المجلس العام

عبرود · 27-01-2008, 10:29 AM

نسيت اشكر كل عضو وكل قارء تم مروره على موضوعي المتواضع

الاخوة الاعضاء بيرق ولورد وجاسر معليش نسيت اشكركم على مروركم على موضوعي المتواضع وان شاء الله يكون عند حسن ضنكم

الاخ بيرق : ياخي انتبه لا تورطنا هههههههههههههههههههه

الاخ لورد : الله يجزاك خير على الدعوه الطيب ويربي يحقق لك ما تتمنا

الاخ جاسر : اشكرك على كلامك الحلو لي وان شاء الله اكون عند حسن ضنك بي

محبكم في الله وسائق الليموزين / عبرود

البيـــراوي · 29-01-2008, 01:19 AM

اخوي العزيز عبرود كنت من القراء المتابعين لك في بناء
واحزنني انقطاعك عن سرد يومياتك في ذاك الموقع
والحمد لله اني طحت بالصدفه وانا اتمشى في قوقل على موضوعك يوميات عبرود في شوارع الرياض
ولا زلت طبعا من المتابعين لليوميات
واخيرا اخوي عبرود يشهد الله اني احبك في الله مع اني ماشفتك اللهم حدسي قالي انك رجال اجودي
الله يرزقك بحلاله عن حرامه والله يشفي امميتك
تقبل خالص تحيات البيـــراوي
عبدالرحمن بن عبدالعزيز

:.:مهره:.: · 30-01-2008, 01:49 AM

راائع كالعااده اخوي

والله يكثر من امثالك ..واتمنى لك التوفيق

بانتظار القادم

ابو لما · 31-01-2008, 01:16 PM

مرحبا بالاخ عبرود
اسمحلي ان انضم الى متابعين يومياتك
والذي شدني هو اسلوبك الجميل البسيط
والذي يتبين فيه انك اولاً صادق مع نفسك ومع الاخرين
تأخرت علينا عبرود بالحلقة الجديده يمكنك مشغول بس ودي ماتتاخر علينا
ولا تنسى تعطينا قصة الي وديته للمطار قبل صلاة الفجر الي بيسافر الى الطايف اكيد صارلك موقف معه

تقبل تحيتي اخوك ابو لمــــا

احول بس مركز · 31-01-2008, 10:13 PM

اخي العزيز عبرود

الله يعطيك العافيه و اسمحلي اكون احد متابعينك انا الصراحه بصدفه دخلت علي موضوعك
و الله الدوام صفط حتي انتهيت

الله يعطيك العافيه و مزيد من التالق انشالله

اخوووووووووووووك احول بس من جد مركز

شموخ الرياض · 02-02-2008, 09:11 AM

اخوي عبرود اتاببع كل ماكتبته

اول شي اقول يارب يوفقك ويسر في رزقك ويجعله خير وسعاده لك

ثانيا اخى انت في خير كبير رزقك الله فيه وهو مقابلة الناس بشكل يومي
ةسيد البشر قال _(بلغو عني ولو ايه )

اتمنى ان تستفيد من وقتك دين ودنيا
تمر مكاتب الهئيه وتاخذ منشورات ومطويات بغلغات مختلف تكون معك بسياره واي راكب ينزل تعطيه منها

ربما اهتدى رجل واحد خير لك من حمر النعم
ويكفى ان تاخذ اجر النصيحه
يسر الله لك كل امورك اخى الكريم

المجهول · 02-02-2008, 10:05 AM

عبرود ما زلت كالعاده رائع في كل شي...

