| الرئيسية • الأخبار • الرياضة • حواء • منطقة الرياض • معرض الصور • الفيديو • الفلاش • الألعاب • بلوتوث • ألبوم الصور • صوتيات • مركز تحميل الصور |
|
|
|
 |
 |
 |
 |
 |
 |
||
|
|
|
 |
|||
 |
 |
||||
 |
|||||
|
|||||||
أطايب شهيهلأشهى المأكولات الشرقية والغربية وأطباق حصريه بالمجالس |
 |
|
|
LinkBack | أدوات الموضوع |
|
#1
|
||||
|
||||
أطباق عالمية من مطبخي o O ღ O o بالصور
 قال رسول الله صلى الله عليه وسلم { أحب الكلام إلى الله أربع سبحان الله و الحمد لله ولاإله إلا الله و الله أكبر لايضرك بأيهن بدأت }  صباحكم سعادة بلون الورد ومساؤكم فرح بأجمل عطر شكر رائع كروعة الغيوم المحملة بالمطر لكل من دخل موضوعي فلقد جعلتموه يتألق فقط بإطلالتكم   اليوم حبيت أحط لكم أطباق متنوعة أتمنى إن تعجبكم وترقى لذائقتكم البداية (من إيران ) ^ ^ ^ مأثر فيها أحمدي نجاد والإنقلاب هناك   أول طبق هو دجاج إيراني بالروب والزعفران راح أذكر الطريقة والمقادير أسهل  نحتاج لدجاجة مقطعة 8 قطع والأفضل ( الدجاج الطازج ) نفركهم بليمون وملح وقليل خل ونخليهم حتى يروح الزفر وبعد ربع ساعة نآخذهم ونغسلهم ونسلقها نصف سلق مع بصلتين شرايح و بهارات صحيحة ( مسمار و دارسين وهيل و ورق غار ) وبعد ربع ساعة من بعد الغليان نرفعهم ونحطهم بوعاء فيه علبة زبادي كبيرة وبهارات مطحونه أهمها ( كمون وفلفل أسود و ملح و دارسين وبهار مشكل وليمون أسود ) ولون صفار زعفران ملعقه متوسطة و زعفران خيوط مذوب بماء ورد أو بماء عادي نغمس القطع كلها مضبوط بالزبادي وبعدين نرصها بصينية فرن مع الزبادي الباقي ونقصدرها بورق الفويل وعلى الفرن على نار هادئة لمدة ساعة إلا ربع ونقدمه مع رز أبيض ( أبوبنتين ) وبطاطس طازج مقشر ومقلي وسلطة الزبادي بالنعناع و الفلفل والآن نتوجه لأمريكا ( الدجاج الذهبي الأمريكي ) golden fried chicken   راح نحتاج لدجاج مقطع 8 قطع ونفس الطريقة اللي سبق ذكرها نزيل الزفر منها وبعدين نطبخ القطع على بخار بحيث نجيب قدر فيه نص ماي وبصل حلقات ونحط فوق القدر ( مشخال كبير ) فيه قطع الدجاج مع زيت قليل ونغطيه بقصدير ونخليه على البخار لمدة نصف ساعة وبعدها نرفع الدجاج ونغمسه ( بحليب سايل ) وبعدها نغمره بــ ( بودرة تابل أمريكية خاصة ) موجودة بالسوبرماركت وصورته فوق وهو بالنسبة لي ألذ بكثير من خلطة بروستد كنور أو غيره بعدها نغمس الدجاج من جديد بالحليب وبالتابل الأمريكي ونبدأ نقليهم بزيت غزير وحار نوعا ما يدوب حتى يآخذ لون ذهبي لأن الدجاج مستوي من قبل ونقدمه مع تبولة أو أي سلطة برغل ومع اكيد بطاطس مقلي فرش وباذنجان مقلي والآن نروح على الإمارات    وأقدم لكم طبق من أطباقي المفضلة ( المضروبة ) هو طبق شعبي روعة طريقته نحتاج لدجاجة أو لحم على حسب انا سويتها بالدجاج بالبداية ناخذ قدر ونحط فيه بصل ونحمسه بالزيت مع بهارات صحيحة ( ذكرتها فوق ) ونحط دجاجة مقسومة نصين ونحركهم وبعدها نحط عليها بهارات مطحونه مشكلة ومعاهم ( ليمون أسود صحيح ) ونحركهم بعدها نخلط بخلاط الكأس طماط وثوم وكزبرة و زنجبيل وفلفل و ماي قليل ونحطهم على الدجاج ولما يغلي نحط ماي يغطي الدجاج ولما يغلي نحط معجون طماطم ونضبط الملح وبعدها نرفع الدجاج ونخليه من العظم ونصفي المرق وبعدين نآخذ رز مصري مو رز عادي  على حسب الكمية نغسله وننقعه مدة نص ساعة وبعدين نحطه على المرق وهي يغلي ونحرك حتى ما يلصق بقاع القدر ونحرك بين وقت و وقت ونوطي النار لكن قبل نحط الدجاج المخلي من العظم ونبدأ بضرب