أطايب شهيه

MحموديM · #1

السـلام عليكم ورحمة الله

كيف الحال يا شبـاب وبنـات المنتدى

<< ما عندي لف و دوران

تكـفوووووووووون الله يرحم والديـكم نفسي في فووووووووول بس ما اعرف اسوي وش الحل

اكيد الحل عندكم ... ابي اي ابن امـه يقول لي المقادير

.. طبعا انا شاري الفول وهذا هو قدامي بعلبتـه

لحد يقول رح للقرموشي والا فوال الطايف ... لأني في استراليا ... ويا شينها لا مسكـت على الفول

الرجـا من الأخوة عدم الضحك والاستهتـار ... الا بعد ما تجيبون المقادير

بليـز اني بدي يفـزع لي واسوي لـه كذا

ولدكم الجديــد

حميــد

بنت الاديب · 14-04-2008, 04:01 PM

ههههههههههههه

الله يكون بعونك على الغربه

غربه وفول من جد من عوار قلب

شوف يالغالي

كل واحد وطريقته بالفول ابعطيك طريقتي

قطع البصل صغير وحمره بشوي زيت ( كشنه)

حط الفول بالخلاط انا مااطحنه كثير نص ونص

وحطه فوق كشنة البصل طبعا الملح حسب الرغبه

اتركه الين يقلب شوي وحط معه ملعقة طحينه سايله

صغر النار كثييييير واتركه عشر دقايق

يصير خاثر (ثقيل) لكن انتبه لاينحرق قلبه كل شوي

شيله عن النار وحط على الوجه زيت زيتون وفلفل اسود او كمون براحتك

ممكن تضيف للخلطه حبه بيضه اذا ودك تجدد في الطعم

ان شاء الله الفول يخفف عنك الغربه

وبإذن الله مايقصرون الغالين يجيبون لك طريقتهم بالفول

تقبل احترامي

بنت الاديب · 14-04-2008, 04:02 PM

نسيت اقول

حياك الله بينا ياولدنا الجديد

حميد

منور مجالسنا يالغالي

واي طبخه تبيها ابشر حنا تحت امرك

تقبل احترامي

MحموديM · 14-04-2008, 04:18 PM

ياليل مطــوووولك ... ما عندي بصـــل

<<< الظاهـر اني بردها في التوسـت والجبـن اليوم

ومقاديرك هذي بكتبها بورقـه وبوكـره بشريها واتـفرنـك على الفـول

الموهـم يا بنت الأديب ولا عليك امـر بغيت بعد طبخـتن صغيروره

ابي اسوي مكرونـه متى ما فضيتي حطي الموضوع بس ياليت مكرونه سهلة التحضير

وتكون من تجربتك الشخصية واشرحي لي بالتفصيل الممل

على بـلاطـة .. تخيـلي اني شغـالة جديدة وتبي تتعلم

<<< ما عندي اسلـوب

ذبحتنـا المطاعـم والخبز والجبن

لاهنتي يا بنت الأديب ... وجعل ربي يطول بعمرك

تعبتك معي

والله يحييك

بنت الاديب · 14-04-2008, 04:53 PM

ابشر يالغالي انت تامر امر

بجيب لك مكرونه سهله ومن تجربتي

لكن ماقلتلي وشلون تحب المكرونه

بالفرن ولا تنطبخ مرق عادي ؟

ولاتعتذر يالغلا تعبك راااحه

انت بس تدلل وامر وحنا نلبي لك كل الي تبيه

مناير · 14-04-2008, 05:01 PM

يعطيك العــاافيــة بنت الاديب..

حميداان"

حيااك الله..

وان شااء الله ماا يكوون هااذاا اول وااخر موضووع لك معنــاا..

لبوة بنت أسد · 14-04-2008, 05:03 PM

ياحرام شكلك انواع الملل

بصراحه للاسف ماقد سويت فول

وان شاء الله الباقين يفيدونك

تحياتي,,

MحموديM · 14-04-2008, 05:34 PM

بنـت الأديب اللي عندي قدر ضغط

يعني طبخ ..

جعلك والله تسلمين

MحموديM · 14-04-2008, 05:39 PM

مناير

الله يحييك ..

وتأكدي ان هذا مهوب آخر موضوع ابشغلكم

اليـن اصير شيف

لبوة بنت اسد

<<< جاته ام الركب من الأسـم

ما تعرفين تطبخين

اجل الحمد لله مهوب انا الزلابـة لحـالي

<< يحب يمـزح

حياك الله يا وخيتي والبنات ما راح يقصرون ..

بنت الاديب · 14-04-2008, 06:18 PM

اقتباس

الكاتب : MحموديM [عزيزي الزائر يتوجب عليك التسجيل لمشاهدة الرابط للتسجيل اضغط هنا]


	بنـت الأديب اللي عندي قدر ضغط يعني طبخ .. جعلك والله تسلمين

هههههههههههه

تطبخ مكرون بقدر ضغط ليش هالمسكينه وش سوتلك

بماانك عزوبي وانت الي بتطبخ اعطيك الوصفه بشكل سريع

المقادير

تقطع بصله وسط قطع صغيره

حبه طماط وسط قطع صغيره

فص ثوم تهرسه او تقطعه كله واحد

ملعقه صغيره صلصة طماط

ملعقه صغيره بهار مشكل + ملح

تكشن كل هالمجموعه في شوية زيت

تاخذ نص دجاجه >>> اعتقد تكفيك نص لانك بلحالك

تقطعها اربع قطع وتضيفها للكشنه وتتركها الين يتغير لونها للبيج

تقريبا خمس دقايق

وتضيف لها 2 او 3 اكواب مويه حاااره

وتتركها تطبخ عشر دقايق

ثمن تحط المكرونه عليها وتتركها تطبخ الي تصير خاثره ( ثقيله )

ملاحظه

هالطبخ في قدر عادي موب ضغط

وبالهناء والعافيه

طبعا لذيذه مع الكتشب

واي طلب ثاني نحنووو في الخدمه

أطايب شهيه

لأشهى المأكولات الشرقية والغربية وأطباق حصريه بالمجالس

مشتهـي فول

مراصيع نجديه بالصور ادخلو عشان تدفوووون ..

قبلـ أن يأكل ..

»

الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور

زوار هذا الموضوع الآن : 1 (0 عضو و 1 ضيف)

أدوات الموضوع
عرض صفحة الطباعة إرسال هذه الصفحة إلى صديق