المجلس العام

حسام الغامدي · #1

بسم الله الرحمن الرحيم

السلام عليكم و رحمة الله تعالى و بركاته

يا كثر القصص اللي تصير لي مع المرور ، و زين ان مشيت من عندهم و أنا مبسوط !

في أحد الأيام و بعد عودتي من مدينة الضباب ( لندن ) ، حبيت أتمشى في جده بعد المده اللي غبت عنها و أشوف وش صار و وش ما صار .

طلعت من البيت فرحان و أخيرا ً بأطلع " البحر " و آخذ لفه على " أبحر " و منها على " خط الملك " متجها ً إلى " التحليه " و أطول إلى الصفا و بعدها أمسك خط العوده إلى ( مشروع الأمير فواز ) و أسحبها نومه .

و لكن حصل اللي ما توقعته ، الشرطه وما أدراك ما الشرطه !!

الشرطه و المرور كلهم على عيني و راسي و الله و مقدر وضعهم و الضغوطات اللي عليهم بسبب عدم استقرار الحال في هذه الأيام .

و لكن ، كلش إلا البلاهه المنغوليه و الفغاره اللي فيهم !

في ذاك اليوم و كنت راجع من " أبحر " و داعس في خط الملك بعد دوار الكرة الأرضية ، و من العجله و التهور كنت ماشي 160 و الحمد لله ان الوقت كان قبل صلاة الظهر .

المهم ، و أنا مسرع في الخط و على يساري سوق ( الصواري مول ) و على يميني ( بيوتات الأعمال ) أطالع من بعيد و أحصل الإشاره ... خضراء ...

و أزيد من السرعه و كأن السياره تقول لي ( فكني يرحم أبوك ) ، و اللي يسمعني يقول معي فراري << كورولا يا حسره

و أنا مقلع أبغى ألحق الإشاره قبل ما تصير ... حمراء ... كان فيه سيارات على يميني و يساري و قدامي سيارتين .

وقتها ، صارت الإشاره ... صفراء ... تمهيدا ً لوصول الضوء ( الأحمر ) للوقوف !

و أسوي حركه غريبه على أساس أبعد عن السياره اللي قدامي و أسحب عن السياره اللي عن يميني و قطعت الإشاره بسلام و الحمد لله ما صار إلا الخير و العافيه .. !

بعد قطع الإشاره ، أشوف سيارة دوريه واقفه على يمين الشارع و كالعاده يوقفون هناك و اللي أخس من كذا ، الخط هذاك اللي يبدأ من ( بيوتات الأعمال ) إلى نهاية قصر أحد الأمراء هناك مراقب بالرادارات و الكميرات !!

لحسن حظي انه كان على يميني [ شاحنه ] و كان مغطي على تماما ً بحيث ان الشرطي ما يقدر يشوفني أبدا ً !

استمريت في سرعتي اللي كنت عليها و عينك ما تشوف إلا النور ، دوريه وراي و جنب جنب يا راعي الكورلا !

وقتها ، طاح قلبي عند رجولي و كنت شايل هم (( قطع الإشاره )) !

وقفت السياره و طلعت الرخصه و الاستماره و نزلت له ، دار بيننا هذا النقاش .

الغـــ07ـــامدي:
السلام عليكم

الضابط:
و عليكم السلام

الغـــ07ـــامدي:
تفضل - طال عمرك - ، هذي الرخصه و هذي الاستماره

أخذها و طل في الرخصه و قال:
ليش مسرع يا حسام ؟

يوم عرفت السبب و الله كأنك صبيت علي مويا بارده ، ارتحت و الله لأن السالفه كانت بسبب سرعتي الجنونيه !

الغـــ07ـــامدي:
عندي عمل يا أخوي و أخاف أتأخر عليه !!!

<< من متى تشتغل يالحبيب ؟

و الله هذي مشكلتي ، أكذب عليهم و على بالي انهم بيعذروني و يمشوني .

الضابط:
خير إن شاء الله .

و طلع دفتر المخالفات و صكني بمخالفة ( سرعه ) .

المشكله العويصه و الكارثه ، بأن السياره مو باسم الوالد ولا اسمي و لكنها باسم الشركه و ما عندي لها تفويض قياده !!

