المجلس العام

عبرود · #1

بسم الله الرحمن الرحيم

السلام عليكم ورحمة الله وبركاته

اما بعد

قبل أن ابدأ بالموضوع احب ان اعتذر على كتابة الموضوع باللغة العامية لأني بصراحه اذا كتبته باللغة الفصحى بخربط فيه بالمررره

وأرجو من الأعضاء الأعزاء بتعديل أي خطأ إملائي

معاناة عبرود مع الحضر والبدو

طبعاً انا اصلي من حائل بس في حياتي ما رحت لها وولدت في جدة وعشت فيها حتى تخرجت من ثانوية رضوى بحي الصفا عام 1420هـ وبعد ما توفى الملك فهد رحمة الله نقل ابوي إلى الرياض والحين حنا ساكنين في حي الربوة عند طريق النهضة بالقرب من مغسلة ابو وليد للسيارات
المهم انا لما كنت عايش في جدة وأيام الدراسة بالذات كنت اجلس مع اخوياي الله يذكرهم بالخير وهم من حضران جدة ولما اسولف معهم يجلسون يسألوني بعض معاني الكلمات
مثلاً
إيش معنى سماط وهو السفره حقت الأكل
إيش معنى دريشه وهي الشباك
إيش معنى موتر وهي السيارة
وبصراحه كنت اتعقد لما اجلس معهم ومع هذا كانو يقولون لي انت بدوي وأقولهم ليش انا بدوي ، يقولون لي عشانك تتكلم مثل الشروقه حقون الرياز قصدهم الرياض وعشانك تلبس شماغ دايماً على راسك في المدرسة وعشانك تسوق ددسن قصدهم ونيت نيسان وعشانك ماتلبس بدل وبنطلونات بس بصراحه نحس انك انظف بدوي شفناه في العالم عشان لبسك نظيف وريحتك مرره حلوه وتعرف تتكلم شوي انجليزي
وكنت إذا جيت أجلس معهم يقول جانا البدوي
ههههههههههههههههههههههه
الله يذكرهم بالخير بصراحه فقدتهم ومشتاق لهم مرره

وأما الحين انا في الرياض طبعاً وأجلس مع بعض بدو الرياض ويقولون لي انت يالحضري من وين انت وش اصلك ووش ترجع اقولهم انا من حائل بقول ابك انت تتكلم مثل الحضر شكلك احضري ابك منت من حائل شكلك من جده ولا مكه
ههههههههههههههههههههههههههه
ويسألوني بعض الأوقات ويقولون لي أبك ياعبرود وش معنى دحينا
ابك ياعبرود وش معنى عمر قلي يعني عمر قال لي
ابك ياعبرود وش معنى كانون وهو الوجار أو المنقد اللي نحط فيه الجمر
ابك ياعبرود وش معنى تليك يعني الله يكرمكم النعال
وكنت اقول لهم انا من نجد يقولون لي لا انت من حضران الحجاز وشكلك حضري وما تلبس شماغ دايماً وكلامك فيه بعض الكلام الحجازي
بس أبك اول مره نشوف حجازي مسترجل وراعي بر وراعي جيوب
ههههههههههههههههههههههههههههههه

قسماً بالله ضعت في الطوشه صار كل ما سألني حجازي او بدوي انت من وين صرت اقول لهم اجابه أخذتها من واحد عمره أربع سنوات ويقرب لي ويصير ولد خالتي وهي

لما سأله واحد بدوي في البر وهو يقطع عشب على طريق المدينة
قال له ولد خالتي انت وش تسوي
قال له البدوي اول شي انت بدوي ولا حضري عشان اجاوب على سؤالك

رد عليه ولد خالتي وقال له انا سعودي
هههههههههههههههههههههه

بعدها صرت إذا احد سألني انت بدوي ولا حضري اقول له انا سعودي
عشان يتعقد
ههههههههههههههههههههههههههههه

هذا والسلام عليكم ورحمة الله وبركاته

محبكم في الله والسعودي/ عبرود

عـبدالعزيز · 16-09-2007, 04:52 PM

السلام عليكم

بطبيعه مجتمعنا هذه الاشيااء التي مازالت راسخه بعقوول البعض

المهم اخلااق الشخص طريقه تعامله مع الآخرين المحافظه على الدين

اما هذه المهاتراات بدوي حضري الخ ..

