| الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور | |
|
|
|
24-02-2008, 04:50 AM
|
#121 | |
|
عضو مؤسس
    |
رد : يوميات عبرود في شوارع الرياض
دخلت لموضوعك صدفه وبصراحه وصلت للصفحه رقم 7 وتوقفت على ان اكمل البقيه غدا باذن الله ذكرتني بايام الليموزين الله يغنيك عنه ولا يعيد ذيك الايام تخرجت من الجامعه قبل عدة سنوات وما حصلت وظيفه وحولت سيارتي الخاصه الى ليموزين واشتغلت عليها كم شهر الين الله رزقني بوظيفه بعدها بعت اليموزين واشتريت سياره ثانيه مرت علي قصص انواع واشكال مع ان شغلي كان لساعات قليله حسب المزاج والفراغ ايضا كنت انتقي الزبائن فليس كل من رفع يده وقفت له وهناك بعض الاحياء لا اذهب لها ابدا لكن بصراحه ما فكرت اني اوثق المواقف اللي حصلت معي او اكتبها اكثر ما كان يكرهني في الشغله الفضول اللي بيذبح الناس والاسئله اللي مدري وش تبي انت من وين ومن اي قبيله واذا قلت له قال من اي فخذ وابلش معه والا قعد يعدد لك تعرف فلان؟ لا طيب تعرف علان؟لا ... وصرت بعد كذا اقول سعودي وبعضهم يزعل اذا ما علمته ياخي انت بتناسبني؟ كلها عشر دقايق ربع ساعه ومتوكل على الله ورايح بطريقك وليه ما تتوظف وايش معك شهاده واذا قلت لهم معي شهادة الجامعه تشوف انواع الاستغراب وبعضهم احسه يكذبني بس بينه وبين نفسه معقوله جامعي وما حصلت وظيفه ؟ يحسبون كل من اخذ الجامعه لقى وظيفه ... الله يرحم حال الشباب بس اذكر من المواقف اللي ما انساها عجوز في رمضان قالت بتروح لمخيم احد اهل الخير يوزع صدقات والمخيم في العماريه ولما وصلتها كانت الهيئه هي اللي مسئوله عن المخيم ومسكوني وكتبوني تعهد وكانوا بيودوني لقسم الشرطه والسبب يقولون لماذا توصل امرأه لوحدها خارج العمران؟ قلت لهم اول شي احنا داخل العمران الشي الثاني هذي ماهي امرأه لانها عجوز كبر جدتي قلتها باستهبال  قال لا يكثر والا وديتك قسم الشرطه قلت ليه توديني الشرطه مسوي جريمه ؟ الشيخ جزاه الله خير طلعت نفسيته وحسيت انه بيجيب فيني العيد قال تراني صايم وتعبان لا تقعد تجادل قلت احد قايل اني مفطر؟ انا مثلك بعد صايم وتعبان مع ان هالكلام في الليل مع صلاة التراويح او بعدها بقليل المهم انه اصر اني اكتب التعهد والا اروح للقسم صراحة انقهرت بس ما حبيت اكبر السالفه وابتلش معهم قلت هات التعهد واطقه بتوقيعي الكريم وامشي وانا ادعي عليه وعلى العجوز والمواقف كثيره منها اللي تقهر ومواقف تحزن ومواقف طريفه ومواقف تفرح وتحسسك ان الدنيا لسا بخير ومنها الممنوع من النشر كما ذكر اخوي عبرود  مضاربات ، سكارى ، قلة ادب ، قرف احيانا .... لكن انتبه من الفتن ولا تعطي نفسك مجال لان النفس اماره بالسوء ويبدو انك انسان حريص وتخاف الله اسأل الله لك الثبات والرزق الحلال وان يغنيك بفضله عن الليموزين ومشاكله واصل اخي عبرود فسأظل من المتابعين لما تكتب باذن الله
آخر تعديل معاند الوقت يوم 24-02-2008 في 04:55 AM
|
|
|
|
|
24-02-2008, 11:57 AM
|
#122 | |
|
مشرف عام
~*¤*~واســطـهــ~*¤*~  |
رد : يوميات عبرود في شوارع الرياض
 بإنتظار جديدك... تقبل تحياتي...
