| الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور | |
|
|
|
|
|||||||
| الانتساب | تعليمات س - ج | قائمة الأعضاء | المفكرة | إشارة الأقسام مقروءة |
المجلس العاممناقشة جميع المواضيع الجادة والهادفة وأمور المحافظات |
إعلانات منتديات منطقة الرياض
|
|||||||
|
|||||||
 |
|
|
LinkBack | أدوات الموضوع |
|
#1
|
||||
|
||||
هستريات مطفوق هل توافقونه عليها .. يوجد لدينا بنت ممشوقة القوام
والوحشة مالنا دخلون فيها يقول عمي بشير بن حمد شنان رحمة الله عليه الحب عند العرب يازين له مقياس .. مهوب دبله من الصواغ نشريها ويقول بعد لا شك عند الغرق ما ينفع العوم .. والنوح ما يبري جروح(ن) عميقة ومن هذا المنطلق بننطلق صوب الهستيريا الي صابت مجتمعنا 8 8 8 دبوجه على السريع حول الجسر المعرلق مالكم في الطويلة تراها عصلاااا وسمينة يالربع انتم معي أو لا توافقونن أو لا <<أقول اخلص تراااك اخويتنا >> يا ثقل دمك خلن نوسع الصدر << اقول تلايط ولا يكثر >> ابشر 8 8 تراااهو عادي دايمن اتهاوش مع سمرمد افكاري مهيب اول مرتن يفشلن * يوجد عباراااات خارجة على النص تحملوووونا ما تلاحضووون الدنيا انقلبت فوقن حدرن << الله من زين اللحتسي ماعاد بوه حيااا باحتسي لكم عن البنات اول ودحين جالس في بارتي مع صديقتي زموررررردة عشقي الاول والاخير والي قضيت معها سهرات حمراااا فوق الاشعه البنفسجية يا قلبووو علي ذيتس الليالي  تصدقون ان الهيئة تمر من عندنا ولا تشك فيني اني في خلوه مع حرمه والي تطوعت واعطتني صورتها ورجاء خاص لا احد يتهيض تراا الجمال نعمه من رب العباد [عزيزي الزائر يتوجب عليك التسجيل لمشاهدة الرابط للتسجيل اضغط هنا] وسألت عن اوضعاها في صباها تقول انا اول ما بدت علي معالم الانوثة وتضاريس جسمي تتغير كنت استحي وانا امشي حتى عند اهلي واحط يدي على صدري علشان ما بوه احدن من اهلي ينتبه اني صرت بنوته حلوه << بسم الله على الجمال منك واذا جتني الدورة الله يكرمكم اجلس في غرفتي ولا ودي احدن يحس فيني واقلل حركتي واذا قالووو اهلي صليتي اقول ايه صليت هذي حيات بناتنا في صباااا زمورررردة ودحين بناتنا حالهم يرثى له سالت احد البنات الي اعتذرت عن وضع صورتها واكتفت بالرمز لاسمها ( سمية عربون محبة ) <<اشين واحد يرمز قلت لها وراتس رازتن صديرتس الله مير يصلحتص قالت علشان اصير بنت ممشوقة القوام  وعلطول اول ما تغيرت تضاريسها راحت للسوق الله مير يصلحها وطقت لها بشت مخصر وعلى الكتف علشان يرتز الصدير ويلاحقونها السملق شتان << قوية هالكلمة بس ما ادي وش معناها بين زمورررردة وبين سمية توافقوننن او لا << عصب  تصدقوووون يا صديقيني مو بس بناتنا الي انقلب حالهم حتى شبابنا الله مير يصلحهم شبابنا مال اول وشمنحليلهم << تهجها حرف حرف [عزيزي الزائر يتوجب عليك التسجيل لمشاهدة الرابط للتسجيل اضغط هنا] شباب يشتغلون ولا يعيبهم الشغل وخشنين وحرشين والواحد منهم يحس بالمسئولية من يوم انه في بطن امه << قوية  ومتحابين وراعين فزعات وتكياااات مع بعض وعلومهم علوم رجال واما الحين شبابنا وبكل اسف صار حالهم احوال وكل يوم لهم حال ما غير ملاحقين للموضة يومن الشنب صفر واللحية تسنها لحية تيس الله يكرمكم ويومن اللحية والشنب صفر تسنه دجاجتن مصلوختن والبناطيل والقوبعات << ما عرفت اكتبها  مثل هاني