بعد الانقطاع الطويل..أتمنى أن تكون عودتي بما يليق..

ألا يا علةٍ حرّا تزيد بقلبي المجروح = تبيني أشكي للي راح جروحه اللي نزفت فيني
ياكيف أشكي وابث الهم وعزّة نفسي ويّا الروح = تقول احفظ بقايا القلب أخاف يموت ويشقيني
ياهاجرني أبي اتكلم ويخونّي صوتي المبحوح = وكرامه فيني تتألم تقول تكفى لا تكويني
نساك انساه وابعد عنه وحتى لو يزيد النوح = تبي تخضع وتذل نفسك!! قبل ما تروح ارديني
واجاوب عزتي بصمتي ويقولّي قلبي المذبوح = لا تحرم دمعتك تذرف غزير الدمع يشفيني
حبيبي شفتك بجنبي خيالٍ ظاهرٍ بوضوح = ورجف قلبي وبكى حرفي وجا يمّي يواسيني
عرفت اني اعيشك حلم اعيشك وهم ماله بوح = سكن في صورتك صمتك وعظيم الهم ماليني
إذا الله شاء يفرقنا لدربٍ مختلف بنروح = وتعيش بغربتك وحدك واموت بغربة سنيني
وعسى اللي فرق الأحباب في دنيا غارقة بجروح = يجمعني أنا وياك بجنان الخلد ياعيني

•·.·°¯`·.·• الضــــامي •·.·°¯`·.·•

هلا بك يا شبيه الورد بعطره الزاهي الفواح

اذا كانت لي طلة كطلة الربيع فوش أقول عن طلتك...

وصفتني بما لا أستحق... والحقيقه انا اللي احس اني اكتب أي كلام اذا شفت قصائدك..

مشكور يالضــامي ما ننحرم من تواجدك بإذن الله..

•·.·°¯`·.·• واحـــد حلـــو •·.·°¯`·.·•

تسلم يالغالي...وشكراً انها أعجبتك الكلمه الاخيره من الشطر الاول

ومشكور على هالطله الحلوه