|
|
|
|
|
|
26-02-2008, 01:22 AM
|
#123 | |
|
عضو مؤسس
|
رد : يوميات عبرود في شوارع الرياض
بأحر من الجمـر وتخيـل انت وقصصك خلـتني اغيـب عن المدرسة لمدة ثلاث ايام لأن نومي خرب وقصص اقرهــا الفـجـر لـين يجيـني النـوم وبـعدهـا اصحـى المغـرب لأن نـومي طــويل انا في انتظاركـــ
|
|
|
|
|
|
27-02-2008, 02:49 PM
|
#124 | |
|
عضو جديد
 |
رد : يوميات عبرود في شوارع الرياض
|
|
|
|
|
|
27-02-2008, 02:52 PM
|
#125 | |
|
عضو جديد
|
رد : يوميات عبرود في شوارع الرياض
|
|
|
|
|
|
28-02-2008, 06:26 AM
|
#126 | |
|
عضو مشارك
 |
رد : يوميات عبرود في شوارع الرياض
قبل أن أبدأ أحب أشكر كل عضو وكل قارء تم مروره على موضوعي المتواضع وأن شاء الله اعجبكم لاخ معاند الوقت : تشرفت بمرورك واما بخصوص فكرة الموضوع اللي كنت بتكتبه تقدر تكتب موضوع مثل موضوعي وتسميه ذكريات سائق لليموزين وبعدين اكتب في المقدمه انك كنت سائق لليموزين وبقول لكم بعض المواقف اللي صارت لي وان شاء الله بينجح بس اهم شي تمشي على كلام الرسولى صلى الله عليه وسلم وهو ( من يؤمن بالله واليوم الاخر فليقل خيراً أو ليصمت ) لانه بصراحه فيه مواقف ما تنكتب ابداً والله يستر على اصحابها الاخ العزيز المجهول : تشرفت بمرورك واحبك الله الذي احببتنا فيه الاخ الدبوبد المحبوب : تشرفت بمرورك وتكفى طلبتك ابيك تنتبه لدراساتك احسن من ان تتابعني وانا موجود في المنتدى ومتى ما بغيت تقرا لي تقدر توصل لي أسأل الله القدير بأن يوفقك في الدينا والاخرى فيه سؤال جاني عن طريق الإيميل السؤال يقول س: الاخ عبرود متى بتنزل الحلقه الأخيره ؟ < : الحلقة الأخيرة علهما عند الله سبحانه وتعالى نبدأ بالحلقة الحلقة الثالثة والعشرون طبعاً مع زباين أهل جدة الموقف الأول طبعاً هذا الموقف عبارة عن تحذير لبعض شركات المواد الغذائية مره من المرات كنت ادور في حي الصفا وابي أشوف حواري حي الصفا لأن هذا الحي عشت فيه كل عمري وفيه بيت الوالد الله يحفظه لي وهو عباره عن عماره على شارع الأربعين وسبحان الله في هذا البيت عشت فيه لمدة 26سنة حتى انتقلنا للرياض عام 1426هـ ولي في هذا البيت ذكريات جميلة لا تنسى المهم وأنا أدور في وسط الحاره شفت ولد جيرننا وهو أصغر مني في العمر ويصير أخو زميلي في المدرسه ولما مريت من عنده أشر لي وقال لي : بكم توصلني لشركة (؟؟؟؟؟؟؟) في حي الصناعية قلت له : بـ 25ريال وبعدها ركب معي وحنّا في الطريق قال لي : ياخي وجهك مو غريب علي قلت له : وشلون ؟ قال لي : مافي ناس يقربون لك ساكنين عندنا في الحاره قلت له : مدري ممكن ليش لا قال لي : والله تشبه لواحد كان سكان عندنا بس نقل للرياض هههههههههههههههههههههههههههههههههههههههههههه قلت له : ممكن ليش لا وبعدها سكت وحس أني استهبل عليه ههههههههههههههههههههههههههههههههه المهم وحنّا في الطريق جلسنا نسولف عن مجال عمله وقلت له : انت وين تشتغل فيه قال لي : انا أشتغل في شركة (؟؟؟؟؟؟؟؟؟) قلت له : حقت الحلويات والعصيرات قال لي : أيه قلت له : اجل بتسوي لي تخفيض إذا شريت حلاوه أو عصير من منتجاتكم قال لي : انصحك لا تستخدمها مره ثانيه ولا تاكل منها ولا تشرب منها قلت له : أفااااا ليش ؟ قال لي : ياخي هذي شركه قذره ومافيها نظافه وحتى الأداره حقتهم فاشلة قلت له : غيربه بس ياخي شغلها ماشي في السوق قال لي : يارجال انا الحين رايح لهم عشان اقدم على أستقالتي قلت له : ليش ؟ قال لي : ياخي يتأخرون في الرواتب ويذلوننا في تسليم الرواتب ومع هذا شغلهم وسخ قلت له : طيب ليش وسخ ؟ قال لي : لحضه بوريك مقطع فيديو وبعض الصور انا مصورها بالجوال عشان بنزلها في الانترنت وبسوي لهم فضيحه بصراحه وراني صور مقززه ومقرفه قسماً بالله حرمت ما اكل شي من منتجات هذي الشركة الله يعينهم لو نزلت هذي الصور في الانترنت او انتشر خبرها عز الله بيروحون فيها وبعدين قلت له : اجل انت تطبق المثل اللي يقول (إذا جيت رايح كثر الفضايح) قال لي : والله العظيم انت لو تشتغل معنا كان ما تلومني بالحركه هذي اللي بسويها بعدها قلت له : الرسول صلى الله عليه وسلم يقول ( إذا بليتم فأستتيرو) بصراحه حركتك هذي يمكن تقطع رزق ناس كثيره لذى خذها نصيحه مني وسو اللي اقول لك عليه قال لي : وش هي ؟ قلت له : نزل الصور والمقطع حق الفيديو في سي دي وارسله للأدارة حقت الشركة عن طريق البريد أو عن طريق مندوب في الشركه وأكتب لهم رساله بس بشرط ما يدرون انه انت عشان ما يسون لك مشكله وبعدين اكتب رساله مرفقه مع السي دي واكتب والله العظيم خلال اسبوع اذا ما شفت تحسين في المصنع قسماً بالله لأفضحكم في الجرائد والمنتديات وبعدها بتشوف المصنع بيتعدل غصباً عنهم ألا إذا كانت الأداره ما تهتم بالشيء هذا فهذا مصيبه بعدها انحرج مني وقال لي : يصير خير لذا نصيحه لاصحاب شركات المواد الغذائية يسوون جولات تفتيشيه على مصانعهم وينتبهون لها والله بصراحه شي مقرف اللي يصير خلف الكواليس وكذلك المراقبين من البلديه اتمنا بأن يكثرون الجولات التفتيشيه على مثل هذي المصانع والله بصراحه اذا المصانع مثل هذي الصور اللي شفتها اجل الجهات المسؤله عن هذي الاشياء رايحه فيها اخ خ خ خ خ خ الله يستر عليهم بس الموقف الثاني الموقف هذا كوميدي شوي ويقهر في نفس الوقت بصراحه قبل ما اقول الموقف في بعض الحريم هداهم الله تحس انهم رجاجيل في حركاتهم وهذا الشي حرام بس للاسف الناس هذي تستهون بالشيء هذا المهم مره من المرات كنت امشي بالقرب من سوق الهرم اللي في شارع الامير سلطان بحي المحمدية وسبحان الله هذا السوق فيه زحمه غير طبيعيه بالرغم أنه يبيع ملابس مستواها منخفض شوي بس سبحان موزع الارزاق المهم وانا امشي من عند السوق أشرت لي حرمتين طبعاً من اهل جدة وقالت لي وحده فيهم : نبغاك توصلنا للرويس وبعدين لحي الكندرا قلت لها : اوكيه بـ 25 ريال قالت الثانيه : ياواد خفض لنا شوي شكلك راجل محترم وبين عليك على خلق هههههههههههههههههههههههههههههههه قلت لها : معليش ياخاله بصراحه المشوار بعيد مرره واتحدى أي