((إن اكرمكم عند الله اتقاكم ))

و

(لا فرق بين عربي ولا عجمي إلا بالتقوى)

تحيتي

منآقيش يـ/قلب العنا · 16-09-2007, 05:31 PM

السلام عليكم ورحمة الله...

يعطيك العافية عبرود...على الموضوع...

وانا هالشئ دايم اعيده انه مجتمعنا لديــه(فوبيا المصطلحات)...يعني المصطلح يأخذونه من منهج مشوه وليس من منهجيه أصليه...ا

البدوي...يأخي عبرود هو من عاش حياة البداوه والترحال من وأخذ طباع البداوه الحقيقية ديار لديار ولم يستوطن بالمدينة ,أو من كان لأجداده بالضبط طريقة العيش وهو بذالك يكون بدوي الأصل وحضري في حياته الحاليه..

أما الحضري..هو من عاش طيلة عمره بالمدينة وتربى في كنفها وأخذ طباع أهل المدينه ولم يعش حياة الباديه , أو من كان لأجداده نفس طريقة العيش بالضبط في المدن والقرى..

أعتقد ان المسألة أصبحت واضحه الآن...فالمسأله على منهجية وطريقة العيش فقط لاغير...ولاتتعدى الى غيره...إلا في بعض السلوكيات التي يتأثر بها الشخص بحكم العوامل الإجتماعيه التي احاطت به.
.

.

.

سواءا كــآن الشخص بدوي أو حضري فهذا شئ لايعيب ولا يرفع من هامة الشخص..فكلٌ في الأمرين سواء..

أما اذا كان قصدك ...عن مسألة قبيلي أو غير قبيلي....فهنا الأمر مختلف لأن هناك قبائل بدويه وحضريه معروفه بين الناس جميعا ...

ولكن يبدوا لي فيه هذا الأمر تم الخلط من أطياف المجتمع ككل بحيث يسمون الغير قبيلي بالـحضري..وهذا الأمر خاطئ.

/

\

/

\

/

\

/

منآقيش يـ/قلب العنا

بنت الاديب · 16-09-2007, 08:29 PM

ههههههههههه

اخوي عبرود

من جد انت كررت مأساتي

لي عوده للتعقيب على موضوعك

تقبل احترامي

مخيفه بس ظريفه · 17-09-2007, 02:55 AM

هههههههههههههههههههههه

والله ولد خالتك افحم البدوي

طيب انت صادق حضر مو بدو ولا حجازيين وفك عمرك

مناير · 17-09-2007, 08:49 PM

هههههههههههههههه

يديك العــــاافية

<< يقاالهاا احضرية!!

اسلووب راائع في الكتاابة

تنفع تكوون صحفي في فوااصل

مـ...ـامحـ · 07-11-2007, 03:40 AM

يعطيك العافية اخوي عبرود انت فيك عيب انك ما تعقب على موضوعك و ما ترد على المشاركات اللي تلت موضوع

اما عن موضوعك فأنا اقول ان في الكل خير و الله البدوي تلقى منه شي و هي الجلافه و حياة المرجله

و الاحضري تلقى منه طيبة القلب و المحبه

انا و لد قبايل لكن و الله احب كل الناس سواء احضري و الا ابدوي

ولك كل الشكر

المجلس العام

مناقشة جميع المواضيع الجادة والهادفة وأمور المحافظات

معانة عبرود مع البدو والحضر

الجميع هيئة امر بالمعروف بالعلوم الدنيوية والدينية

تأنيث التعليم ( مناقشه ضروريه للغايه )

»

الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور

زوار هذا الموضوع الآن : 1 (0 عضو و 1 ضيف)

أدوات الموضوع
عرض صفحة الطباعة إرسال هذه الصفحة إلى صديق