المجلس العام

ملـ المبدعين ـك · 08-03-2008, 03:08 AM

بالتوفيق وناخوك

وماعليك من الحريم السعودي يعني الأجنبي يخاف على عوراتنا أكثر منا

وتزوج تراك شيبت هههههههههههههههههههه

عبدالمجيد100 · 08-03-2008, 02:52 PM

مساااااااااااااك الله بالخير اخوي عبروووووووووود ،،، ياخوي عووورني بطني من الضحك ، وضيقت صدري في كثير من المواقف
(ليش تصيّحني

) ..
بصراحه انت دائما مبدع
انت دائما خلوق
انت دائما تجبر الغير ان يحترمك (منتب عاقل يامفخرة الأرض

)
كن صديقي عبرود

هههههههههههه
ممكن طلب ؟ ركبني معك في شنطة الكامري تكفى

على فكرة انا أول مره اكتب في هذا المنتدى (كل الشكر للقائمين عليه) بس انا متابعك من زمان

وكنت الحاقك في الشوارع

الله يوفقك يا عوعو

وشكرا كثير على الدروس اللي قاعدين تعلّمنا فيها ونتعض عليها ،، هههههههههه تراني ساقط في التعبير

عموما اتمنى لك التوفيق دنيا وآخرة .

ضاع صابون القلوب · 10-03-2008, 09:19 PM

اقتباس

الكاتب : ملـ المبدعين ـك [عزيزي الزائر يتوجب عليك التسجيل لمشاهدة الرابط للتسجيل اضغط هنا]


	بالتوفيق وناخوك وماعليك من الحريم السعودي يعني الأجنبي يخاف على عوراتنا أكثر منا وتزوج تراك شيبت هههههههههههههههههههه

صح لساااانك
تراني معه ياعبرود
ولا تشيل هم ترا خير النساء ايسرهن مهر ...
والله يعطيك على قد نيتك

اختكم~

زياد فقيهي · 10-03-2008, 09:27 PM

مساء الخير
اللي يبي يتزوج مو محتاج يمزح
والأفضليه للزواج للي مو متزوج
وياليت ماتنصح النصيحه هذه مره ثانيه
واذا تبي تتزوج الله يوفقك بس ابعد عن التحريش ماله داعي
واتمنالك التوفييييييييييييييييييييييييييييييييييييييييييييي ييييييييق

ابو لما · 12-03-2008, 06:29 AM

السلام عليكم
اسعد الله اوقات الاعضاء والزوار بكل خير
اخوي عبرود صحيح سواق الاسعاف من ابناء العم
ولكن لم يسعفني الوقت علشان اجي
كنت اتمنى اني اشوفك في العرس ولكن قدر الله
وما شاء فعل
واخوي بدر ما جاء للعرس علشانه معي مرتبط
لكن خيرها في غيرها بعدين انت تعرف البيت وراك ما تسير بعد ما تخلص من دوامك
تجي ونسمر في البيت ونتعشى
اتمنى لك التوفيق ان شاء الله والله يرزقك على نيتك
امين امين امين
اخوك ابو لمــــــــــــــا

هاني العماري · 13-03-2008, 08:31 PM

تسلم ياأخوي عبرود

مواضيعك شيقة ومرة رائعة ومواقف مضحكة ومنها مبكية

بس حبيت أعلق على موضوع الزبونة اللي قالت

مافي غير لموزين سعودي بصراحة ماتلومها أنا أعرف واحد

من خوياني شغال لموزين وكل ماتركب معاه بنت يقعد يتكلم معاها

وبعضهم وانته أصابع يدك مو سوى صح وإلا أنا غلطان تلقاها مرة بموقف مع

سواق لموزين سعودي وصارت حاقدها على السعوديين والله يهدي بعض شبابنا

الله يعطيك العافية وآسف إذا كنت طولت معاك

زياد فقيهي · 13-03-2008, 08:32 PM

الاخ عبرود شكرا انك بتفضاحنى هههههههههههههههههههههههههههه الله يوفقك امين انتضر المزيد انا اسف

عبرود · 14-03-2008, 05:58 AM

قبل أن أبدأ أحب أشكر كل عضو وكل قارء تم مروره على موضوعي المتواضع وأن شاء الله وجدتم فيه الشيء المفيد