الضابط:
السياره باسم مين يا حسام ؟

الغـــ07ـــامدي:
باسم الوالد - الله يحييك -

الضابط:
كيف باسم الوالد و مكتوب شركة عبد اللطيف جميل و الاستماره تاريخها منتهي ؟؟

ضاعت علومي بعد هالسؤال و قلت له:
و الله أنا ما أدري - طال عمرك - !!

الضابط:
طيب روح استرح في سيارتك

أخذت المخالفه و قعدت أنتظر برا السياره ، خفت أركب السياره و يجي في باله اني سارقها و ناوي أهرب فيها !

انتظرت ما يقارب الــ " ربع ساعه " على أساس يتأكد من السياره عن طريق تبليغه للقسم .

طول الرجال و أنا واقف برا السياره تحت الشمس اللي صفقت في راسي إلين ما قلت آمين !!

اللي خوفني ساعتها ، انه يطالع فيني كل شوي و هو بالسياره و كان معي جوال الباندا 6600 و كميرا الديجيتال و جوال إضافي ( الرهيب ) !!

جيت عند الشباك حقه على أساس أسأله:
هل أمشي و إلا أنتظر !!

يوم قربت للباب أبغى أسأل ، قفل القزاز و كمل كلامه !؟

أنا قلت:
عز الله انها حبس و سين و جيم .. !!

بعدها انتظرت ما يقارب الــ " 5 دقائق " و طنشته و رحت قعدت بالسياره أتبرد و أنتظر حضرته يخلص !

و أنا في السياره قاعد أدور تفويض ولو كان قديم أطالع قدامي و ألاقي سيارة شرطه ثانيه و كأنهم يقولون لي بلغة الإشاره:
سلم على جده و ودعها !!

تجمدت في سيارتي و بعدها بشوي نزلت و نزل الضابط !!

الغـــ07ـــامدي:
هاه ، بشر بنت و إلا ولد ؟

الضابط:
يا حسام ، السياره عليها بلاغ و مطلوبه !!

الغـــ07ـــامدي + أثر الصدمه:
كيف مطلوبه ؟
السياره ملك للوالد و لو تحب تتأكد أدق عليه الآن و تسأله بنفسك !!؟

الضابط:
طيب دق على الوالد .

رحت و جبت الجوال ( الرهيب ) طبعا ً و اتصلت على الوالد ، من سوء حظي انه الوالد أعطاني جنط و ما رد علي !!

بعدها دقيت على مكتبه لعله يرد علي !

دقيت و رد السكرتير:
ألوووو

الغـــ07ـــامدي:
السلام عليكم ، الوالد موجود ؟

السكرتير:
أنت مين بالضبط ؟

الغـــ07ـــامدي:
أنا حسام يا شيخ عطيني الوالد - الله لا يهينك -

السكرتير:
و الله الوالد مشي قبل شوي

الغـــ07ـــامدي:
لحوووووول طيب ليش ما يرد على جوالاته ؟
خلاص خلاص أحاول أوصل له ، سلام

الضابط:
ممكن جوالك شوي لو تكرمت ؟

الغـــ07ـــامدي:
تفضل ، فداك << عشان يمشيك خخخخخ

و راح بعيد و قام يكلم مع كبيرهم و كل ما جيت قربت له يقول لي:
رح سيارتك و انتظر !!

استغليت الوقت اللي كنت أنتظر فيه بالدعاء و بعدها أعطيته التفويض القديم اللي مو باسمي و شافه و سكت شوي و قال: رح انتظر في سيارتك

انتظرت شوي و بعد ما انتهى من المكالمه رجع لي الجوال و أعطاني أوراقي و قال لي: روح الله يستر عليك !!

قعدت أطالع فيه مندهش و مستغرب في نفس الوقت !!

سألت نفسي: كيف أمشي و الاستماره منتهيه و باسم الشركه و التفويض منتهي و باسم شخص كان مستأجر السياره قبلي و السياره عليها بلاغ و مطلوبه ؟؟

أخذت الأوراق و شكرته و اعتذرت له على تعطيلي له << و الله ما ندري مين اللي معطل الثاني

مشيت و أنا مو مصدق أبدا ً بأنه تم الإفراج عني و طلق سراحي !!

عرفت بعدها بأن (( الله )) - سبحانه و تعالى - فرج كربتي و يسر أمري و سهل علي في وقت الشده و الأزمه هذه اللي ما توقعت أبدا ً أرجع البيت بسيارتي .

