المجلس العام

الحائرة · #1

السلام عليكم ورحمه الله وبركاته

مساءكم الله بالخير

طلب مساعدة من أعضاء المنتدى (الـــفـــزعــة)

بمشئية الله سوف يكون عندنا حفلة للجنادرية وان كل قروب مكلف بمنطقة من مناطق المملكة
وقد كلفنا بمنطقة نجد وهذا من حسن الحظ

وقد كلفت انا باللهجة النجدية ( ان احضر 20 كلمة و بمعناه باللغة العربية أو العامية )

يقال أهل مكة أدرى بشعابها لذلك رجعت إليكم (( للقاموس))

كذلك اسماء الأكلات الشعبية والزي والتراث النجدي >>> ماني عارفته

وآمل من الجميع مساعدتي ولكم جزيل الشكر

ومن لديه اى اقتراح او مشاركة يضاف للحفل فلا تبخلوا على

أخـــتـــكــم
الــحــــائـــرة

بنت الاديب · 26-02-2007, 11:11 PM

هلا وغلا
بالحائره
الاكلات ...
جريش _ قرصان _ مرقوق _ مطازيز _ حنيني _ محلات
الكلمات وش تبين بالتحديد
الزي التراثي وهو يشبه الزي الكويتي الثوب الخفيف ومشغول بقصب ذهبي ويلبس على الملابس
اذا ممكن تحددين انتي من اي منطقه واذا ممكن اعرف احد فيها اسالهم عن الاماكن الي ممكن تفيدك واعطيك خبر فيها
بالنسبه للافكار ...
حنا الحين قاعدين نجهز مشهد تمثيلي وراح نعرضه بيوم الجنادريه بالمدرسه اذا تبين المشهد اشرحه لك وانتي زينيه عندكم هو يخص التعليم اول والحين كيف صار
اتمنا اكون افدتك يالغاليه واي استفسار تفضلي
كوني بود وعافيه

الـمـتـوهـج · 26-02-2007, 11:17 PM

حددي لنا اختي !!!

اليوم مصور اشياء قديمة في بيتنا في قسم التراث
لها 80 سنة تقريباً إن أردتي الصور وضعتها !

tasneem · 27-02-2007, 12:10 AM

الحائرة

سوي بحث في قوقل و تلقين كل شي

بالنسبة للبرتامج ..

لو قدرتوا تستضيفون وحدة من الجدات الكبيرات بالسن و تسوون

معها لقاء مغتوح تسألونها عن أصناف الطعام وأساليب الحياة

و الأزياء و الاحتفالات بالمناسبات المختلفة مثل مولود جديد

أو زواج أو قدوم من الحج أو السفر. وعن الحرف المنزلية التي كانت

المرأة السعودية تمارسها في المنزل .

أتمنى أكون أفدتك .

الحائرة · 27-02-2007, 12:54 PM

بنت الأديب
مشكوة على المرور وما قصرتي

أنا من المنطقة الغربية وصراحة ما اعرف شي عن منطقه نجد
المقصود باللهجة تعرف كل منطقة بلهجة مغايرة عن الاخر
اذا امكن (( لهجة الاجداد)) مثل كلمة ذهب تقال في بعض المناطق افلح والبعض سعى
هذا قصدي اتمنى انكم عرفتوا
بنسبة للفكرة ياليت تذكرينها يمكن تعجي الاستاذة وبعد تبغى بالانجليزي

المتوهج

مشكور والله يعطيك العافية اضع الصورة لاهنت

ترى بقول إذا ما اعجبتني ماني باخذتها >>> شحات ويتشرط

تسنيم
مشكورة على المرور

انا بحثت في قوقل بس انا ابغى لهجة ومعناه باللغة العربية هذا لم اجده و20كلمة بعد >>> ورطة

اما بالنسبة للستات الكبار في السن هذا فكرة حلو تتكلم نجدي ونترجم الانجليزي أن شاء الله اعرض

الفكرة على الاستاذة

ترى آخر موعد يوم غداً الأربعاء اسلم الموضوع فلا تبخلو علي

حائر · 27-02-2007, 01:23 PM

لو مختارين الكويت كان قلت لج : )

لكن يالله الجنادرية الجاية بساعدج

حائر

الجووهرة · 27-02-2007, 03:15 PM

مرحبتين الحايره ..
لا تحتارين ولاشيء ..

ما فهمت .. هل فيه احد راح يتكلم باللعجة النجديه ... ووحده تترجم بالإنجليزي ؟؟ طيب ليه انجليزي فيه عندكم اجانب راح تترجمون لهم ؟؟؟؟

الكلام ابصراحه ما فيه فرق كبير او واضح .. يعني تقريبا في الأسلوب وطريقة نطق الحروف ..

