| الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور | |
|
|
|
|
|||||||
| الانتساب | تعليمات س - ج | قائمة الأعضاء | المفكرة | إشارة الأقسام مقروءة |
المجلس العاممناقشة جميع المواضيع الجادة والهادفة وأمور المحافظات |
إعلانات منتديات منطقة الرياض
|
|||||||
|
|||||||
 |
|
|
LinkBack | أدوات الموضوع |
|
#1
|
||||
|
||||
|
تعالوا نتذكر اول يوم في الدراسة والمواقف اللي حصلت لكم؟؟
تحية طيبة : وانا جالس ادوج في منتديات مجالس الرياض مدري وش اللي جاني من شطحات مالها داعي وجلست اتذكر ايام الدراسة ((صح باقي على الدراسة يومين وبصراحة انا متعقد من الدراسة لسبب واحد هو ان زحمة الرياض بتزيد ووصولي للعمل بيكون متعب وشاق))... مالكم في زود الكلام... الموضوع وما فيه ... وبما ان الدراسة صارت على الابواب... ابيكم تعيدون شريط الذكريات للوراء وتذكرون معي اول يوم في دراستك هل تذكره وش اللي حصل لك؟ ويا ليت تذكرون المواقف اللي حصلت لكم سواء في اول يوم دراسي او مواقف اخرى تذكرها خلال الدراسة بشكل عام؟؟ فالمجال مفتوح للجميع... وترى البساط احمدي... اخذوا راحتكم... تقبلو اتحياتي،،،
|
06-09-2007, 04:30 AM
|
#2 | |
|
روح محلقة
مراقبة المجلس العام    |
رد : تعالوا نتذكر اول يوم في الدراسة والمواقف اللي حصلت لكم؟؟
مدري وش صار كل اللي أذكره إني كنت أبكي و بس
|
|
|
|
|
06-09-2007, 04:32 AM
|
#3 | |
|
روح محلقة
مراقبة المجلس العام |
رد : تعالوا نتذكر اول يوم في الدراسة والمواقف اللي حصلت لكم؟؟
جتني انفلونزا و ارتفعت حرارتي أول يوم بالمدرسة الثانوية قالت لي المديرة لون مريولك مخالف أول يوم بالجامعة ضيعت بوابة الخروج لأني نسيت من وين دخلت |
|
|
|
|
|
06-09-2007, 04:37 AM
|
#4 | |
|
كــــــل الغــــــــلا
|
رد : تعالوا نتذكر اول يوم في الدراسة والمواقف اللي حصلت لكم؟؟
يوم كنت صغير في صف ثالث ابتدائي....كان لازم علينا نحفظ جدول الضرب في مادة الرياضيات وذلك اليوم ما حفظنا الجدول وصار في الفصل صجه ولجه مع المدرس...المهم المدير والوكيل سمعوا الصجة وعلى طول جاوا للفصل ، ويقوم المدير يسال الاستاذ وش هالصجة، في البداية قام الاستاذ يصرف الموضوع وفي الاخير اعترف للمدير قال ما حفظوا جدول الضرب... تدرون وش سوا المدير؟ جاب له عرق اخضر مستحيل انه ينكسر(والله اني للحين اذكره) وقام يمسكنا واحد وراء الثاني وتعال يا ضرب، العرق الاخضر في يميناه ويده اليسار ماسك يدينا وجالس يسوي خمسات والضرب من تحت الظهر ((واضح ما يحتاج اوضحها اكثر)) <<<< نهي نهي نهي نهي والله العظيم ذلك اليوم كان يوم اسود علينا... الحصة اللي بعدها ما قدرنا نجلس على الكراسي من شدة ما جانا من ضرب بس في اليوم التالي تعالوا شوفوا وضعنا اقسم بالله كلوبنا حافظين جدول الضرب وابن امه يحصل علينا غلطة على قولتهم دوافير والله يخلي العرق الاخضر اللي طلع قلوبنا... بس الله يذكرهم بالخير كلهم لا مديرنا ولا وكيلنا ولا استاذ الرياضيات والله يبيح منهم في اللي سواه معنا ... ويبقى شعارنا ((يعيش العرق الاخضر)) |
|
|
|
|
|
06-09-2007, 04:42 AM