احد يوصلكم بالسعر هذا قالت خويتها لها : يا اختي اركبي والله انه رخيص اركبي بس وبعدها ركبو معي المهم وحنّا في الطريق مرت من على يميني سياره نقل متوسط (دينّه) ولفت علي بقوه وبغت تصدمني من قدام أنا بعدها لفيت عنه بسرعه وبعدين أشرت له من بعيد وكنت ابي اقول له انتبه المهم لما مريت من جنب السياره اللي بغت تصدمنا فتحت الحرمه اللي كانت راكبه معي الدريشه وقلت لراعي الدينّه : انتبه الله يلعن شكلك بغيت تذبحنا وأنا بعدها انقهرت وانفجرت عليها وقلت لها : لوسمحتي ياخاله مره ثانيه لا تكلمين احد وأنا أسوق الله يرضى عليك قالت لي : اقول لك خليك في شغلك انت التاني وبعدين لو سمحت لا تقول لي ياخاله قل لي يا أنسة قال إيش قال خاله قال هههههههههههههههههههههههههههه بعدها انا انحرجت وحسن نفسي خروف ههههههههههههههههههههههههههههههههههههههههههههههههه قسماً بالله حرمه بس مواصفات عربجي الله يستر عليها ويفكنا من شرها وبعدها وصلتهم لمشوارهم وانا ساكت وافتكيت من شرهم الله يصلحهم طبعاً هذي بعض مواقفي مع زباين أهل جده الله يذكرهم الخير وأنا الحين في الرياض وبصراحه بتوحشني جده وبفقد مطعم البيك هههههههههههههههه وبفقد شاهي الحبق حق بوفيه المالكي اللي في الكورنيش وبفقد حواري جده القديمه بصراحه انا دايماً اذا كنت فاضي احب اتمشى في حي جده القديمه وهي حارة المظلوم وشارع باب مكه وباب شريف والله العظيم اذا تمشيت في هذي الاحياء احس براحه نفسيه مدري ليش وبفقد بعد وقت الغروب على كورنيش جده بصراحه له طعم خااااااص وبفقد بعض الناس اللي يعزون عليه هناك بس أن شاء الله أي موسم سواء كانت اجازه او مناسبه مثل شهر رمضان او الاعياد بشتغل في جده لانه بصراحه فيه خير كثير آآآآه ياجده آآآآه ياجده آآآآه ياجده قبل ما اختم الحلقه بقول لكم موقف شفته على طريق الرياض من بعد ما طلعت من الطائف بصراحه هذا الموقف لو شفتوه والله العظيم عيونكم تدمع من القهر لما تعديت الطائف بـ 200 كيلو وقفت عند محطة ساسكو وكنت ابي اعبي بنزين وكانت الساعه 4 فجراً وانا واقف في المحطه جت سيارتين من نوع جي ام سي فان كبير ووقف أمام سوبرماركت ساسكو ونزل من كل سياره عشر حريم على ما اعتقد انهم معلمات بصراحه منظرهم وهم ينزلون يشترون لهم بساكيت وعصيرات وكيك عشان الطريق كان محزن وتخليت ان اختي او زوجتي او بنتي راكبه معهم قسماً بالله كان منظرهم مررره مؤثر كنت اتمنا من المسؤول عن نقل المعلمات يشوف المنظر هذا ويتخل احد محارمه راكبه معهم وش يكون ردت فعله أسأل الله القدير رب العرش العظيم بأن يفرج همّهم وييسر أمرهم إنه سميع مجيب الدعاء ا خ خ خ خ خ خ خ وللحديث بقية محبكم في الله وسائق الليموزين : عبرود كتبت هذه الحلقة في غرفتي اللي اعيش فيها في الرياض
|
|
|
|
|
|
28-02-2008, 11:55 PM
|
#127 | |
|
عضو جديد
|
رد : يوميات عبرود في شوارع الرياض
 برندا
آخر تعديل زياد فقيهي يوم 29-02-2008 في 12:09 AM
السبب: اضافه رمز
|
|
|
|
|
|
29-02-2008, 03:06 AM
|