الرز لما يلين ويتشرب المرق نضربه مضبوط حتى يصير مثل الصورة وفورا لما يستوي نحطه بحافظه و على الوجه نمسح سمن ونحط قطع زبدة ونصير نغرف من الحافظة على طبق التقديم وأكيد مع ليمون روعة تصير والآن من الخليج على المكسيك أقدم لكم ( أميجووس ) وهو حلى يجنن نآكله بالإمارات ومميز الحقيقة جدا للي يحب الإبتكار  نحتاج ثمرة أناناس صحيحة و فواكة مشكلة إما طازجه أو معلبه على حسب ونحتاج آيس كريم ( كون زون فانيلا ) وكيك فانيلا أمريكانا رولز أو أي نوع محشي كريمة وأيضا كريمة جاهزة ( وممكن نستغنى عنها ) وقالب ثلج ونحتاج ( أخو ) عشان يقطع ثمرة الأناناس بالنص ^_^لأنها تكون قاسية بالمرة وقوية ما قدرتأقطعها خليت أخوي  يقسمها ليالطريقة ناخذ الثمرة ونفضيها مضبوط من الأناناس ونسوي فيها تجويف مثل القارب و نتخلص من منتصف الثمرة لأنها تكون قاسية ونقطع الأناناس الطازج ونخلطه مع الفواكة وبعدين نقطع الكيك حلقات ونرصها بقاع الأناناس ونشرب الكيك بالعصير سواء بالأناناس أو بعصير الفواكة ونحط الفاكهة بالتجويف وفوقهم نحط كور آيس كريم كون زون و كريمة ونزين الطبق بأي طريقة وبعدين نصف قوالب الثلج ونحط قارب الأناناس فوقها وتصير كذا  وهذي أقرب رفعتها لكم أكثر   ومعليه الآيس كريم ذاب وأنا أصور والآن بآخذكم لإيطاليا لبيتزا الببروني    نحتاج لأي عجينة بيتزا نضبطها ولببروني طازج ناخذه من السوبرماركت بالكيلو ونخليه يسويه لنا شرايح سميكة نوعا ما لأن الببروني لو كان خفيف يذوب ونحتاج بعد لجبن موزريلا والأفضل على الإطلاق جبنة بريزدنت لأنها ممتازة وتتحمل الحرارة وناعمة وطرية بجد هي ألذ نوع والأفضل من الأجبان اللي جربتها ونحتاج والأفضل يكون عندنا ( صينية خبز البيتزا ) ما أستغنى عنها لأنها تساعد على إن تكون البيتزا منتفخة ومستوية بشكل متساوي وعندي مثل الصورة صينيتين وحده بفتحات صغيرة والثانية أكبر فتحاتها بالبداية نجهز صلصة عبارة عن طماطم مبشور ومعصور + 2 ملقعة معجون طماطم و2 ملعقة كاتشاب و 4 ملاعق زيت زيتون وملح وفلفل أسود وكمون وأوريجانوا وملح ونخلطهم على النار حتى يتجانسون وهذي ( ألذ صلصة بيتزا جربتها ) بعدها نفرد البيتزا ونحط الصلصة ونصف الببروني وندخلها الفرن ننتبه هنا ما نحط الجبنحتى تستوي البينزا ولما تستوي نطلعها ونرش الجبن الموزريلا وعلى شواية الفرن حتى تذوب ونوقف عند الفرن عشان ما تحترق الجبنة وبعدين نقدمها بألف عافية  والآن نروح على الأردن مع طبق (مندي اللحم ) هذا الطبق رووووووعة الحقيقة ويصلح لو كان عندكم ضيوف  نحتاج للحم مغسل ومنظف ومسلوق مع حبة بصل وملح وبس ( لأن نبغى طعم اللحم الأصلي ) وبعدين لما يستوي اللحم نرفعه ونصفي المرق ونخليه للرز واللحمات نغمسها ب( بلبن مع بهارات ناعمه وصفار زعفران نغمس كل قطعة لحم بهالخليط وبعدها نحطهم بصينية فرن مع باقي اللبن ونقصدرها بالفويل وعلى الفرن على نار هادية لمدة نصف ساعة  وبعدها نطبخ الرز بماي اللحم بأي طريقة نحبها ولازم ( يكون رز طويل الحبة ) وبعدها لما ينشف ماي الرز نحط فلفل و نرص قطع اللحم فوق الرز وبالنص نحط ( طاسة ) فيها زيت ونحمي جمرة على النار وبعدها نحط الجمرة بحذر بوسط الزيت اللي بالقدر ونغطي القدر بسرعة وبعد 5 دقايق نرفع الغطى ونخلي الدخان الباقي يطلع وبعدين نغرف الرز وفوقه اللحم ونقدمه مع أي نوع سلطة والآن أتركم مع أطباق منوعة وأغلبها معروفة  ^ ^ ^ ^ هذي لها قصة جاتني أختي قبل أسبوعين وطلبت مني أطباق لأن عندها حفلة بالمدرسة وطالبين أطباق من البنات ففكرت وش أسوي ؟