ولد اخت وائل صديقي الي معي في الصورة شوفووو بالله وشلون قايلن بعميرتها [عزيزي الزائر يتوجب عليك التسجيل لمشاهدة الرابط للتسجيل اضغط هنا] والتحلية هي عنوانهم والنقااااا شعارهم ما تلاحظووون ان بوه فرق بينووه وبين الشباب الامامير الي في الصروة الي قبل ليه تسذااا يا شبابنا اول اذا شاف الولد على اخته شئ قوم الدنيا وقعدها وعلم عليها ابوها وامها تهاوشها واليوم لين شافها بالبنطلون وترضع في التلفون مر عليها وصكها بذيك الابتسامة وقال لها وش هالزين يا قمر طيب من تحاتسي وش هاللبس الي لابسته بس ما عندك احد كل هذا يطمع في تشبيك صديقتها ولين انزنق ياخذ من فنايلها علشان تمشي من الجنزززز حقوووه ياربيه << قلب مثلهم نعومية وش هالحال وبوه مصيبتن خطيرتن شيابنا اول الله يرحم من مات ويخلي لنا الحي منهم ينكرووون كل منكر يشوفونه ولين شافووو الولد مصلي بالمسجد بدون شماغ قامت الدنيا وقعدت ولين شافووو البنت بس لابستن مدرعتن ضيقة محطوووها يحبون الحياااا ويحبون السنع ويحبون الستر الله يسترنا من جور هالزمن والحين الابووو يودي ولدوووه للحلاااق ويقول قص لووه كبورياااا والا فرزاتشي والبنت هو من ياخذها ويشتري لها الطرحات والعباية المخصرة خصر الله مخووووه والامهات مال أول ضحكتهم هي عنوانهم ومبسوطات مستانسات [عزيزي الزائر يتوجب عليك التسجيل لمشاهدة الرابط للتسجيل اضغط هنا] واول ما تبدا بنيتها تكبر تدخلها للمطبخ وتعلمها فنون الطبخ علشان تصير ست بيت وتبيض وجهااا وتتفاخر فيها وتقول ترااا الي سوااا الغدااا اليوم بنيتي الله يصلحها وتعلمها الحيااااا وعلوم دينها وامهات اليوم والله انهم يسابقون بناتهم على الكوافير ولا يقصون قصة بوي مره وش كبرهاااا قاصة قصة ولد وتستصبي اكثر من بنتها والبشت المخصر والطرحة والعطورات في الاسواق تقول بنت في ريعان مراهقتها وصباهااا بالله عليكم وشلون بيصيرون بناتها واولادها  تصدقوووون مو بس عندنا ابيكم تاخذون لفتن على شغالاتنا هاليومين اول الشغالة اذا جت جاية علشان تشتغل وتوكل عيالها وتدور الستر لين جاتها رسالة او شريط او ارسلت لهم شريط او رسالة وتلقونها مبسوطه لين جت مع الرسالة صور لعيالها والبيت كلها ينقلب فلم هندي من البتساااا والنوح تضامن معها قلوب رحيمه والحين ياعمري على شغالتنا بناطيل والموبايل في المخباااا او بعد معلق وتنانير قصيرة وانواع المكاييج كانها راعيت البيت ولا متزينة لزوجها وما يمديها توصل الا وطاقتن فركه مع الباب ومواعدة له من يقودها في بلادنا وما نقراااه في الجرايد خير دليل على حتسياتي والسواويق اول اذا جاك السواق لين جووو الحريم يركبون تلقااااه في قلعة وادرين في اقصى الشارع يدري انهم عوره وسواويق الحين دق حنتس مع الحريم وتلقااااه قصيصته واصلتن لنصف خده وقز في المراية وتميلح مع البنات يالربع وش السالفة انقلبت الموازين ولا عاد بوه حيااااا وضعف الدين وصار الكل يهمه المظهر قبل الجوهر وتذكرت قولت الشاعر هل العيب في الوقت ام العيب فيهم .. يعيبوو على الوقت والعيب فيهم ويقول بشير شنان الاشهر والايام والساعة والعام .. كل باسمه ماشي ليه ما تغير ادري اني كثرت بربتي بس والله من زود ما فيني خاتمه تقول خالتي شريفه الببسي يجينا لحد الباب .. والفشفاش معوه على دباب 8 8 8 اقول الفقيه محدثكم من حارت المهسترين مطفوق وعصبي 
