف اللي علينا حواليـه=قلـه رفيقـك ساهـر مايباتـي

متحيـز ماعنـده احـد يشاكيـه=إلا صديق مثل وصـف العداتـي

هـذا زمـان كاثـرات بلاويـه=ماله من الحيـلات كودالسكاتـي