واصل والله يفتحها في وجهك وين ما رحت

تقبل تحياتي...

rnd50 · 04-02-2008, 11:47 AM

الله يعطيك ألف صحة وعافية ويرزق من حيث لا تحتسب ويبعد عنك أولاد وبنات الحرام ويغنيك بحلاله عن حرامه

بصراحة أنا من المتابعين لصفحاتك عن بعد وهذه أول مرة أكتب فيها .
وإذا سمحت لي ماذا تعني لك الكلمات التالية من خلال تعاملك مع مختلف طبقات الناس :
ـ بانش
ـ دس
ـ باندرا
ـ بيس

ترى هذا واحد يبي مشوار للمطار

معلومات قد تهم البعض منا وخصوصاً أصحاب سيارات الأجرة :
1- عدد شركات الليموزين في منطقة الرياض فقط ( 276 ) شركة .
2- عدد سيارات الأجرة في منطقة الرياض فقط ( 70.000 ) سيارة يديرها وافدين من غير السائقين السعوديين ( ما يقارب 10.000 تقريباً ) .

تحياتي للجميع أخوكم rnd50

سواهـا قلبي · 05-02-2008, 02:18 AM

الله يوفقك وين ما كنت و يفتحها بوجهك

الصراحه اعجبت بطريقه سردك و اسلوبك في الكتابه

عبرود · 06-02-2008, 02:16 PM

قبل أن أبدأ أحب أن أشكر كل عضو وكل قارء تم مروره على موضوعي المتواضع وأن شاء الله لقيتو الشيء المفيد في هذا الموضوع

الاخ العزيز البيراوي : أحبك الله الذي احببتنا فيه وحياك الله بين أخوانك في منتدى الرياض وبصراحه تشرفت بمرورك على موضوع

لاخ العزيز أبو لما : بصراحه تشرفت بأشتراكك في هذا المنتدى الطيب ومرورك على موضوعي المتواضع وأما بخصوص الموقف اللي صار لي مع اخوك على ما اعتقد هو الموقف الاول في هذه الحلقه

الاخت شموخ الرياض : الله يجزاك خير على النصيحه الطيبه ولا توصين حريص ابشرك عندي مطويات وكتيبات بأسم 100 نصيحه من سنن الرسول صلى الله عليه وسلم كل ما نزل واحد ركب معي عطيته وحده وعلى العموم تشرفت بمرورك

الاخ العزيز rnd50 : تشرفت بمرورك بخصوص الكلمات اللي قلت لي عنها بصراحه احس انها مصطلحات باكستانيه او هنديه
وعلى العموم مشكور على المعلومه حقت الليموزينات

نبدأ بالحلقة

الحلقة العشرين

الموقف الأول

طبعاً هذا الموقف خاص للي يكرهون الجنسية البنغلاديشية

مره من المرات وصلت لي واحد من اخوياي اللي اجتمع معه في الاستراحه للمطار وكانت الساعه 5 الفجر ولما نزلته عند مدخل الصالات أشر لي واحد جندي برتبة وكيل رقيب يشتغل قي قطاع الجوازات وكان يشتغل في المطار وكان مخلص وقت الدوام ولما شافني انزل خويي اشر لي

وقال لي : بكم توصلني لحي الملك فيصل
قلت له : بـ 20 ريال
طبعاً السعر رخيص مرره لانه اصلاً ممنوع اركب احد من المطار لان المطار له ليموزينات خاصه بالمطار والليموزينات اللي في المطار لها تصريح خاص وقيمته بـ 800 ريال على ما اعتقد

المهم

ركب معي ولما جيت امشي قطع من قدامي بنغلاديشي كان يدف العربية حقت العفش

ولما شافه العسكري
قال : اخ خ خ خ خ والله انا اكره الجنس هذا مدري ليش
قلت له : يارجال الله يستر عليهم وعلينا
قال لي : وش اسم الولد
قلت له : إن شاء الله إذا جاء بسميه سعد على اسم جدي
قال لي : والله يابو سعد الاشكال هذي هي اللي دامره الدوله بس مشكلتنا نرحمهم لأنهم ضعوف ولا في الأصل اخبث جنس على وجه الأرض والله ما تدري عنهم
قلت له : يارجال كل واحد وفيه حقه سواء كان بنغلاديشي أو مصري او سعودي أو أي كان
قال لي : انت ما قرأت خبرهم في الجريدة وهم يسرقون أغطية البلاعات الله يكرمك و اسلاك الكهرب وأعمدة بعض ارشادات المرور وبعدين يصهرونها ويبيعونها على اساس انها حديد خرده
قلت له : الا قرأته بس ما تحكم عليهم بهذا الشيء
قال لي : وغير هذي فيه اشياء ما تذكر بس الله يفكنا من شرهم
وبعدين سكت شوي
وقال لي : ياخي يسمونهم في الدول العربيه جراذي أسيآ
ههههههههههههههههه
استغفر الله العظيم