الخلاصه من الموضوع:

" احفظ الله يحفظك "

و

" اذكر الله في الرخاء يذكرك في الشده "

سامحونا على الإطاله و أشكركم على حسن القراءه و حضوركم الكريم

المميز · 06-09-2004, 06:52 PM

يسلموووو
ياحبيبنا الغامدي
ولاتكثر المخالفات قطع اشاره وسرعه
وكل هذا يهون اذا صار في صحتك شيء
لوسجنوك مصيرك تطلع لكن لو صارلك حادث
لاسمح الله وش يصير فيك وش يصير بالوالد
والوالده اذا سمعوا مجرد سمع انك مسوي حادث
لاقدر الله
صحيح احفظ الله يحفظك لكن بعد بمامعني الايه
لاتلقوا بانفسكم الى التهلكه وانتم تعلمون

تمنياتي لك وللجميع بدوام السلامه والعافيه

المميز

حسام الغامدي · 06-09-2004, 07:11 PM

و الله ردك مميز فعلا ً على اسمك يالغالي ،،

الله يسلمك و يطول لي بعمرك و يجزاك خير على النصيحه و و الله اني كنت غافل عن هالآيه العظيمه

شاكر لك حضورك الكريم و ردك

تحياتي لك

V I P · 07-09-2004, 02:32 AM

هههههههههههههههههههههههههههههههههههههههههه

والله حالتك حاله يالغالي

تصدق والله تحمست مع القصه

بس يالغالي وشلون مطلوبه ثم يمشونك

يعني فعلا شي غريب

الله يعطيك العافيه

وتحياتي لك

أمير الجزيره · 07-09-2004, 03:09 AM

ياهلا بحسام...

هو الصراحه بعد الله كان هو يبغى يحبك بالكلام

يمكن وراك شيء ولا ... تقوم تطلعه ويجس نبضك

أنت مرتبك ولا؟؟؟

وفي الأخير الحمد لله على السلامه وأنت دايما تطيح

في مواقف الله يرجك مره مع حقين الجهاد ومره مع الشرحه..

ولاتحرمنـــا من جديـــدك...

بنت النور · 07-09-2004, 05:56 AM

الف الحمدلله على السلامه

ثاني موقف لك بعد تصويرك لهذيك السياره ههههههههه

الله يرجك ياخي طيب انتبه ولا تسرع

بس وشلون مشااااااك والاستماره منتهيه ولاهي باسمك !

تحياتي

بنت النور

حسام الغامدي · 08-09-2004, 02:41 PM

فيبو

أبو طريخم

بنت النور

شكرا ً جزيلا ً لكم على حضوركم الكريم و ردودكم الطيبه ،،

تحياتي لكم

مواضيع ذات صلة
الموضوع	الكاتب	المجلس	المشاركات	المشاركة الأخيرة
اعرف شخصيتك بأسمك	الدبدوب المحبوب	مجلس الصرقعة	61	27-04-2007 09:41 PM
قصة بها عبر كثيره ....آمل قرأتها إلى النهاية ...؟!	معشيه الطير	خارج السرب	2	28-03-2007 06:11 PM
لاتحتاري ..موسوعة معجنات الشيف اسامه السيد بالصور..	توتة	أطايب شهيه	46	20-02-2007 01:35 PM
((===الـــتـــغـــطـــيـــه الـــمــبــاشــره لــخـــلـــيـــجــــ18ـــي===))	المجهول	عالم الرياضة	57	31-01-2007 09:05 AM
تغطيه للأخضر في دورة الخليج	رومنصي مشاكص	عالم الرياضة	68	27-01-2007 06:56 AM

المجلس العام

مناقشة جميع المواضيع الجادة والهادفة وأمور المحافظات

من مخالفة " سرعه " إلى (( سيارتك عليها بلاغ و مطلوبه يا حسام )) !!!

هيا نكتب ( اسماء الله الحسنى ) الـــ99ـــاا

اختلاس خمسة ملايين ريال من أحد فروع شركة الراجحي .. بمنطقة الرياض

»

الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور

زوار هذا الموضوع الآن : 1 (0 عضو و 1 ضيف)

أدوات الموضوع
عرض صفحة الطباعة إرسال هذه الصفحة إلى صديق