آه يادرب الشقا تاهت دروبي
ماعاد فيني حيل على درب الشقيه

امس وانا رايح اتجه صوبي
وكل ردف (ن ) فيه يشكي من خويه

لاهو غربي ولاشرقي ولا جنوبي
البلا يافلان قرة العين نجديه

وش اصاله وش نانسي وش بعد روبي
كل جمال الكون في ذيك البنيه

عنقها ماتلحقه ولو قامت حروبي
ولا النحر محروس بكتيبت(ن) حربيه

ابومهند

لاهي عزارا ولا نانسي ولا روبي
شعرها حرير وليل ماخلق زيه

باب مشرع لاصطفاق الهبوبي
لانهز طولها قل جات المنيه

ماعندها يمه ارحمي للعزوبي
وجذبها لي اقوى من الجاذبيه

ركز معي مع هزهزات الجنوبي
يابنت لحظه لوسمحتي شويه

اصطلي من المشرق لحد الغروبي
وعينها تقول من الشعر سامريه

كذا الغنا والما عسى مايروبي
مانسى يدينها يوم شدت يديه

جتني مطمه ماهقوبي لقوبي
غلفت لها قلبي وقدمته هديه

فتن تجينا اليوم من كل صوبي
يابنت ماترضين علي الخطيه

يالله عفوك ياعليم الذنوبي
انت اللي ماتخفى عليك الخفيه

رارا

اسعد اللحظات يوم اشوفك متهني
وترى الزمن لحظات نقضيها سويه

وان غدا للشوق في قلبك تمني
قل عساك تشوفها شوفه هنيه

مدري هي تجاوبني ولا تمتحني
الوكاد اني فدا لعيون هالادميه

من قبل اشوفه وانا مريض كني
وبعد ماشفته تجرعت كاس المنيه

ابومهند

احسب للحظه لقاها هالدقايق والثواني
استباحت كل عروقي وانا صرت الضحيه

ان زعلت ازعل وابرضا لارضت عني لاني
ان جرحتها ماربحت وصارت الحاله رديه

يفوح ريح العود ولا هو عبير الاقحواني
اذا انتثر مجدولها اللي لا حشا ماشفت زيه

لا لي الا لاتبسم لي ثغرهاعض البناني
اشهد انها من عذابي والله ماهي بريه

ان تثنت طار عقلي وش بقى للخيزراني
بعثرت عمري شظايا بين ذيك وبين ذيه

من بد كل الخلايق غير عيونها مافتني
لو نظرها ابن الملوح عاف ليلي العامريه

يختلف نهجه وشعره وتصبح العشره ثماني
ويترك الشعر المقفى والحروف الابجديه

اتركتني للسهاد ولوعة الفرقى وظني
هالادميه نرجسيه عنهجيه بس انثويه

رارا

شاقني صوته كثير وان غاب عني
مالي الا مطارد خياله هناك وهنيه

الغزال اللي فتني ثم ذبحني
اشهد اني صرت بيدينه ضحيه

رحت اصيد الصيد ورجعت كني
طير مذبوح صايدته بندقيه

ياصديقي لو تقول ولو تغني
ماهقيت اني بحياته شفت زيه

الغزال اللي عيونه عذبني
يامال فرقا العين ياذيك البنيه

علموها طول ليلي بس اوني
انثر العبرات كل روحه وكل جيه

ابومهند

في ضلوع الروح اكتم لوعتي لجلي وعشاني
آه والليل يتسربل حزن وهموم وأسيه

ماحد يدري عن سري ولا يسولف به لساني
والضمان انها تصونه عن سمع كل البريه

لاظلام الشمس قفى ولا صباح الليل باني
كل ماغنت جروحي وين احذفك يايديه

ولا يبس للنور نبض ولا ذبل وجه الزماني
ولاتلعثم في العيون الشوق والدمعه عصيه

بعض الاشياء ولو قديمه وقعها وقع السناني
كم كتمت الشي لين القلب يقوى بعض شيه

الامل بعضه تمني وبعضه الاخر رهاني
عزالله كان الوصال اشواك فالفرقى منيه

