المجلس العام

...مزوووح... · #1

بالخير..

مساكم الله بالخير

امس بالليل جالس اسولف مع احد الاخوات وتقولي خلاص بترك النت بالعطله وسلم لي على الكل وخلهم يعذروني عن الانقطااع في العطله ..

طيب وش السبب يافلاانه ؟؟ يعني ماخبرتك تنقطعين إلى لأسباب قويه خير وش فيك ؟؟

قالت : (( يبداء موسم استقبال الضيوف في فندقنا ((بيتهم)) ويبداء الشغل والغثاا))

موضوعي بسيط ويمكن بعضكم يعتبره ماله داعي وخاصه لنا ((الرجال))
ليه يعتبرونه تاافه ومو مهم ؟؟ لأنهم ما يقابلون الي بالبيت 24 سااعه

المهممم ...

تعرفون انتم بالعطله خلااص تبداء الناس ترجع لموطنهم الاصلي .
يعني هم مثلاً في الرياض .. واهلهم بالقصيم او في حايل او في الجنوب او الحجاز ...

الزوار الوافدين لأهلهم بغض النظر عن انواعهم وصفت قرابتهم ,يبداء يفكر قبل العطله !!

وين بنروح للعطله ؟؟

عند اهلي او عند اهل زوجتي او عند اختي او عندي اخوي ؟؟

يعني مافيه امل يفكر ويقول :
((بستأجر شقه واجلس لحالي انا وعيالي وافك العالم من غثاي انا وعيالي وازعاجنا لأهل البيت الي بنلزق فيه ثلاث شهور ))

والله مشكله

تخيل البيت فيه ولد واحد وبنتين ويجونهم خمس عوايل وينثبرون كل العطله ؟؟

شغل بالليل وبالنهار تنضيف وطبخ وخاصه للي ماعندهم شغالات ((هذا من ناحيت البنت))

والولد الضعيف يحرم من الطلعه ومن السفر ومن كل شي يعني سجن X سجن ...وليه؟؟
كله علشان يجلس عند رجل اخته ولا عند رجل خالته !!

فيه البعض منك بيقول لا عااادي ((ويا ما احلى الجمعه بين الاهل))

طيب وين حريتي انا يا صاحب البيت ؟؟
ليه تحبسني علشانك انت وزوجتك وعيالك ؟؟
وش ذنبي ؟ ... كل هذا علشاني اخوك ولا اختك ولا ,,,,

ياخي الله يقلع القرابه الي تقلب عطلتي واجازتي مأساات

وش الحلول ؟؟

اصارح اختي ؟؟

اصارح اخوي ؟؟

اقوله تراكم نشبتولنا روحو استاجرو ونقط لكم ؟؟

طيب يمكن بعضهم بيوتهم عشر ادوار وعاادي
وفيه بعضهم عشر عوايل في دورين

يعني ما ابي احد يقيس على نفسه انا اتكلم عن هم عواايل وهذا الشي واقع بيننا

البنت تقول:
(( يبه بنروح نسافر ناخذ عمره تكفى يومين )) ؟؟

الابو : انهبلتي انتي .. وشلون نروح ونخلي الضيوف الي عندناا ؟؟ كلها 90 يوم ويروحون

الولد :
يجيه اتصال (( فلان يالله تعال وهات معك العود ترى العيال بالاستراحه فيها طررب ))؟؟

الولد يرد وخانقته العبره

يااخي ما اقدر اجيكم عندي ضيوف بس ان شاء الله اشوفكم كل شهر مره معليش

..

والله حااله

..

(( اعطني حريتي ..اطلق يدي ))

للأسف الحريه بالاجازه في بعض البيوت مقيده لدرجه كبيره

انا اعرف منك المعارض ومنكم الي يحس في نفس شعوري في هذا السجن

منكم من يقول عاادي هذي اختي ولا هذا اخوي اتحمل علشانهم !!

تتحمل اسبوع شهر ياحبيبي لكن عطله تشوف الناس تروح وتجي وانت مسنتر في بيتكم مااتوقع .. لا تكااابر ياخوي

اخوي العضو

اختي العضوه

وش رايك في هالموضوع ؟؟

افيديونا جزاكم الله خير !!

.. مزوووح ..

حقوق الرقعه محفوظه

غلا زااايد · 23-06-2006, 02:14 AM

اذا كان صاحب البيت يبي يطلع او يسافر و الضيوف هذيلا مسويين له سجن 3اشهر

الصراحه شي يضيق الخلق ......

انا بس اذا كنت ناويه اروح مكان واحد قالي اقعدي في ضيوف بيوصلون بعد شوي
اتضايق ويرتفع ضغطي....

عاد كيف لو طول الاجازه .............ما اقول الا الله يكون بالعون
لكل من عنده ضيوف مطولين عنده....