|
31-08-2007, 03:15 AM
|
#2 | |
|
عضو مؤسس
    |
رد : هستريات مطفوق هل توافقونه عليها .. يوجد لدينا بنت ممشوقة القوام
حياك الله أخوي الغالي أبوماجد حبيت أسلم عليك يالغالي ولي عودة للموضوع ولك وحشة يالغلا وتقبل تحياتي
|
|
|
|
|
31-08-2007, 03:20 AM
|
#3 | ||||||||||||||||||||||||
|
عضو مؤسس
 |
رد : هستريات مطفوق هل توافقونه عليها .. يوجد لدينا بنت ممشوقة القوام
اهلين صديقي ابوخالد وانا باسنتر احتريك لين تجي << ابد مهوب لزقة سلااااااااااااام عليكم |
||||||||||||||||||||||||
|
|
|
|
31-08-2007, 05:59 AM
|
#4 | |
|
مراقب سابق
 
|
رد : هستريات مطفوق هل توافقونه عليها .. يوجد لدينا بنت ممشوقة القوام
 ليت كل المطافيق مثلك يالغالي طرح يلامس واقعنا وأصبت فيما قلت لا أخفيك أن الوضع الحالي أسوء من الوضع السابق وهذا مصداق لقول الحبيب عليه الصلاة والسلام : لا يأتي على الناس زمان إلا والذي بعده شر منه ولكن يالغالي : من قال هلك الناس فهو أهلكهم ولاننسى أنه ولله الحمد في مجتمعنا الخير شبابنا فيهم الخير ولله الحمد وفيهم الدعاة والصالحين وبناتنا فيهن الخير بعد والخير كثير ولله الحمد والأمهات بعد فيهن الخير على طاري الأمهات ،، قبل أيام كنت في السوق والله لايوريك الأم ماشاء الله تبارك الله ماتشوف منها شيء حجاب كامل ومعها بنتين الله يخلف على اللبس واللثمة والزينة ومهم ولد الله يخلف بس كان ودي أمسكه أصفقه في السوق آه بس أجل أخواته بهاللبس ومايسوي شيء والأم وين راحت تربيتها ولاتنسى بعد هستيرية جديدة بعض الأزواج الله يخلف بس يمشي مع زوجته وهاك اللبس والزينة ومايقدر يقول تغطي ياحرمة وبس أخاف إني أطول في موضوعك <<< لا لف يمين وتقبل تحياتي
|
|
|
|
|
|
31-08-2007, 10:46 AM
|
#5 | |
|
مشرفة مجالس الأسرة والمجتمع
لـمـعـة الـمـاس  |
رد : هستريات مطفوق هل توافقونه عليها .. يوجد لدينا بنت ممشوقة القوام
مطفوق وعصبي اهلا فيك منور يالغالي المجالس وخاصه المجلس العام <<<< ميب عنصريه ابد وجودك يالغالي له ميزته الخاصه وطريقة طرحك تعجبني كثير احسها توصل المطلوب بطريقه رائعه جداااا للاسف كل الي قلته صحيح 100% وكل هالتغيرات صايره عندنا بقوه مدري نحط اللوم على مين .. مانقدر نقول التربيه لان الكثير من الاباء والامهات تهاونوا وش دخل تربية الاجداد لهم .. يبون يمشون مع التغيرات للعصر ولكن للاسف ماعرفو يربطون بين الحيا والتطور وكان التطور انهم يبتعدون عن العادات والتقاليد وينسون الخجل والحيا ويتهاونون في التربيه .. وبصراحه الحين صايرين البنات اخشن من الاولاد الا من رحم الله .. والله مشكله يبيلها حلول ويبيلها وقفات .. الله كريم يهدي ابناء وبنات المسلمين الف شكر على تواجدك الي ينور المجلس العام ويضيف له الكثير من السرور تقبل تقديري واحترامي
|
|
|
|
|
|
31-08-2007, 08:16 PM
|
#6 | ||||||||||||||||||||||||
|
عضو مؤسس
|
رد : هستريات مطفوق هل توافقونه عليها .. يوجد لدينا بنت ممشوقة القوام
حيالله ابو المعاريس تصدق ما ادري عجزت افهم ردك شكل بوه اسلاكن ضاربتن في راسي او في راسك من قال لك اني هلللكت خلق الله الله يهلك عدوينك تبي تورطن شف يا خي انت كلامك متناقضن فوقن حدرن في بدايه ردك متفاءل واول وفيه تلميع وردك الاخير فيه تاييييد لكلامي خل عنك الامور مدبرتون يا خي رتب افكارك وابيك ترجع لي سلااااااااااااام عليكم |