رارا

يازماني ليه تعاند يازماني
كل ماقلت هانت صارت احوالي شقيه

غاب عني ثم ابتعد وفارق مكاني
وكل ظل لابد يتلاحق مع خويه

وهذا طيري لو كفخ وطار جاني
ومن يبشرني فيه يبشر بالهديه

هي ملفاتي وهي اغلى المعاني
وهي علامات التعجب بين السطور الجليه

هي اذا مرت يغار منها الاقحواني
وهي لريحة عطرها تميل المزهريه

ابومهند

قلبها قاسي وعنيد يحرمك احلى الاماني
كنت بانساها ولكن عيت ظروفي عليه

لو دريت ان الالم كف كريم والفرح كف جباني
والغرام دروب غربه والاماني مشمشيه

ماضحكت والمواجع سيلها في عنفواني
ولا تجاهلت الالم يوم زاد القلب غيه

ولا تبخترت بجرح لجل عين ولجل شاني
ولا استلذيت بالعطش عند هذي دون ذيه

ولا لبست ليل صبرك لين فيني الصبر خاني
ولا زرعت في الوجيه السمر عطرك يالنديه

ولا شربت ريح حلمك ياعروق الزعفراني
لو دريت يا بعيد الصبح ما اسري بنيه

رارا

لكل ناس عطرها وعطرها شي ثاني
كل انفاسها عطر وشذاها جاذبيه

ان تثنت مثل عود الخيزراني
وان ضحكت صارت تقطر انثويه

ياليتها تعطف على قلب(ن) بلاني
ولا نهايتها جنون وقصه مأسويه

ارحميني ياحياتي لاتخليني اعاني
ماتحديتك ومالي في التحدي مقدريه

لو عطيتيني دقايق صارت بعمري ثواني
وكل لحظه في غيابك كانت هموم واسيه

ولو تقولين اللي احبه ماهو انت شخص ثاني
قلت راضي ولو يحبك ماهو واحد خمس ميه

يكفي اني بس اشوفك شمعتن تضوي مكاني
ويكفي اني من عرفتك صارت جروحي خفيه

ولا ادري ان طموحي كلها احلام واماني
وافتخر يوم بحياتي صرت لك اكبر ضحيه

ابو مهند

كنت افكر ليه اطير لي دعتني فأي مكاني
ومن بعدها صرت اشك في وجود الجاذبيه

يستمد النور نوره من نورها وياخذ ضماني
ويوم غابت عم الظلام وانعدم في النور ضيه

حظي اللي من سواها ماصفى مره وزاني
صار درب الحلم هم وصارت احوالي رديه

في دروب التيه امشي وحالتي ماتستهاني
عاشق(ن) تزداد طعونه بين روحات(ن) وجيه

هذا عقلي يستكين وهذا قلبي ما استكاني
صاحبي والجرح شعر والمشاعر سرمديه

هذا صوت العشق يغلي بين لوعه واحتقاني
والغرام ادمى خفوقي وصارت عيوني شقيه

كيف خلتني ضحيه وقاضي وشاهد عياني
ليه تحرجني وهي تدري عن دهاليز القضيه

كيف ترويني عجاف وكيف تحرمني سماني
وليه لا قدمت قلبي لقلبها رد الهديه

كيف تجرحني وتنسى وتتركني اعاني
ليه صارت انانيه وعنجهيه ونرجسيه

كيف اعذرك كيف الومك يادخيل المستعاني
نامت بقلبي الجروح وقامت الاشواق حيه

بانسى كل اللي جرحني وباسكت وباربط لساني
وباذكر اني كنت هايم في غرام الفوضويه

رارا

شاقني صوته وكلامه وروعة اسلوب ومعاني
وباعتقادي في كل البشر ماخلق زيه

لو تكلم كن كلامه قطعة انغام واغاني
كن صوته سمفونيه ولا اللحن سامريه

وان سكت في سكوته لذة الصمت وحناني
وكل من حوله يقول ان صمته جاذبيه

وادري ان الوقت يمشي والعمر كله ثواني
