المجلس العام

Yes & No · #1

السلام عليكم ورحمة الله وبركاته

وش راح تسوي او تسوين لو كنتم مكاني

موضوع قد يكون عادي بس مهم لي

كوني واجهت وجهات نظر مختلفه مابين مؤيدون ومعارضين
* مره كنت في الكليه وفي وسط المحاضره طاحت بنت عندنا فيها "مرض الصرع"شفاها الله وتغير لونها

طبعا البنات يصرخون واقفين ماسووا شيء انا خذيت شالي وحطيته على فمها الين ركدت..
انا على بالي انها خلاص تودع وموقف خطير والله مخيف ماعرفت انام بعدها اذا تذكرت شكلها..
وش راح تسوون لو كنتم مكاني؟؟

*مره كنا في الشرقيه ووبالتحديد في الجبيل كنا على الشاطى

في مكان بعيد عن الناس وبجنبنا عائلة

واحنا قاعدين مع ابوي شفنا الابو مع بناته الصغار ثنتين كل وحده علىكتف ويتمشى في وسط البحر

شوي شفنا الرجال غطس والبنات يصرخون

زوجته تصرخ "ماعندهم احد " مافيه الا انا وعائلة بعيده عنا

فركض ابوي وانا واخوي ونزلنا في البحر وطلعنا الرجال وبناته

تصدقون ان ابوي ماقال لي شيء او قال وش دخلك

مع ان الرجال كان مهبول تمسك في ابوي وفيني ونسى بناته بس اخوي ذكي

مسكه مع رقبته وضمه لصدره وطلعه حبه حبه والبنات وحده منهم مسكينه على وشك الوداع لانه دخلت داخل
ابوها ضربها من الروعه على خشمها الين طلع الدم.

وش راح تسوون لو كنتم مكاني.

*مره في احدى الرحلات الخارجيه ..كنا واقفين عند احدى المحلات كنا نمشي مع ابوي واختي

شوي ابوي مع اختي دخلوا المحل وانا اتفرج على بترينت المحل الي جنبه شوي واسمع ولد يون ويون

التفت لقيت الولد طايحه عليه شبك حديد مزين زي الي في الدرج والابواب لانه كان مسند بجانب جدرا بجنبه كرسي للاستراحه

مدري كيف طاحت عليه بس اهم شيء انه بجنب محل يركبون فيه القطعه هذي صوت المانشر والشغل في المحل ماسمعوا الولد وكنت انا اقرب مسافه له عشان كذا سمعته يون

ركضت لقيت الولد يون من الالم والدم طالع من راسه صرخت على حقين المحل وانا اشيل الحديد بس ثقييييييييييييل

جدا جدا الولد المسكين يمد يده ويون من الالم وانا ماعرفت وش اسوي ركضت للمحل واصرخ عليهم

واساعدهم في شيلة الحديد. وبعدين مسكت راس الولد لان شوي وبيخلص دمه وجاء الاسعاف وانقذه.
لو كنتم مكاني وش راح تسوون

*مره كنا وكانت معي اختي في مكه لقيت شاب يتحرش في بنت قدامي في احدى الاسواق المهم شفت الولد ناوي شر مافيها كلام

لان البنت تبعد وهو يلحقها واشوفها مرتبكه وخايفه من مشيتها وحركاتها

شوي ويسوي حركة للبنت انا لاشعوريا "الله يكرمكم خذت الجزمة" وعلى دماغه وماقصروا الي جنبي مسكوا الولد ومردغوه الين سمعت بذوني يصيح من قوة الضرب

لو كنتم مكاني وش راح تسوون

*مره في احدى المطارات الخارجية كنا عند قسم الانتظار لقيت عجوز في عربية مايقدر يتحرك اشوفه يبي علبة المويه الي جنبه طبعا على الطاوله ولايقدر رحت انا وقدمتها له وقال لي شكرا .

وش راح تسوون لو كنتم مكاني..

*مره في مكه لقيت عجوز عرفتني بنفسها لاني كنت اريح بعد الطواف وقالت لي انها تدور بنتها الي معها وطولت عليها ابطت ماجت

وهي المسكينه تبي تسعى وتنتهي

قمت انا بلغت الحريم الي كانوا قاعدين بجنبها وسالتهم بتروحون بعد شوي قالوا لا بيقعدون الين صلاة الفجر لانا تقريبا على لاساعة 2 صباحا
قلت لهم اني بأخذ العجوز واسعى فيها من جاء يسعى عنها قولوا له او لها انها في المسعى وراح يشفونها

واخذ كرسي متحرك واركبها واسعى فيها وشوي اشوف بنت تركض جنبي وتدعي لي عفت انها بنتها

ولافكيتها وحلفت على البنت اني اخلص فيها السعي لان العجوز خفيفة دم وتدعي لي في كل مره الله يوفقها يارب وكل من قراء هذا الموضوع .

