أطايب شهيه

توتة · #1

السلام عليكم ورحمة الله وبركاته

حياااااااااااااكم الله اعضاء الريااض

اليوم جايبه لكم طبخه بتاكلون اصابعكم معها

كل ماعليكم انكم تشمروون عن سواعدكم وتدخلون معي للمطبخ

يكفي تسدح ونوووم ولعب

يالله اللي يدخل يوريني يديه ياويل اللي اظافره طويله

هاه غسلتوا يدينكم..

يالله الهلالي قطع لنا بصل شوي وثوم>>عبالها انه في االالعاب

منسدح قطع لنا طماط قطعه زين لااحد يقطع كبار

الصبر وين ماانتهت حصة التدبير توها باديه تعال قشر جزر واغسله وقطعه شرائح وخله على جنب

المجهول خل عنك ريال مدريد وانتبه للدرس الحين دورك تجيب كوسه وتغلسها وتقطعها شرائح

<<<<تبي العيال يطلعون طباخين

خلاص اجلسوا دور البنات

ملووكه تعالي احمسي البصل وحطي عليه زيت وحطي معه الثوم وحركيه لحد مايذبل وبعدين حطي عليه

الطماط والكوسه والجزر وحطي عليه ملح وبهارات وفلفل وحركيه كل شوي لحد مايستوي ..

خلصتي الحين خليه على جنب وغطيه لايجيه شيء

بنوته>>تقصد بنت الاديب تعالي سوي لنا رز ابيض على السريع

يعني الرز الابيض سهل تصليحه وكل واحد حسب مااعتاد عليه

فتافيتوو وين تهجين يكفي لعب يالله خذي البطاطس واغسليه وقشريه وقطعيه شرائح صغيره واقليه

ونشفيه من الزيت

فروسه يالله العب ولعبتوا لين قلتوا بس الحين خذي باذنجان واغسليه زين وقطعيه مثل فتو واقليه ونشفيه

من الزيت

اممممممممم الحين دور عصقوله تعالي عصاقيلووا خذي فلف بارد واغسليه وقطعيه شرائح صغيره وقطعي

بعد كرنب ابيض واتركيه على جنب

النور افتحي لنا علبتين تونه وصفيها من الزيت

اوراق مبعثره قطعي لنا شرائح بصل واقليها ونشفيها من الزيت

الحين تفضلوا كلكم قدامي على طاولة الطعام..

ملاحظه الكميه تركتها لكم تختارون حسب الرغبه

الحين نجيب صينيه ونحط طبقه رز وبعدها نحط بطاطس وباذنجان وبعدها نحط شوي من الحمسه وبعدها

نحط عليها طبقة تونه وبعدها نحط عليها بصل مقلي ونحط بعد الفلفل البارد والكرنب وبعدها طبقة رز وبعدها

نكمل الطبقات كلها وبعدها ندخله الفرن وبعد دقايق نطلع الصينيه

وننكب الرز وبيكون بهالشكل

[عزيزي الزائر يتوجب عليك التسجيل لمشاهدة الرابط للتسجيل اضغط هنا]

ويالله كل واحد ياخذ في صحنه

بشويش الكميه تكفي الشله والاعضاء

وبالهناء على قلوبكم

فتـــــــMـــــــو · 21-04-2007, 02:50 AM

توته اول مره احد يسلمني شغله في المطبخ

فتافيتوو وين تهجين يكفي لعب يالله خذي البطاطس واغسليه وقشريه وقطعيه شرائح صغيره واقليه

ونشفيه من الزيت

>>> هذا وجهي ان بقى شي

بصراحه الرز شييييييييييييييييي من جد

وناسه مع كولا خشيت جو

يسلم يدك ياشيخه

ااالفــــــرس · 21-04-2007, 02:52 AM

ههههههههههههه

مابقى احد ماشارك بهالرز اشونه مااحترق

اقتباس


	فروسه يالله العب ولعبتوا لين قلتوا بس الحين خذي باذنجان واغسليه زين وقطعيه مثل فتو واقليه ونشفيه من الزيت

ماخليتيلي الا الباذنجان تبين يديني تسود وبكره دوام

تسلمين توتي ع هالرزيزات

ودك تسحرينا

يعطيك العافيه ,, تحيتي لك ,,

أفــانين الـورد · 21-04-2007, 03:24 AM

<< جالسه تتفرج ع التلفزيون

محد يقدر يقولها تعالي اطبخي

الله الله ياتوته
[عزيزي الزائر يتوجب عليك التسجيل لمشاهدة الرابط للتسجيل اضغط هنا]

ايه دا كولوهـ

من ايد مانعدمها

طـــــــــــرح طريف ومشووووق

يسلـــــــــــــــــ

ـــووووو

عـ الاختيار ياقلبي

اجمل تحيه

عـبدالعزيز · 21-04-2007, 03:31 AM

اقتباس


	يالله الهلالي قطع لنا بصل شوي وثوم>>عبالها انه في االالعاب

ياليل الليل

وراي ورااه هالثوم والبصل

يالله الخيره

هع

بصل الهلالي وثوومه احسن شي بالطبخه

يكفي ان فيها ريحت الهلاال

يسلموووووووووووو ع الشغل الجمااعي

وهـ بس

الله يعطيك العافيه تووته

مطبخكم كبير ماشاء الله ماخذ الشله كلهم

<< يحس انهم بالبر

تحيتي

شــهد · 21-04-2007, 06:53 AM

امممم

تسلم ايدك يا احلا توتة

وكبسة جنااان واكيد انا شغلي اكلها

مشكورة وما قصرتي

&شمـ(الراسية)ـوخ& · 21-04-2007, 07:27 AM

يعطيك العافية توتة

وتسلم يدينك..

مسك و ورد · 21-04-2007, 07:43 AM

جزاك الله خير شهي ولذيذ

المجهول · 21-04-2007, 05:22 PM

وش هالنجاسه؟!!

ألحين انا اطبخ واتعب وفي الأخير ما ألقا إلا قطيبه؟!!<<<متعوب عليها وبقوه

طبعا مصطلح قطيبه يعني ما بقا الا شوي جدا<<<لطقة يا حياتي

بصراحه توته امي تدعيلك ألحين!!

لإني من طبخت معك وانا مصدق اني طباخ فمن أجي من الجامعه وانا مسنتر

جمب الفرن وفي يدي ملعقه والثانيه غطا قدر ولابس شورت وفنيلة النصر<<<عشان تتوصخ

مشكوره أوي أوي وانعم الله عليك مقدما!!

تقبلي تحياتي...