أطايب شهيه

ندى الصباح · #1

السلام عليكم و رحمة الله و بركاته

ثاني طبق للاخ السبع الا ربع ان شاء الله ينال اعجابك

و ان شاء الله الاسبوع الجاي استعد للمكرونه بالباشميل

المقادير

كيس ونص مكرونه اي نوع
خضار مشكله جاهزه من ثلاجة السوبرماركت
دجاجه مسلوقه او صدور دجاج مسلوقه
كرفس ( يفضل وضعه مع المكرونه يعطيها نكهة لزيزه و ممكن الاستغناء عنه )
بصله كبيره
4 طمامطم
1 صلصة ندى
بهارات ( فلفل اسود _ كمون _ ليمون اسود ناشف _ ملح _ قرفه _ زنجبيل )
بقدونس مفروم

الطريقة

تسلق المكرونه
يقطع البصل و الطماطم و معاهم الصلصه و يوضع على النار حتى ينضج
توضع الخضار المشكله والكرفس على الطمام ثم الدجاجة المسلوقه بعد تقطيعها وتوضع عليهم البهارات

و تترك حتى تتسبك يعني مو اكثر من ربع ساعه
تصفى المكرونه بعد سلقها و توضع على الخضار
ثم يوضع البقدونس و تترك خمسه دقايق و تقدم بالعافيه

طبق على السرريع

لاتنسوا تدعو لي
تحيتي

ورّاد · 09-04-2007, 10:32 PM

بروح انادي الشلة يشوفونها وابجي ارد بعدين

ندى الصباح · 10-04-2007, 07:05 AM

هلا اخوي السبع

في انتظارك

تحيتي

ورّاد · 10-04-2007, 02:58 PM

يا ماللعافية يا ندى ,,,

أشغلتكـ أنا وهالمكرونه

عسى اللهـ يرحم والدينكـ ,, ولا يحرمكـ برهم سواءاً في ابوك- اللهـ يرحمه - أو في الوالدة - اللهـ يشفيها مما فيها - ويطول عمرها على طاعته ,,

المكرونة من شكلها تهبل ,, ومن نزلتي الموضوع والصور وانا ملزق خشتي بالشاشه

أفكر لو إنك خالتي بدال هذيك اللي ردت على الموضوع الاول متعيجز اروح اقرى اسمها

كان وناسه ,, وفلة ,,

حتى موعد البشاميل ,,

لكِ مني أرق التحايا ,,

ندى الصباح · 10-04-2007, 05:28 PM

هلا السبع

جربها والله مره لزيزه و بسيطه و مغذيه و و و و و

بالعافيه على قلبك

تحيتي

شموخ المها · 10-04-2007, 07:40 PM

ثااااااااااااااااانكس ..ندى ..

يعطيـــك الف عافيه ..

بانتظـــار البشاميل .. بس وش المعنى المكرونه للسبع <<<وحده غياااااااااره

تقبلي تحياتـــي..

..........الطـــــــاغيه

ندى الصباح · 10-04-2007, 08:26 PM

هلا وغلا شموخ المها

الله يعافيكِ غاليتي

المكرونه للسبع لانه عزابي و حايس بالمطبخ

قلنا كل اسبوع نعطيه طبخه وهو يفضل المكرونه

و طبعا المكرونه مو له بس لكل اعضاء المنتدى

المهم ماتزعلي عنوني

تحيتي