السلام عليكم ورحمة الله وبركاته

عطوني رأيكم واللي يجي منكم تراني قبلته

[ هاك أمسكيني في يدينك كتاب ]

هاك إمسكيني في يدينك كتاب = تقرين منه ما تمنين تقرين
وأقري كلامي فيك بليا أسباب = كلام حب فيك من دون تدرين
وش منيتك يا سيد كل الأحباب = أنا معك وين ماتبين تسرين
بسري معك من دون قياس وحساب = وأسري على جمرك لعلك تحسين
وأليا رضيتي بي ياخيرة أقراب = برضى أنا بحكمك ولو علي تقسين
يامهجة اللي فاقدٍ ربع وأصحاب = ويافرحةٍ فيني عسى ماتغيبين
ويامهجتي يا عاليه فوق السحاب = ويا وردةٍ تذبل بدونك بساتين
لاتسمعين الهرج من حاسد وكذاب = وغير ربنا الله لا لا ترتجين
أنا الك يا بنت قاموس وكتاب = وأنا الك يابنت على ماتريدين
أقلبيني بلا شرهه عليك وعتاب = أنا حلالك وسوي بي ماتسوين
واللي حكى عنك بفمه تراب = يكون عبره لكل ناسٍ معادين
يابسمتي والله ما عنك مجناب = بذكرك دايم لين دربي تعرفين
وختامها بالصلاة على سيد الأحباب = محمد نبي الله إلى يوم الدين

وسلامتكم

نادر