| الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور | |
|
|
|
|
|||||||
| الانتساب | تعليمات س - ج | قائمة الأعضاء | المفكرة | إشارة الأقسام مقروءة |
المجلس العاممناقشة جميع المواضيع الجادة والهادفة وأمور المحافظات |
إعلانات منتديات منطقة الرياض
|
|||||||||||
|
|||||||||||
 |
|
|
LinkBack | أدوات الموضوع |
21-10-2007, 07:17 PM
|
#11 | |
|
مشرفة مجالس الأسرة والمجتمع
لـمـعـة الـمـاس    |
رد : يوميات عبرود في شوارع الرياض
عبرود الله يعطيك العافيه ويقويك يارب ويفتح لك ابواب رزقه من كل مكان يالغالي هي الحياة نقابل فيها كل قاصي وداني ومن كل حد وصوب والزين والشين الله ياخوي يتم عليك نعمة العقل ويوسع صدرك بالخير والعافيه ومن جد شغلتك يبيلها توسيع صدر وطولة بال تقبل مني كل التقدير والاحترام
|
|
|
|
|
21-10-2007, 09:17 PM
|
#12 | |
|
₪ قٌٍلبٌَِ مًنْ زٍُجًِْ ـِِّآجًِْ ₪
 |
رد : يوميات عبرود في شوارع الرياض
عبرود وفقك الله لما تحبه وترضاه ويجعلك في كل خطوه سلامه ويخليك لعين ترجيك .. تحيتي وتقديري .. أختك ..... .....فروسه
|
|
|
|
|
|
22-10-2007, 02:43 AM
|
#13 | |
|
عضو مشارك
  |
رد : يوميات عبرود في شوارع الرياض
آخر تعديل عبرود يوم 22-10-2007 في 02:47 AM
|
|
|
|
|
|
22-10-2007, 02:45 AM
|
#14 | |
|
عضو مشارك
|
رد : يوميات عبرود في شوارع الرياض
بسم الله البرحمن الرحيم قبل أن أبدأ بالحلقة أود أن أجيب على بعض الرسائل التي أرسلت لي عن طريق الأيميل واحد يسأل يقول وش معنى عبرود وأنا اقول له تكفى افتح قوقل واكتب معنى عبرود وبعدها يطلع لك الجواب أو رح لمكتبة جرير أو العبيكان واشتري معجم او قاموس وأبحث عن معنا عبرود لأني بصراحه تعبت وأنا أشرح معناها وبعدين لها كذا معنا انت سو اللي قلت لك عليه وبعدها ترتاح واحد يسأل يقول في أي مدينه تدور في الليموزين وأنا اقول له أخي العزيز أنا ودي بس أعرف انت لما دخلت على الموضوع وش كان مكتوب قدامك ههههههههههههههههههههه بصراحه شككتني في نفسي نبدأ بالحلقة الحلقة الرابعة الموقف الأول وقبل ما ابدأ بالموقف الأول أبي من كل عضو او كل قارء بأن يدعو لصاحب الموقف الأول لأنه رجل محتاج دعواتنا جميعاً وهو رجل عليه ديون ومحكوم عليه بالسجن بعد عيد الفطر المبارك حتى يسدد ديّنه كنت امشي في حي النسيم في شارع النخيل وشفت لي ولد في المرحله المتوسطه وكان واقف ومعه كتب المدرس وأشر لي وقال لي : ابيك توديني للمدرسه وبعدين تودي ابوي معك لمشوار وسط الرياض قلت له : مو مشكله بس وين ابوك قال لي : اول شي كم المشوار قلت له : مشوارك مع مشوار ابوك يكلف 30 ريال قال لي : طيب لحضه بنادي ابوي وبعدين ركب معاي أبو الولد وسلم وبعدها سكت لين نزلنا ولده للمدرسة وبعد ما نزل الولد جلس الأبو يصيح ويبكي وأنا بيني وبينكم ضاق صدري لأني بصراحه إذا شفت الرجال يصيح مهما كان الرجال سواء هندي ولا سعودي ولا أي كان قسماً بالله يضيق صدري بالمره وبعد عشر دقائق من الصياح قلت له : أذكر