#128 | |
|
عضو جديد
|
رد : يوميات عبرود في شوارع الرياض
الأخ برود السلام عليكم ورحمة الله وبركاته أولاً الحمد الله على السلامة ثانياً طولت الغيبه هذي المرة ثالثاً مو كافي التجار زيادة في الاسعار وكمان وساخة ( الله يهديهم ) رابعاً الله يرزقك النية الصالحة ( أمين يارب وجميع المسلمين ) وخامساً الله يهدي شباب وبنات المسلمين الى الدين القويم ا( مين ) سادساً يحزنني خروج المعلمات من البيت قبل الفجر من اجل ان تدرس في مدرسة خارج النطاق العمراني يارب انه يسهل امرنا وامر اخواتنا المعلمات ( امين يارب) سابعاً الله يوفقك ويسعدك ثامنا وتاسعاً وعاشراً في الرد القادم اسف طولت عليك لكن قلبك وسيع اخوي عبرود اخوك ابو لمــــــــــــا 
|
|
|
|
|
|
07-03-2008, 06:24 AM
|
#129 | |
|
عضو مشارك
|
رد : يوميات عبرود في شوارع الرياض
قبل أن أبدأ أحب اشكر كل عضو وكل قارء تم مروره على موضوعي المتواضع وأن شاء الله وجدتم فيه الشيء المفيد الاخ العزيز أبو لماء : الله يسلمك وبعدين لا تلومني على التأخير والله من كثر الشغل والتعب ما يمديني اكتب شي وبعدين انا حضرت عرس سائق الاسعاف مدري هو يقرب لك ولا لا واذا كانه يقرب لك كنت ودي اشوفك في العرس وكنت جالس ادور على اخوك بدر بس الله ما وفق الاخ زياد فقيهي : تشرفت بمرورك ومره ثانيه لا تسوي اللي بالي بالك ترا بفضحك هنا قدام العالم ههههههههههههههههههههههههههه وقبل ما ابدأ اتمنا من أي انسان زعلته في كلمه طلعت مني بالخطأ سواء كنت في احد مواضيعي اللي كتبتها أو عن طريق الإيميل إن عن طريق الماسنجر بأن يسامحني نبدأ بالحلقة الحلقة الرابعة والعشرون طبعاً مع زبائن أهل الرياض الموقف الأول مره من المرات كنت امشي في حي عرقة وأنا ماشي شفت لي حرمه واقفه على الشارع ولما مريت من عندها أشرت لي وقالت لي : بكم توصلنا لسوق الديرة ؟ قلت لها : بـ 25 ريال وبعدها ركبت معي وقالت لي : أنتظر شوي عشان اختي بتجي مع ولدها المهم وانا انتظر جت اختها مع ولدها الله يحفظه لأمه وحنّا في الطريق الحرمه أم الولد قالت لأختها جمله بسببها بغيت انزلها من القهر قالت لها بصوت منخفض : الحين انتي ما لقيتي الا ليموزين سعودي معقوله مافيه غيره بعدها انا من القهر كنت أمشي من عند كوبري حي السفارات وجلست اطالع في المخرج حق حي السفارات وبغيت ادخل مع مخرج وأشوف لي اقرب سفاره وإغير عندهم جنسيتي السعوديه اللي قاهر زبائن الليموزين أنا ودي أعرف ليش يتضايقون من السعودي الحين هم بيركبون معهه عشان يوصلهم ولا عشان يناسبونه اخ خ خ خ خ بس أنا ودي من المسؤول عن سعودة الليموزينات يسعود الليموزينات بأسرع وقت عشان يفكنا من شر الاشكال هذي والله قهر الحين انا ماني مستفيد من الزيادة حقت الدوله ولا عندي اجازات سنويه ولا عندي بدلات ومع هذا الزباين رافع ضغطهم السواق السعودي يالله فرج همنا يالله الموقف الثاني مره من المرات كنت امشي من عند الأحوال المدنية اللي عند كوبري الوشم وبعدها أشر لي رجال عجوز من أهل