||||||||||||||||||||||||
|
|
|
|
31-08-2007, 08:26 PM
|
#7 | ||||||||||||||||||||||||
|
عضو مؤسس
|
رد : هستريات مطفوق هل توافقونه عليها .. يوجد لدينا بنت ممشوقة القوام
سلخير بنيتي بنت الاديب << يبيهم يقولون هذا ابوها الاديب يا بنيتي المصيبه ان الاهل التهووو في اللهث ورااا المادة وما يدروووون وش حال بيتوهم والتطور الي نبيه تطور في المفاهييم مو تطور في تقليد الاعمى صرنا مثل الغراب الي ضاعت مشيته ومع الخيل يا سمرااا <<يقدر السمار الحلللووول اننا نعرف تعاليم الدين وحقوق الاهل والاولاد والجيران ونرجع مثل قبل متحابين متكاتفين اما الحين ما اقول الاا رقصني يا قدع على مستقبل جيلنا الجديد الحين بيجيني ابوالمعاريس ويقول انت اهلك خلق الله ههههههههه سلااااااااااااام عليكم |
||||||||||||||||||||||||
|
|
|
|
31-08-2007, 09:12 PM
|
#8 | |
|
عضو مؤسس
|
رد : هستريات مطفوق هل توافقونه عليها .. يوجد لدينا بنت ممشوقة القوام
حياك الله أخوي الغالي ابوماجد أعود لكم من جديد اتفق كثيراً معك في طرحك القيم والله يالغالي ما ادري وش صار في الدنيا وخاصة بعد احداث 11 سبتمبر عجلة الزمن أصبحت سريعة والفتن تظهر علينا من كل حدب وصوب في الزواجات البنات والامهات اللبس العاري والتباهي بالمفاتن والخادمات أصبح طلب الاسر الرئيسي أن تكون جميلة وصغيرة والأباء ألهتهم سوق الاسهم وغلاء الاسعار والامهات شد الوجه وعمليات التجميل صارت شغلهم الشاغل كله خوف من أزواجهم يتزوجون عليهم  مصيبه يالغالي والله ضعف الدين هو العامل الرئيسي لكل المتاعب والتغيرات التي نراها في محيطنا الحالي ما عاد فيه خوف من الله ولا عاد فيه احترام للذوق العام والتباهي بالمعصية اصبح امر طبيعي وافتقدنا للنصيحة وللاسلوب الطيب شاكر لك طرحك الكريم وتقبل تحياتي |
|
|
|
|
|
31-08-2007, 11:33 PM
|
#9 | |
|
ـالراجيـ ـعفو ـربهـ
|
رد : هستريات مطفوق هل توافقونه عليها .. يوجد لدينا بنت ممشوقة القوام
السلام عليكم ، مطيفيق ، كل يوم تجيب لنا موضوع ، بجد ، وبـ طريقتكـ السااخرهـ ، توصلهـ لـ أعماااق الآخرين ، بجد أواافقكـ كثيراً فيما كتبت ، ما أدري ، وش أقول ، لن نعيب الزماان ، بقدرنا .. فنحن من تغير وليس هو .. صدقني اللي الحين أشوفهـ بسيط الخوف من الجيل القاادم ، وربي ما أدري وش عليهـ الحال ؟! لن نقووول تدمير ، ولن نقول حرب علينا ، فـ نحن نملكـ عقول ، ونستطيع أن نميز ، ونقول هذا غلط وهذا صح ، لكن دافع استكشااف الجديد ، ما اوصلنا إلى ما نحن عليهم ، شتان بيننا وبين زمن أبائنا وأجدادنا ، طرح جداً راقي .. سلمت عليهـ ، ويصكـ كل أبو الاستارس ..! تحيتي ..
|
|
|
|
|
|
31-08-2007, 11:43 PM
|
#10 | |
|
مشرف المجالس الادبية
فَوْقَ شُرْفَةِ الغَيْمـ |
رد : هستريات مطفوق هل توافقونه عليها .. يوجد لدينا بنت ممشوقة القوام
مساؤكـ جنات سيدي مطفوق أعترف أنني قضمت قطعة من الأرض بأسناني من قوة الضحك .. سيدي سأختصر وضع الشباب في جملة واحدة " ذكور كثر .. ورجال قلائل " أحسنت الطرح .. لقلمكـ نكهة مميزة أعذب التحايا
|
|
|
|
|
|
| زوار هذا الموضوع الآن : 1 (0 عضو و 1 ضيف) | |
| أدوات الموضوع | |
|
| [عزيزي الزائر يتوجب عليك التسجيل لمشاهدة الرابط 
