المجلس العام

جبل الثلج · #1

وجدت هذه الرساله على ايميلي وأرتأيت نشرها وليس بيدي شيء انكر به الظلم والقهر الواقع على أصحابها الا بنشرها بهذا المنبر عل الاصوات تصل لأصحاب القرار فإليكم نصها طبعاً حذفت بعض الاسماء والكلمات حتى لا يتم التجريح بأي شخص

السلام عليكم
للأسف هذه مشكلة في الجامعات كلها ومعاناة لأغلب الطلبة
انا عانيت من نفس المشكلة كنت في جامعة ام القرى قسم هندسة ميكانيكية واذا في احد من الاخوان مر عليه الدكتور 000 اعتقد انه راح يفهم قصدي
على اي حال الحمدلله تركت الجامعة وحولت ولله الحمد كلمت دراستي واتخرجت من قسم هندسة بس المرة دي بعيد عن المشاكل دي ولله الحمد
اذكر مرة كانت عندنا مشكلة مع الدكتور 000 ورحت انا وجموعة من الزملاء لعميد كلية الهندسة في جامعة ام القرى في داك الوقت كان الدكتور 000المهم شرحناله الوضع وقلنا احنا راضيين بالرسوب بس ما نبغى ناخد اي مادة مع الدكتور رد علينا بالحرف وقال( يعني دكتور بيستلم 15 الف ريال ماتبغاه يدرسك ايش يعني يسوي الدكتور هنا يثشر بصل يسوي شربة) قلنا طيب نبغى رقابة علىالدكتور قال ( الدكتور زي اللي عنده حصانة دبلوماسية محد يقدر يكلمو) هذا كلام عميد كلية
الموقف الثاني الي يبين مدى التسيب في الجامعات انا نقلت من الجامعة وسحبت ملفي وفي يوم بعد تقريبا مرور سنة ونص رحت الجامعة مع واحد من زملائي كان يبغى يشوف درجاته صاحبي كان راسب وجايب في المادة 18 من 100 المضحك وانا باقرأ الاسماء لقيت اسمي من ضمن الاسماء مع اني ساحب من الجامعة لي اكثر من سنة واخذ درجة اعلى من صاحبي وقتها شفت اسم الدكتور وللاسف ما طلع الدكتور 000 لاني كنت ناوي اعمل فضيحة لو كان هو وقيس على هذه القصص كثير بس الحمد لله تركت الجامعة ديك وحولت واتخرجت وباحضر ماجستير الآن
الحل في رأيي ان الشخص يكتب في الجرايد يعمل فضيحة لو اضر الامر المسالة مجازفة صح بس راح تؤدي لنتيجة بس السؤال مين عنده استعداد يتحمل نتيجة تصرفه؟؟؟؟
السب والشتيمة والفضفضة مع الاصحاب ماراح تغير من الواقع شي ابدا
لو اتقدمت شكوى جماعية لرئيس القسم ومدير الجامعة ولوزارة التعليم العالي وفي الجرايد وارفق مع الخبر انه تم ارسال نسخة منالشكوى لرئيس القسم ومدير الجامعة ووزارة التعليم العالي متأكد انه راح يحصل تغير
بس مانقول غير ربنا على كل ظالم-

