السلام عليـــكم ورحمــة الله وبركـــاته ..

تحيـــــــه طيبــــــه للجميـــــع ..

هذا المــوضوع دار في بالي كثيــراً .. حــاولت أن أوصــل معلومــه وحقيــــقة أروع وأجمــل أعضــاء ..

ولكــن كيف ياترى .. طرت على فكــره !!! كانت صعبــه التنفيــذ ولكــن تم تنفيــذها . لعلمي أن العفـــويه ,

وسمــاحة الخــاطر هو صفة الكثير من الأعضــــاء هنـــا ..

سترون معي بعــد ثـواني قلــيــله .. وقفــات رجــال .. وسترون عفــويه بالرد .. وستـعلمــون أن الشخص منــا أن

لم يستطــع المســاعده .. يبــادر بالأعتذار .. بكـل طيبه قلــب وخجــل تجعــله يتردد كثيــراً في نطقهــا , وليعلم

أن الله لايكلف نفساً إلا وسعهــا ..


المــوضوع ومافيه .. أنني ارسلت رســـائل خــاصه لبعض الأعضــاء .. وأنني أعاني من بعض المشــاكل سواء كانت ماديه أو غيرها ... وستكون على هذه الصفحه لهذه الرســائل .. والردود عليها ..

ونبقــى مع أول شخص في المجمــوعه

==============================

اقتباس الكاتب : مجنــــــــون مســاك الله بالخير يالغالي .. شلونك عســاك بخيــر .. عرفت من واحد من الشبــاب ان عنــدك محل تأجير سيــارات .. ويعــلم الله أني بحاجة سياره اليومين هذي .. بس مطفر وحالتي حــاله .. قلت مالي الا اخــوي .. واذا ماعندك محل أو جاتني معلومه خاطئة توسط لي عند اي احد تعرفه .. ترى اخوك في زنقــة .. رد علي بأسرع وقت تكفى مجنــــــون

طبعــاً ستكــون جميــع الردود من الأعضـــاء بدون أسمـــاء ..

وهذا هو الرد ..

اقتباس الكاتب : ؟؟؟؟؟؟؟ سعدربي مساك هلا وغلى عزيز وغالي والله يالغالي ماعندي محل ولا اعرف احد عنده محل لكن انت تامر شف الي يناسبك وابشر اذا تبي فلوس ارسل لك واذا تبي استاجر لك انا حاضر انت حدد الي يناسبك وعلى فكره انا مافتحت الرساله الا اليوم شفتها البارح وسويت لها تجاهل على بالي انها مثل الرسايل الي يرسلونها للمشاركه بمواضيع بالمنتدى على العموم انت شف الي يناسبك وانا حاضر تقبل تحياتي

<<<<<<<<<<< انحرج من جد

هذا مثــال على النخــوه وحب المســاعده .. وهذا ماتعودنــا عليــــه في هذا الصــرح الشــامخ الذي أحســد نفســي على تواجــدي بين هذه الكوكبــه .. الرائــعه .

================================

مثــال آخر .. وعضــو آخر يدخــل هذه الصفحــه .. فلنرى ماذا دار ..

اقتباس الكاتب : مجنــــــــون مساك الله بالخير اخوي ؟؟؟؟؟؟؟.. شلونك عســاك بخيـــر .. اخوي ؟؟؟؟؟؟ والله عندي موضوع ومنحرج منك للغايه .. بس قلت مالي الا الله ثم ؟؟؟؟؟؟؟ هو اللي عنده قدره يســاعدني على مشكلتي .. انا يااخوك .. مسلف واحد 3000 ريــال .. ومحتاجها حيــل .. ابيك تروح تاخذها منه بكــره في الليـــل ضروري جداً .. وانا بعد بكره الصبح بجي آخذها منك لأني بسافر على طول باخذها منك وبسافر .. الرجال ساكن بالقويعيه .. وماعنده وسيلة نقل .. الله لايهينك اذا تقدر علمني ترى اعتمد عليك وانتظر ردك .. مجنــــــــون " ناصر "

وأتى الرد بسرعة البــرق ..

اقتباس الكاتب : ؟؟؟؟؟؟؟ بالخدمه ياقلبي ولو أخــدمك بعيوني .. انا موجود الحين الأيميل .. ؟؟؟؟؟؟؟؟؟؟؟؟؟؟ رقم الجوال .. ؟؟؟؟؟؟؟؟؟؟ << معه خط

أخواني القويعيــه تبعد عن الرياض من 180 كيلو إلى 200 كيلو .. هذا أولاً ..

ثانياً .. طريق ويعتبر سفر ومعرض للحوادث لاقدر الله وغيرها من مشاكل الطرق ..

ثالثـاً .. يعلم الله عندما اتصلت به وقلت له تدري وين القويعيه ؟؟ قال والله اذكرها !!! على طريق مكــه ؟؟ يعني مايدلها ..

ويريد أن يخدمني ومتحمس أيضاً .. ليس لمصلحه بل لأخوه وحب في الله عز وجل ..

لا تلــومــوني في عشقــي لهذا المنتدى وكـــل من به ..