جازان كان فيه شبه من بابا سنفور اللي يطلع في افلام كرتون بس كان لونه مثل لون حلاوة التوفي وكانت لحيته بيضاء مرره وجسمه قصير بس والله العظيم وجه كان بشوش مررره بيني وبينكم انا احب شي عندي اذا جلست مع الشيّاب والله الجلسه معهم توسع الصدر وتنشرا بالذهب المهم لما وقفت عنده قال لي : بكم توصلني لشارع جرير بحي الملز قلت له : بـ 15 قال لي : ما معي الا 10 ريال تبغاها ولا خلني اشوف غيرك قلت لك : ابيها ونص بس اهم شي تركب معي ههههههههههههههه وبعدها ركب معي المهم وحنّا في الطريق سألته سؤال من باب الفضول وقلت له : طلعت بطاقة جديده ياخالي قال لي : لا والله ياولدي انا كنت جاي من جازان قبل امس وكنت راكب مع كداده طبعاً يقصد بالكداده هم أصحاب التكاسي اللي يوصلون ما بين مدينه ومدينة وأكثر تواجدهم في حي البطحاء المهم قال لي : لما جيت اركب مع راعي التاكسي قال لي ياجماعة عطوني أثباتاتكم عشان إذا وصلت نقطة تفتيش تكون جهازه معي عشان اعطيها للعسكري ولما صلنا للرياض نسيت بطاقتي مع سواق التاكسي وأنا الحين جالس اطلع بدل فاقد من الأحوال قلت له : الله يعينك بس عساك خلصت منهم ؟ قال لي : لسع بعد ثلاث اسابيع يطلعونها لي المهم وحنّا في الطريق ولما وصلنا عند شارع الستين حق الملز دخل الشايب يده في جيبه وجلس يدور على الجوال وبعدها قال لي : يالله ياخي ضيعت الجوال شكله ضاع مني أو نسيته في محل قلت له : متى اخر مره استخدمت فيها الجوال قال لي : قبل ما اركب معك بربع ساعة وبعدها جلس يبكي من القهر ويقول لي : خلاص ياولدي انا كبرت في السن وبدأ عقلي يخرّف قلت له : ما عليك ياخالي ان شاء الله بتلقاه بس انت وسع صدرك بيني وبينكم انا اذا شفت الرجال يبكي يضيق صدري مرره المهم قلت له : ياخالي كم رقم جوالك خلنا ندق عليه يمكن يكون طايح تحت الكرسي أو في جيب الكوت اللي انت لابسة بعدها طلع لي رقم الجوال واتصلت عليه ولا فيه أي صوت داخل السيارة وبعدين انقطع الاتصال وبعدين كررة الأتصال ثلاث مرات وفجأة رد علي واحد وقال لي : وينك ياعم عبده قلت له : معليش يالشيخ انا ماني عبده عبده جالس جنبي من انت الله يخليك قال لي : انا الكاتب اللي يجلس عند مدخل الأحوال المدنية الظاهر عم عبده نسى جواله عندي لما جا يكتب خطاب لأدارة الاحوال المدنية قلت له : طيب حنّا جاينك في الطريق انتظرنا شوي وبعدها الشايب انبسط مررره وجلس يقول : ياخي معقوله في ناس عندهم أمانه إلى الأن والله هذا يستاهل بوسه على راسه وبعدها وصلنا عند الكاتب حق المعاريض ونزل له وراح عنده وجلس يتشكر منه ويحاول يحب رأس الرجال بس الكاتب رفض الشيء هذا من باب فارق السن بين الكاتب والشايب وبعدها انبسط الشياب ولما وصلته للمشوار اللي كان يبيه قال لي : والله ياولدي لو كنت هندي أو باكستاني كان ما خدمني هذي الخدمه الله يكثر من امثالك وبعدها بدال ما يعطيني عشره ريال عطاني عشرين ريال أسأل الله أن يطول في عمر هذا الشياب ويوصله لأهله سالم غنم الموقف الثالث طبعاً هذا الموقف