في بعض الرسائل التي ارسلت لي عن طريق الأيميل يوجد فيها بعض الملاحظات عن بعض الحلقات اللي كتبتها وبصراحه ابي ارد على هذي الرسائل و اجواب عليها قبل بداية الحلقه وهي بصراحه مرسله من شخصين
وهؤلاء الشخصين يتبعون حديث الرسول صلى الله عليه وسلم اللي يقول فيه من رأى منكم منكرأ فليغيره بيده فإن لم يستطع فبليسانه ،،،،،،،، الحديث

الرساله الأولى تتكلم عن الحلقه السابقه رقم 23 حيث فيها حديث ذكرته وهو ( إذا بليتم فستتيرو) حيث هذا الحديث فيه ضعف والدليل على هذا الرابط

[عزيزي الزائر يتوجب عليك التسجيل لمشاهدة الرابط للتسجيل اضغط هنا]

واتمنا من مرسل الرساله بأن ينصحني إذا كنت على خطأ وأن يدعو لي بالتوفيق إذا كنت على صواب

الرساله الثانية تتكلم عن ذكر وصف الاشخاص في بعض الحلقات حيث يفيد المرسل بأن وصف الاشخاص عباره عن غيبه والله اعلم
واحب ارد على هذا الشخص وقول له بأنه تم سؤال بعض طلبت العلم عن هذا الموضوع وأفاد بأنه لا يوجد حرج بالشي هذا وأتمنا منك اخي العزيز بأن تضيفني لديك في الماسنجر للمناقشه في هذا الأمر أو تسأل احد المشايخ في هذا الموضوع وترسل لي دليل بشيء هذا وفي الأخير يقول المثل الاختلاف في الرأي لا يفسد للود قضية

نبدأ بالحلقة

الحلقة الخامسة والعشرون

طبعاً الحلقة هذي والحلقة القادمة مخصصه عن الأجابة لمجميع الرسائل التي أرسلت على إيميلي الخاص من قبل بعض القراء وبعض الأعضاء وفقهم الله وطلبو مني بذكر قصة فكرة الليموزين وقصة شراءه ومحاسن اليموزين ومضار الليموزين وبيني وبينكم في هذه الحلقة يوجد فوائد عظيمه تذكرتها يمكن تستفيدون منها انتم بإذن الله في حياتكم اليوميه والمستقبلية بإذن الله

وسوف تكون الاجابه على الرسائل عن طريق جزئين وكل جزء في حلقة

الجزء الأول

أولاً فكرة العمل في الليموزين

طبعاً لا يخفى عليكم بأني جلست عاطل لمدة سنتين من بعد مافصلت من عملي السابق وطبعاً اغلبكم يعرف وين كنت اشتغل في السابق

المهم

جلسنا أنا وأعز أخوياي حمد وهذا حمد ينطبق عليه المثل اللي يقول رب أخٍٍ لم تلده أمك لأني بصراحه اعتبره مثل أخوي أو أكثر برغم أنه اصغر مني بأربع سنوات بس عقله أكبر مني بأربع سنوات ما شاء الله عليه وهو من اهل القصيم من عنيزه وبصراحه عشان اتكلم عنه يبيله موضوع كامل بس ان شاء الله بكتبه في يوم من الأيام

المهم

مثل ماقلت لكم جلسنا انا وخويي حمد في أستراحتنا اللي في الدرعيه بعد الفصلة من العمل السابق كنّا كل يوم نجلس نفكر وين نشتغل فيه وبصراحه مافي مكان الا وقدمنا عليه بس الله ما كتب الرزق في الاماكن اللي قدمنا عليها يمكن خيره لنا
المهم
ومره من المرات جلسنا جنب بعض ومتركين على مركه واحده وروسنا متلاصقه ببعض وكل واحد يقول اللي في خاطره وبعد وقت طويل من التفكير وكثرت الخواطر
قال لي حمد: وش رايك ياعبرود نطلع انا وانت لليموزينات ونشتغل عليها
قلت له : والله فكره طيبه بس من وين لنا قيمة الليموزين
قال لي : انت بس اجزم وربك يحلها إن شاء الله
وبعدها بصراحه مسكت معي فكرة الليموزين لين طلعته ولله الحمد وأول شي سويته رحت ادرس في مدرسة دلة حقت الرخص وكنت ابي اطلع رخصة عموميه الخاصة بسواقة الليموزين وبعد ماطلعت الرخصه بدأت أفكر وشلون الطلع الليموزين

