أنــا لِـيـه ثــلاث أيــام وأيـضـاء فـوقـهـن إسـبــوع

لـــك الله يالمـطـيـري مـوجــة التـفـكـيـر متـعـبـهـا

على شانك ومـن شانـك لـك الله ببحـث الموضـوع

على وضح النقـاء هـرج الصراحـه سـاس مطلبهـا

لأ نــك عنـدنـا غـالـي غــلا يـابـو غــلاء مـرفــوع

علـى زايــد غــلاك آزن علـومـي مـعـك وأحسبـهـا

وأداري زلـت لسانـي ولا مـا شـيـت شـيـن طـبـوع

ولا بـالـهــروج أعــــراض خــلـــق الله مـشـذبـهــا

ولكن كيف صار الوضع وأصبح من غِنى في جوع

ألا يالله عـســى وإن كـــان فـيـهـا خـيــر تكـتـبـهـا

ورى العِملـه معـي غيرتهـا وأخـتـرت هــذا الـنـوع

ولا أدري وش حصل مني ولا أعرف وش سبايبها

وصارت عِملتك مع شخص ماهو من قِريب إربوع

ولا والله خـطـر بالـبـال هــذا الـشـخـص يكسـبـهـا

وأ نـا مـا أقـول فيـه قصـور لا داشـر ولا مصـدوع

ولـكــن بالـعـقـل حـقــق ودقـــق ويــــن واجـبـهــا

أبــي تفسـيـر لـلـي صــار لا صـانـع ولا مصـنـوع

يثـبـت بالـدلـيـل شـهــود حـتــى يِـــدان صاحـبـهـا

تسلمت الكتات إللي علـى بيـض الـورق مطبـوع

رسـالـه غالـيـه مـصـدر غـلاهــا طـيــب كاتـبـهـا

بيـوتٍ صاغهـا الشاعـر بعـد جتـه المثايـل طـوع

مـــع التفـكـيـر والـهـاجـوس شَـرقـهـا وغَـربـهــا

عَليها لمست عِتاب وغَلاء من رجـل وافـي بـوع

وحِـنــا بـالـمـثـل نـغـلـيـه وحــروفــه نـجـاوبـهـا

تَمعنـت الحـروف وقـلـت يـاجـزل المعـانـي فُــوع

تَـحـرك وإنتـهـض كَـمـل عِتيـبـه فـــي مطالـبـهـا

خَويـي يشتكـي مـن عِملـتٍ فيهـا الذهـب مـدفـوع

غَريـبـه مــن يَـسـدد بالـذهـب يـشـكـي عَقايـبـهـا

تَــزور الـشـام والطـائـف ولا تـابـع ولا مـتـبـوع

وتَـرجــع والأمـانــه فـــي يــديــنٍ مــــا نِمـنـبـهـا

ومـن يهمـل بساتينـه يجـي مـن يأكـل الـمـزروع

ولآ يقطـف ثمـرهـا غـيـر مــن يُـونـس مَتاعبـهـا

وأنا مانـي بإبـن لآدن ولآنـي صاحـب المشـروع

جِـنـود مجـنـده تـمـشـي عـلــى أوامـــر معـزبـهـا

وجَميع الناس عند الله سواء من كل جِنس ونوع

ومقايـيـس الـرجــال أفعـالـهـا مـاهــي مَناسِـبـهـا

وأبيهـا ياالعتيـبـي عـنـد قـاضـي حَقـهـا مقـطـوع

علـى سلـم العـرب يِنهـي لــك القـاضـي طلايبـهـا