خاص للي يحبون تعدد الزوجات مره من المرات كانت الساعة 2 بعد الظهر وكنت امشي من عند مخرج 17 وبالقرب من مركز إيكيا وفجأة أشر لي واحد خال ما شاء الله تبارك الله عليه جسم ضخم مرره وكان متشخص ولابس شماغ وعقال وشكله برستيج وكان معلق على رقبته بطاقة تصريح دخول خاصة بالعلم اللي يشتغل فيه المهم لما وقفت عنده قال لي : بكم توصلني حي العزيزة قلت له : بـ 20 ريال قال لي : توصلني بـ 15 ريال قلت له : ما أردك أركب وبعدها ركب معي المهم وحنّا في الطريق قال لي : ها كيف شغل الليموزين معك قلت له : والله ما عليه شغل طيب بس لو الله يفكنا من بعض العقليات الجاهله شوي فحنّا بخير قال لي : مثل مين العقليات الجاهله قلت له : مثل بعض الزباين اللي إذا شاف له سواق لليموزين سعودي كأنه شايف ملك الموت هههههههههههههههه بعده جلس يضحك وقال لي : طيب كيف نظامك في الشغل متى تبدأ ومتى ترجع للبيت ؟ قلت له : أبدأ من بعد صلاة الفجر حتى الساعة العاشرة صباحاً ومن بعد صلاة الظهر حتى الساعة الثالثة عصراً ومن بعد الساعة 5 مساءً إلى الساعة 11 أو 12 في الليل قال لي : طيب ليش كل هذا الوقت ما عندك عيال في البيت تجلس معهم وتتعشاء معهم ههههههههههههههههههههههههه(ضحكت قهر) قلت له : لا انا رجال عزوبي ولله الحمد قال لي : افا ليش كم عمرك ؟ قلت له : 31 وبدخل بـ 32 قلت له : أيه إلى الأن ما اعرست وفيه ناس أكبر مني في العمر ما اعرسو إلى الأن وش المشكله قال لي : طيب ليش ما اعرست إلى الأن وش اللي نقاصك ؟ قلت له : بصراحه ناقصني جيب لاندكروزر هههههههههههههههه طبعاً كنت امزح معه قلت له : بصراحه ماعندي وظيفه رسميه قال لي : طيب الليموزين ما يطلع لك دخل زين ؟ قلت له : الحمد لله فيه خير بس مافيه مستقبل اخاف بكرا تنكسر رجلي أو ينصدم الموتر وبعدها اجلس احط يدي على خدي قدام الحرمه ههههههههههههه بعدها قال لي : شف ياأبن الناس ترا التوفيق من الله انا كنت سواق لليموزين مثلك وجلست اشتغل على الليموزين لمدة ثلاث سنوات وتزوجت لي حرمتين الأولى تزوجتها وانا اشتغل على لليموزين مثلك وتصير بنت عمي أما الثانية فكانة زبونه من زباين الليموزين إللي دايماً أوصلهم والله وفقني فيها وتزوجتها والحين معي من الثنتين 9عيال ولله الحمد وربك زرقني بوظيفه في شركة إيكيا وراتبهم مرره طيب لذا نصيحه انت توكل على الله وربك يفتحها لك بإذن الله قلت له : ربك كريم أن شاء الله بعرس في المستقبل وانا اقول في خاطري (هذا وجهي إذا أعرست) وبعدين قلت له : طيب وشلون اعرست على الزبونه اللي توصلها دايماً قال لي : هذي حرمه كنت كل يوم أوصلها لمدرسه في حي البديعة وجلست واصلها لمدة سنه ونص وبعدين كنت اسولف مع واحد من اخوياي عنها وكنت اقول له اني اوصل لي وحده من حي اليمامه إلى حي البديعة كل يوم ولي سنه وأنا اوصلها وبعدين قال لي خويي : طيب ليش ما تعرس عليها وتقرب المشوار عندك بدال ما تظرب مشوار من حي العزيزه لحي اليمامه ومن ثم لحي البديعه بعدها جلست افكر في الموضوع وبعدين