أطايب شهيه

عريس المجالس · 12-12-2006, 09:03 PM

حياك المولى أختي أم يارا
ليس بخلاْ بقدر ماهو جهلاْ بالطريقة
<< أخاف تقولون كيف تسويها أقول مدري
المرقوق تجيدهـ بإمتياز
أذكر أني شاركت بالمرقوق في حفل إفطار في الكلية
ورغم حضوري متأخراْ إلا أنه لم يبقى منه شيء
<<< الإفطار كان عبارة عن أفضل طبق

تجاربي في المطبخ في شيء واحد فقط
روح ياعبدالرحمن طفّي عن الغداء ومن هـ الأمور

الكمون ليس من مطبخ الوالدة وإنما من مطبخ مجاور

تقبلي تحياتي

نجوم القايله · 15-12-2006, 12:02 AM

اول شيء احب اشكرك يا ام يارا على هذا الموضوع
موضوع رائع وجهد كبير ماشاء الله عليك
الله يجزاك خير ان شاء الله
بصراحه مواضيعك دائما مميزه وانا متابعه لها باستمرار

الموضوع هذا قريته امس انا بصراحه ما احب المطبخ ولا احب اطبخ لكن بعض الاحيان ادخل يعني في السنة اسوي صينيه حلى من اللي ما يدخل الفرن بعد لكن من كثر ما هو عاجبني الموضوع بسرعه سكرت الجهاز ورحت لامي ومعي ورقة وقلم وجلست اسالها ما تتخيلون كانت مبسوطه مره وفي نفس الوقت مستغربه لما خلصت سالتني امي ليش كل هذا قلت لها عن الموضوع كله فرحت كثير لاني اقرا مثل هذي المواضيع وقالت سلمي لي على راعية الموضوع والله يجزاها خير

بالنسبة لأفضل أكله أكلتها في مطبخ أمي ،،،، بصراحة كل طبخ أمي لذيذ لكن أفضل أكله كثير ناس يسوونها وهي سهله مره لكن ما يكون طعمها مثل طبخ امي هي المراصيع لها اسماء كثيره عباره عن دقيق بر وبيض وحليب تعجن بمويه وتكون سايله وتخبز على الصاج بعد ما تستوي يوضع عليها السمن او العسل او كشنة البصل مع الطماط وممكن مع العجينه يوضع بصل اخظر هي بصراحه سهله مره لكن ولا مره ذقتها مظبوطه مثل اللي تسوي امي
حتى انا جربت اسويها مره وامي هي اللي صلحت العجينه لكن ما ظبطت السر في العجينه وفي طريقه تصليحها بعد

اكثر اكله اشتاق لها من مطبخ امي وما تكون متوفره دائما هي العصيده او المحلا لذيذ مره لكن ما يتوفر دائما لانه حلاته بالشتاء بس وبعدين هو متعب مره علشان كذاما احب اطلبه من امي علشان ما اتعبها

اما اول تجربه لي فهي قصه طويييييييييله
كانت عبارة عن كيك بالليمون كنا طالعين في استراحه وكانت خالتي مسويته مره طعمه رهييب كانوا كثيرين مره وما وصلني الا قطعه صغيره علشان كذا قررت اصلحه اخذت المقادير ولما رجعنا للبيت دخلت المطبخ وشمرت عن سواعدي وبديت اصلحه ما بقى ولا صحن ولا ملعقه ولا كاس الا طلعته ولما انتهيت تذكرت اني نسيت اولع الفرن قلت ما عليه ولعته من داخل ودخلت الكيكه بعدين ولعت على البريق عشان اصلح شاهي يعني مع الكيك وطلعت من المطبخ بعد تقريبا ربع ساعه سمعت صوت انفجار في المطبخ وبسرعه كل البيت راح للمطبخ انفجر الفرن وصارت حريقه لكن الحمد لله كانت صغيره وابوي كان في البيت بسرعه طفاها مدري وش اللي صار لكن اتوقع انه انا فتحت الغاز وما ولعت النار داخل الفرن ولانه كان فيه نار فوق انفجر الفرن
انا خفت ودخلت غرفتي وما طلعت منها الا بالليل ولما رحت للمطبخ اشوف وش صار ما لقيت الفرن ولا الكيكه الظاهر انها للحين في الفرن طبعا جتني تهزيئه محترمه من كل اللي في البيت حتى الشغاله
اما الحين فحدي حلا وما يدخل فرن بعد وإلا بيض مسلوق او مقلي وان بغيت اغير شوي شكشوكه بدون بصل لاني اذا حطيت بصل يحترق

