| الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور | |
|
|
|
|
|||||||
| الانتساب | تعليمات س - ج | قائمة الأعضاء | المفكرة | إشارة الأقسام مقروءة |
المجلس العاممناقشة جميع المواضيع الجادة والهادفة وأمور المحافظات |
إعلانات منتديات منطقة الرياض
|
|||||||||||
|
|||||||||||
 |
|
|
LinkBack | أدوات الموضوع |
04-04-2008, 11:54 PM
|
#151 | |
|
عضو جديد
  |
رد : يوميات عبرود في شوارع الرياض
هههههههه الله يوفقك يارب
|
|
|
|
|
05-04-2008, 01:02 AM
|
#152 | |
|
عضو جديد
|
رد : يوميات عبرود في شوارع الرياض
لكن عندي ملاحضه وهي ان اسعارك مرررة رخيصه ؟؟؟ ليييش ؟؟؟ دايم اركب من تاكسي يعطيني اسعار يمكن توصل لضعف سعرك واكب التجار اللي رفعوا الأسعار وادبل اسعارك  وماودك تأجرني التاكسي لمده يومين ودي اجرب مغامراتك متابع ..
|
|
|
|
|
|
10-04-2008, 12:06 PM
|
#153 | |
|
عضو مشارك
  |
رد : يوميات عبرود في شوارع الرياض
قبل أن أبدأ أحب أن اشكر كل عضو وكل قارء تم مروره على موضوعي المتواضع وإن شاء الله وجدتم فيه الشيء المفيد الأخ العزيز مسولف : أولاً تشرفت بمرورك وثانياً بخصوص سؤالك عن تخفيظي لأسعار المشاوير يقول الرسول صلى الله عليه وسلم ( من كانت الدنيا همه فرّق الله عليه أمره و جعل فقره بين عينيه و لم يأته من الدنيا إلا ما كتب له و من كانت الآخرة نيته جمع له أمره و جعل غناه في قلبه و أتته الدنيا و هي راغمة ) وفيه إيضاً حكمة تقول (أرضى بالقليل يأتيك الكثير) فوالله العظيم دايماً أتفق مع زبون بمبلغ معين وبعد ما ينتهي المشوار يدفع لي زياده عن المبلغ اللي اتفقت معه وسبحان الله في الماضي ومن أيام الثانويه وإلى يومنا هذا كنت إذا دخلت أي مقهى أو مطعم وحاسبتهم على قيمة الطلب ادفع للعامل أو للجرسون بخشيش خمسه ريال أو عشره ريال والحين إذا نزلت الزبون قال لي : هذا قيمة مشوار الشركه وهذي خسمه ريال أو عشره ريال لك انت واكثر الزباين على بالهم ان الليموزين اللي معي خاص بالشركات وهو في الاصل ملك لي وأما بخصوص تأجيري لليموزين لك بصراحه ودي بس الهوى ضدي نبدأ المواقف الحلقة الثامنة والعشرون الموقف الأول أسأل الله بأن يشفي صاحب هذا الموقف يوم من الأيام وكان يوم الأثنين وكنت أمشي من عند مسجد الراجحي اللي في حي الربوه واللي على طريق النهضه بحي الربوه وكان باقي على صلاة الظهر خمس دقائق المهم ولما مريت من عند المسجد شفت لي هذاك الرجال اللي عمره على ما اعتقد 50 سنة وكان لابس جلابية لونها أسود وكان جالس على الرصيف ولما مريت من عنده أشر لي وقال لي : مساء الخير قلت له : مساء النور قال لي : ابيك توصلني عند مخرج 18 هناك في كازينو أبي أروح له تكفى قلت له : ابشر قال لي : بكم ؟ قلت له : بـ 15 ريال بعدها ركب وكان معه كيس فصفص وجالس يقشّم (ياكل) في السياره ويتفل الله يكرمكم على الارض وأنا اطالع فيه وفيني الصيّحه وودي أبكي من القهر لاني بصراحه ما احب اشوف سيارتي وسخ ودايماً انظفها في الاسبوع مرتين المهم وحنّا في الطريق قلت له : وش عندك ياخالي في الكازينو قال لي : بروح اشرب لي شيشه قلت له : طيب الشيشه هذي ما تتعبك قال لي : وش اسوي ما عندي شي اشغل نفسي فيه ألا هي قلت له : كم راس تشرب في اليوم ؟ قال لي : 7 أو 6 روس قلت له : اف ف ف ف ف الله يعينك بصراحه كثير طيب ما فكرت تتركه قال لي : ما فكرت ولاني مفكر وبعدها سكت وجلست ادعي ليه في قلبي وحنّا فالطريق وفجأه قال لي : ياخي عندي رقم خادم الحرمين المباشر وأدق عليه لي ساعتين ولا رد علي وبعدها أنا جلست اطالع فيه وفيني شوي ضحكه وشوي خوف هههههههههههههههههههههههه وقلت في خاطري : اف ف ف ف ف هذا نظامك تتصل على خادم الحرمين وبعدين قلت له : وش تبي تقول له ؟ قال لي : ياخي ابي اقول له عن أشياء ابيه ينزلها في قراراة مجلس الوزراء حق اليوم قلت له : طيب ليش ما ترسل له خطاب أحسن قال لي : يارجال الخطابات ما توصل له لانه عنده ناس فيهم حسد ولا يوصلون له شيء قلت له : طيب الرقم حقه من وين جبته قال لي : انا ماخذه منه من زمان وقال لي إي شي تبيه دق علي ولا يردك ألا لسانك وبعدين سكت شوي ولما مريت من عند مسجد الراجحي اللي عند مخرج 15 قال لي : شفت المسجد هذا تراه حق اخوي الكبير قلت له : ما شاء الله تبارك الله وانت من وين ياخالي قال لي : أنا من البكيريه قلت له : والنعم والله وبعدها سكت وكنت خايف شوي منه وبعدين كرر كلامه لي وقال لي : ياخي ليش ما يرد علي خادم الحرمين ؟ قلت له : يمكن ماخذ له غفوه اتصل عليه بعد العصر أو بعد المغرب تلقاه صاحي قال لي : مابيه بعد المغرب أبيه الحين عشان الاجتماع حق مجلس الوزراء بعد الظهر وبعدها اطالع فيه وفيني شوي ضحكه وشوي خوف وقلت في خاطري شكله اليوم مو معدي على خير ولما وصلت عند الكازينو قال لي : كم حقك ؟ قلت له : 15 ريال بعدها عطاني 50 ريال ونزل وصك الباب وانا نزلت ولحقته وقلت له : خذ ياخالي هذا الباقي حقك انا قلت لك ابي 15 ريال بس بعدها خذ الباقي ومشى وبدون ما يقول لي شكراً او مع السلامه وبعدها عرفت انه الرجال مسكين عنده خلل في مخه أو انفصام في الشخصيه أسأل الله بأن يشفيه ويبعد عنه كل مكروه إنه سميع مجيب الموقف الثاني طبعاً هذا الموقف اعتبره موقف ملكي ولن يتكرر يوم من الأيام أتصل علي ولد عمي وقال لي : عبرود وينك فيه ؟ قلت له : جالس ادور في الشوارع واترزق قال لي : طيب متى تخلص ؟ قلت له : إذا حصلت يوميتي خلصت وش عندك وش تبي ؟ قال لي : لا خلاص بعدين اكلمك وبعدها دق علي بعد خمس دقائق من المكالمه الأولى قال لي : انت قريب ولا بعيد قتل له يعني مو بعدين مرره قال لي : تعال في زبون يبيك توصله قلت له : من جدك انت ولا تستهبل قال لي : والله اتكلم جد تعال وبعدها رحت لبيتهم ووقفت عند الباب حق بيتهم وفجأه طلع لي من باب البيت صاحب سمو ملكي ما اقدر اقول اسمه لان اسم جده لوقلته في موضوعي هذا بيسبب الغاء لمعرفي ويمكن يسبب حذف للموضوع لانه بصراحه جده مرعب بالمررره المهم طبعاً ولد عمي يشتغل مرافق مع الامير هذا ويعز عليه بالمررره وكان الامير معزوم عند ولد عمي في بيته وهم جالسين مع بعض سأل عني الأمير وقال: وين عبرود من زمان ماشفناه ؟ قال له : والله عبرود اشترا له لليموزين وجالس يشتغل عليه الحين ولا ينشاف غير يوم الجمعه قال الامير: طيب اتصل عليه وخلنا نتمشا معه شوي المهم لما جيتهم وطلع لي الامير تفاجأة ونزلت وسلمت عليه وبصراحه اخر مره شفت فيها هذا الامير كان صغير في السن وكان طوله يوصل لي للنصف بس الحين ما شاء الله تبارك الله صار اطول مني بكثير بصراحه مدري وش ياكلون هذولي الامراء الله يعطيهم الصحه والعافيه المهم قال لي الامير : هذا الليموزين لك ما شاءالله ؟ قلت له : ايه طال عمرك قال لي : طيب واللي يبي يروح مشوار بكم توصله قلت له : طال عمرك على حسب مسافة المشوار قال لي : طيب نبيك تمشينا في شوارع الرياض ونبي نتعشا في مطعم على ذوقك بعدها انا انحرجت وقلت له : ابشر طال عمرك بس يبيلي اغير ملابسي طبعاً انا اذا اشتغلت على الليموزين البس ثياب إمارتيه أو جلابيه مغربي وبدون شماغ او طاقيه بعدها قال لي الامير : وش فيها ملابسك ؟ قلت له : بصراحه تفشل وبعدين لازم البس شماغ وبعدها فسخ الامير شماغه وحطه في سيارته وقال لي : اقول اركب بس وهذا الشماغ وفسخناه عشانك يلا اربك لا تأخرنا طبعاً الامير هذا من سكان مدينة جده بس كان عنده زياره لمدينة الرياض المهم وحنّا في الطريق قال لي : ها وش بتعشينا ياعبرود قلت له : طال عمرك اللي تبي بس انت حدد لي المطعم اللي تبيه وابشر بعزك قال لي : انت وش رأيك قلت له : طيب انت وش تبي رز ولا سندوشتات ولا تبي مشاوي قال لي : بصراحه انا اليوم ما تغديت وميت من الجوع وشف لنا شي فيه دسم قلت له : وش رايك في مطعم هندي عندهم رز وإيدامات حلوه قال لي : خلاص رح له بعدها رحنا لمطعم هندي في شارع التحليه بالقرب من مطعم الريف اللبناني وتعشينا فيه وطلعنا منه وبعدها رحنا لكوفي شوب وخذينا لنا شاهي اخضر عشان نهضم وبعدين قلت له : ها طال عمرك وين تبي نروح ؟ قال لي : ابيك تمشينا في الرياض وتورينا معالم الرياض بعدها جلسنا ندور في حي الديره وفي بعض حواري الرياض وبعدين رجعنا للبيت عشان واصله عند سيارته ولما نزل عطاني قيمة المشواره وهو اجر حق يومين بعدها جلست اتشكر منه وقال لي : انا بروح لجده بكرا وبعدين برجع بعد كم اسبوع ولازم ناخذ لنا جوله ثانيه بالليموزين قلت له : الليموزين وراعي الليموزين تحت أمرك متى ما بغيتني دق علي طال عمرك وبعدها رحت للبيت وأنا في الطريق جلست اهوجس بيني وبين نفسي واقول معقوله فيه أمراء عندهم تواضع لدرجه هذي أسأل الله