وادري اني من عرفته صارت ايامي شقيه

وش اسوي اذا طيري راح وتعداني
كن روحي في بعاده فانيه والناس حيه

وادري اني في بعاده فاقد(ن) عطف وحناني
وادري اني في غيابي تمتلكني وحدويه

لاتعاتبني حبيبي وحط نفسك في مكاني
وان زعلت طال ليلي والقمر غاب ضيه

ابومهند

لا شفت برقعها تهيض قلبي وزاد الحنيني
عيونها حدا الثنتين يالموت الحمر ولاسميه

حلاها مع كحل عين (ن) غزال (ن ) كامل الزيني
لو بغيت اوصف حلاها عديت من واحد لميه

حبها يسكن في قلبي مابين روحي وبيني
حب يتمدد في عروقي من هنا الى هنيه

وتعترف لي بكل بجاحه ( قلبي يسكنه اثنيني )
ويل من مثلي رصيده بالهوا صار الاذيه

ضعت مدري وين اروح يسار الدرب ولا يميني
ضعت كلي ورحت بعينها ادور عليه

يومها ضيقت صدري من القهر واسهرت عيني
كم حطبني الشوق والله وصرت له جمره غضيه

رارا

مساء الورد والعنبر والجوري المنثور
تشوقنا لصوت اللي تحرينا لشوفتها

انا وان قلت في وصفه يجيني شعور
يقول اني مقصر في توصيف قامتها

ظلام الليل بطلتها يتحول نور
وسكون الفجر صوره من هداوتها

ونور الصبح مثل وجهه عقد بلور
واذا غاب الشفق ياخذ لون بشرتها

ياصاحبي عندي لك معي شور
ودي تشوف اللي تعذبني محبتها

غاده وهيفا ونجلا وبدر بدور
وكل المعاني تليق بحضرتها


اذا حضرت يفوح المكان عطور
تلفت نظر من كان بحفلتها

كل الانظار عليها بدون شعور
واعلى طموحي تلمحني نظرتها

صدقت اني بعالمي مشهور
وذبح القلوب اهم اسباب شهرتها

ابومهند

مساء الخير والاحساس يالاستاذ والجمهور
تعالوا باوصف نجديه من قدمها لين هامتها

اميره يعشقونها الخلق ويصفون لها الطابور
عسى ربي يعديها العين وشر نظرتها

جميله مامثلها بالكون ومااحتاج شهادة زور
من الغيره عيون(ن) غمضت وعيون شافتها

جمالها دوم يسحرني ياربي وش بقى للحور
ملاك(ن) ابدع الرحمن في تركيب صورتها

وهي غاده بكل روعه ومليحه والشعر منثور
متى ماهبت نفحات النسيم تفل غرتها

تقول بدر (ن ) و بأية بدر تقول بدر بدور
وهي ماتشبه الا ماتشوفه في مرايتها

تخش القلب بلا استئذان ولا احم (ن ) ولا دستور
وتهوى تجمع قلوب الاوادم في محبتها

رارا

ترى من لامني في صاحبي معذور
عساه فدوه لعيون قطوتها

واللي يقول اني فيه مسحور
يجيه يوم يذوق قرصتها

صوته هديل مثل حمام السور
واذا حكت تميزها بحتها

واذا سكتت يعم المكان شعور
سكوتها هو سر هيبتها

ياصاحبي والله ما اسمع شور
اجل ياليتك تشوف مشيتها

عليها مشيه توقف الطابور
واذا وقفت يمشون بساقتها

واللي يشوفها يبي له دكتور
ولا يموت ما ينسى حضرتها

ابو مهند

حديقة بيت اهلها سورها العالي وحمام السور
زخارف بابها شباك غرفتها وستارتها

ورق جدرانها سجادها وتقسيمة الديكور
خزاينها هداياها تحفها ومزهريتها

رسايلها خواطرها قصصها وشعرها المكسور
دفاتر بوحها اقلامها وبرواز صورتها

شال الليل حنا الكف ظلال الليل وكحل الحور