الله وأستغفر بك وبعدها جلس يذكر الله يستغفر الله وبعدين قالت له : عسى ما شر وشفيك يالشيخ قال لي : مافيني شي ابيك توديني لقسم شرطة الديرة قلت له : ابشر وبعد دقايق قال لي : وش اسمك قلت له : اسمي عبرود قال لي : تكفى يا اخ عبرود ابيك تدعيلي بأن ألله يفرج همي وإذا تعرف احد يساعد الناس فتكفى دلني عليه والله اني رجال علي ديون ومبالغ ماليه لازم اسددها ولا بنسجن بعد العيد على طول وبعدها جلست ادعي له في خاطري وقلت له الله يفرج همك يفك اسرك ان شاء الله وبعدها قال لي : والله اهلي مايدرون أني بنسجن بعد العيد والمشكله عندي امي لو تدري اني بنسجن قسماً بالله بيصير لها شي وهي حرمه مريضه بالقلب وبعدها والله ضاق صدري قلت له : إن شاء الله ربك يحلها بس انت اكثر من الاستغفار واكثر من قيام الليل في العشر الاواخر وربك بيفرج همك بإذنه عز وجل وبعدها نزلته وهو ضايق صدره وكان رايح لقسم الشرطه عشان يوقع على تعهد بأن يحضر بعد العيد والله شي يقهر من جد الموقف الثاني من حضي السيء دخلت شارع المعارض في العصر يوم الخميس وكانو الشريطيه مالين الشارع ما شاء الله عليهم وإول ما دخلت أشرو لي خمس اشخاص والتفو حول السياره وقالو لي : ها يالرجال تبيع وبعدها جلست اطلع فيهم واحد واحد وكنت حاقد شوي وقلت لهم : والله لو انا مو في رمضان كنت قلت لكم شي ثاني بس يلا اللهمي اني صائم لو سمحتو قفلو الباب قبل ما ينجرح صيامي وبعدين كل ما مشيت ثلاث متر شفت لي واحد يأشر وبعدها جلس اوس وس قلت في خاطري اخاف يكون شريطيه وبعدها افطر من جد واخاف يكون زبون وبعدين يروح علي المشوار وبعدين قررت ان اطلع من الشارع بكبره على طول عشان لو طولت فيه شوي يمكن تجيني حالة أغماء من كثر ما اشوف اللي يأشرون في الشارع الموقف الثالث والأخير لهذه الحلقة اشر لي واحد رجال كبير في السن وفي حي الروضه وفي شارع الحسن بن علي وقال لي : تكفى ابيك توديني للدرعيه قلت له : مو مشكله تفضل قال لي : بكم ؟ قالت له : بـ 25 ريال قال لي : والله ما معي غير 10 تكفى ودني وإن شاء الله ربي بيعوضك خير وقسماً بالله العظيم ثم قسماً بالله العظيم ثم قسماً بالله العظيم إن كلمته صدقت تدرون ليش لأني لما جيت اطلع من الدرعيه وقفني رجال وقال لي : الحق وراي للبيت ابيك تودي عيالي وزوجتي للسوق غرناطه في مخرج 9 قلت له : ابشر ولما وصلت عند بيته وجيت اتفق معه قال لي : بكم المشوار قلت له : بـ 30 ريال قال لي : انت رجال تستاهل وأعطاني 100 ريال قسماً بالله جلست اتذكر كلام الشايب لما قال لي ودني وإن شاء الله ربي يعوضك خير صدق المثل اللي يقول أرضى بالقليل يأتيك الكثير معليش بصراحه احس اني دخت وأنا اكتب بروح انام قبل صلاة الفجر وللحديث بقية محبكم في الله وسائق الليموزين / عبرود |
|
|
|
|
|
22-10-2007, 05:43 AM
|
#15 | |
|
عضو مشارك
|
رد : يوميات عبرود في شوارع الرياض