|
#5 | ||||||||||||||||||||||||
|
كــــــل الغــــــــلا
|
رد : تعالوا نتذكر اول يوم في الدراسة والمواقف اللي حصلت لكم؟؟
حشاء وش فيك تبكين لا يكون الاخت معلق عليها البنص على البكاء نهي نهي نهي نهي نهي اقول الظاهر انك متعقده من الدراسة وعلشان كذا تبكين يسلمو على مرورك وطلاتك البهية ويا ليت بعد تذكرين واذا ما ذكرتي انتفي لك شعره من شعر راسك كود تذكرين حاجة كل يوم تعال عندنا،،، |
||||||||||||||||||||||||
|
|
|
|
06-09-2007, 04:48 AM
|
#6 | ||||||||||||||||||||||||
|
كــــــل الغــــــــلا
|
رد : تعالوا نتذكر اول يوم في الدراسة والمواقف اللي حصلت لكم؟؟
ول ول ول على طول يوم صرخت فيك مرضتي اسبوع... اجل لو ضربتك وش بتسوين بتغبين عن المدرسة شهر او تفصلين نهي نهي نهي نهي ... بس تصدقين بشي يوم قلتي انها صرخت فيك ... قلت في خاطري لا يكون هالمدرسة من جماعة سعد جمعة اللي يقول بسمك صرخة وصابني نشوة الزار <<<<< هذا المستخدم ما تشتغل عنده الابتسامات... سلامات سلامات ما تشوفين شر ... طهور ولا باس... اجل حراره <<<< لازم الاخ فاهم غلط - اها اجل يقولون مريولك مخالف ... لا يكون جايه بمريول السنة اللي راحت حق المتوسطة ... الله يهديك بس - اها اجل ضيعتي بوابة الخروج... زين انك طلعتي والحمد لله... اشوا انك ما امسيتي في الجامعة ذاك اليوم ... يسلمووووو على مرورك وطلاتك البهية ومثل ما قلت لك اذا بغيتي تذكرين شي انتفي لك شعره من شعر راسك كود انك تتذكرين... كل يوم تعالي عندنا،،، |
||||||||||||||||||||||||
|
|
|
|
06-09-2007, 11:28 AM
|
#7 | |
|
مشرف المجالس الادبية
فَوْقَ شُرْفَةِ الغَيْمـ  |
رد : تعالوا نتذكر اول يوم في الدراسة والمواقف اللي حصلت لكم؟؟
صباحكـ جنات سيدي الوافي دعوة لاستعادة شريط الذكريات أذكر في أول يوم في الدراسة في الصف الأول الابتدائي وكان المعلم يحاول معرفة مستوياتنا في معرفة الأرقام وكتابتها .. فطلب من أحد الطلاب ( أذكره إلى الآن ) أن يكتب الرقم أربعة .. فكتبه الرقم 4 مع مد الطرف الأسفل مرة أخرى لتصبح الأربعة مرتين يعني أربعة دبل  أشكر لك طرحكـ الجميل سيدي  أعذب التحايا
|
|
|
|
|
|
06-09-2007, 11:51 AM
|
#8 | |
|
عضو مؤسس
|
رد : تعالوا نتذكر اول يوم في الدراسة والمواقف اللي حصلت لكم؟؟
أخيس شيئ يوم يضربوون أذكر يوم أخر سنه لي في المرحله الإبتدائيه كان ذاك الوقت عادي الضرب بس اللحين ممنوع صفنا كان مشاغب يعني مرحله طفوله والملعمه تقولنا أسكتوا ولا بييكم شيئ ما شفتوه بحياتكم المهم أنا على نياتي سكت وكم وحده سكتت والباقي إزعاج وقفت المعلمه بطولها ومسكت العصا  وكل الصف يرتجف من الخوف >>>مسويه إرهاب بعديين مسكت العصا انا يوم شفت العصا صحت اول مره أحد يضربني ضربتني على أيدي بالعصا ضربه وحده وضربت كل الصف ضربتيين العصا أنكسرت على أييد البنات بعديين قالتلي تعالي باقلج ضربه ورجعت البيت اخبر أمي أريدها تفزع بنتها أنضربت بس ما سوتلي سالفه  يوم مشؤؤم ما ينسا بصراحه والحمد لله أفتكييت من المدرسه  الوافي الله يعطيك العافيه على الطرح
|
|
|
|
|
