ضروري ومهم لكافة طبقات المجتمع انهم يعرفون او يطلعون على الانظمه اللي ماشيه في البلد لان هالشي فيه حماية لحقوقهم علشان ما تضيع ويسهل المطالبه بها مثال على هالشي

قصة موظفة في القطاع الخاص بعد ما رجعت من اجازة الولاده طلبت من مديرها فتره استراحه علشان ترضع ولدها ، مديرها رفض وبشده قال ان كان تبين تاخذين فتره نخصم من راتبك رجعت هالموظفة للانظمة الخاصة بعمل المراة لقت انه من حقها تاخذ فتره اوفترات استراحه لاتزيد عن ساعة في اليوم الواحد غير فترة الراحه الممنوحه لكل العمال ولما رجعت لمديرها ما قدر يقول شي .

علشان كذا احس من المهم ان نكون مطلعين على القوانين والانظمة اللي نحتاج لها في حياتنا علشان ما تضيع حقونا ولا ندري لمين نشتكي و كيف تكون دعوانا ومثل ما قالو القانون لا يحمي المغفلين مع اني احس ان هذي العبارة فيها تجني على من يجهل الأنظمة وتكون أصدق لو كانت القانون لا يحمي الغافلين عن الاطلاع والمعرفة بالنظم والقوانين اللي تخلي الشخص قوي امام من يريد استغفاله أو هضم حقه فبمجر ما يعرف المقابل او الآخر أن اللي يتعامل معاه انو عارف اللي له واللي عليه يكون اكثر حذر ودقة في التعامل معه .
وإذا جينا نقارن بين الجهل بالأنظمة والقوانين وبين الأمية في الكمبيوتر من وجهة نظري أن الأول أشد خطر و أكثر ضرر من الآخر ففي فواته فوات للحقوق اما الآخر فوات لمعلومات جديدة ممكن أن يكتسبها أو جزء منها على الأقل من مصادر اخرى

و أختم كلامي بسؤالين اتمنى منكم الاجابة عليها و لا تحرموني من مداخلاتكم

هل إطلعت على القوانين و الأنظمة التي تحمي حقوقك في المجالات التي تعنيك ؟

هل تؤمن بأهمية الإطلاع عليها ؟