********
السلام عليكم ورحمة الله و بركاته
أحب أن أعطيكم فكره عن جامعه أم القرى أطهر بقعه على وجه الأرض ولكن للأسف الجامعة من أحط الأماكن بها
أرجو منكم مساعدتنا لما نواجهه من مشاكل نحن طالبات (( مجاهدات )) قسم اللغة الانجليزية
و إليكم بعض هذه المشاكل :
- قال صلى الله عليه و سلم : (( كلكم راع و كلكم مسئول عن رعيته )) .. من يتولى زمام القيادة يكون إنسان كفئ يراعي حق الله في نفسه قبل الناس يخشى الله يكون حملاً للأمانة الملقاة على عاتقه
.. للأسف فرئيس القسم إنسان تجردت منه صفاته الانسانيه عندما نقوم نحن الطالبات منه بإضافة المواد يتسلم الأوراق عن طريق القسم و يكون الرد بعد شهر إما : الأوراق ضاعت , المجاميع أغلقت بالحرف الواحد يقول لنا انقلعوا سألتكم بالله هل الشخص دا يستاهل يكون دكتور او المكان دا يليق بيه
عند طلب فتح مجموعه جديدة يرفض و يقفل السماعه في وجه الطالبات .
عند مراجعتنا لعمادة القبول و التسجيل جزاهم الله خير الجزاء يكون جزاءنا الطرد لان رئيس القسم 000أكرمكم الله ساحب اليزورات من العمادة محد يضيف و لا يحذف غيرو هوا أو منسقه القسم حسبي الله عليهم
- العالم تدخل الجامعة و تتخرج في 4 سنين اما طالبات اللغة الانجليزية ينتهى عمرهم و هما ما اتخرجوا لعده أسباب منها :
1- عدم إضافه المواد أتخيلوا ما تنضاف لنا اكثر من 4 مواد تخصص و دي بالواسطه ممكن مادة وحده بس في الترم كلو عشان المجاميع أغلقت او المتطلب السابق
2- قسم بالله الماده نعيد فيها أكثر من ثلات مرات و لما نراجع الدكتور و لا الدكتوره بالفم المليان يقولوا لنا في وجهنا انتو ناجحين بس مو معقول المجموعه كلها تنجح راح نتعرض للمسأله ..
3- البنت فينا تجلس ممكن 3 سنين على ماده وحده و هيا تخرج و الدكتور يجلس يرسبها
4- ال 60 في قسمنا اللي هيا درجه النجاح بتساوي 90 ..
5- نستحمل قرف و قله أدب الدكاتره عشان ندرس و نتخرج , الدكتور لو سمع حركة كرسي او صوت من بره على طول يقول لنا الدرس مشروح.
6- لو اتأخرنا 5 دقايق عن المحاضره لسبب اننا بنكون خارجين من محاضره في مبني بعيد الدكتور يحطنا غايبين. بس لما هوا يغيب عادي ما عندوا احد يحاسبوا او يعاقبوا
7- اتكلمنا مع الدكاتره لتغير طريقتهم معانا , احنا جيين ندرس و هما بياخدوا رواتب ما بيدروسنا ببلاش بس مافي فايده ., الدكتور اللي نقول له شي يحطنا في راسو و يرسبنا.
8- عند مراجعه سكرتيره القسم لايوجد لديها سوى إجابه وحده هيا مااعرف شي او ماعندي خبر , نفس الوضع مع رئيسه القسم , ماتدري عن شي و لا الدكتور 000يدري عن شي .
9- ما يراعوا ظروفنا , نغيب بعذر الدكتور يرمي في وجهنا التقرير الطبي او شهاده الوفاه ما اتخيل في انسانيه اكتر من كدا , او انو الدكاتره هدول الرجل الحديدي ما يعرفوا المرض و لا الموت ..
10- الدكتور يتريق على الطالبات , يتريق على الدين و لما نقول كلمة الحق يزعل الدكتور.
11- اللي يكون لها قريب او صاحب الدكتور من غير ماتدخل اختبار او تزاكر تاخد اعلا درجه و اللي زاكرت و كرفت ترسب .
- راح أعطيكم فكره مبسطه عن بعض أعضاء هيئة التدريس:
د\ 00000 : حسبي الله و نعم الوكيل عليه
