المجلس العام

ابو مهند · #1

السلام عليكم ورحمة الله وبركاته ..

اخواني المسلمين ..

ماهو شعوركم اذا قال لكم .. احد

( تشااااو ) ..

( باااي ) ..

( سيو ليتر )..

(بنجور ) ..

( نايس تو ميت يو ) ..

من ناحيتي .. اقول ياشين السرج على البقر ..

وعنز بدو طاحت بمريس ..

ومثل السعودي بدون شنب << وش دخلها هذي

اخواني المسلمين ..

لغتنا العربيه لغة القرآن الكريم .. وغنيه بالمفردات الجميله ..

طيب ليييييييه نتأثر في الغرب ؟؟؟

ليييييه نقلدهم ؟ الى متى الانكساااار .. الى متى ؟؟

ارجووووكم ماودي استرسل في الموضوع عشان مايتحول الى خطبه ..

لكن ارجوووووكم ماهي ردة فعلكم اذا قال لكم احد...

( تشااااو ) ..( بااااي ) .. الخ ..

فمان الله << وش زينها ...

Nasser · 03-05-2005, 12:17 PM

ابومهند

وعليكم السلام ورحمه الله وبركاته

بارك الله فيك

والله يجزاك خير

الحقيقه الواحد يأسف لحال المسلمين

الغرب قلب ثقافتنا وفكرنا وغير فيها الكثير

ومنها استبدال تحيه الاسلام بكلمات اخرى

الله يهدي الجميع

وعزه الامه وقوتها في قوه لغتها

الله يعطيك العافية

تحياتي

ابو مهند · 03-05-2005, 12:28 PM

8
8

يارب يسلمك ياناصر على الرد الحضاري ..

يجب ان يكون دورنا ككتاب في هذا المنتدى هو التوجيه .

.موب بس ندربي الدميجه ماندري وين الله حاطنا ..

تحياتي لك اخوي ناصر ..

Nasser · 03-05-2005, 12:40 PM

اقتباس

الكاتب : ابومهند


	يجب ان يكون دورنا ككتاب في هذا المنتدى هو التوجيه .

من قدك

المهم وراك عدلت في موضوعك

ابو مهند · 03-05-2005, 12:45 PM

8
8

استقعاد ياناصر ؟

صدقني ماعدلت شي كان مجرد تنسيق << عاش مصرف

مجنونها · 03-05-2005, 01:30 PM

ابو مهند وش انك معدل والا تلاته بالله العظيم لاطربء الدونيا فوء دماغك
^
^
اطمروا هالسطر مجرد استظراف << يع

وعليكم السلام والرحمه
هلاوين ابا مهند
المشكله بعضهم يحسبه تطور وتحضر وهو ماعرف الا كم هالكم كلمه
لو تقوله قل جمله انقليزيه مفيده بحل بعمره

ما استثني نفسي من هالعالم لاني احيانا استخدمها لكن في حدود ضيقه يعني مع الاصدقاء والاهل
ومع كذا احاول قدر المستطاع اني ما اقولها والحمد لله انجح كثير
عن نفسي اذا كان اللي قايلها لي واحد من الاصدقاء او الاهل او اي احد قريب باتقبلها
لكن المشكله في واحد ما بيني وبينه شي مثلا اشوفه في مكان عمل باستنكر عليه هالشي اكيد
طبعا هالكلمات دخلت لتمييع اللغه العربيه ولافقادها هويتها
عشان كذا لازم نحاول قدر المستطاع اننا نتكلم باللهجه العاميه بعيد عن الكلمات الاجنبيه والاحسن الفصحى<<تخيلوا انفسكم ما تتكلمون الا فصحى بنروح فيها
يعطيك العافيه ابو مهند
ما قصرت
تحياتي لك

Nasser · 03-05-2005, 01:45 PM

اقتباس

الكاتب : مجنونها


	ابو مهند وش انك معدل والا تلاته بالله العظيم لاطربء الدونيا فوء دماغك

متأثر بالتمثليه المصريه ( حكايه زوج معاصر )

ابو مهند · 03-05-2005, 01:52 PM

اقتباس

الكاتب : مجنونها


	المشكله بعضهم يحسبه تطور وتحضر وهو ماعرف الا كم هالكم كلمه لو تقوله قل جمله انقليزيه مفيده بحل بعمره

ياعيني عليك اخوي مجنونها .. بالظبط هذا اللي كنت باقوله << يانصبك

منسدح في طريق العليا · 03-05-2005, 02:20 PM

<<<---- جاي بيعرف وش دخل الشنب !!

والا هو بعد من تقليد الغرب !!

ابو مهند · 03-05-2005, 02:29 PM

8
8

الشنب داخل عرض .. اهم شي ماقلت وش رايك بالموضوع يا ابو العتاهيه

مواضيع ذات صلة
الموضوع	الكاتب	المجلس	المشاركات	المشاركة الأخيرة
رابطة زعيم آسيا نادي الهلال السعودي	هلالي ودمي ازرق	عالم الرياضة	1689	15-11-2007 07:13 PM
((===الـــتـــغـــطـــيـــه الـــمــبــاشــره لــخـــلـــيـــجــــ18ـــي===))	المجهول	عالم الرياضة	57	31-01-2007 09:05 AM
تغطيه للأخضر في دورة الخليج	رومنصي مشاكص	عالم الرياضة	68	27-01-2007 06:56 AM

المجلس العام

مناقشة جميع المواضيع الجادة والهادفة وأمور المحافظات

تشاو ..باي ..سي يو ليتر مثل السعودي بدون شنب

ياأعضاء المنتدى الكرام ممكن تساعدوني جزاكم الله خير

مصيبة تهز أركان دائرة حكومية ،،، صباح هذا اليوم !!!!!

»

الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور

زوار هذا الموضوع الآن : 1 (0 عضو و 1 ضيف)

أدوات الموضوع
عرض صفحة الطباعة إرسال هذه الصفحة إلى صديق