رسالة خاصة لأحدى الأعضاء الذين ارسلو لي رسالة خاصة عن طريق البريد الخاص بالمنتدى ولم أستطع الرد عليه لأن عدد مشاركاتي يجب أن يصل إلى 80 مشاركه العضو العزيز صاحب الرسالة السلام عليكم ورحمة الله وبركاته اما بعد أسأل الله القدير رب العرش العظيم بأن يفرّج همك ويفتح لك أبواب رزقه من حيث لا تعلم وأن يغفر لك ذنوبك ماتقدم منها وما تأخر وما ظهر منها وما بطن وما أسرر منها وما أعلن إنه سميع مجيب الدعاء هذا والسلام عليكم ورحمة الله وبركاته سائق الليموزين / عبرود |
|
|
|
|
|
22-10-2007, 02:43 PM
|
#16 | |
|
مـحـظـور
|
رد : يوميات عبرود في شوارع الرياض
|
|
|
|
|
|
23-10-2007, 10:59 AM
|
#17 | |
|
عضو مشارك
|
رد : يوميات عبرود في شوارع الرياض
بسم الله الرحمن الرحيم قبل أن ابدأ بالحلقه احب ان ارد على بعض الرسائل واحد راسل لي يقول لي ليش تكتب في اخر الموضوع سائق الليموزين / عبرود بصراحه ما تستحي ههههههههههه وأنا اقول لك يا أخي الكريم اذا انت تشوف ان شغلت الليموزين فيها عيب أو حرام أرجو إفادتي بدليل من القرأن أو السنة وبعدها سوف امسحها الاخ العضو العزيز حمد المرحبي بصراحه إيميلك وصل لي بس الرقم حق جوالك ناقص وأتمنا ان نلتقي بالماسنجر افضل الحلقة الخامسة طبعاً جميع المواقف حصلت في شهر رمضان في هذي الحلقة بقول لكم موقفين مضحكه وموقف الثالث مضحك ويقهر في نفس الوقت الموقف الأول كنت امشي من عند البنك الامريكي اللي في حي الملز ومريت من جنب الثانوية التجارية وشفت لي طالب من طلابها واقف يأشر ووقفت عنده وقلت له : سم قال لي : ابيك توديني لسكن الحرس الوطني حق خشم العان طبعاً أنا في حياتي ما رحت لهذا السكن المهم قلت له : تامر أمر بوديك بـ 20 ريال وبعدها الولد ركب بدون ما يحتج على السعر وبعدين أنا جلست اضحك في وجهه وقال لي : وشفيك تضحك قلت له : شكل المكان بعيد مرررره قال لي : لا قريب ماعليك انت رح بس وإن شاء الله يصير خير قلت له : والله شكله بعيد والدليل انك ركبت بدون ما تعترض على السعر الحاصل وصلنا لسكن الحرس بعد عناء دام اكثر من ساعه الا ربع من الزحمه والله العظيم بيت الولد بدون مبالغه من البوابه إلى البيت مثل ما تقولون من برج الفيصله إلى اليورمرشيه اللي في شارع التخصصي التخصصي المهم انا تقبلت الوضع وعرفت قيمة المشوار الحين المشكله لما جيت بطلع من السكن والله العظيم جلست تقريباً ربع ساعه لأن البيوت كلها تتشابه واللي قهرني في الموضوع أني كل شوي أمر من عند كامري لونها اسود واقفه عند احد البيوت وبعدها عرفت اني مضيّع وبعدين شفت لي واحد وقالت له : تكفى يالشيخ أنا رجال موصل لي واحد قبل شوي بـ 20 ريال وأبيك توصلني للبوابه وببعطيك الـ 20 اللي خذيتها من الزبون قبل شوي وبعدها جلس يضحك علي وقال لي : الحق وراي الموقف الثاني أخذت لي حرمتين من عند اسواق الأندلس اللي في شارع العليا وقالو لي : نبيك توصلنا لسوق الشفا مول في حي الشفا قلت لهم : بـ 25 ريال وبعدها ركبو ولما وصلتهم للشفا مول بدأ الرزق ينفتح علي قسماً بالله جلست في حي الشفا تقريباً ساعة ونصف ما بين الشفا مول و ستي مول فرع الشفا كل شوي اخذ عائله