الدكتور دا بالفم المليان يقول لنا في المحاضرات أصول المادة 3 مرات محد ينجح عندي من أول مره دا أولا , ثانياً و الله العالم ما يصحح أوراق الاختبارات و يجي يعرض على الشاشة درجات و ربي لها العجب مذاكرين و حافظين المادة و ناخد 5 من 20 و لما نقوله جاوبنا ما يورينا الأوراق لا و يقول ما عندكم لغة يا 000 خاف ربك و شوف انو مصيرك لحفره راح تكون فيها لوحدك , يرسبنا على درجه درجتين , و للمعلوميه فقط لو قامت طالبه بإستطاعتها تدريس الماده و ايصال المعلومه للطالبات أكثر من الدكتور نفسه .
و كمان يستهزيء بالدين و يقول : السنه اللي راحت قابلتكم ليله القدر السنه دي ما راح تقابلكم .
للمعلوميه الدكتور دا عندو جلطتين في القلب غير ما يتحلا به من دناءة الاخلاق و يسب و يشتم الطالبات .
د\ 0000
دكتور يدرس ماده الادب البريطاني , ما عندو أي كفاءه في الشرح او إيصال المعلومه للطالبات , كل الواجبات عندو غلط , الاختبارات محد ياخد درجه طيبه , بنعيد الماده عندو فوق 3 او 4 مرات و اله حرام نبغى نتخرج بس يعصب + ما يشرح + المجموعه اللي ما تعجبوا يرسبها كلها .
د\ 00000
دكتور شديد يستخدم طرق التدريس الحديثه , الاختبارات عندوا ب الانترنت , الواجبات نفس المقرر من الانترنت دا الشي الطيب فيه , الدكتور بس يرسب على الفاضي و المليان , مو من حقنا اننا نغيب حتى لو بعذر لو غبنا غياب واحد و بعذر راح يكون مصيرنا الرسوب , قدامكم نتايجنا في مادة تاريخ اللغه الانجليزيه, علم المعاني , مدخل الى اللغه 2, شوفوا بس كم مره درسنا الماده .
بالإضافه ل : د\ 000 , د\ 000, أ\00, أ\00, د\ 00, د\ 00, د\ 00, د\00, د\ 00, أ\00, أ\ 00, و قسم بالله من القهر الاسماء اتمسحت من راسي ..
يا ناس خافوا ربكم و اتقوا الله , مصيرنا كلنا راح ننحط في حفره وحده راح تتحاسبوا عن الامانه , اعملوا شي تتخارجوا بيه قدام الله , شوفوا أمانه + مسؤليه بس للأسف انتو ضيعتوها الاتنين ل أغراض دنيويه , دكتور يتمصخر مع بنت عشان تكلموا و لا يديها ايميلوا , و المشكلة إنكم يا دكاترة قد ابهاتنا و أمكن اكبر منهم , استحوا على وجهكم و بس خافوا ربكم و اتقوه , و لا الدكتور البنت اللي ما تعجبوا في طريقه كلامها عشانها محترمه و بنت ناس و متربيه و ما ترضي تكلمو او تديلوا وجه في المحاضره يرسبها , اتخيلوا لو انو بنت احد فيكم تحت يد ناس ظلمه زيكم ايش راح تكون ردة فعلكم , اصلاً لما نحكي احد محد يصدقنا انو في الشي دا في الجامعه ابادكم الله , في وسطنا اللي ابوها دكتور و اللي ابوها مهندس و اللي ابوها زبال كل طبقات المجتمعات موجوده بس ما نرضى انو ابهاتنا يوسخوا نفسهم مع ناس انجاس زيكم , لانو انتو معانا كل واحد لسانو زي القطران , و مانرضى انو احد زيكم يهين اغلا اشخاص في حياتنا , اشتكينا و قلنا بس محد يسمع , و د. 000عميده الدراسات الجامعيه تقول بالفم المليان اتمنى القسم دا يقفل و الله مهو حل مهو ذنبنا اننا دخلنا قسم كلو مشاكل , اتحطمت احلامنا , اتحطمت امنياتنا , مننا اللي اتخرجت من الثانوي ب 99% بس تعالوا شوفوا اعلا معدل عندنا 2 , عملوا حفله للمتفوقات و الله من قسمنا مافي احد , الخلل مهو فينا الخلل في الناس اللي ماتخاف الله ,
