| الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور | |
|
|
|
|
|||||||
| الانتساب | تعليمات س - ج | قائمة الأعضاء | المفكرة | إشارة الأقسام مقروءة |
أطايب شهيهلأشهى المأكولات الشرقية والغربية وأطباق حصريه بالمجالس |
إعلانات منتديات منطقة الرياض
|
|||||||||
|
|||||||||
 |
|
|
LinkBack | أدوات الموضوع |
11-12-2006, 08:52 PM
|
#11 | |
|
كبار الشخصيات
سيدة القلم   |
رد : ][^][®][مطبخ أمي ][®][^][
أحييي جميع المتواجدين في مطبخ أمي وحياكم على طبق من تحت يدين أمي وهذا الطبق رغم بساطته الا إنه من أحب الأكلات الشعبيه عندي وبشرط تكون من مطبخ أمي ويكون معها خبز تنور من مطبخ أمي ومن تحت يدين أمي ساعتها تدوروني ماتلاقوني يعني قصة هوى وإعجاب تربطني بمرق الباميا من زمان والمشكله يوم أصلحه مايطلع بنفس الطعم سألت الوالده عن سر الطبخه أعطتني عدة نقاط لازم تكون موجوده حتى تضبط معي مرقة الباميا : 1- لابد إنها تنطبخ مع لحم 2- الثوم شيء ضروري فيها 3- الباميا نفسها يكون حجمها صغير 4- الصلصه لابد إنها تكون واضحه يعني علبه كامله على مقدار قدر يكفي لأربع أشخاص 5- وشي مهم بعد ماتستوي الطبخه لابد إني أخفض النار عليها جداااا ونخليها تبقبق بشويش وتتهدر واللحم يكون ذااايب فيها ومستوي بالمره هذه هي قصة حبي للباميا ولي عوده بس ورونا مشاركاتكم
|
|
|
|
11-12-2006, 09:03 PM
|
#12 | |
|
كبار الشخصيات
سيدة القلم |
رد : ][^][®][مطبخ أمي ][®][^][
هلا والله بأختي / نجديه وكلي فخر الله يسعدك على هالمشاركه بس أحس إن الأسئله قيدتك خذي راحتك غاليتي والصفحه مبسوطه لك إجلسي فيها وخذي راحتك وسولفيلنا عن هالطبخات اللي تصلحها الوالده الله يخليها لكم يعني هالبهارا اللي تشتريه من القصيم وش ميزته عن البهارات اللي متواجده هنا بأنواعها وهالطرق التقليديه في الطبخ ودي أعرفها وماشاء الله الوالده شكلها تهتم بأمور الضيوف ياليت نشوف بالصوره كم نوع منهم وننتظر عودتك وخذي راحتك أختي لاتتقيدين بجميع الأسئله وشاكره لك حضورك ومافي مانع تصورين مطبخ يشرفنا والله نشوفه |
|
|
|
|
11-12-2006, 09:22 PM
|
#13 | |
|
..*لَسْتُ إِلاّ أَنـَـا*..
مراقبة المجلس الإسلامي  |
رد : ][^][®][مطبخ أمي ][®][^][
أكثر أكله احبها من أمي السليق من كنت صغيره لأني كنت ما آكل الا الشي الأبيض والى الحين احبه واستانس لما تسويه امي ويكون معه سلطة الطماط بالفلفل .. كنت لما أشوف امي في المطبخ وأنا صغيرة آخذ من العجينه اللي تسويها امي وافردها بعدين ارميها بس جذبتني فكرة الخلط والتحريك وعلى طول قلت بأصلح شي وأخذت عصير التانج مع تايد مع فيري والظاهر حطيت دقيق وخلطته وحطيت فوقه زيتونه وتفرجت عليه.. بس أول تجربة لي يعني وكلوا منها أهلي هي الرز بالخضار وكان مضبوط بس بدون دجاج ولا لحم(نباتي) والجريش هو الطبق اللي تضبطة أمي الله يخليها .... وعند أمي فنجان صغير تستعمله لمقدار القهوة وهو من زماان عندنا وأمي تحب تستعمله ومخليته للحين وأمي ما تتقيد بمقادير الا اذا صارت من كتاب الطبخ بس ..