|
06-09-2007, 12:50 PM
|
#9 | |
|
عضو مشارك
  |
رد : تعالوا نتذكر اول يوم في الدراسة والمواقف اللي حصلت لكم؟؟
بسم الله الرحمن الرحيم السلام عليكم ورحمة الله وبركاته اما بعد اخوي الوافي بصراحه موضوعك يخليني ادخل جو من الذكريات لا يعلم بها الا الله وأهنيك على اختيارك لموضوع مثل هذا بالنسبة لي انا طبعاً انا كنت من سكان مدينة جدة ونقلت للرياض بعد وفاة الملك فهد بشهر تقريباً المهم كنت ادرس في مدرسة جابر بن حيان في حي العزيزية في جدة أذكر اول يوم رحت فيه للمدرسه كنت حاط الشنطه ومعلقها على ظهري اللي يشوفني يقول رجل مظلي من حقين المظليين اللي يقفزون من الطياره المهم بعد مادخلت للفصل كان اول استاذ اقابله في حياتي اسمه عبيدالله السهلي الله يحفطه إذا كان عايش والله يرحمه اذا كان ميت وبصراحه كانت مدرستنا عبارة عن بركسات أي مدارس تركيب مصنوعه من الخشب وكان الفصل فيه بابين باب يطلع على الممر بين الفصول باب يطلعك على ملعب المدرسه وكان باب الفصل الداخلي فيه دريشه مساحاتها صغيره على حجم راس الرجال يعني كل ما مر احد من عندنا جلس يطل علينا المهم بعد ما دخلني ابوي للفصل وجا بيروح عني قلت له وين رايح قال لي بوقف عندن الباب قلت له لا تخليني ترا بصيح قال لي لا ماني مخليك وبعدها جلس يطل كل شوي من الدريشه اللي في الباب بس بعد ربع ساعه صار ما يطل علي وبعد ما انتهت الحصه طلعت من الفصل وجلست ادور ابوي في الممرات حقت المدرسه ولا لقيته ولقيت باب المدرسه حق الشارع مفتوح وطلعت منه وجلست اركض وانا اركض اسمع صوت الفراش وصوت المدرس يركضون وراي ههههههههههههههههههه ويقولون يا ولد ياولد تعال الله يمتحنك ياولد وانا اركض ودموعي اربع اربع لين مسكوني ورجعوني للمدرسه ولما جيت ثاني يوم قلت لبوي اليوم بيروح اخوي اللي اصغر مني بسنه وانا بروح بكره يوم لي ويوم لخوي هههههههههههههههههه هذا والسلام عليكم ورحمة الله وبركاته محبكم في الله والمشاكس سابقاً / عبرود
|
|
|
|
|
|
06-09-2007, 01:37 PM
|
#10 | |
|
عضو مؤسس
 |
رد : تعالوا نتذكر اول يوم في الدراسة والمواقف اللي حصلت لكم؟؟
والواااااااااااااالد الله يطول بعمره يطردني في الشارع وانا انحاش وكل يوم اقول مريض عشان مدرس؟؟ سلام
|
|
|
|
|
| زوار هذا الموضوع الآن : 1 (0 عضو و 1 ضيف) | |
| أدوات الموضوع | |
|
|
مواضيع ذات صلة
|
||||
| الموضوع | الكاتب | المجلس | المشاركات | المشاركة الأخيرة |
| قصة غشيم يغازل <<تموت ضحك | ..الدلوعه.. | خارج السرب | 10 | 01-12-2007 09:15 PM |
| أجمل ما قرأت ][®][^][®][قصه خالد وبندر ][®][^][®][ | عاشقه الإمارات | حدائق الأدب | 18 | 30-09-2007 06:03 AM |
| ˆ~*¤®‰«ô_° مكتبة الأمير الشاعر عبد الرحمن بن مساعد°_ô»‰®¤*~ˆ° | ღ.¸¸dalal¸¸.ღ | حدائق الأدب | 10 | 31-05-2007 06:39 PM |
| جيب معك عصير بردقان قبل تدخل | سفيرة الأحزان | خارج السرب | 1 | 29-04-2007 09:02 PM |
|
Powered by: vBulletin® Version 3.6.10 Copyright ©2000-2008, Jelsoft Enterprises Ltd.
SEO by vBSEO 3.1.0 Translated By vBulletin®Club©2002-2008 |