نحن هدفنا في هذه الحياة هوا إكمال تعليمنا الجامعي و التخرج , و ليس قضاء عمرنا كله داخل الجامعة , لايوجد إي إحساس بالمسئولية ف أعضاء هيئه التدريس ليس ورآهم حسيب و لا رقيب يحضروا متى شاءوه و تغيبوا متى شاءوه , و التلاعب بالدرجات بصورة غير طبيعيه , قدمنا شكوى تقدمنا بتوجيهها لعميده الجامعه د. 00و على حسب قولهم ارسلت صورة ل د.00و د. 00و لكن للأسف لم نجد من يبرئ جرحنا او يحل مشاكلنا فلم يتبقى لنا شي على التخرج , نريد فقط تطوير مستوى اعضاء هيئه التدريس في القسم لجعله يليق بحمل اسم أم القرى , و جعل رقابه دائمه عليهم كالمدارس , فهذه أمانه و انتم وضعتوا هيئه التدريس لتدريسنا و تطويرنا و ليس فقط لاخذ الرواتب و عدم حمل الامانه, لو منتو قد المسؤليه تتحملوها ليش و لما تبغوا تقفلوا الاقسام اقلبوها حلقه على الاقل الناس ما تمرض و لاتموت و لاينحرق دمها ..
حسبي الله و نعم الوكيل
الساكت عن الحق شيطان أخرس , ومن لم يشغله امر المسلمين ليس منهم
اللي عندوا حل يرسلي على ايميلي ايش ممكن نعمل
ما اشهد احد على كلامي بس
اقول و الله على مااقول شهيد
محد احسن من ربنا و لا احد فوقه
يارب وكلتك امرهم و من يتوكل عليك فأنت حسبه
***
مقهورة أخرى تحكي :::::ي
قد راجعت سجلي الفصلي بناءا على المعلومات التي أعطاها لنا الدكتور أثناء الترم ، فاحزروا ماذا وجدت ؟
المشاركة : 5/5 لاني في كل محاضرة أعطي مشاركة أو تعليق
الحضور : 5/5 لأني لم أغب أبدا سوى يوم واحد و قد كان معي تقرير طبي
الاختبار الأول : 16 / 20
الاختبار الثاني : 7 / 10
أعمال الترم ( المجموع ) : 33/40 = -7
سبع درجات ناقصة من أعمال الترم فقط ..!
فهل يعقل هذا الاجتهاد و هل يعقل هذا التعب و البحث عن المصادر و العمل
ينتهي بـ 28 / 60 %في الاختبار النهائي ؟
آخ .. يالا القهر ..!
بما أنها مادة مسرح و إبداع مبنية على نقد شخصي فمن السهل على أستاذ المادة أن يقول أن هذه المعلومة المكتوبة على الورقة ليست هي المطلوبة أو ليست هي ما أراده .. مع أنها في حقيقة الأمر أحد الاحتمالات لإجابة هذا السؤال و ليس معلومة خاطئة ..!
فلن يستطيع مساعدتي الأستاذ نفسه إذا منعه كبرياءه أن يقر بخطئه .. و ربما ليتمادى في عناده سيرسل ورقة الاختبار لأحد زملاءه في العمل الذي سيسانده بكل حميه و يقف معه .. و ربما لا ..
و نبقى تحت رحمة الاحتمالات ..!
و هنا نحتاج تغير النظام الحالي بإحضار خبير أجنبي – من خارج الجامعة أي من جامعه أخرى صديقه و الأفضل التأكد من انه لا يمت بقرابة أو صداقه لأحد من القسم الحالي – حتى يحكم على مدى صحة المعلومات الموجودة في ورقة الامتحان ..
حسنا أيها الرفاق ..
أنا لستُ هنا بصدد تحديد من هو المخطئ أو من هو المصيب ..
ولكن أين هو النظام الذي يحمي حقوق الطلبة من خطأ كهذا ..؟
الوضع الحالي :
لكي استطيع أن أراجع ورقة الاختبار النهائي فانه يجب علي دفع مبلغ جزائي ..
و إن أصبت في ظني فلي استرجاع المبلغ – هذا إذا استطعت أن أوفره أصلا - .. و إذا أخطئت الظن فللأستاذ أن يأكل مالي و يضعه في كرشه .!
حتى أنه ليس لي أن اذهب إلى وحدة إدخال المعلومات و أقول لهم أنكم ربما قد أخطأتم في إدخال درجتي .. أو ربما حصلت لخبطة ما ..!
إلى متى سنعتمد على مصداقية أنظمتنا الجامعية باعتبار أنها انظمه ملائمة لكل زمان و مكان .. ؟
و متى سنحصل نحن الطلبة على نظام يدعمنا و يحرص على عدم ضياع حقوقنا و يحمينا من تعسف الأساتذة .. ؟
و لماذا نستبق الظن دوما بأن الطالب هو اللي يتبلى على الأستاذ ,, و ليس الأستاذ هو الذي ليس أهل لمنصبه ..؟
و بالنسبة للأساتذة الذين ليسوا أهل لمنصبهم ، فمتى يأتي الأوان لتنظيف الجامعة منهم و وضع ناس يستاهلوا .. ؟
هل يجب ان أثير فضيحة علنية في الصحف حتى يتكرم احد من التعليم العالي ليدير رأسه الكريمة لمدة دقيقة ليرى أحوالنا الداخليه ..؟