|
|
|
|
|
11-12-2006, 09:57 PM
|
#14 | |
|
كبار الشخصيات
|
رد : ][^][®][مطبخ أمي ][®][^][
((يعني هالبهارا اللي تشتريه من القصيم وش ميزته عن البهارات اللي متواجده هنا بأنواعها )) بصرااحه البهارات هذي تشتريها امي من واحده لها خبرة في خلط البهارات ومنها نوعين مطحون للكشنه والجريش وغيرها وعدل للارز ويشخل قبل وضع الارز عالمرقه ميزته بصرااحه انا جربت انواع كثيرة من البهارات وللحق البهارات اللي تشتريها والله تعطي الاكل لذة ونكهة بعكس البهارات الاخرى فيها نكهه بس خفيفه ومشكوووورة ولي عودة ان شاء الله
|
|
|
|
|
12-12-2006, 06:53 AM
|
#15 | |
|
مراقبة سابقة
|
رد : ][^][®][مطبخ أمي ][®][^][
1- أفضل أكله أكلتها من مطبخ أمك .. (فقط أوصف لنا شكلها ) بصراحة امي تبدع بالقرصان علية طعم بحياتي ذقت زية وصف القرصان يكون بقدر وسيع ومو عميق وعلية كشنة وقطع لحم وبعض الخضار اممممم وطبعا القرصان هي اللي تخبزة <<< ماتثق بقراصين الي بالسوق والجريش يجنن امممم يكون ابياااااااااض مرة وعلية كشنة حمراء تجنن وقهوتها ياعيني عليها تصدقين انا وخواتي ماعرفنا نسوي زيها وطبعا هي اللي تحمسها واذا ذاقت قهوتي ماتعجبها تقولي قهوتك موية 2- أكثر أكله تشتاق إليها من مطبخ أمك ولكن لاتتوفر فيه دائما الحميسة وهي مرقة مكونة من لحم وكبدة وكرش وكلها لازم تكون طازجة وماتتوفر الا بعيد الضحية وزين الحمد الله قرب عيد الضحية 3- أول تجربه لك في مطبخ أمك ( حدثنا عنها بكل تفاصيلها ) بصراحة ماتذكرها مرة بس اذكر ان اول طبق سويتة مكرونة سباقتي 4- علاقة الأم في بعض أدوات مطبخها علاقه شبه عشق وهوى فما هو أكثر الأشياء إلتصاقا بمطبخ أمك ولك فترة طويله وأنت تشاهده اوووة امي تموت على شي اسمة مواعين وقدور واالآت كهربائية واغلبها ماتستعملها قبل ما اتزوج اذا رحت انا ويها السوق وضيعتها علطول ادور بمحلات المواعين القاها وحتى الآن مايشتري لي القدور الا هي 5- صور لنا بعض هذه الأدوات والأكلات وإن كنت كريما أيضا صورة لمطبخ أمك ككل ياليت والله بس امي بالقصيم وانا بالرياض 6- ماهو سر تميز أكلات مطبخ أمك سر ماني معلمتكم  امي ماتستعجل بالطبخ يعني اكلتها تطبخ على رواق وتعتمد بطبخاتها على السمن البلدي والبهارات هي اللي تسويها واكيد انا استعمل بهراتها وايضا الخضار تفضلها تكون صغيرة الحجم وطازجة مشكورة ام يارا اتمنى قدرت اوصلكم تميز مطبخ امي الحنونة
|
|
|
|
|
12-12-2006, 09:36 AM
|
#16 | |||||||||||||||||||||||||||||||||||||||||||||||||||||||||||||||||||||||||||||
|
كبار الشخصيات
سيدة القلم |
رد : ][^][®][مطبخ أمي ][®][^][
 &شمـ(الراسية)ـوخ& هلابك عزيزتي وحياك الله في مطبخ أمي
السليق هذا وشو أسمع في إسمه بس ماأعرف شكله
الله يسعد قلبك وربي ضحكت من قلبي وبعد زيتونه
ماشاء الله زين يوم ضبط معك من أول مره أنا أول طبخه نسيتها وطلعت للسوق وثاني طبخه زعلت وتركتها وثالث طبخه حرقتها بالكامل ورابع طبخه إضبطت بس كانت مالحه وخامس وسادس وسابع الى يومك هذا