القدير رب العرش العظيم بأن يحفظ لنا ولاة أمورنا وأن يرزقهم البطانه الصالحه إنه سميع مجيب الموقف الثالث أقوله لكم في الحلقة القادمه لاني بصراحه دخت قبل ما اختم الحلقة فيه فاكهه نزلت في السوق أسمها (اكادنيا) بصراحه طعمه لذيذ بالمررره وهي لونها برتقالي وحجمها مثل حجم ثمرة المشمش وشكلها تقول خربان بس طعمها لذيذ انصحكم تجربونها وبعدها ادعولي وللحديث بقية محبكم في الله وسائق الليموزين / عبرود
|
|
|
|
|
|
11-04-2008, 09:27 PM
|
#154 | |
|
عضو جديد
|
رد : يوميات عبرود في شوارع الرياض
|
|
|
|
|
|
11-04-2008, 10:59 PM
|
#155 | |
|
عضو فعال
 |
رد : يوميات عبرود في شوارع الرياض
ه هه ههه هههه ههههه هههههه ههههههه هههههههه ههههههههه هههههههههه قاعد اضحك بالتقصيد ههههههههههههههه هاذي ضحكه كااااااش خخخخخخخخخخخ تحياتي ... ... أ ب و ع ب د ا ل م ل ك >>حتى الإسم بالتقصيد<<
|
|
|
|
|
|
12-04-2008, 01:50 AM
|
#156 | |
|
عضو جديد
|
رد : يوميات عبرود في شوارع الرياض
بصراحهـ انا من المتابعين ليومياتك أول بأول .. بس من بعيد لبعيد .. و موقف الأمير عجبني وبـ العادهـ انا اشوف ان الأمراء اللي لهم وزن يجون متواضعين أكثر من الأمراء اللي يعني نص ونص ^^" " وجهة نظر " << عسى ماتنشاتين انتي ووجهة نظرك هههههههه يارب سترك ^^" ربي يعطيك الف عافيه اخوي / ننتظر الحلقه الجايه بس لاتبطي علينا :)
|
|
|
|
|
|
13-04-2008, 11:53 PM
|
#157 | |
|
عضو جديد
|
رد : يوميات عبرود في شوارع الرياض
وتصميم الكتاب علي |
|
|
|
|
|
15-04-2008, 10:24 PM
|
#158 | |
|
عضو جديد
|
رد : يوميات عبرود في شوارع الرياض
ترا فكره الشباب زينه وممتازه وخلها كذا باسلوبك العامي مثل كتاب الراوي الشرهان وصدقني والله ان يلقا اقبال منقطع النظيير مع خالص تحيات البيراوي ابو بدران
|
|
|
|
|
|
17-04-2008, 11:26 AM
|
#159 | |
|
عضو مشارك
|
رد : يوميات عبرود في شوارع الرياض
خخخخخخخخخخخخخخخخخخخخخخ والله روعة انت
|
|
|
|
|
|
22-04-2008, 06:27 PM
|
#160 | |
|
عضو مشارك
|
رد : يوميات عبرود في شوارع الرياض
قبل أن أبدأ أحب أشكر كل عضو وكل قارء تم مروره على موضوعي المتواضع وإن شاء الله وجدتم فيه الشيء المفيد الاخ عبد الملك والاخ البيراوي والأخ مسولف / أولاً تشرفت بمروركم وثانياً أشكركم على فكرة الكتاب وإن شاء الله يتحقق أحب أجيب على بعض الرسائل اللي ارسلت لي عن طريق الإيميل بخصوص الحلقه رقم 28 الرسالة الأولى : واحد يقول لي مافي أمير على وجه الارض يركب ليموزين الا إذا كانه مجنون الأخ صاحب الرساله الأولى : احب اعطيك معلومه يمكن انت تجهلها وهي ان الأمراء والملوك في الكرة الأرضية عباره عن بشر وياكلون مثل ما ناكل ويتكاثرون مثل ما نتكاثر ويتنفسون مثل ما نتنفس وفيهم الفقير وفيهم الغني وفيهم الطيب وفيهم الخبيث وفيهم المتواضع وفيهم المغرور وجميع الصفات التي ذكرت موجوده في جميع سكان الارض واقصد الناس العاديه لذى لا تستغرب بأن الأمير يركب لليموزين وإذا منت مصدق فأجل انت رجل انطوائي عن العالم وأسأل الله بأن يفتح قلبك ويفتح عقلك للعالم الرسالة الثانية : واحد يقول لي لو معك سياره لكزس لونها ابيض هل تحولها إلى لليموزين ؟ الاخ صاحب الرسالة الثانية : بصراحه إذا ماعندي سياره ثانيه مجبور ان احولها إلى لليموزين حتى ان يفرجها الله بوظيفه رسمية نبدأ بالحلقة الحلقة التاسعة والعشرون الموقف الأول كنت ماشي في طريق الملك عبدالله وبالقرب من بنك الراجحي فرع حي الحمراء وأشر لي شاب عمره على ما اعتقد في العشرين وبعدها قال لي : ابيك توصلني مكتب خاص بشركة الاتصالات وبعدين توصلني لبيتنا في حي النسيم قلت له : ابشر قال لي : بكم ؟ قلت له : كل المشوارين بـ 30ريال بعدها قال لي : لحضه بجيب جدي يركب معنا شفه جالس على الرصيف وبعدها جاء جده وكان عمره على ما اعتقد 90 سنه وكانت الشيخوخه مأثره على عقله وصحته وبعدها ركب الشايب جنبي قدام ولا قال ولا كلمه فقط ركب بدون ما يسلم او يتكلم كلمه واحده وركب الولد في الخلف وحنّا في الطريق قال لي الولد : بصراحه انا ماخذ جدي معي عشان بحوّل الجوال حقه بأسمي المهم لما وصلنا عند مكتب الاشتراكات الخاص بشركة الاتصالات نزل الولد وقال لي : تكفى انتبه لجدي لا يروح منك ههههههههههههههههههههههههههههههههههههههه بعدها انا جلست اطالع في الشايب وقول في خاطري : تخيل ينحاش مني وش بتسوي ياعبرود هههههههههههههههههه المهم وحنّا ننتظر الولد في السياره فجأة جلس الشايب يناظر فيني وقال لي : من انت ؟ ههههههههههههههههههههههههههههه قلت له : انا ياخالي سواق لليموزين ابوصلك انت وولد ولدك قال لي : هااااااااااااااا قلت له : ياخـــــــــالــــــــــي انــــــا ســــــــــــواق ليمــــــــــــــمــــــــزين بوصلك انـــــت وولد ولدك وفجأه مر من جنبنا جي ام سي كان صوته مرررره عالي ومزعج وبعدها انفجع الشايب وقال لي : طارد ومطرود كان يقصد على جي ام سي اللي كان مسرع وبعدين كررها مره ثانيه وقال لي : طارد ومطرود ، طارد ومطرود ، طارد ومطرود وانا اطالع فيه وقول له : صدقت ياعم من جد طارد ومطرود وبعدها قال لي : من انت ؟ قلت في خاطري : لا حووووول والله البلشه قلت له : انا ســــــواق لليموزين بوصلكم بيتكم بعد شوي طبعاً اقولها له بصوت عالي واللي يشوفني وانا اكلمه يرحمني لاني بصراحه تعبت معه وبعدين رفع علي العصاة وجلس يخبط فيني بالعصاة ههههههههههههههههههههههههههه وانا امسكها منه وقول له : خلاص ياعم اركد الله يصلحك وهو يبي يضربني بدون سبب بصراحه ما ألولهم عقله موهب معه بيني وبينكم والله انه يررحم المهم شافنا الولد من بعيد وجا يركض وهو يضحك وقال لي : معليش يالشيخ ترا الشايب مخرف شوي قلت له : ما يخالف انا عادي بس خذ منه