طايل وقوفي في رجاك وطال البعاد=وما ودي أنطق وأعترف انك بعيد
مدري بعادك من زعل والا عناد=بس ادري اني كنت في ودك عنيد
ليه ياترى تتركني في ليل السواد=وتجبر دموعي تصير في عيني صديد
ليه ياترى تجرح وتظلم باجتهاد=وتبغاني أصبر واحتمل ظلمٍ جديد
لا يالحبيب يمكن يكون ودادي زاد= لكن فعالك خلت العاشق شريد
وصحيح ودي أيام بهجتنا تعاد= ويلوح لي ساعتها مبداك الشديد
وأرجع أهوّن لا ذكرت انك جماد=وان قلبك بالفعل صاير جليد
وما يغيّر فيك غير رب العباد= وما أنا الا واحدٍِ من هالعبيد
دامك اللي مرخصٍ فيني المزاد = لا تظن اني على شانك بازيد!!