فعلا في حاجات تبقى ولايمكن نقدر نستغني عنها أمي مثلا عندها كاس باستيك كبير لونه عنابي تقيس فيه مقدار الرز من يوم وعيت على الدنيا وأنا أشوفه الى الآن ماتعرف تقيس مقدار الرز الا فيه حتى الطباخه تعودت على كذا أشكرك أختي الغاليه على هالمشاركه وإذا عندك شيء تحبين تقدمينه من سر في نجاح أي طبخه فلا تبخلين علينا فيه ولك مني أرق تحيه |
|||||||||||||||||||||||||||||||||||||||||||||||||||||||||||||||||||||||||||||
|
|
|
12-12-2006, 12:18 PM
|
#17 | |
|
مراقب سابق
|
رد : ][^][®][مطبخ أمي ][®][^][
أسعد الله أوقاتك بكل خير كما هي عادتك التميز شعارك وخيتي أم يارا صدقيني كل شيء يكون من يديها هو جميل لا أستطيع التحديد فكل ماهو منها جميل الله يطول بعمرها يارب ويبعد بيني وبين اليوم الذي سيفقدنيها دمتي متميزة تقبلي تحياتي
|
|
|
|
|
12-12-2006, 08:32 PM
|
#18 | |
|
كبار الشخصيات
سيدة القلم |
رد : ][^][®][مطبخ أمي ][®][^][
نجديه وكلي فخر حياك الله مره ثانيه عزيزتي والله يالغاليه في شغلات تطيح عليك من السماء وماتلاقي غيرها مثيل اذكر وحده يتكلمون عنها في الكويت تصلح بهارات بس تخلطها بشكل عجيب وصابها سرطان وتعالي شوفي الحريم متحسفين على هالبهارات اللي راح تنقطع عنهم وياحرام ماحد فكر بحالها وبعد ماشبه تشافت الآن رجعت تصلح لكن بسعر دبل قيمة الوحده بإثنين ومع ذلك الشغل عليها بشكل مايوصف لكن ماسلمت من دعاوي الحريم بعد رفع السعر ياحرام بتموت من دعاويهم مابغت هالتجاره شاكره لك عزيزتي على حضورك وإذا خطر ببالك شيء من يحلي الطبخه ويضبطها فلاتبخلين علينا فيه |
|
|
|
|
12-12-2006, 08:41 PM
|
#19 | |
|
كبار الشخصيات
سيدة القلم |
رد : ][^][®][مطبخ أمي ][®][^][
شــهد حياك الله أختي شهد ياختي شوقتينا على طبخ الوالده أحس إن القرصان طالع جنان اما القهوه ماأحبها ولاأطيقها ماأدري كيف تشربونها والله يجمعك في الوالده عن قريب وتذوقين الحميسه من تحت يدينها وتشبعين منها قرصان وساعتها ياليت تذكريني بالخير وتقولي للوالده أم يارا كان نفسها في طبختك هذه مشكوره أختي وربي ماقصرتي الله يعطيك العافيه |
|
|
|
|
12-12-2006, 08:44 PM
|
#20 | |
|
كبار الشخصيات
سيدة القلم |
رد : ][^][®][مطبخ أمي ][®][^][
عريس المجالس الله يحيك بمطبخ أمي والله يخلي لك الوالده ويحفظها لك ويحفظك لها بس ليه بخيل في مشاركتك وين أسماء الطبخات اللي تحبها ومعقوله ماكنت لك تجارب طبخ وين وصفة الكمون ومين علمك عليها بانتظارك |
|
|
|
|
| زوار هذا الموضوع الآن : 1 (0 عضو و 1 ضيف) | |
| أدوات الموضوع | |
|
|
مواضيع ذات صلة
|
||||
| الموضوع | الكاتب | المجلس | المشاركات | المشاركة الأخيرة |
| |--*¨®¨*--|مطبخ ملح لح يرحّب فيكم |--*¨®¨*--| | المليحة | أطايب شهيه | 34 | 13-12-2006 01:28 PM |
| شف المثابره والعمل والجد للي يبي يصير غني | الصقر999 | المجلس العام | 2 | 15-11-2006 07:09 AM |
|
Powered by: vBulletin® Version 3.6.10 Copyright ©2000-2008, Jelsoft Enterprises Ltd.
SEO by vBSEO 3.1.0 Translated By vBulletin®Club©2002-2008 |
