مسيتوا بالخير ياجماعة الربع والربعات ...

هذا الله يسلمكم بلإجازة الأخيره .. رحت لحايل

وطبعاً زي ماإنتم عارفني حنا الله خلقنا ناس اشرار نحب نروح نقنص نتعبث نحوووس اهم شي نبعد عن روتين المدينه

طبعاً جا اول ايام العيد

وعايدنا وأكلنا عيدنا بحايل وجمعه الناس والوناسه وانواع المتفجرات

وخلصنا من عيدنا ورحنا نعايد الناس المهمين

<-- يعني زي عمي والله لو ماأعايده كان يحوسني حووس

ويوم صارت الساعه 9.30 بتوقيت حائل <--- اخس ياباريس

شغلنا مواترنا .. واتجهنا للرحله

<- طبعاً كنا مولمين الحوسه قبلها بيومين

ورحنا

ومالكم بالطويل

طبعاً الجو بااااااااااااااااااارد

وطلعنا نقنص بآخرالليل

وماصدناغير ارنبين في منطقه قريبه من عقله الصقور

ويوم رجعنا طبعاً كلنا دايخين

<-- الا انــا راس الجني علىقولتهم

كنت مصحصح


وماغير يجيني واحد من العيال الله يقلعووهـ

ويقول يافهد تدري إني ماأحب آكــل اللحم ابي تطبخ لي عشا

وطبعاً طقيت يدي على صدري وقلت ابشر بعزك وانا اخو نورة
واحصرهم اللي يبون يتعشون طلعوا خمسة

وماغير اطبخ لهم كبسة داج ( عنبر ) خفيف علشان مايثقل علينا


<------------ طبعاً الذبيحه معلقه وحسرت في اللي يبي دجاج قلت له روح للمحطه وهات دجاجتين

الآن ... طبختي موثقه بالصور من جوالي

================

المقادير ..

دجاجتين ..



رز ( عـنـبـر )



طماطم ... بصل .. زيت .. ملح

حبحر ( صرار ) على قولتنا



كمون



==============

الطريقة ...

اول شي نجيب القدر ونقطع الطماطم والبصل .. ونحط عليهم الزيت والكمون والحبحر .. والملح ونخلطهم ( كشنه)

لحد ما تضبط الريحه

نجيب الدجاج ونحطهم عليه ونحركه شوي لحد ماتشوفه إكتسب لون الكشنه ..

بعدها نحط المويه ونسكر القدر كما في الصورة ..



ونخليه مده نصف ساعه او اقل بدقائق

(( لاتناظرون ترا فراشي حاطووهـ مركى لي تخبررون السمرمد مآخذين مراكينا ومركزين فيها طيورهم الله يقلعهم هم وطيروهم

<-- وطيرك بعد ياغبي ))

وبعد مايستوي الدجاج ..

نطلع الدجاج من القدر ونحطه علىجنب <-- انا سويته على الفحم واللي يبي يحمره بالفرن يحمره بس انا بالبر من وين لي فرن

الآن نأتي للأرز ...
كما في الصورة



نكبه بالقدر نثري ...

<--بس لايكون جنبمكم واحد جايع مثل اللي عندي خخخخخخخخخخ

وبعدهانحكم الإغلاق ...

ونخليه مده نصف ساعه

<-------- طبعاً احاول إني اخفف الجمر من تحته علشان مايحترق

واذا استوى ..

نفتح القدر ونحط عشانا في صحن ونحط فوقه الدجاج ونضبطه بليمون اسود

<------------ طبعاً انــا في بــر يعني قطعه وحائل تبعد عننا 170 كم لاتقولون وين الباذنجان والكوسه والحركات الزينه ذي

وطبعاً قبل الأكـــل طلعت الوجبه مثل كذا ...


وبعد الأكل الله لايخليني دجاجه بين يديهم





وقمنا غسلنا يدينا وغسل اللي مشتهي الدجاج الصحن

وجلسنا عند النار نتدفى


^
^
^

طبعاً تقهوينا وفليناها لحد ماصلينا الفجر ورقدنا

ومع مهاجر غصب عنك تبتسم


بااااااااااااااااااي