من الشفا مول وأوصلهم لستي مول فرع الشفا وأخذ عائله من ستي مول الشفا وأوصلهم للشفا مول وجلست تقريباً وبدون مبالغه سبع مرات وأنا أروح وارجع وكل ما نزلت عائله وجت العائله الثانية تركب على طول المهم جلست اضحك وبعدين انتبه لي واحد من عيال العوائل اللي اوصلهم وقال لي : وشفيك تضحك قلت له : في شي فبالي يضحكني المسكين مايدري أني كل شوي أخذ ناس من الشفا مول وأرجع مره ثانيه الضحكه في الموقف كله أني اخر عائله وصلتهم لحي فواز في أخر الرياض ولما نزلتهم وأنا طالع من الحي أشرت لي حرمه ومعها بنت صغيره عمره على ما اعتقد 4 سنوات وهم اصلهم من البدو وقالت لي : ابك نبي سوق الشفا مول قلت لها : بـ 15 ريال قالت لي : طيب لحضه وبعدها بدت تطلع الفضائح دخلت لبيتهم وطلعت معها حرمتين وثلاث بزارين ( اطفال) وبعدها بدأ مشوار العذاب طبعاً البزارين (أطفال) كلهم بنات واعمارهم متقاربه ما بين 4 سنوات إلى 3 سنوات وكلهم ركبو قدام وسبحان الله على الرغم من اعمارهم صغيره إلا السنتهم اكبر من اعمارهم ما شاء الله عليهم هههههههههههههههههههههههههههه قالت البنت الصغيره لخويتها الثانيه : ابك هذا سواقكم قالت لها : إيه وانا جالس اطالع فيهم واضحك وبعدين قالت لها : ابك عاني عيون سواقكم كأنه عيون فلبيني هههههههههههههههههههههههه ما ألومها تقول الكلام هذا لأن عيوني حاده وإذا ضحكت تختفي المهم قالت الصغيره للثانيه : ابك عاني وجهه احسن من وجه ابوك وردت عليها الثانيه وقالت : ابك يخسا وجه ابوي احسن منه وانا جالس اطالع فيهم واضحك وبعدين عطيت البنت اللي كانت تطالع فيني أربع حبات من علكه بطعم الفراوله وقلت لها : تقاسموها أنتي وخوياتك قالت لي : يهبون والله ما ياخذون شي ههههههههههههههههههههههه ردت عليها خويتها وتبي تاخذ منها علكه وقالت لها : منيره أنا عندي دفتر في البيت وقلم لونه احمر إذا رجعنا للبيت بخليك تكتبين فيه بس اول شي عطيني علكه وبعدين بخليك تكتبين ههههههههههههههههههههههههه والله بعدها مت من الضحك عليهم أ خ خ خ خ خ خ خ خ تصدقون والله العظيم وانا اطالع في البنت اللي عطيتها العلكه تمنيت اني متزوج وعندي بنت مثلها وبنفس العمر لأنها بصراحه أنا نقطة ضعفي الأطفال الله يعوضنا خير إن شاء الله الموقف الثالث والأخير كنت في حي الريان تقربياً الساعه عشرة الصباح وأشر لي واحد من أهل الجنوب وكلامه جنوبي بحت وقال لي : ابيك توصلني الصناعيه القديمه قلت له : ابشر قال لي : بكم ؟ قلت له : بـ 15 ريال قال لي : طيب المهم بعد ماركب هههههههههههه جلست اطالع في وجهه وكان وجهه مكرمش شوي وتوه صاحي من النوم قلت له : شكلك سهران قال لي : يارجال هذا الولد مسهرني لين بعد الفجر قلت له : عسى ما شر قال لي : لا مافيه شي بس كان الزرار حق اللبس حقه يضغط على ظهره من ورا وبعدين قلت لأمه يا مرا شلو عقلش وش بالولد قالت لي : مدري عنه قالت لها : طيب هيا روحي سوي له اكل ولا أي شي الولد يصيح وفيه شي اكيد وبعدين سوينا له حليب ولا هو راضي يشرب وما زال يبكي