حتى قررت إن أسوي كرواسان جبن أبيض مالح بالزيتون  مع كيكة بكريمة المارس  وحطيتها بسلة فرشتها بورق دانتيل والكيك قطعته وحطيته بورق بلاسيه وهنا مكرونة مرقوق ( على طول نفضيها بحافظة ونغرف من الحافظة للطبق )   وهنا عندنا مكرونة باشميل مع ورق عنب ^ ^ ^ طلبهم مني أخوي لأن كان خاطره فيهم  و ورق عنب   وهنا عندكم صينية خضار مع رز و خلية نحل  خلية نحل بجبن كيري  وهنا بسبوسة بالقشطة  وألف صحة وعافية على قلوبكم ولو إحتجتوا أي توضيح او إستفسار حاضر أبشروا بكل خير أو لو بغيتوا طريقة الأطباق اللي بدون كتابة للمقادير حاضر من عيوني والله يوفقكم لكل خير وفرج ^_^ ولا تنسوني من صالح دعواتكم  قام بآخر تعديل مسك و ورد يوم 23-06-2009 في 07:02 PM
|
23-06-2009, 07:11 PM
|
#2 |
|
سحر الانوثة
 
  |
رد : أطباق عالمية من مطبخي o O ღ O o بالصور
الله يعطيك العافيه |
|
|
|
23-06-2009, 08:33 PM
|
#3 |
|
Oo عاشقــة الـفـردوس oO
مراقبة اطايب شهية  
|
رد : أطباق عالمية من مطبخي o O ღ O o بالصور
وعليكم السلآم ورحمة الله وبركآته ..~ هلآ والله وغلآ نورتي القسـم ،، مآشآء الله تبآرك الرحمن ،، أطبـآآق بجد خطيييييييييره و تشهي بآلمره الدجآج الأمريكي شكله عذآآآآآآب  والبتزآ شـــــي ثآني ربي يحفظك من كل مكروه ،، ربي لآيحرمنآ منك ولآ من جديدك ..~ أكيــد مثبت |
|
|
|
|
24-06-2009, 12:51 AM
|
#4 |
|
•{ هَذٍهـ آَنَــــا ... !!
مراقبة سابقة 
|
رد : أطباق عالمية من مطبخي o O ღ O o بالصور
هلا وغلا بمسك نورت اطايب بكلها ماشاء الله لاقوه الا بالله اطباق تفتح النفس مادري وش اختار وش اخلي مره نفسي اذوق المضروبه شكلها بجد يشهي طبعا عشانه من يديك ماشاء الله ترتيب وتنظيم وطرق اكثر من رائعه طولتي علينا بس رجعتي باطباق تفتح النفس ربي يسلم هاليدين ويحرمهم عن النار . |
|
|
|
|
24-06-2009, 03:34 AM
|
#5 |
|
شمعة الدنيا
متميزة مجلس الاناقة والجمال
|
رد : أطباق عالمية من مطبخي o O ღ O o بالصور
 ماشاءالله تبارك الله شي روعه تسلم ادينك انا عن نفسي ابي ورق العنب هم هم لذيذ ويعطيك العافيه على هالاكلات الحلوه ماقصرتي وعلى هالتنسيق الحلوه |
|
|
|
|
24-06-2009, 05:37 AM
|
#6 |
|
مراقبة طريق الإبداع
الـ ع ـــالميه ~ ح ـــلم ~
 |
رد : أطباق عالمية من مطبخي o O ღ O o بالصور
اطباق خياليه كل طبق يجنن وخصوصا الدجاج الذهبي واااااااااااااااو شيء ثاني الله يسلم هاليدين ويحرمهم عن النار والله يخليك لعين ترجيك (: دمتي بخير |
|
|
|
|
24-06-2009, 09:04 AM
|
#7 |
|
яqsţ άLάвέέŕ
مراقبة الديكور والمنزل
|
رد : أطباق عالمية من مطبخي o O ღ O o بالصور
وعليكم السلآم ورحمةالله وبركآته:~ْ مآشاءالله عليك.. أطبآق تشهي بقوهـ.. ربي يعافيك~ |
|
|
|
24-06-2009, 07:35 PM
|
#8 |
|
عضو فعال
|
رد : أطباق عالمية من مطبخي o O ღ O o بالصور
الأخت الكريمة / مسك و ورد  ياكذا المواضيع يابلاش ....   موضوع خمس نجوم .... ننتظر المزيد من هذه الطبخات الجميلة . وتقبلي أعذب التحايا .  |
|
|
|
|
24-06-2009, 08:45 PM
|
#9 |
|
عضو فعال
|
رد : أطباق عالمية من مطبخي o O ღ O o بالصور
الله يعطيك العافيه ومشكوره  |
|
|
|
|
24-06-2009, 09:46 PM
|
#10 |
|
Ă7βķ Şudeeя
|
رد : أطباق عالمية من مطبخي o O ღ O o بالصور
طبــخآت جــدآ مشهيــه ..  |
|
|
|
|
| علامات |
| دالّة الموضوع |
| ღ, أطباق, مطبخي, بالصور, عالمية |
| زوار هذا الموضوع الآن : 1 (0 عضو و 1 ضيف) | |
| أدوات الموضوع | |
|
|