لو كنتم مكاني وش راح تسوون..؟؟؟
*مره كنا في البر ولقينا عائلة مغرزه كنت بدباب بس بيني وبينكم البر بعيد مره بدون ذكر اسمه

ومعي اختي وبنت عمتي

قربنا منهم لقينا الشايب مع السواق وبناته

وانزل من الدباب

>>خبره الوالد معلمنا السواقه في البر وخصوصا "جيب باترول"

وكانت سيارة العائلة VXR

واستأذن من الشايب واطلع السيارة بعد ان حفرنا عند الكفرات >>خبرة الوالد مانستها لان ابوي كان يقول لي دائما "اهم شيء تعرفون وش تسوون اذا غرزتوا والبر مافيه امان يمكن نحتاج لكم اذا تعبنا في البر"
وهذه من اهم الاشياء التي تعلمتها في حياتي

واحاول اطلع السيارة وطلعتها

اذكر كلمة الشايب لي " انا اشهد انك بنت رجال"

لو كنتم مكاني وش راح تسووون؟؟؟؟وشكرا لكم

يعني كل عضو او عضوه تشارك او يشارك

وتخبرونا وش راح تسوون

الكثير راح يقول"وش دخلني في كذا او كذا"

او يقول "انما منيب ملزوم في كذا وكذا"

انا اقصد من لديه القدره على المساعده ووضع في مثل هذه المواقف وكل موقف على حده

راح يجي في بالكم "وش دخلك في هذي الامور ووجع الراس"

بش عشان كذا اسأل

اختكم

Yes & No

][المـؤيـد الهـادي][ · 26-08-2005, 03:39 AM

تسجيل حضور وحجز مكان ولي رجعه(أذكر فيها موقفي))....
مواقف رائعة تدل عهلى شهامتك وإنك بنت رجال حق وحقيقة ....

بس تعالي أنتي مؤيده لسياقه السيار ة...

بس أسمعي بعض المواقف عندي تعتبر مشفر...

Yes & No · 26-08-2005, 04:25 AM

اقتباس

الكاتب : جريح الحب


	تسجيل حضور وحجز مكان ولي رجعه(أذكر فيها موقفي)).... مواقف رائعة تدل عهلى شهامتك وإنك بنت رجال حق وحقيقة .... بس تعالي أنتي مؤيده لسياقه السيار ة... بس أسمعي بعض المواقف عندي تعتبر مشفر...

8
8
8
8
8
8
شكرا لك يا جريح الحب :sm55:

وفي انتظار مواقفك

وبالنسبة هل انا مع او ضد قيادة المرأه

هنا اقول

يجب على المرأه تعليم القيادة وبعض الحركات فيها لانه قد تكون في بر او في طريق ولاقدر الله يمرض زوجي او ابي او اخوي مثلا لاقدر الله
فأستطيع ان اكمل باقي الطريق وان انقذهم او موقف طوارىء

والقصص حول هذا النوع كثيره

اما قيادة المرأه لا لالالالا

اذا قادة المرأه السعودية السيارة

عز الله نقول على السعودية"السلام عليكم"

وبتعرفون معنى كلامي

والله ان المرأه السعودية مدلله في ان يقود لها السياره سواق مثلا او زوج او اخ او حتى اب

حنا طلعنا في الخارج واله يما الحريم مشاكلهم وحوادثهم كثيره بشكل

والمصيبه اذا وقع الحادث حطت يد على يد وقالت وش اسوي

او اسهل طريقه تركب سيارة اجره وتروح عن الحادث

او اقلها اقلها توكل محامي يدافع عن قضيتها لانها تؤمن ان هذا الشيء ليس من مسؤلياتها

مثال سريع جدا :

يوم كان ابوي في الخارج يدرس

"صدمته مراه من الفرنجه "غجريه">>وين نتكلم فيه التاريخ الصليبي

يقول ابوي انها لفت عليه لفه تقول وحده مالها عين يسار
لاشعوريا دخلت على الباب الي جنب باب السائق

وابي يتفجر عليها وهي تقحم الصدام في الباب الجانبي

طبعا الحمدلله مامعا ابوي احد في السيارة

وقف ابوي
مستغرب

لقاء الحرمه تبكي في السياره

جاها بابي قالها "وش فيتس" بمعنى مالك ايتها المرأه

بكت تقول ان ولدها تعب في المردسه وارتبكت ولاقدرت تمسك الديركسون

قال ابوي المسامح رب العالمين توكلي على الله (وينهو ولدتس الحين) قالت in the schoolي في المدرسة "ترجمة موقع مسبار"