قلت له : يارجال ما عليك الدوله إن شاء الله بعد كم يوم بيصدرون قرار بمنع أستقدامهم من البنغلادش

قال لي : هههههههههههههه معليش ياخي انا كل اسبوع افسح تأشيرة 1500 بنغلاديشي بمعدل ثلاث مرات في الاسبوع
قلت له : اف اف اف الله يستر
قال لي رح حي البطحاء وشف التجمع المخيف هناك والله لو بغو يسوون مظاهره في الدوله قسماً بالله يبيلهم كتيبه عسكريه عشان يفرقونهم

اخ خ خ خ خ خ

عاد تبون الصراحه كلام العسكري صادق
والله لو تشوفون اشكالهم كل يوم جمعه عند كوبري البطحاء قسماً بالله تقول انك في بنغلادش من كثرهم

بس ما نقول الا الله يستر على حكومتنا وشعبنا منهم

الموقف الثاني

الموقف هذا صار لي مع اخبث زبون ركب معي حتى الأن
مره من المرات كنت امشي في شوارع الدرعية وأشر لي واحد شاب شكله محترم ولبسه محترم بس من نفس الفصيلة اللي ذكرتها في الحلقه السابعه اللي انحاشو منّي لما وصلتهم

المهم

قال لي : ابيك توصلني عند مخرج 4
طبعاً مخرج 4 هو تقاطع طريق الملك فهد مع الدائري الشمالي

المهم

قلت له : ابشر
قال لي : بكم ؟
قلت له : 15 ريال
بعدها ركب معي

وحنا في الطريق ولما وصلت للمخرج
قال لي : لف يمين مع المخرج
يقصد اتجه لجهة الجنوب

المهم

لما دخلت المخرج ومشيت فيه لين وصلت لمخرج فندق شيراتون
قلت له : ها وين يابو الشباب
قال لي : امش بعد شوي قدام
وصرت أمشي وأمشي وأمشي
هههههههههههههههههههههههههه
حتى وصلت مركز قزاز للعطور اللي شارع الامير سلطان (الثلاثين) في حي العليا وبعدها قال لي بس هنا خلاص
ولما جا ينزل عطاني 15 ريال
قلت له : يابو الشباب من مخرج 4 إلى هنا بـ 15 ريال ومن الدرعيه إلى هنا 30 ريال بس عشانك باخذ منك 20ريال
قال لي : ياخي انا دايماً اجي بـ 15 ريال
قلت له : صدقت بعد تقدر تجي ببلاش بس انت قلت لي ابي مخرج 4 وانا وصلتك لين شارع الثلاثين العليا
بعدها
قال لي : ياخي هذا عيبكم ياسعوديين تحبون تستغلون الواحد
قلت له : هذا عيبكم يا ؟؟؟؟؟ تحبون تنصبون على الواحد
وأقصد بـ ؟؟؟؟ يعني قبيلته

بعدها عطاني 20 ريال بدون نفس وقفل الباب بقوه
هههههههههههههههههه

بصراحه اخبث زبون ركبته
الاخ يقول لي ابي مخرج 4 وبعدين انزله في العليا
صدق المثل اللي قول
شين وقوي عين

الموقف الثالث

بصراحه هذا موقف كوميدي مع شوي محزن

مره من المرات كنت امشي في شارع الاحساء في حي الملز
وفجأه
أشر لي واحد جنسيته من تركيا وبصراحه كان وجهه مخالف لسنة الرسول
لأن الرسول صلى الله عليه وسلم يقول
حفو الشوارب وأعفو اللحى