ابقول اللي اعرفه ..
الزي الحريمي (النسائي)
(دراعة) = جلابية وتكون مخصره .
(شيلة منيخل )= عبارة عن شيلة خفيفه مره مثل التل يلبسونها العجايز زمان ..
(ديرما)= ما لقيت لها تعريف .. بس شي يستخدم لتنظيف الأسنان وتجميلها

لونه بني غامق
ولا تنسين الشعر يكون فيه فرقه في النص .. يطلع الشكل توووووووحفه

لهجة اهل نجد قديما كانت الكلمات اللي تنتهي
بكاف ينطقون الكاف (تس) <<< تكفوووووون لحد يضحك خلوني اشرح للبنت
لا تنسين مو سين لحال التاء قبلها .

وبرضو اي شيء تقدير تنطقينه بالتصغير صغري يعني مثلا كلمة تمره قولها (تميره) <<< ياااااا اني مييييييته ضحك
وطبعا مدي في الكلام شوي يعني يكون بارد وممدود ابدا مو سريع كأنك تدلعين بكلامك ..
فيه كلمة دائما يقولونها الحريم الكبار في نجد ولايمر يوم متأكده الا هم قايلينها كلمة(هـــــاوه) وهي كلمة تعبر عن الإستغراب والتعجب !!!! يا عيني ...

كلمة اصبع = مصبع بالنجدي << ميم زياده
يقولون كلمة (مير) = لم اجد لها اي تعريف !!!!لكن تستخدم وشولون ما ادري !!! اسألي عنها .. <<ما تعجبني هالكلمه

في الترحيب يقولون (الله حيَّها ) وطبعا الرد يكون = الله يحييك ..

روج = حمرة او بودره بالنجدي
بعض الحريم الكبار تقول (اتبودر ) بمعنى اتروج <<< يا حبي لهم

وابسأل لك اكثر اكيـــــــــــــــــــــــــــــد ..
<<< اعجبتها السالفه

بس علميني وش سالفة التجرمة للغه .. واي شيء انا حاضره لك ان شاء الله

الحائرة · 27-02-2007, 04:56 PM

حـــائـــر
مشكور على المرور والمساعدة في الجايات اكثر

يحيا الله وخيتي الجوهرة

ان شاء الله ما تقصرين

وأنا اقولك السالفة الله يسلمك عندنا في جدة مركز يقولون عنه مركز الحي المتعلم
وينقسم الى عده ورشة ووخيتك داشه ورشة اللغة الانجليزية هذا السالفة >>> وحايسه فيها

وانا ابغى مثل ما ذكرت وخيتي الجوهرة من الكلمات
وانا حصلت مثل :
أويق معناها انظر

حوّل معناها انزل

شنق معناها جهة >>>

يهوجس معناها يفكر

تهقى معناها تظن

فقط هذا اللي وجدته اذا كان صحيح

ســـــواح · 01-03-2007, 02:44 PM

الرَبع : الأصحاب

كاشخ : متأنق

سعابيل : اللعاب .. أو الريق

موتر : سيارة

مُب = ماهوب.. أو بالفصحى ماهو (بكذا)

يالغلا..كلمة مجاملة وتعني يا غالي

سم .. تقال لمن يطلب طلبا .. أو استجابة لأي نداء

اسلم : تقال عند الرغبة في إكمال حوار الطرف الآخر .

اقدع .. بمعنى تفضل .. ويقولها صاحب البيت لضيفه قبل الأكل

هذا مايحضرني الآن على عجالة

خلف بن فهد الراشد · 23-03-2007, 07:35 AM

الحائرة
عضو مشارك

ههههههه
هذي وخيتي ظريبت الحظاره والأنسلاخ من الصل
يجب العوده لحد العجائز

الي هم

الجده نجود
والجده بنت الأديب
والجده رغد
والجده غزالهـ
والجده رغد
والجده شهد عجوز المطابخ

هذول يفيدونك
اكيد

الله يحفظهم لنا الغاليات
بنتنا وخواتنا وجدتنا ونساء المسلمين
الي مانسو للحين سوالفهم وتسمياتهم
هم يفيدونك

مواضيع ذات صلة
الموضوع	الكاتب	المجلس	المشاركات	المشاركة الأخيرة
طلب عاجل !!	سكرات الرحيل	مجلس الكمبيوتر والإنترنت	8	19-02-2007 01:57 PM
لو سمحتمـ طلب فرشه ؟؟	كذاب بس جذاب	كـنوز الإبـــداع	3	19-02-2007 12:47 AM
لي طلب واحد أمآنه (إحرقي ثوب الزفاف)..!	المليحة	حدائق الأدب	1	25-01-2007 03:26 PM

المجلس العام

مناقشة جميع المواضيع الجادة والهادفة وأمور المحافظات

طلب مساعدة

واس : إعادة تشكيل مجلس الوزراء

طفل عمره سنة ونصف يرعب عائلة كاملة !!

»

الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور

زوار هذا الموضوع الآن : 1 (0 عضو و 1 ضيف)

أدوات الموضوع
عرض صفحة الطباعة إرسال هذه الصفحة إلى صديق