============================

وهذه المره .. تحول الموقف لأحد العضـوات .. والتي لم نضغط عليها كثيراً ..

<<<<<<< كل هذا وماضغطت

اترككم مع ماحصــل ..

اقتباس الكاتب : مجنــــــــون صباح الخيرات كيفك اختي الغاليه .. عساك بخيــر والله يالغــالية عندي موضوع ومن جد مستحي منك بس قلت مالي الا اختي ؟؟؟؟؟؟؟ هي اللي بتساعدني .. أختي اللي اصغر مني تدرس بكلية التربيه .. ودقت علي اليوم محتاجه فلوس وانا بالدمام حالياً وماراح اجي الا الأربعاء .. فقلت ادور احد يعطيها الفلوس واذا جيت اعطي اختي وتردها لك .. اختي تبي 1000 ريــال .. والله اني منحرج منك وبنفس الوقت مالي الا الله ثم انتي .. مجنــــــــــون

وأترى الرد بعد سويعات قليله ..

اقتباس الكاتب : ؟؟؟؟؟؟؟؟ يسعد مساك .. والله ودي أساعدك باللي أقدر عليه لكن أنا أدرس بجامعة الملك سعود .. إذا عندها رقم حساب أبشر من عيوني ارسله لها .. إنت تامر .. أنتظر ردك

وأترى الرد الآخر بعد ثواني ...

اقتباس الكاتب : ؟؟؟؟؟؟؟ أنا قاعدة أفكر وشلون أوصله لها إذا كان ما عندها رقم حساب وقاعدة أتذكر مين اللي أعرفه في كلية التربية ..وتذكرت وحده قلت إذا قالي ما عندها رقم حساب مافي إلا إني أحولة لهالبنت وأهي توصله لها من جد كسرت خاطري أختك وقاعدة أفكر فيها

لاحظــوا معــي أخواني وأخــواتي ..

فتــاه تريد المســاعده بكـــل ماتستطيــع .. مع معرفتنــا التــامه بظروف الفتيــات بالسعوديه .. وصعــوبه مثل هذه الأمـــور لدى الفتيــات من أيصـال وتســليم وغيرها ..

لا تتعجبـــوا .. فهذا مايميــز حتى فتيــــــات هذه المنتديـــات العظيمــــــه ....

نكمـــل مابدأناه .. في هذه الصفحــه ..

ومع وقفــه أخرى رائعه ... لعضــو آخر .. وموقف آخر ..

اقتباس الكاتب : مجنــــــــون مساك الله بالخير .. اخوي ؟؟؟؟؟؟؟؟ .. شلونك عســاك بخير .. والله يالغالي عندي موضوع صغير .. ومنحرج منك على الآخر .. بس قلت ياولد مالك الا الله ثم ؟؟؟؟؟؟ هو اللي بيساعدك .. اخوي انا شاري لي سيارة وناقصني 5000 ريــال .. اذا عندك امكانيه تسلفني وبعد مااشريها .. ارجعها لك واكون ممنـــون لك يالغــالي .. ولا يدري ابو خالد تراني متسلف منه 5000 آلاف لنفس الموضوع ولو يدري بيزعل لأنه قال لي كلمني انا ولاتكلم غيري بس ماحبيت اضغط عليه .. مجنـــــون

<<<<<< ياشيخ صفقني اذا ابو خــالد قالها

وهذا هو الرد ..

اقتباس الكاتب : ؟؟؟؟؟؟ صبحك الله بالخير خيووو ناصر انا بخير ولله الحمد يا جعلك بخير وربي يالغالي ودي اساعدي وحنا اخوان ولبعضنا بس وقسم بالله ان الرصيد ما فيه الا 150 ريال لاني ساهمت بسابك ومتوهق خسران بالسهم الواحد 400والله العظيم وربي ودي اساعدك لكن وقسم بالله اني بس انتظر راتب الشهر ذا متى يطلع لان برضوو الجامعه يبيون مني 4500 ريال وربي اني منحرج منك لان فعلا ودي اساعدك بس الشكوى على الله وانا اخوك واتمنى ما يجي بخاطرك شي بس قسم بالله ربي اعلم بالحال يالغالي الله يسهل امرك يالغلا ويعطيك خيرها ويكفك شرها مقدما ارق التحايا واعطرها ملؤها كل تقدير

أعتذار أخــوي .. وكما قلت سابقاً لا يكلف الله نفساً الا وسعها ..

وليلاحظ الجميــع أن اخي الغــالي .. حلف بالله ولو لم يكــن يريــد المســاعده لما حلف بوجه الله العظيــم .. ولكن لتبرير موقفه وأحراجه مني ..

لعدم المقدره على المســاعده ... وصدقني ياصاحب الرد .. أنك رأس مال لي ولست مكسبـاً .. وأفخر بأخوتك وصداقتك ..

=====================================

نعود مرة آخرى مع عضو جديد .. وموقف آخر ..