عندنا بالامارات الاغلبيه مافي حد يقضي اجازته عند حد ...كلا في بيته ......

الحلول لهذي المشكله

مافي الا انك تقول انك بتسافر مع بداية الاجازه ...

او انك وين ماتروح تآخذهم معك ......... ابتلشت فيهم

اكيد مب كل الناس يكون وجودهم يضايق فيه ناس لهم اطباع تخلي كل الناس تحبهم...وطبعا بتكون الاجازه لها طعم خاص بوجودهم

وفالاخير 1000 شكر لك اخوي مزووووح عالموضوع

اختك

غلا زااايـــــــــــــــــــــد

ميمي العسل · 23-06-2006, 09:09 AM

موضوعك مزوووووح مرة حلو وكثييييييييييييير من العوائل تعاني منه هذا الشيء خصوصا اللي لهم اهلي مو

عايشين معاهم في نفس المنطقة والله الواحد الضيف تستحمله كم ساعة ونفسك يطير من عندك أنا ما

أحب استقبل ضيوف اشيل هم شغل البيت

والله تعب يمكن الرجال بس يتقيد لكن احنا الحريم

يمكن حتى صديقاتك ما تستقبليهم عشانهم وعشان ما يضايقوا بس أنا مبدئي الضيف ثلاثة أيام وما زاد

يقلب وجهه اخليهم في البيت على راحتهم إذا كنت رجال بطلع واسيبهم أما إذا كنت بنت أخليهم يساعدوني بشغل

البيت

ذكيه لأن مو معقوووول يفضل الواحد ملتزم فيهم ثلاثة شهور أو شهر بس أحس إذا كان

الضيف اختي أو أخويه مررررررررة عادي ماهم أغراب البيت بيتهم المعانة لو كانوا غير كده

وربي يعين الجميع

وإجازة سعدية لكل

مجنــــــــون · 23-06-2006, 11:12 PM

الله يعطيك العافيه

مزوووح

وموضوع جميل

بالنسبه لتواصل الأهل والأقارب هذا شي أيجابي في ظل أنقطاع الوصل هذه الأيام

ولعلك بالغت كثيراً في مسألة ثلاث شهور أو شهرين أو حتى شهر

لأنه كما تعرف .. أن أكثر الناس موظفين ولعلنا نقول المدرسين هم أكثر الناس طولا في الأجازه

وهذا لا يجعلهم يقضون جميع الأجازه في منطقة كالرياض او جده أو غيرها ..

وعلى كل حال وبالنسبة لي أقول .. مرحباً بالضيوف ..

ولولا غلاي لديهم لما أقبلوا علي .. لأننا ولله الحمد كشعب سعودي كرماء وتعودنا من آبائنا وأجدادنا على

الضيوف وخدمتهم وخاصه الأقارب ومن غيرهم سيحضر وينيرنا في أيام الأجازه الطويله والتي ستكون جميله

باللمـــه وتقــارب القــلوب .. وستبقى ذكريات أكثر من جميله وأقول هذا لتجربه عشتها كثيراً وقد تكون

شبه سنويه

تحيــاتي لك ..

مجنــــون

أبيض قلب · 24-06-2006, 12:39 AM

اخوي مزوح

فعلا صدقت والله ..
هذه مشكلتنا كل صيفية ننحرم من الطلعة لاي مكا نسواء سفر او حديقة أو مكان نجتمع فيه عشان هالأمر
تصدق أخي ان الصيفية اللي راحت من كثر الناس اللي عندنا ماكنت القى غرفة اكل أو انام فيها كل مجموعة بغرفة والله ..

لين حسيت أني بنفجر والله
والمشكلة تستحتي منهم وماتقدر تقول شئ مهما كان ضيوف واقااارب مانقدر نتكلم ..

ومضطرين نجامل طبعااا ..

بس والله ياخوي تظل جمعتنا حلوة مع بعض حتى لما نلتم ع سفرة واحدة ونأكل سواااء
تحس بالفرحة والسرور ونخرج سواء يعني حتى لو ماسافرنا ننبسط معهم والله ..

شكرا لهذا الطرح أخي الذي قد ييتضاايق منه البعض كما ذكرت والله والبعض الاخر الأمر بالنسبة له عادي

أملي ان يستمر تواصلك معنا أخي العزيز .ز

تقديري

المجلس العام

مناقشة جميع المواضيع الجادة والهادفة وأمور المحافظات

بدت العطله ((فندق الاقارب)) وياقلب لاتحزن ..موضوع نقااش

×× قمة السعادة لديكم ماهو ؟!! ××

ღஐ• الجولة الثانية .. من المسابقة الثقافية بين البنات والشباب • ஐღ

»

الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور

زوار هذا الموضوع الآن : 1 (0 عضو و 1 ضيف)

أدوات الموضوع
عرض صفحة الطباعة إرسال هذه الصفحة إلى صديق