علاقة الأم في بعض أدوات مطبخها علاقه شبه عشق وهوى
فما هو أكثر الأشياء إلتصاقا بمطبخ أمك ولك فترة طويله وأنت تشاهده

اشياء كثيره ,,,, امي تحب اغراض المطبخ كثير وتهتم فيها وتحافظ عليها مثلا عندها قدر من ايام زواجها وللحين وهو في حاله ممتازه بعد عندها فرامه لحم وعصارة برتقال قديمه وما زالت تشتغل واحسن من الجديده بعد
كان ودي اني اصورها لكم لكن ما قدرت

اما سر تميز اطباق امي فهذا اللي جلست مع امي اكثر من ساعتين وهي تشرح لي عنه
اول شيء التسميه لازم تسمين قبل ما تبدين في أي شغل
ثاني شيء النفسية يعني اذا كنتي تطبخين بنفس يكون طبخك حلو اما اذا كنتي تطبخين بدون نفس الله يعلم وش راح يكون طعم الاكل طيب كيف اطبخ بنفس او بدون نفس يعني في بعض الاحيان يكون هذا غصب عني
تقول لكم امي انه وانتي تطبخين تذكري من اللي راح ياكل الاكل هذا وتذكري بعد انه لك اجر وانتي تطبخين لاهلك وعائلتك وهذا الشيء راح يريحك وبالتالي راح يكون طبخك حلو
اما عن البهارات امي تشتري كل نوع لحاله تنظفهم وتجمعهم بطريقتها الخاصه وعندها انواع متعدده من البهارات يعني شيء خاص للحم وشيء للرز وشيء للقرصان حسب مكوناته وفي سر للبهارات انه ما تطحن بكميات كبيره لانها تفسد مع الوقت وتروح ريحتها
الخظار واللحم يفظل انه يكون طازج او مجمد لكن ابتعدي عن المعلب لانه دائما بدون طعم
الماجي من الاشياء اللي مستحيل تدخل مطبخ امي وتقول انه اللي تستخدم الماجي في طبخها معناه انه ما تعرف تطبخ
اخر شيء وانا بصراحه اعتبره شيء مهم جدا وهو التأني والرفق وفيه مقوله ما ادري حديث عن الرسول صلى الله عليه وسلم او انه اثر " ما جعل الرفق في شيء الا زانه "

اتمنى انكم تستفيدون من مطبخ امي
ولا تحرمونها من الدعاء
شكرا لك ام يارا مرة ثانيه

نجوووم

شــهد · 25-12-2006, 01:43 PM

اختي الغالية

ام يارا

استمتعنا بمطبخ امهات الأعضاء

شاكرة لك فكرتك المميزة

وانا اطمع الا اطباق ام يارا وافكارها في المطبخ

ننتظر جديدك

ملـ البرونز ـكة · 25-12-2006, 07:17 PM

يعطيـــــــــك العافيه"

ماقصرتي..........

مواضيع ذات صلة
الموضوع	الكاتب	المجلس	المشاركات	المشاركة الأخيرة
\|--¨®¨--\|مطبخ ملح لح يرحّب فيكم \|--¨®¨--\|	المليحة	أطايب شهيه	34	13-12-2006 01:28 PM
شف المثابره والعمل والجد للي يبي يصير غني	الصقر999	المجلس العام	2	15-11-2006 07:09 AM

أطايب شهيه

لأشهى المأكولات الشرقية والغربية وأطباق حصريه بالمجالس

][^][®][مطبخ أمي ][®][^][

شـــراب الــرمـــــان ،"،"،"، حلــــو وغــريــــب "،"،"،"

وجبة عشاء لذيذة جدا وسهله((صورة))

»

الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور

زوار هذا الموضوع الآن : 1 (0 عضو و 1 ضيف)

أدوات الموضوع
عرض صفحة الطباعة إرسال هذه الصفحة إلى صديق