كمان · 15-03-2007, 11:36 PM

مصايب
لايلام الذئب في رعييه @ أن يكن الراعي عدو الغنم

جبل الثلج · 17-03-2007, 10:09 PM

كمان

بالفعل ومن سيلومهن بعد التخرج والتعين

فإذا كان ب البيت بالدف ضارب000

مشكور اخوي

نعناعه · 17-03-2007, 11:57 PM

لا حول ولا قوة الا بالله

بس طبعا هالكلام هذا كله محتاج اثبات

ومحتاج سماع وجهة نظر لكل الاطراف

وياليت كل العاملين والدارسين والناقلين للاخبار يتذكرون ان فيه يوم حساب

والله المستعان

تحياتي

جبل الثلج · 18-03-2007, 09:50 PM

نعناعه طبعا عندي الاثباتات لمن يحتاجها كلها اوراق رسميه

مشكورة

روح النعومة · 22-03-2007, 05:23 PM

اهلا وسهلا

انا للاسف طالبه من طالبات قسم اللغة الانجليزيه بجامعة ام القرى وفعلا كلام البنت جدا جدا جدا صادق وصحيح والله الى الان وانا تخرج ماباقي لي الا ماده وحده في القسم ما انضافت والحين راح شهر على بدايه الدراسه وكل يوم يقولون لي بكرى راح تنضاف والمشكله مافي سبب لرفضهم للاضافه وتأخيرهم والله احضر المحاضرات حقت هذي الماده وللحين مانزلت لي وش الحل بالله ؟؟ .. ناس ماتخاف الله المشكله حتى لو ما انضافت هذي السنه ماراح تنضاف الا السنه الجايه الترم الثانيه وربي هذا القسم يقرف بأسلوب دكاترته وربي لو يعطونا حقنا في الدرجات كان الحين متخرجات وباحس الدرجات ما اقول الا حسبي الله عليهم واحد واحد وعلى فكره وربي عرفت اسماء الدكاتره الي قالتها البنت لان اسلوبهم واضح و واحد الله يهديهم بس ...

على العموم دخلت للموضوع بصدفه لقيت مايحزن قلبي فيه اني الان متأخره سنه وشكلي بتأخر سنه ثانيه علشان ماده بساعتين بس وجدولي هذا السنه فاضي واقدر اخذها واتخرج بس ما اقول الا حسبي الله عليهم

جبل الثلج · 22-03-2007, 09:49 PM

روح النعومة

ياأختي اصبري وان شاء الله بيصير خير فرج الله قريب

هاتفت احد الدكاترة بالقسم وحدثته عن الوضع بشكل عام بالقسم فكان رده أنا مالي دخل اصلا كل الجامعه ماتنفع بريالين انا لي ببناتي ومادتي وابحاثي

ياناس معقولة هالرد؟

ان الله لا يغير ما بقوم حتى يغيروا ما بأنفسهم يعني لو مابدأ كل واحد منهم بتغير نفسه وطريقة تعامله مابيتغير بالوضع شيء