حلقها عطرها فستانها الغالي ومرايتها

جواهرها فصوص ساعة الالماس ام ثلاث سيور
خواتمها قلايد جيدها ونقشات سوارتها

ملابسها بروق الوانها بدولابها المشطور
بزرقتها وحمرتها وخضرتها وصفرتها

مصابيح المكان اللي خذا منها النهارالنور
سنون امشاطها اللي مانست عشرة ظفايرها

بطاقات(ن) يطرزها صغار(ن) يحملون زهور
انا ما اقوى اناظر فيها بعد غياب صاحبتها

رارا

زارني طيفه البارح وانا هايم به ومحزون
تذكرت ايامنا وكيف كانت بداياتي

انا ما اخون منهو كنت به مجنون
ولا انسى يوم تفارقنا ماهمك نداءاتي

جبرني الوقف اتراجع وعادي عندك يكون
واعلنت الخضوع ولك سلمت راياتي

طواني الهم وسواد الليل كساني لون
وحتى الليل صار يسأل متى نهاية اهاتي

تذكر يوم كنت بك هايم ومفتون
وسبقنا الوقت ماندري وسرق احلى غاياتي

ذرفت الدمع ولاجلك كل شي يهون
اجامل واضحك لغيرك وعنك اخفيت دمعاتي

ابو مهند

مزحوم فكري باللي بالذاكره ينبشون
اللي بهم عقلي مشغول وعليهم احاتي

المشكله كل ما ابعد اشوفهم يقربون
والبارحه حاصروني من جميع الجهاتي

قلت ادخلوا في الحنايا وركضوا يدخلون
وسولفت معهم ونسيت نفسي وذاتي

خليتهم يسرحون بروحي وفالقلب يمرحون
ويوم طلعوا منه رجعت الملم شتاتي

رسمت بالقلب بقايا ملامحهم قبل لايختفون
احباب ولا اصدقا هم اغلى ذكرياتي

قاطعوني شهور مع اني خليتهم يشعرون
باجمل مافي الكون وباحلا مافي حياتي

بالليل بالنهار بالما بالهوا بالمزون
بالود بالحب بالاخلاص والتضحياتي

رارا

اسابق الموعد وهو يمشي على هون
بمكاني جالس وعلي ياكثر لحظاتي

اطالع الساعه واراقب اللي يمرون
وان مر زول ترتفع معنوياتي

وفجأه شفت برق وصوت رعد ومزون
وشميت عطره على بعد المسافاتي

اثرالمطر البرق والرعد والمزون
ترحب بجية زين الصفاتي

ماعطاني فرصه اعاتبه وضميته بجنون
وفتحت عيني وانا اضم مخداتي

ياطول ليلي والدقايق تمشي على هون
وياحلمي اللي سرق احلى غاياتي

ابومهند

كل عطر (ن ) فاح منها آه ياورد الغصون
يستثير الشوق فيني وغصب ينزع آهاتي

اشرع لها بيبان صدري وقلبي وحضني الحنون
واكتم الاحساس عنها وترتعش منه شفاتي

مابقى غير خطوتين بين عقلي والجنون
وقلبي يردح بالنبض ويغمره احساس عاتي

امد يدي ابي انطق تعالي هون او بالهون
واختنق بالريق واشرق ويلاصق لساني لهاتي

ياسفا به كان حلم (ن ) لاكان ولا بيكون
سراب وطيف هو اللي عليه اطبقت ذراعاتي

مالقيت لاحزاني ولا لدمعي الذارف عيون
وزادت اشواقي بقلبي وآلامي وعذاباتي

رارا

هلا باللي ترك بصمه بحياتي وترك ذكرى
بقلبي وعيني ورحل عني بلا ميعاد

وترك للرجا قلبي جريح ولا تبرى
جروحه ولو حاولت نسيانها مافاد

هلا باللي شوفته من بد الملا تشرى
بعد ماكنت انا والياس والزمن بجهاد

رحل عني بلا عذر وقال مايدرى
يجوز اللقا اللي صار صدفه بلا ميعاد

ترك قلبي وحيد وانا انتظر بكرى
وظروف الايام ماهي بكيفنا تنعاد