العصا تراه ذبحني فيها هههههههههههههههههههههههههههههههه بعدها جاء موظف الاتصالات ومعه ملف وفيه اوراق لازم يوقعها الشايب بخصوص التنازل عن رقم الجوال وهنا بدأت المشكله الموظف يبي يبي من الشايب أن يوقع أو يختم والشايب جالس يقول له : طارد ومطرود المسكين علق على الكلمه هذي وراح يومنا كله في طارد ومطرود بعدها قلت للموظف : ياخي انا ابصم بداله الرجال مخرف قال لي الموظف : لا ممنوع لازم هو اللي يبصم قلت له : وشلون يبصم وهو مخرف شف لنا طريقه ثانيه المهم المشكله والقهر بعد ما ختم الشياب جلس يبصم على الطبلون حق السياره وأنا اناظر فيه ودموعي تبي تطلع من عيوني وقول في خاطري : بس ياخالي بس بس تكفى بس وهو جالس يبصم اخ خ خ خ خ بس بعد ما وصلته وقفت عند برادة مسجد وجلست اغسل الطبلون من الحبر حق البصمه بس تصدقون لما كنّا ننتظر ولد الشايب عند شركة الاتصالات جلست اطالع في يد الشايب وشوف التشققات اللي في يده وشوف التجعدات اللي في وجهه وتخيلته قبل 60 سنه كيف كان شكله حسيت انه كان وسيم وبصحه طيبه وجلست اتخيل يده كم مره سلم بيده وصافح الناس وش مسك في السنين اللي مضت وبصراحه حسيت انه كان عايش في نعيم وسعت صدر ووناسه ما مرت على اجيالنا أسأل الله بأن يحسن خاتمته وأن يجمعنا معه في جنات النعيم الموقف الثاني يوم من الأيام كانت الساعة 11 ونصف قبل منتصف الليل وكنت بالقرب من سوق الخضار والفواكه بحي الربوه وفجأه شفت لي ولد طوله على ما اعتقد متر او اقل وكان لابس طاقيه ومعاه اخوه اكبر منه وكان اخوه جالس على الرصيف وماسك جوال وجلس يبحث في الجوال المهم أشر لي الولد الصغير وقال لي : ابك انا طفشااان وأبي اتمشا ودور شوي في الشوارع تكفى مشني بعشرة ريال قلت له : ابشر بس وين تبي نروح ؟ قال لي : أي مكان بس لايكون بعيد عن الحاره هذي قلت له : اركب وابشر بسعدك بعدها ركب وقال ميد أخوه : ها بتروح معنا ولا لا ؟ قال اخوه : لا بنتظرك هنا بعدها جلست ادور فيه بحي الربوه وحي الريان وحي الروابي إلى أن وصلنا لمقبرة النسيم وجلست اعلمه بأسماء الاحياء وأسماء الشوراع بس تدرون وش المشكله ؟ ههههههههههههههههههههههههههههههه انه جالس على الكرسي ولا يقدر يشوف شي الا إذا رفع نفسه عشانه مرره قصير هههههههههههههههههههههههههههههههه وبعدين قلت له : من وين انت ؟ قال لي : انا من الحويه في الطايف قلت له : ونعم والله اجل انت عتيبي صح ؟ قال لي : انا عصيمي قلت له : ونعم فيك انا اعز اخوياي يصيرون عصمان ومن الحويه بعد بعدها جلس يطالع فيني وقال لي : تدري لو انت عندنا في الحويه وش نسوي فيك ؟ قلت له : وش تسوون ؟ قال لي : بصراحه نرجمك بالحجاره قلت له : ليش ؟ قال لي : بصراحه أي ليموزين أو دورية شرطه لازم نرجمها بالحجاره هههههههههههههههههههههه قلت له : طيب ليش كل هذا مو حرام عليكم قال لي : ياخي وش نسوي بصراحه نكون طفشانين وزهقانين ونبي شي يونسنا ولا نلقا غير الليموزينات والدوريات نرميها من بعيد هههههههههههههههههههههههههههه بعدها قال لي : ياخي الرياض طفش وزهق بذمتك وشلون عايشين هنا ؟ قلت له : فيه اماكن حلوه في الرياض بس المشكله يبيلها جيب وبعدين انت طالع لي في اخر الليل لو انت وقت العصر كان مشيتك اماكن حلوه بس وقتك غبي شوي قال لي : ياخي وانا في الحويه في الطايف اتمشا عند بيتنا اما هنا كل المكان عمارات وبيوت شوارع وسيارات زحمه قسماً بالله مدري وشلون عايشين قلت له : اهااااا عشان كذا انت متضايق ما ألومك الحويه كلها بر وسعة صدر وانت جالس عند بيتكم والظاهر بيتكم في خلاء صح قال لي : ايه والله واحسن شي اذا جانا مطر قسماً بالله تحس بوناسه غير طبيعيه بعدها قال لي : ابك ابك ابك رجعنا خلاص شكلي تأخرت على الاهل بعدها وصلته وعطاني عشره ريال وقبل ما ينزل قلت له : انت صف كم ؟ قال لي : انا صف أولى متوسط ليش السؤال ؟ قلت له : لا بس كذا ودي اعرف مستواك الدراسي وش هو بعدها نزل عند اخوه وهو نازل جلس يسولف لاخوه ويقول له : ابك راعي الليموزين هذا رهيب بصراحه مشاني وونسني هههههههههههههههههههه بيني وبينكم مع ان الولد عمره صغير في السن الا ان اسلوبه في السواليف تقول رجال كبير ما شا ءالله عليه مو مثل عيالنا اذا جلس يسولف معك يرفع الضغط بصراحه التربيه تلعب دور أسأل الله بأن يوفقه ويهديه إلى طريق الخير إنه سميع مجيب بس قبل ما ختم الحلقه بصراحه في إمرأه ارسلت لي رساله عن طريق الإيميل وأسمها أم نواف وتطلب من كل عضو وكل قارء بأن يدعون لها بأن يفرج همّها ويصلح ما بينها وبين زوجها لذا أسأل الله بأن يفرج هم كل مسلم ومسلهم وأن يصلح ما بين كل زوج وزوجه إنه سميع مجيب عن اذنكم بروح اصلي المغرب وللحديث بقية محبكم في الله وسائق الليموزين / عبرود |
|
|
|
|
|
| زوار هذا الموضوع الآن : 2 (0 عضو و 2 ضيف) | |
| أدوات الموضوع | |
|
|
مواضيع ذات صلة
|
||||
| الموضوع | الكاتب | المجلس | المشاركات | المشاركة الأخيرة |
| ..::..**..::..المميز في مجلس الرياض..::..**..::.. | توتة | مجلس الرياض | 24 | 12-03-2008 12:04 PM |
| رابطة زعيم آسيا نادي الهلال السعودي | هلالي ودمي ازرق | عالم الرياضة | 1689 | 15-11-2007 07:13 PM |
| ألعاب نارية.. مسرحيات.. مسابقات.. عروض شيقة.. برامج ثقافية في مواقع مختلفة في مدينة الرياض | $MAJED$ | مجلس الرياض | 12 | 19-10-2007 10:30 PM |
| التقرير الشامل لحفل مجالس منطقة الرياض | خالد اليزيد | مجلس المواضيع المتميزه | 58 | 07-08-2007 04:42 PM |
| أرشيف.. حملة الرياض بلا حرائــــــــــــق | توتة | مجلس الرياض | 0 | 04-08-2007 03:20 AM |
|
Powered by: vBulletin® Version 3.6.10 Copyright ©2000-2008, Jelsoft Enterprises Ltd.
SEO by vBSEO 3.1.0 Translated By vBulletin®Club©2002-2008 |