ثانياً فكرة شراء الليموزين

طبعاً في البداية جلست افكر من وين اجيب قيمة شراء الليموزين بعدها جتني فكرة تقديم عدت خطابات عن طريق البريد وعن طريق المنتدى الساحات العربية لكل من الملك عبدالله بن عبدالعزيز والأمير عبدالعزيز بن فهد ورسالة للشيخ محمد بن زايد آل انهنيان بطلب شراء سيارة لليموزين وسبحان الله مع هذا ربك ماكتب لي الرزق منهم

لكن تدرون وشلون جتني قيمة فلوس الليموزن ؟

بصراحه عن طريق أشياء لو اقولها لكم يمكن الجاهل فيكم بيقول والله انك من جنبها أو بيقول بدا عبرود يخرّف ويتفلسف وعلى باله انه ناصح او بيسوي نفسه داعيه

المهم

العوامل اللي ساعدتني على شراء الليموزين كما يلي

أولاً : تعرفون الأذكار اللي تتوزع عند ابواب المساجد تنحط في الجيب وفيها مكتوب مثلاً من اراد ان يدخل الجنه يعمل كذا ومن اراد ان يشفع له الرسول يعمل كذا ومن اراد كذا يعمل كذا
بصراحه انا قرأت من ضمن الأذكار نقطه من النقاط المكتوبه في الاذكار وهي
من أراد أن أن يوفق في عمله ويفتح له ابواب الرزق في الدنيا والأخرى فل يصل رحمه

قسماً بالله العظيم ثم قسماً بالله العظيم ثم قسماً بالله العظيم إن زيارة الأقارب وصلة الرحم فيها خير عظيم بس حنًا ماندري عنه وبصراحه هو السبب الرئيسي في الحصول على قيمة الليموزين ً

ونصحيه خذوها من واحد مجرب زورو أقاربكم ولا تقطعونهم وبعدها الله يوفقكم في دنياكم واخرتكم ويقول الرسول صلى الله عليه وسلم ( لا يدخل الجنة قاطع رحم ) والعياذ بالله يعني مهما سويت ومهما فعلت الجنه هذي ما تشوفها إذا انت قاطع صلة رحمك إلا من رحم الله سبحانه وتعالى واللي زعلان من احد أو شايل في خاطره شي فل يبادر بتسامح والمصالحه فوالله ما احد يدري متى بيموت
أسأل الله القدير رب العرش العظيم بأن يلم الشأن ويصلح مابين الاقارب والمسلمين إنه سميع مجيب

وثانياً : قيام الليل وكثرة الدعاء في السجود والله العظيم ثم والله العظيم ثم والله العظيم أن رب العباد يفرج هم كل واحد محتاج والدليل عندكم أنا ربك فرجها لي من حيث لا أعلم وبتشوفون القصه وشلون ربك يسر لي فلوس الليموزين

وثالثاً : كثرة الأستغفار وأنا بصراحه كنت ومازلت دايماً أستغفر الله وفي اليوم الواحد استغفر ولله الحمد أكثر من 100 مرة وشوفو ربك كيف فرجها لي ولله الحمد ودايماً إذا جلست بينك وبين نفسك اكثر من الاستغفار 100 مره والله مره سهله وبسيطه بس مشكلتنا حنًا نحب نسولف ونذب على الناس ونتكلم عن فلان وعن علان ونفكر في أشياء تافهه وسبحان الله يقول الله تعالى في سورة نوح (( فقلت أستغفروا ربكم إنه كان غفارا (10) يرسل السماء عليكم مدرارا (11) ويمددكم بأموالٍ وبنين ويجعل لكم جنّتٍ ويجعل لكم أنهارا )) لذا نصيحه اكثرو من الاستغفار وبعدها بتقولون كلام عبرود صحيح

ورابعاً وأخيراً : دعاء والدتي لي ودعوات بعض الناس لي بعدها رب العباد رزقني بالحصول على قيمة الليموزين لذا دايماً خل الناس تدعيلك وخل والدينكم يدعون لكم والله بعدها ربك يفرجها لكم من حيث لا تعلمون

قصة شراء الليموزين

بصراحه جلست أفكر كيف أشتري لليموزين وأنا ماعندي ولا ريال واحد
المهم

وبعد أستخاره وبعد العوامل اللي قلتها لكم قبل شوي
جتني فكرة برنامج عبداللطيف جميل لشراء الليموزين وبصراحه البرنامج هذا كان معقد بالمررره وقبل ما اروح لعبداللطيف جميل عشان اشوف نظام شراء الليموزين من عندهم كنت أصلي في مسجد الاميرة الجوهره اللي في شارع الخزان صلاة الظهر وأنا في الصلاة جلست أدعي في السجود وأقول يارب فرجها لي ويسر لي أمري وأفتح لي أبواب رزقك
وبعدها قسماً بالله وأنا في الطريق لعبداللطيف جميل كانت خطتي أن ادفع 30 ألف ريال مقدم للشركة عشان يخف علي قيمة القسط وبعدها دقيت على أبوي وقالت له ابيك تسلفني 15 ألف ريال عشان اطلع لي لليموزين بالاقساط وبعدها قال لي أبشر وبعدها دقيت على الانسان اللي بصراحه له الفضل الكبير بعد الله في شراء الليموزين وأبي كل واحد منكم سواءً قراء أو عضو بالدعاء له بالتوفيق وأن يكثر من امثاله