وقالت لوسمحت ودني مدرسة ولدي>>طراره وتتشرط

ماقصر ابوي

وقفت سيارتها وركبت مع الوالد

وراحت المدرسة وشافت ولدها وقالت لابوي عطني عنوانك>>شكت في ابوها ارقام وحركات بعد

بس بيني وبينكم
طلعت البنت مضمونه

من بكره دقت على ابوي وقالت له دخل السيارة الوكالة ولايهمك التكاليف علي

وصدقت صلحت السيارة

والسبب ولدها

عاد يقول ابوي من زينه

كل وجه نمش وشعره مكبوب عليه بسبسي ومكرش بعد هذا وهو مابعد تزوج :d

النمش" بقع بنيه غامقه تخرج في الوجه

وشكرا لكم

>>قصة حياتي اسفه جدا على الاطاله والاستطاله"الاخت فيزيائيه"

Yes & No · 27-08-2005, 12:34 AM

وينكم فيه لايكونون انعستوا بس؟؟!!!

انا هنا انتظركم وبكيفكم

مورفين · 27-08-2005, 08:52 AM

بصراحة مواقف أكثر من رائعة وقفتي فيها ,,

معظمنا من الرجال ما يسويها .. وطبعا كل موقف وله تصرفه الخاص ..... حسب ما يقتضيه

اتمنالك التوفيق

Yes & No · 27-08-2005, 03:35 PM

اقتباس

الكاتب : سـاخـر !


	بصراحة مواقف أكثر من رائعة وقفتي فيها ,, معظمنا من الرجال ما يسويها .. وطبعا كل موقف وله تصرفه الخاص ..... حسب ما يقتضيه اتمنالك التوفيق

8
8
8
8
8

اهلا بك يا الساخر ولكن انا اطلب ماذا تفعل لو كنت مكاني؟!!!

وشكرا

Yes & No · 29-08-2005, 08:05 AM

وينكم!!

موزوعي محدش قاااااااه

مشتاق ومضنيني الفراق · 29-08-2005, 10:14 AM

السلام عليكم ،،،

موضوع جدا رائع

مواقف جدا جدا جدا جدا جدا جدا جدا صعبة للبنات

وتعاملك معها مثالي مررره بس هالمواقف هذي عادية بالنسبة للرجال

يعني اي رجل تمر على المواقف هذي راح يتعامل معها بشكل حلو ( باستثناء المرضى النفسيين )

بس اعجبني الشايب (اذكر كلمة الشايب لي " انا اشهد انك بنت رجال")

واعتقد ان السؤال موجه للبنوتات

وش راح تسوون لو كنتم مكاني؟؟

وشكرا مره ثانية على الموضوع

Yes & No · 06-09-2005, 08:47 AM

اقتباس

الكاتب : مشتاق ومضنيني الفراق


	السلام عليكم ،،، موضوع جدا رائع مواقف جدا جدا جدا جدا جدا جدا جدا صعبة للبنات وتعاملك معها مثالي مررره بس هالمواقف هذي عادية بالنسبة للرجال يعني اي رجل تمر على المواقف هذي راح يتعامل معها بشكل حلو ( باستثناء المرضى النفسيين ) بس اعجبني الشايب (اذكر كلمة الشايب لي " انا اشهد انك بنت رجال") واعتقد ان السؤال موجه للبنوتات وش راح تسوون لو كنتم مكاني؟؟ وشكرا مره ثانية على الموضوع

8
8
8
8
8

اشكرك اخي ::مشتاق ومظنيني الفراق::

واحرجتني بردك الرائع وتشرفيك في موضوعي والرد عليه

تقبل تحياتي

زرقاوي · 06-09-2005, 05:41 PM

Yes & No

(( انا اشهد أنك بنت رجال ))

في الحقيقة بعض المواقف لا تحسدين عليها

ولكن كان تصرفك جداً مثالي ورائع ,,,,

تقبلي مروري المتواضع على ما خطت اناملك

كتبه :

زرقاوي

المجلس العام

مناقشة جميع المواضيع الجادة والهادفة وأمور المحافظات

::وش راح تسوون لو كنتم مكاني@ماتقدرون@::

موضوع يخص كل السعوديين لازم تخشون ونسمع رايكم ..

والله واحشني موت

»

الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور

زوار هذا الموضوع الآن : 1 (0 عضو و 1 ضيف)

أدوات الموضوع
عرض صفحة الطباعة إرسال هذه الصفحة إلى صديق