أطايب شهيه

بنت النور · 29-10-2005, 06:38 AM

والله من شفت الكبيبا وانا عارفتها

اذكرها تصلحها لنا حايليه من ذو مبطي الله يذكرها بالخير

بصراحه طعمه مره

وكل هذا تاكلوونه المغرب ولا وشو !!

متى يمديكم تطيب

متى تلحقوون ع الصلاه خخخخخخخخخخخخخخخخ

jo0o0ry · 29-10-2005, 02:05 PM

ياعيني ياعيني

رجااال بيوت

يم يم شكل المعكرونه بالباشميل يجنن >>> تقدر هالأكله

تسلم الايادي اللي طبخت

بالتوووفيق يامهااجر

تحياتي

أميرة الرياض · 29-10-2005, 02:25 PM

ما شالله من ذي سفته من ذولا الرايقين خخخخخخخخخ

على الفطور حدنا لقيمات وشوربه ويالله الرجاجيل يلحقون على الصلاة خخخخخخ

أجل وشلون لو فيه كل ذا الخرابيط كان ماصلوا في المسجد خخخخخخخ

المفروض بس لقيمات وشوربه على الفطور

وبعد الفطور تحط إلي تبي خخخخخخخخ

ماشالله يا مهاجر بالعافيه عليك مطرح مايسري يمري

تحياتي لك

أمــــــووووره أنـــــــــا

الجووهرة · 29-10-2005, 02:28 PM

كمرتك شكلها في جيبك ما تفوت لك اي شيء ..
بس حركة حلوة ..

اهم شي المكرووونه بالباشاميل ..

بس والله اشك انك اللي مصلح الفطور ..
عارف تفاصيل كل طبخه ..

بالعافيه .. والله يرجع لكم أميمتكم بالسلامه .. (عشان ما ستقوي على اخوك الصغير )

بالتوفيق

toofy · 29-10-2005, 02:52 PM

فهد المهوس · 29-10-2005, 09:43 PM

بسم الله علي منكم

الحين احد قايل لكم ان هذا الفطور قبل الصلاة

<----------- هذا فطورنا بعد ماجينا من المسجد <-- افلقني اذا انت رحت معهم تسني اشوفك صليت بالبيت

المهم ياتوفي تسلمين على الوسام ولاهنتِ وهذا طلبك وبناء على طلبكم جبت لكم وصفة الكبيبا ..

المقادير :

ورق عنب طازج (( احنا نقطفه من المزرعه )) او ورق عنب اللي يباع في علب ..

رز بيشاور

بهارات

شرائح بطاطا .

لحم غنم ويفضل بدون عظم

طماط + بصل + ماجي + فلفل أخضر + حبتين ثوم صغيره <--- طبعاً تخلط جميعها بالخلاط مع بعض

الطريقة :

اول شي نطبخ الأرز ونضيف له مخلوط الطماط والبصل والماجي الخ .. ونطبخه لحد مايكون نص مستوي يعني حب ..

بعد مانطبخه طبعاً بيكون طاغي عليه المخلوط .. ونحسه نشف فيه

نجيب الرز ونلفه بورق العنب بشكل خماسي .. او الشكل اللي يريحكم ،، ونلفها زين علشان ماتتفكك ..

بعد كذا نجيب القدر ونحط شرائح البطاطا تحت ونصف ورق العنب ونخليه متراصه مع بعض وبين كل طبقتين نحط شرائح بطاطا ..

بعد ماننتهي من وضعها بالقدر نضح اللحم فوقه ونسكب عليه مويه وشوية ملح ونغطي الطبقات كلها يعني المويه مغطية طبقات ورق العنب ونسكرهـ ونحكم اغلاقه .. ونضعه على نار هادئة وبعد كل 20 دقيقه راح ينقص المويه ونزودها زي قبل لاحد ماتتغطى الطبقه .. ونتركه لحد ماينشف المويه وتشوفونه مستوي .. وبعدين تآخذونه وتصفونه وتزينونه بليمون عا\د انتم وذوقكم

وهني على قلوبكم يارب

<-------------- وحبيبكم مييييييين هجووووووري

ان شالله اني اكون افدتكم واي سؤال انا بالخدمه

هاه ياتوفي فزت الحين ولا لا

متى افووووز

معانق الليل · 29-10-2005, 10:28 PM

^
^

تكفين يا تـــوفــي فوزيهـ خليهـ يجمع راسين بالحلال قصدي فوزين مستحقين

<<--- يبي يفحط بهـ بشارع الضبان هههههههه

والله يامهاااااجر من يوم شفتك اليوم وعرقك ياصب وريحتك تنشم من بعد كيلووو وخرررن تبي تسمع بشير

وأنا متأكدن انك متخم من هالمقادير

فهد المهوس · 29-10-2005, 10:44 PM

<----------- البقاء للأفــضل

نسيت الكبسه اللي صلحتها لك بالبر يوم تقول وراك ماكثرته

<--- اروح وطي مع نفسي ياشيخ

وخر بس انت وجبهتك ولا عاد اشوفك تقول مشتهي شوي

$النــal_na3sـــاعــس$ · 01-11-2005, 10:03 AM

ولله منت هين ورق عنب وحركات

الى اقول ورى ما تفتح مطعم مدام عندك كل هالخبره

<<مايعرف يزين الى بيض وبلحسر

يعطيك العافيه

اعطر التحايا

Bandar · 01-11-2005, 10:13 AM

الســــــــــلام عليكم

حركات يا مهاجر ولا تنب علينا ولا شي هع هع

شكل اللقيمات شي ما شاء الله

تسلم الايادي يالغلاااا

ويعطيك الف عافيه

تحياتي

أطايب شهيه

لأشهى المأكولات الشرقية والغربية وأطباق حصريه بالمجالس

افطار مهاجر " طبق المسابقة "

بيـــتزا بيتــــزا ( طبق المساااااابقه)

..:: فهــرس مــواقـــع الطبــخ ::..

»

الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور

زوار هذا الموضوع الآن : 1 (0 عضو و 1 ضيف)

أدوات الموضوع
عرض صفحة الطباعة إرسال هذه الصفحة إلى صديق