المهم
قلت له يافلان أبيك تسلفني 15 ألف ريال عشان ابي اشتري ليموزين
قال لي : ليش كم قيمته الليموزين
قلت له : والله غالي شوي انا أبي منك تساعدني على 15 ألف وأنا عندي 15 ألف عشان بكملها على بعض ويصير 30 ألف ريال وأدفعها مقدم ويطلع علي القسط رخيص
قال لي : طيب كم قيمته كااش
قلت له : يسوى 73 ألف ريال
قال لي : طيب أنا بطلب منك طلب بس تكفى ما تردني
قلت له : سم أمرني وش بغيت ؟
قال لي : أنا بكمل قيمته الباقيه وأبيك تشتريه كاااش وبعدين انت سددلي على راحتك وإذا ماقدرت فإنت بحلْ يعني مسامحك بالمبلغ

وبعدها قسماً بالله العظيم دمعت عيني من الفرح وحسيت أن كل اللي سويته من دعاء وقيام لليل وزيارة الأقارب وكثرة أستغفار ودعوات والدتي ودعوات الناس لي جابت نتجيه ولله الحمد وبعدها الله فرجها لي ورحت أشتريت الليموزين كااش

وأسأل الله القدير بأن ييسر أمري ويعينني على سداد قيمته إنه عزيزٌ قدير

معليش اكمل معكم بعدين باقي الاجابه على جميع الرسائل التي ارسلت لي عن طريق الإيميل

في الحلقة القادمة والجزء الثاني

بتكلم عن رأيي في الليموزين وعن محاسنه ومضاره وفوائده

قبل ما اختم الحلقه لا أوصيكم بقرائة سورة الكهف من بعد شروق يوم الجمعه إلى قبل غروبها

مبحكم في الله وسائق الليموزين / عبرود

الــســفــير · 14-03-2008, 01:26 PM

هلا والله

اول مرة ارد على حلقاتك

والله انك كذا ياشيخ

والله الحين ودي اصير راعي ليموزين احس انها وناسه والله

تراي سويتلك اضافة اتمنى انك تقبل لأني ابسألك سؤال

الله يوفقك ان شا الله

زياد فقيهي · 17-03-2008, 10:46 PM

الله يجزه الف خير ويوفقه دنيا واخره ويثوبه اجر عضيم يارب يارب يارب امين امين ويوفقك انت كمان وان شالله يكون دايم

مواضيع ذات صلة
الموضوع	الكاتب	المجلس	المشاركات	المشاركة الأخيرة
..::....::..المميز في مجلس الرياض..::....::..	توتة	مجلس الرياض	24	12-03-2008 12:04 PM
رابطة زعيم آسيا نادي الهلال السعودي	هلالي ودمي ازرق	عالم الرياضة	1689	15-11-2007 07:13 PM
ألعاب نارية.. مسرحيات.. مسابقات.. عروض شيقة.. برامج ثقافية في مواقع مختلفة في مدينة الرياض	$MAJED$	مجلس الرياض	12	19-10-2007 10:30 PM
التقرير الشامل لحفل مجالس منطقة الرياض	خالد اليزيد	مجلس المواضيع المتميزه	58	07-08-2007 04:42 PM
أرشيف.. حملة الرياض بلا حرائــــــــــــق	توتة	مجلس الرياض	0	04-08-2007 03:20 AM

المجلس العام

مناقشة جميع المواضيع الجادة والهادفة وأمور المحافظات

يوميات عبرود في شوارع الرياض

عود نفسك

إذا وضعت أو وضعتي في موقف خطبة مع شريك شديد الجمال ولكنه .... ماذا ستفعـل !!

»

الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور

زوار هذا الموضوع الآن : 1 (0 عضو و 1 ضيف)

أدوات الموضوع
عرض صفحة الطباعة إرسال هذه الصفحة إلى صديق