وبعدين جلست اتحسس على جسمه شوي شوي لين وصلت لزرار اللي في ظهر حق اللبس ولقيته يضغط على ظهر ولما سحبته حسيت انه ارتاح وبعدها فسخت الولد ورحت وعبيت الطشت وعطيته دش وخليته يتروش ويلعب بالمويه شوي وكان ولده عمره اربع شهور المهم قلت له : انت شكلك من برا الرياض قال لي : صدقت انا اصلاً كنت عسكري في تبوك وفصلت من عملي الحين جالس ادور وظيفه في الرياض عشان اصرف على عيالي قلت له : الله يعينك قال لي : ما شاء الله كيف الليموزين قالت له : والله في خير طيب وانصحك تشتري واحد ترا فيه مكسب بس يبيله واحد وسيع صدر قال لي : المشكله ماعندي سياره وسيارتي بعتها عشان واحد أبن سته وستين كلب قلت له : ياخي استغفر وقل اللهم أني صائم قال لي : والله هذا حيوان ويستاهل الجزمه قلت له : ياشيخ اتسغفر مهما كان ما يصير تسبه كل هذا السب وبعدين انت الغلطان ليش تتسلف منه قال لي : أنا ما تسلفت منه أنا كفلته في موضوع وبعدين الحيوان سحب علي وبعد كم شهر جت الشرطه العسكريه وقالت لي إذا ما سددت فلوس الرجال اللي انت كافله ترا بنسجنك وبعدها بعت السياره وسدد اللي عالي وكان مقداره 45 ألف ريال قلت له : طيب السياره شاريها اقساط ولا كاش قال لي : هذي هديه من أخوي الله يكثر من امثاله معطينياها عشان هدية الزواج والله العظيم ما تهنيت فيها اكثر من شهرين والمشكله كنت في شهر العسل وبعد لما وصلته للمشوار قال لي : ها ما تسوي لي تخفيظ عشان ارجع بالباص قلت له : خلاص أباخذ منك عشرة ريال وبسامحك بالخمسة ريال الباقي وبعدها نزل وقال لي : الله يكثر من امثالك بصراحه شي يقهر انك تكفل واحد وبعد فتره يسحب عليك ويورطك في المشاكل واللي يقهر اكثر انك في المستقبل تخاف ولا تكفل احد حتى اعز الناس لك معليش عن اذنكم بروح اجيب ناس من المدارس وللحديث بقية محبكم في الله وسائق الليموزين / عبرود |
|
|
|
|
|
23-10-2007, 07:16 PM
|
#18 | |||||||||||||||||||||||||||||||||||||||||||
|
عضو فعال
 |
رد : يوميات عبرود في شوارع الرياض
واااااااااااااااااااااااااااااااااااااااااااااي روووووووووووووووووووووعه <<<تعلممممممممممممممممي  لا سسسسبحاان الله اذا الانساان فكر باخلاااص يجيه شي ماايتووقعوووووووه واهنيك اهنيــــــــــــيك على الرووح ذي لأن من النادر ناس بالنت زي اريحيتك حتى اخيتي قعدت تقرى معي خخخ وبكرى بعلم بنات خالاتي وبنات خالاتي يعلمون بنات عماتهم خخخ لمييييييييين اووصل سمعتك لمريكككككككاااااااااااا <<وهـ مايطيح بثمه شين ابدددن خخخخ
ويقوووووووووووووووله بكككككل فخرررررررررررررررررررررررررر بعد وش ذا الافكااااررر بصراحه انا كانت بي اثاار من هالتفكيرر بس عقب مذكراات رااااااااااحت اعتذر عن سطحيه المجتمع العوودي<<وانتي اولهمممممم معلييش طوولت بكلاامي تحيااتي لراعي اللموزين ويارررررررررررررررررررررررب اليووووووووووووووم كللللللل من يشووفك يوقفك  بس ترى النص بالنص <<< 
|
|||||||||||||||||||||||||||||||||||||||||||
|
|
|
|
25-10-2007, 01:24 AM