اقتباس الكاتب : مجنــــــــون مســاك الله بالخير يالغالي .. شلونك عســاك بخيــر .. عرفت من واحد من الشبــاب ان عنــدك محل تأجير سيــارات .. ويعــلم الله أني بحاجة سياره اليومين هذي .. بس مطفر وحالتي حــاله .. قلت مالي الا اخــوي .. واذا ماعندك محل أو جاتني معلومه خاطئة توسط لي عند اي احد تعرفه .. ترى اخوك في زنقــة .. رد علي بأسرع وقت تكفى مجنــــــون

<<<<<<<<<< ياهو ناشب لهم نشبه

وأتى الرد باليوم الثــاني ..

اقتباس الكاتب : ..؟؟؟؟؟؟؟؟؟ هلا وغلا بأخوي ( المجنون ) هذي الساعه المباركه اللي شفتك عندي بالخاااااص <----------- يقول ليتك كل يوم طفرااان عشان اشوفك هههههه المهم أنا ما عندي لامحل تأجير سيارات ولامحل تأجير فديو وكل حيلتي ( ما أملك ) سيارتي ....وتآمر عليها والله والله لو أعرف أحد ...كان تسوطت لك بس والله ما اعرف ودي اقول لك عن ( تخفيضات35 % من بدجت للسيارات ) ربحتها قبل فتره في أسواق بنده ....ترى ما أحتاجها أبد ...أذا تبيها عطيتك أياها مع أني ماني مقتنع من فزعتي هذي أحس مالها داعي وإذا عرفت أحد ....أو لقيت لك أحد ... عطيتك خبررررر برد عليك مره ثانيه <------------ يبي يشووووف يعرف احد بس وش نوع السياره اللي تبي تآخذها ...أكتب كل التفاصيل ..بس ترى ما أوعدك بش أنا بحاااول بس وترى الجود من الموجود حياااك باي وقت

هذا ماكان في رد هذا الكبير بأخلاقه الكبير بتعــامله .. وأحب أقول له افتخـر بأن تكــون أحد اصدقـائي وأخوتي .. ولا عدمتك ..

=========================================

ونبقــى مع آخر عضــو .. وآخــر موقف ..

اقتباس الكاتب : مجنــــــــون السلام عليكم ورحمة الله وبركاته .. شلونك ؟؟؟؟؟؟؟؟ عســاك طيب .. يعلم الله يالغــالي كان ودي اكلمك جوال عشان هذا الموضوع .. بس والله ماقدرت خفت احرجك واحرج نفسي معك .. قلت ارسلها لك رساله خاصه بحيث انك ترد بحريتك .. انا ياخوك الوالده تبي تروح لمكه تعتمر .. وسيارتي خابرها انت مايحتاج اقول لك .. واحوالي الماديه شوي مدحدره .. ولا كان استاجرت سيارة وافتكيت بس مايمديها .. عشان كذا قلت اتسلف سيارتك يوم الأربعاء والخميس والجمعه اردها لك .. وماابيك تدق علي ابيك ترسل لي رساله خاصه .. عشان الأحراج .. ويعلم الله اني مالجأت لك الا لأني من جد محتاج وأنت من الناس اللي اعتبرهم من الرجال اللي ألقاهم وقت الشدايد .. انتظر ردك مجنــــــون

<<<<<<<<<< حالته من جد صعبه

وأتى الرد في اليوم الثــــاني ..

اقتباس الكاتب : ؟؟؟؟؟؟؟؟؟ على السطر الأخير ما عاد يبيلها مر وخذ لك بي ام دبل بن يووو من الحوش وش دعوه يالهيس الموتر وراعيه تحت أمرك يا دب بس بشرط تعشيني كراعين ومته ما بغيتها عطن خبر <<< يعلمك أنه يتكلم لغات مته ما بغيتها تحت أمرك يا ناصر وأمك أمنا عسالله يطول لنا بعمرها يارب وتامر علينا كلنا وتقبل تحياتي

لاحظـــوا بس انه قام يتشرط .. ويساومني .. تبي الموتر .. عشني كراعين

<<<<<<< شي ماشفتوه : بعد ماأتصلت عليه وعلمته ان الموضوع مقلب .. قال تصدق بالله اني رحمتك .. يقول بغيت اصيح



مايــــامر عليــــكم ظــالم أخــواني ...

هذه كــانت آخر رســاله وآخـــر موقف .. بمـــوضـــوعي .. الذي هـــو دلالــه على كبـــر قلــوب هؤلاء الأعضــاء ..

دلالــه .. على أن كل شخص منــا يحــاول مســاعده أخـــاه بمــا يستطيـع .. اما بالدعم المــالي أو المعنــوي .. وهذا مايجعلني في قمــه .. سعــادتي ..

وأنا اتبــادل نفس الشعــور معـــــكم .. وهــذا مايجعــل منتديــات منطقــة الريـــاض .. عملــة صعبــه .. وتميز روحي فريد من نوعيه .. بين كل المنتديـــات ..

وأخيــراً .. أعتـذر لأخواني الذين ارسلت لهم .. وجعلتــهم يدخــلون في متاهــات .. وأحراجــات .. ولكن كــان الهدف .. هو أن اثبت للجميــع أن ماأقولــه صحيح ..


تحيـــــــــــاتي وتقــــــــــديري للجميـــــــــع ..


مجنــــــــــــون