ابو مهند

يارب طلبتك اني انسى
هذاك اليوم ولا ينعاد

وتمحي من خيالي الذكرى
اللي اشوفها بثلاث ابعاد

ويصير لي المنان سلوى
وتبعد عن عيوني السهاد

نصيتك مالغيرك الشكوى
وانت ربي سيد الاسياد

رجيتك وبك استعين واقوى
على زمان الظلم والاستعباد

وان كان الالم مصر يبقى
فانا اعند من اي عناد

ولا اي مكان فيني بيلقى
وعمر العناد معي مافاد

بيطلع وماله عندي مأوى
احسن والله يستاهل وساد

قلبي اليوم بالفرح يسقى
ومن هذي اللحظه لي ميلاد

وهذي روحي بالامل تبرى
وتقلب ايامها كلها اعياد

رارا

المسافه اللي بيننا صارت بعيده
وكل ليلي صار هواجيس وارق

اتذكر يوم كانت ايامي سعيده
واتذكر حبنا ولو كان حبر وورق


كانت الدنيا في نظرها قصيده
وكنت الشوف القلب في محبتها غرق

لو يداري ومهما يداري مايفيده
يجي له يوم ويعترف انه عشق

آه ياحظ(ن ) رماني لها العنيده
بس تستاهل وربي اللي خلق

حبه بقلبي من وريده الى وريده
ولو سألت القلب باوصافه نطق

متميزه عن غيرها بشخصيه فريده
فرق بين الزعفران وبين الحبق

ابومهند

فجأت(ن ) اهتز الباب وبقوه شديده
وانفتحت ذرفتينه وهو حتى ما انطرق

دخل هايج يقول وينك انتي يابليده
ليه ماخيطتي شرابي اللي انخرق

وليه بعد مالفيتي صحن غداي بجريده
شيليه وسوي بداله قدر مليان بالمرق

اهلكني والله بالشغل جعل ينسد وريده
صجني بالاوامر وفوق راسي قرق

قمت كبيت بالقدر قارورة شطه جديده
وكح اول ماشرب من المرق وشرق

قال والله الظاهران هذي لعبه ومكيده
وانتفض جسمه والغضب في عيونه برق

يوم وقف صار كنه دراكولا او حفيده
ارتجف قلبي وكفوفي امتلت بالعرق

قمزت لقيت نفسي في سريري وحيده
كان كابوس مر قدام عيني وزرق

رارا

من دون ما اقصد ياهوى البال مريت
قدام بابك وانجبرت اني اشتكي له

ياباب قله اني في غيابي تماديت
خبر حبيبي اني من فراقه عليله

ياباب يوم انه نصاني انا اقفيت
ماهو زعل لا لا والله ولا ني بخيله

تدري ظروفي صعبه ومنها عانيت
تدري بعد ياباب ان مابيدي حيله

كل ما تذكرت قلمي المكسور صديت
عن الكتابه وصارت علي مستحيله

وكل ماقريت ابيات الشعر ونيت
من هجري لحروفها مده طويله

في ضيقتي بعالي الصوت ناديت
يافلان وينك هموم قلبي ثقيله

ياباب اذا مر عليك قله اني مريت
قدام بابه واني انجبرت اشتكي له

رارا

طرى على بالي الوله واسفهليت
وطريت على باله ياعزتي له

كم لي انادي وان صد ناديت
اتبع سرابه والمسافه طويله

يزورني طيفه وان غاب حنيت
بس اتحرى عودته كل ليله

يمكن تكون في غيابك تماديت
ويمكن تمر الايام بدونك ثقيله

لكن تصور فرحتي يوم رديت
وكل كلمه بروعة حضورك قليله

ابو مهند

يوم اني شفت الغالي بالرمش هليت
والقلب ياباب يفرح بملاقى خليله

شوقي فضحني في عيوني وصديت
الشوف مايبرد القلب ويشفي غليله

احرقني الدمع في نزوله وياليت
يحس فيني شوي ويبطل هميله

نسيت همومي واني بيوم عانيت