|
#19 | |
|
عضو مشارك
|
رد : يوميات عبرود في شوارع الرياض
الحلقة السادسة ومازلنا في شهر رمضان بصراحه اليوم بقول لكم موقفين فقط لأنه بصراحه الموقف الأول اللي بقوله يقهرني وعن عشر مواقف والثاني كوميدي شوي الموقف الأول كلعادة دايماً أمشي بين الأسواق المراكز التجاريه عشان ناخذ لنا زباين المهم لما مريت من عند أسواق الأندلس اللي في شارع العليا أشر لي هذاك البزر عفواً قصدي هذاك الولد وكان واقف مع أهله ومن كلامهم عرفت انهم من اهل الحجاز ولما جا يتكلم جلس يطالع فيني وكأنه شاف له جنّي أو وحش وبعدين قال ميد أمه : يا أمي السواق هادا سعودي ايش رايك نركب معاه ولا لا قلت له أمه جلعلها الصلاح : لا ياولدي صرّفو وبعدها قسماً بالله من القهر بغيت اسحب الولد مع شعره وركبه بالغصب وأقول لأمه ياتركبين ولا ماني معطيكم الولد هههههههههههههههه وبعدها رحت وجلست افكر من القهر وش قصة الناس هذي يعني عشاني لابس ثوب والباكستاني والهندي لابس بدله وبنجابي ما يركبون معي بصراحه حسيت من اكثر الزبائن كأنهم يقولون يا أنك تلبس جنز وبدله ولا ما نركب معك وانا عاد اقول حامض على بوزكم والله ثم والله ثم والله ماني مغيره إلى أن تقوم الساعة وتصدقون ودي يصدر أمر من الدولة بأن جميع سواقين الليموزينات من جنسيات مختلفة بالتقيد بلبس الزّي السعودي عشان يكون رمز للدولة قدام الضيوف اللي يجون من خارج السعودية وتصدقون لما صارت لي الحركة هذي تذكرت قصة قالها لي واحد من زملاء العمل السابق وهو واحد من أهل مكه الله يذكرة بالخير أسمة احمد عزوز يقول أنه مرة من المرات كان يشتغل في شركة بن لادن في مدينة جدة في قسم صيانة الأجهزه الكهربائيه مثل الدشوش والستلايتات والتلفزيونات وكاميرات المراقبة ،،، إلخ المهم يقول لي أنه أول ما أشتغل في الشغلة هذي قال له مدير الشغل إذا أحد سألك من الزبائن وش جنسيتك قل له انك فلبيني أو ماليزي أو أي شيء عشانه بصراحه كانت ملامحة مثل أهل شرق آسيا المهم يقول لي أنه كل ما دخل بيت من البيوت العوائل السعودية وسأله صاحب البيت انت وش جنسيتك يقول له مره انه فلبيني ومره ماليزي ومره اندنوسي ومره جاوي هههههههههههههههههه ويقول مره من المرات جتني النخوة وقلت والله إذا أحد سألني وش جنسيتك بقول لهم أني سعودي وبصراحه كانت غلطة عمره الحاصل أنه مرة من المرات راح بيت ناس تجار من أهل جدة وكان عندهم الرسيفر حق التلفزيون عطلان وكان يبغاله تسليك عشان يشتغل زين لمهم يقول وأنا جالس تحت الطاولة وأمدد الأسلاك كانة العائلة الكريمة جالسة في الصالة وكلهم بنات ومافي ولا أي ولد بينهم وكانو يسولفون ويمزحون مع بعض هههههههههههههه ويقول وأنا تحت الطاولة اشتغل جتني وحده من البنات دقت رجلي وقالت لي أنت يارفيق أيش جنسيتك ؟ يقول والله من القهر قلت لها أنا سعودي هههههههههههههههههههههههههههههههههههه وبعدها يقول قسماً بالله الأزعاج اللي كان في الصالة أختفى في خلال ثواني وبعد ثواني جاني رجال صعيدي وسحبني من تحت الطاوله وقال لي : براااااااا يلا براااااااا قلت له : أيش في ياواد قال لي : اقولك برااااااااااااا مش عاوزين أي حاجة برااااااااااااا قلت له : طيب لحضه باخذ العدة قال لي : مافي عدة العدة برسلها لكم بعدين يلا برااااااااااااااااا هههههههههههههههههههههههههههه وبعدها طلعت وجلست افكر ايش الفرق بيني وبين الهندي والباكستاني والفلبيني والله شي يقهر وبصراحه ما ألومة من بعد الموقف اللي صار لي هذا الموقف الثاني أشرت لي حرمة هندية أو بنقلاديشية والله مدري وش الجنسية بالضبط في شارع العليا بالقرب من العزيزية مول وقالت لي : بابا انا ابقا سكن هق مستشفى الهمادي (الحمادي) قلت لها : 15 ريال قلت لي : مافي مشكلة وبعدين ألتفتت ورا وأشرت لقبيلة كاملة من الهنود والبنقلاديشيين وكان عددهم تقريباً وبدون مبالغة ستة حريم وبعدها انا انفجعت وجلست افكر قلت الحين هذولي وشلون بيركبون قسماً بالله ركبو كلهم جنب بعض وحسيت ان الكامري حقتي بتنفجر من الضيق اللي ورا وبعدها مشيت وأنا في الطريق جالس أستمع صوت كلامهم وبصراحه حسيت نفسي جالس في مزرعتنا عند شبك الدجاج كلهم يقولون بق بق كر بق فر نمشباتحمنياسبضث ح من جد صدع راسي لو أدري أنهم كذا كان قلت لهم المشوار بـ 50 ريال بس خلاص هذي عبرة وفي المستقبل يبطون عظم اركبهم مرة ثانية أ خ خ خ خ خ خ خ خ خ خ خ أنا الحين جالس افكر في الولد الحجازي اللي قال ميد أمه يا أمي هادا سعودي ودي اشوفه وحلق شعره بس عشان ابرد اللي في خاطري وللحديث بقية محبكم في الله وسائق الليموزين / عبرود |
|
|
|
|
|
25-10-2007, 12:18 PM
|
#20 | |
|
عضو فعال
|
رد : يوميات عبرود في شوارع الرياض
لاتززعل بصراحه موب كل السعوديين زي عبروود والله من جد من كثر مانسمع من هالقصص صرنا نخااف منهم واما حرركه البناات خخخخخخخ والله مهبل ..خير ولايتغطووون ... استغفر الله اعرف كذا بنات عن السواقين مايتغطوون ..؟؟؟ ليه هو ماله رب متابعين بكككل حماااس <<< الله يووفقك |
|
|
|
|
|
| زوار هذا الموضوع الآن : 1 (0 عضو و 1 ضيف) | |
| أدوات الموضوع | |
|
|
مواضيع ذات صلة
|
||||
| الموضوع | الكاتب | المجلس | المشاركات | المشاركة الأخيرة |
| ..::..**..::..المميز في مجلس الرياض..::..**..::.. | توتة | مجلس الرياض | 24 | 12-03-2008 12:04 PM |
| رابطة زعيم آسيا نادي الهلال السعودي | هلالي ودمي ازرق | عالم الرياضة | 1689 | 15-11-2007 07:13 PM |
| ألعاب نارية.. مسرحيات.. مسابقات.. عروض شيقة.. برامج ثقافية في مواقع مختلفة في مدينة الرياض | $MAJED$ | مجلس الرياض | 12 | 19-10-2007 10:30 PM |
| التقرير الشامل لحفل مجالس منطقة الرياض | خالد اليزيد | مجلس المواضيع المتميزه | 58 | 07-08-2007 04:42 PM |
| أرشيف.. حملة الرياض بلا حرائــــــــــــق | توتة | مجلس الرياض | 0 | 04-08-2007 03:20 AM |
|
Powered by: vBulletin® Version 3.6.10 Copyright ©2000-2008, Jelsoft Enterprises Ltd.
SEO by vBSEO 3.1.0 Translated By vBulletin®Club©2002-2008 |
