أطايب شهيه

فهد المهوس · #1

سلام عليكن
مساتسن الله بالخير يا بنات ويا حريم وانتم يالشيون
عندي طبخة المرقوق المشهورة عندنا بحايل واكيد تعرفونها ويمكن مشهورة عندكم بس نانسي عجرم غطت عليها شوي
طبق حلو ويصلح دايم عشاء

قلنا عشا لا تشوف عيني اشوف واحد يضرب بالخمس مرقوق ادا يالله لاتبلانا مشفووحين

المكونات
1- نص عجينه معجونه مع ملح وشوي ماء بس لا تنسين تخلين العجينه رخوة (( يعني لينه))
2- بصل وطماط وبزار
3- صلصه
4- شوي سمن غنم
5- قدير متوسط

طريقة التحضير

1- سوي شرايح من العجينه ( بس خليها شوي سميكة )
2- قطعي الشرايح هذي مربعات صغيرة
3- احمسي البصل والطماط مع ملح وسمن غنم مع البزار
4- صبي (( اسكبي))على الحمسه هذي ماء وخليه الى نص القدر وخليه يغلي
5- اذا شفتيه غلا حطي شرايح العجينه به وخليها تطبخ معاه لين ينش الماء ( يقرب يخلص الماء )
6- بعدين يصير جاهز للتقديم واذا بغيتي معاه لحم اطبخي اللحم لحاله وحطيه فوقه او كومية وحطيه معهن <- تقرفتوا صح

<---- واعذرونا على الصور لإنها ماطلعت تخبرون اليدين يخرعن يالله لاتبلانا ولاقدرنا نلحق نصور غير والزقرت شابينهافي الصحن

يالله

لاتشوفكم عيني

رفيع الشان · 29-08-2005, 12:25 AM

سمن غنم يالظالم من وين اجيبه

الله من المطاريس يالشقردي مكرونه وعسى تنوكل

اقتباس


	اذا شفتيه غلا حطي شرايح العجينه به

ليت العجوز والله تسمعك وانت تقول شرايح كان اقلبت القدر على راسك

واللحم تكويم

الله يعين معانق على اكل طبخاتك

يعطيك ربي العافية

تقبل تحياتي

فهد المهوس · 29-08-2005, 12:31 AM

^
^
^

وهـ يامل قلبٍ عجوزنا بحايل تسن جاز لها الوضع هناك ومخليتني بلحالي

يالله طبق المريقيقه وادع لي

اما سلطان يسلم عليك هالخاثر

Bent Najd · 29-08-2005, 12:33 AM

احم احم باي لغة يا مهاجر هالطبخة بعدين اخبر المرقوق مو مربعات دوائر هذااولا ثانينا اخبر فيه لحم وخضار مثل الكوسة واليقطين << يمديك على اليقطين هع هع والباذنجان والفلفل الاحمر الحار

والا يا اهل نجد

فهد المهوس · 29-08-2005, 12:36 AM

^
^
^

وش مدريتس بخنبقتي انتي

طبقي الطبخه واكليها وانتي ساكته

بعدين اليقطين يوجع البطن يسبب اسهال

هع هع هع واربع هعات

بنت النور · 29-08-2005, 02:23 AM

هههههههه الله يرجك يامهاجر ويامحلاه من مرقوق بس خل فيه مرق شوي خخخخخخخ منيب احبه ناشف لاهنت

مشكور والله يعطيك العافيه

رفيع الشان · 30-08-2005, 12:30 AM

اقتباس


	اخبر المرقوق مو مربعات دوائر

هذا مرقوق شمالي

ومهاجر غابت عنه الوالده ولعب في المطبخ

toofy · 02-09-2005, 02:34 PM

يااهلييييين وسهليييين مهاجر
وعليكم السلام ورحمة الله وبركاته

سوري مهاجر توني انتبه انك داخل مطبخنا

بس عندي سؤال مهم جداً

من أكل المرقوق ؟
وبعد الأكل كم من الحوادث و التسمم والوفيات صارت ؟

أمزح معاك مهاجر
الأكل من يدك يجيب العافيه

تسلم ايديك
وماننحرم من دخولك المطبخ

فهد المهوس · 02-09-2005, 04:37 PM

<--- يحس ان ضميرهـ يأنبه حتى الآن عدد الوفيات 5 والتسمم 20

يآآآآآآآخي انا مايجيني شي ليش انتوا كذا يآآآآآآخي (*_^)

لاهنتوا جميع وعلى فكرة هذي مربعات يآآخي نبي نغير وش معنى بيتزا هت احسن مني ولا قد سمتعوا فـ بيتزا مربعات

توفي هع هع وخري جبهتك بليز

الف شكر للجميع