جلست استهبل ومزح على زوجتي الأولى وعلى أمي وجلست أقول لهم : تراني بعرس على ثانيه في البداية زوجتي تضايقت وبعدين جلست على هذا الحال لمدة أربع شهور وانا امزح مع أمي وزوجتي وقول لهم : تراني بعرس على ثانيه لين جاء اليوم الموعود وفتحت الموضوع على الحرمه اللي أوصلها وقلت لها : ابي اقابل احد من اقربائك ودي اكلمه في موضوع وبعدها تناقشت مع أهلها والحمد لله ربك وفقني معها وبعدين علمت حرمتي الأولى طبعاً في البداية زعلت بس بعدها تفاهمت أنا وياها والحمد لله الحين كل وحده ساكنه في دور وصارو يمونو على بعض لذا انت توكل على الله وربك يحلها أن شاء الله قلت له : ان شاء الله بصراحه حركه حلوه لما جا يتزوج الحرمة الثانية لذا نصيحه لكل رجال يبي يعرس على ثانيه امزح مع زوجتك في البداية وقل لها : تراني بتزوج على ثانيه وشف ردت فعلها وش بتكون وبعدين توكل على الله واعرس ههههههههههههههههههههههههههههههههههههههه أحس الحين الحريم اللي يقرأون الموقف الثالث حاقدين علي ههههههههههههههههههههههههههه ترا الشرع حلل أربع للرجال ومافيها شي إذا الرجال كان مقتدر وتزوج على أربع حريم أنا ودي بس حرمه عاقلة وفاهمه من اللي يعترضون على الشيء هذا تعطيني دليل من القرأن أو من السنه على عيوب تعدد الزوجات ههههههههههههههههههههههههههههههههههههههه وأخيراً خلصت أسأل الله القدير رب العرش العظيم بأن يفرج همّ كل مسلم ومسلمه وأن يهدي ضال المسلمين إلى طريق الحق إنه سميع مجيب وللحديث بقية محبكم في الله وسائق الليموزين : عبرود |
|
|
|
|
|
07-03-2008, 09:21 AM
|
#130 | |
|
عضو مشارك
|
رد : يوميات عبرود في شوارع الرياض
واذا فيه ناس ما استوعبت ان فيه سعودي سواق تاكسي ماعليك منهم وانت احسن من غيرك اجل مين اللي عاجبهم الهندي ولا المصري وواثق الخطوة يمشي ملكاً والله يرزقك ويوفقك بالوظيفة الثابتة والزوجه الصالحة وترا الليل مايطول مصير الشمس تطلع... اختكم..
|
|
|
|
|
 |
| زوار هذا الموضوع الآن : 1 (0 عضو و 1 ضيف) | |
| أدوات الموضوع | |
|
|
مواضيع ذات صلة
|
||||
| الموضوع | الكاتب | المجلس | المشاركات | المشاركة الأخيرة |
| ..::..**..::..المميز في مجلس الرياض..::..**..::.. | توتة | مجلس الرياض | 24 | 12-03-2008 12:04 PM |
| رابطة زعيم آسيا نادي الهلال السعودي | هلالي ودمي ازرق | عالم الرياضة | 1689 | 15-11-2007 07:13 PM |
| ألعاب نارية.. مسرحيات.. مسابقات.. عروض شيقة.. برامج ثقافية في مواقع مختلفة في مدينة الرياض | $MAJED$ | مجلس الرياض | 12 | 19-10-2007 10:30 PM |
| التقرير الشامل لحفل مجالس منطقة الرياض | خالد اليزيد | مجلس المواضيع المتميزه | 58 | 07-08-2007 04:42 PM |
| أرشيف.. حملة الرياض بلا حرائــــــــــــق | توتة | مجلس الرياض | 0 | 04-08-2007 03:20 AM |
|
Powered by: vBulletin® Version 3.6.10 Copyright ©2000-2008, Jelsoft Enterprises Ltd.
SEO by vBSEO 3.1.0 Translated By vBulletin®Club©2002-2008 |