وهو حاف اللحية ومعفي الشوارب
قسماً بالله ان شاربه من كبره فيه مفصل ما شاء الله عليه
هههههههههههههههههههههههههه

المهم

وقفت عنده
وقال لي : ابي النقل الجماعي بكم ؟
قلت له : بـ 20 ريال
وبعدها
قال لي : طيب افتح الشنطه ابي اركب معك بعض العفش

المهم
لما جا يركب ركب معنا واحد من اخوياه
وقال لي : ابيك توصلني على طريقكم قدام

المهم

لما جا ينزل خوي التركي اللي معي
نزل هو والراكب اللي كان قدام وجاء يودعه
وجلسو يحضنون في بعض لمدة ثلاث او خمس دقائق على ما اعتقد
بس الشيء المؤثر
هو دموعهم وهم يودعون بعض
قسماً بالله خنقتني العبرا لأني انا بصراحه لو تبكي قدامي 100 حرمه ما اهتم بس لما يبكي قدامي رجال واحد يضيق صدري مررره لانه بصراحه دموع الرجال تحس لها قيمه

المهم

كملنا مشوارنا للنقل الجماعي وحنا في الطريق جلسنا نسولف عن دولة تركيا وعن حياتهم في تركيا وعن النظام وعن المعيشه هناك
قال لي : انا لي خمسة سنوات في السعوديه وما رحت لتركيا
قلت له : افففف والله مده طويله بس اهم شي لا تكون متزوج
قال لي : الا متزوج وعندي ولد ما شفته من يوم ولد
والحين عمره 4سنوات ونص وبصراحه انا متحمس للسفره عشان ابي اشوف ولدي
وهو يسولف معي عن ولده جلس يبكي
وانا بصراحه خنقتني العبره مره ثاني
هههههههههههههههههههههه
والله لو تشوفون شكله قسماً بالله مؤثر مررره
بالرغم ان وجهه كله شنب بس شكله محزن

أسأل الله القدير رب العرش العظيم بأن يوصل هذا الرجل إلى أهله في اسرع وقت سالم غانم

نكمل معكم باقي المواقف في الحلقه القادمه
قبل ما اختم الحلقه احب اقول لكم بأني بروح لجده يوم الجمعه في الليل والله يستر علي من جده ومن زباينها

وللحديث بقية

محبكم في الله وسائق الليموزين : عبرود

مواضيع ذات صلة
الموضوع	الكاتب	المجلس	المشاركات	المشاركة الأخيرة
..::....::..المميز في مجلس الرياض..::....::..	توتة	مجلس الرياض	24	12-03-2008 12:04 PM
رابطة زعيم آسيا نادي الهلال السعودي	هلالي ودمي ازرق	عالم الرياضة	1689	15-11-2007 07:13 PM
ألعاب نارية.. مسرحيات.. مسابقات.. عروض شيقة.. برامج ثقافية في مواقع مختلفة في مدينة الرياض	$MAJED$	مجلس الرياض	12	19-10-2007 10:30 PM
التقرير الشامل لحفل مجالس منطقة الرياض	خالد اليزيد	مجلس المواضيع المتميزه	58	07-08-2007 04:42 PM
أرشيف.. حملة الرياض بلا حرائــــــــــــق	توتة	مجلس الرياض	0	04-08-2007 03:20 AM

المجلس العام

مناقشة جميع المواضيع الجادة والهادفة وأمور المحافظات

يوميات عبرود في شوارع الرياض

عود نفسك

إذا وضعت أو وضعتي في موقف خطبة مع شريك شديد الجمال ولكنه .... ماذا ستفعـل !!

»

الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور

زوار هذا الموضوع الآن : 2 (0 عضو و 2 ضيف)

أدوات الموضوع
عرض صفحة الطباعة إرسال هذه الصفحة إلى صديق