يوم انه نطق اسمي وقلبه دليله

ويوم انه طرا الفرق ياناس ونيت
ونة الم وصحت على الله دخيله

ياباب قله اني من حروفه مامليت
ولا من كثير ترديد آه يا حبني له

ياما وانا بقرب حبيبي تمنيت
اني اخفف هم قلبه واشيله

يضحك وتصرخ ضحكته مليت
يكفي تظاهر بالفرح وتمثيله

جمعت احزاني وجروحي وتماديت
ابيه يحكي لي همه وانا احكي له

زارني طيفه ومن النوم فزيت
احسب انه حقيقي زارني هالليله

ياباب قله اني في انتظاره تعنيت
ياويل قلبي من عناده ياويله

رارا

على جمر الغضى زرتني وسجيت
في عز هالليل والمطر شاد حيله

صرت اتلفت لك يوم انت ناديت
وارحب بطيفك وصرت اشتكي له

لقيتني ضيفك وانت ضيف هالبيت
ياسرع هالليله والليالي طويله

ليت الزمن وقف يوم انت مريت
والدقايق ليتها ستين ليله

تبي تعرف الحال يوم عني صديت
هي دمعه وحده صارت لك ذليله

وتبي تعرف الحال من بعد ماجيت
هي دمعة الفرحه لشوفك قليله

ماعاد فيني حيل ودخيلك اذا مريت
تذكر سوالفنا اذا المطر شد حيله

ابومهند

ياحياة الشقا وياغرابيل الزمان
كل ماقلت هانت جد علم (ن) جديد

اون ونات القهر على رهيف الثمان
في تالي الليل يخاويني القصيد

خبري به العام في شهر شعبان
ياويل قلبي كان انتهى العيد

كل ماشميت عطر ايف سان لوران
يفز قلبي وينحاس الوريد

آه ياحظي وما اقسى هالزمان
اللي رماني بدروب العنيد

جيتك وكلي شوق وانا الولهان
على الوعد جيتك وتناسيت المواعيد

اوعدك ماتعرف دروب الاحزان
ودرب الشقا بيكون عنك بعيد

دام انت شاري ياغالي الاثمان
اشريك بقلبي ولو غيري يزيد

يسحرني اسلوبك يا رفيع الشان
وتبهرني حروفك ويملكني القصيد

عسى اللي بلغني واياك رمضان
يفرحني بشوفك تالي نهار العيد

ابو مهند

خلاص انتهى شعبان ودخلنا اليوم برمضان
تمر ايام وراها ايام ومازال اللقا ء بعيد

يدور القلب تتفتت ظلوعه ويطحنه حرمان
قدر مكتوب عليه انه يعيش بهالزمان وحيد

حبيبي ليه تغيب وليه تتركني مع الاحزان
ابي اعرف سبب جرحك لقلبي ونزفه للوريد

انا ماحدني غيرك على الاه وعلى الاشجان
وما قد ذقت الا معاك الم الفراق ولوعة التنهيد

وحيده وما معي الا طيفك في داخلي غفيان
اقلب صفحة الماضي وفي الذكرى ازيد واعيد

انام شلون لاصار فيني الالم يغلي مثل بركان
حمم تلهبني وجروحي تشب وتحترق وتقيد

غريبه كيف يغلبك الغياب وتتحمل النيران
يذوب الجمر من صدك لا شاف قلبك من جليد

لو نسيت انت ما اظني بقوى على النسيان
ياليت قلبي مثل قلبك من قسوته يفل الحديد

انا من دونك اتلاشى وكياني يصير بلا عنوان
اذوي واحترق مثل الجرح لاصبو عليه اسيد

تأكد مسكنك بقلبي ولا غيرك ابد انسان
وحتى لو فكرت تبيع انا ما ابيعك بكل تأكيد

يكفيني انك تقول انتهينا واون التوديع حان
انا نفسي عزيزه وماتبي كثر الكلام يزيد

يا يدين القبر ضميني وادفن عمري يادفان
ولفوني بكفن ابيض وهو نفسه ثوب العيد

رارا