لن اتركهم ويجب للامانه ان انكر واغير ما يمكن تغيره رغم ما بيدي حيله

روح النعومة · 30-03-2007, 06:58 PM

شفتي معاناتنا اختي جبل الثلج محد راضي يوقف معانا

واحد من الدكاتره عندنا يوم الاربعاء زعل من مجموعتنا بسبب تافه وسخيف وهو رن جوال طالبه وربي مارن الا نص رنه ولا احد انتبه غيره تخيلوا قيم الدنيا وقعدها وزعل برغم هو يرن عنده الجوال ويكلم ويقطع الكلاس ولا احد يحاسبه !! المهم الطالبه اعتذرت منه وقالت له اسمها علشان ماتظلم الطالبات لكن هو جمع اغراضه وطلع من الكلاس وقال الكلاس انتهى !! يعني الانسان ماينسى !! وكلنا نغلط والبنت مجرد نسيان برغم انها انسانه واعيه وام ومهي من الطالبات المستهترات ابدا بالعكس هي قبل كل كلاس تحذر الطالبات انهم يقفلوا جوالتهم لكن قدر الله ونسيت ذاك اليوم !! وانحرمنا من الدرس

ومازال التخلف مستمر في قسمنا وسيبقى للاسف !!

مشكوره اختي على اهتمامك ومساعدتك لنا جزاك الله خير ^_^

ملك بدون مملكة · 31-03-2007, 06:59 AM

جبل الثلج

مشكورة عالطرح

لكن هذي حالات شاذة يعني الوضع بوجه عام مو لهالدرجة من السوء

صحيح ان فيه دكاترة مرضى لكنهم اقلية

انا في الجامعة اسمع كلام عن الدكاترة يخوف بس في الحقيقة وبعد ما اجرب الدكتور اللي محذرين منه اشوف ان كلامهم غلط في غلط

وما ننكر وجود بعض العقليات من الطلاب اللي كل ما رسب قال بسبب الدكتور كان مستقعد لي <<< يستقعد لك ليه يا حسرة

عموما مشكورة واتوقع هذا الموضوع ما راح ينتهي

بنت الاديب · 31-03-2007, 02:11 PM

لا حول ولا قوة الا بالله العلي العظيم
انا ماادري وش ينتظرون دكاترة جامعة ام القرى عشان يخافون الله سبحانه وتعالى
ياحبيبتي دكاترة هالجامعه للاسف الشديد يعتبرون انفسهم فوق كل شي
من سنين طويله يعني هالشي الي قريته مااستغربت منه كله كلام واقعي ومهوبس الدكاتره الرجال للاسف حتى الدكتورات مدري هالعالم وين عايشين وين بيروحون من عقاب ربي ودعاوي المظلومين عليهم
اذا الشهاده مارفعت من الشخص ورقيه وتطوره وثقافته بالشكل السليم والي ينفع مجتمعه حرام ياخذ هالشهاده
والله عندنا اشخاص لا يحملون الا سادس ابتدائي كشهاده ولكن قمه في الرقي والتطور والذوق
مااقول غير حسبي الله ونعم الوكيل على كل ظالم
وبصراحه انا مستغربه على هالسمعه لدكاترة جامعة ام القرى ولا فيه عقابات لهم ولا رادع من هو المسئول في هذه الحاله ؟؟؟؟؟؟

مواضيع ذات صلة
الموضوع	الكاتب	المجلس	المشاركات	المشاركة الأخيرة
تقنيات التعليم و دورها في تطوير التعليم . تحقيق ( 2 )	tasneem	المجلس العام	27	16-03-2007 08:57 PM
التعليم العام في بلادنا ،،، تحقيقات	tasneem	المجلس العام	13	14-03-2007 02:13 AM
التعليم العام في بلادنا ،،،،،، اعلاااان	tasneem	المجلس العام	26	12-03-2007 12:24 AM

المجلس العام

مناقشة جميع المواضيع الجادة والهادفة وأمور المحافظات

يرضيك ياوزير التعليم العالي؟

شكراً [ نفرتيتي ]

شمحيطة والوزارة الكرتونية...

»

الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور

زوار هذا الموضوع الآن : 1 (0 عضو و 1 ضيف)

أدوات الموضوع
عرض صفحة الطباعة إرسال هذه الصفحة إلى صديق