| الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور | |
|
|
|
|
|||||||
| الانتساب | تعليمات س - ج | قائمة الأعضاء | المفكرة | إشارة الأقسام مقروءة |
المجلس العاممناقشة جميع المواضيع الجادة والهادفة وأمور المحافظات |
إعلانات منتديات منطقة الرياض
|
|||||||||||
|
|||||||||||
 |
|
|
LinkBack | أدوات الموضوع |
29-11-2007, 02:04 AM
|
#31 | |
|
عضو مشارك
   |
رد : يوميات عبرود في شوارع الرياض
الحلقة الحادية عشرة قبل ما ابدأ بالمواقف بنصحكم على فطور جربته قبل كم يوم بصراحه مرررره لذيذ في يوم من الايام كنت واقف عند احد اشارات المرور اللي في شارع ممدوح بن عبدالعزيز بحي السليمانية بالرياض وكانت الساعه 8 صباحاً وجالس افكر وين افطر فيه وأنا واقف عند الأشارة جلست اطالع في اعلان لجبنة تشدر المراعي القابلة للدهن وكان الأعلان فيه صورة لقارورة جبنة تشدر قابلة للدهن ومن فوقفها يد ماسكة خبز تميس ومكتوب في أعلى الصورة جربها بالتميس وبعدها جلست افكر في الصورة وقلت خلني اجربها اليوم يمكن تطلع لذيذه وبعد ما فتحت الأشارة وقفت عند مطعم القرموشي واشتريت منه خبز تميس بسكوت ودخلت للبقالة اللي جبنه واشتريت جبنة تشدر المراعي القابلة للدهن وبعدين رحت للبيت وسويت لي بريق شاهي بالحبق وجلست افطر قسماً بالله ثم قسماً بالله ثم قسماً بالله أللي مسوي الاعلان حق الجبنة المراعي وكاتب جربوها بالتميس انه صادق وبيني وبينكم اول مره اشوف دعاية قول وفعل لذى انصحكم تجربون الفطور هذا وتراه ينفع نقنقة خفيفه بعد المغرب وانت جالس مع اهلك تسولف أو عشاء خفيف بس اهم شي التميس يكون بسكوت من أي فرع من فروع القرموشي وبعدها بتدعون لي المهم نبدأ المواقف الموقف الأول الموقف هذا صار قبل ثلاث اسابيع طبعاً الموقف هذا ينطبق عليه المثل اللي يقول اللهم طولك ياروح ههههههههههههههههههههههههههههههه يوم من الايام كنت امشي في احد حواري البطحاء وكانت الساعة 9 صباحاً على ما اعتقد المهم وانا امشي في وسط الحاره أشرت لي حرمه عجوز هههههههههههه لاحظو قللت لكم حرمه عجوز بس بمواصافت بنت عمرها 10 سنوات الله يحفظها وكانت من أهل الجنوب ومن خميس مشيط بالذات المهم وقالت لي : ابومحمد نبيك توصلنا لنقل الجماعي قلت لها : إن شاء الله قالت لي : بكم ؟ قلت لها : بعشرين ريال قالت لي : أنا افدى هالوجه ان ما معي الا عشره ريال والله ياولدي انا حرمه مسكينه قلت لها : مو مشكله ابوصلك بعشره ريال قالت لي : الله يحفظ امك وابوك انتظر اجيب الشنطه وانا انتظر في السياره طلع لي ولدها ما شاء الله عليه عمره على ما اعتقد 20 سنه ووسيم وكان لبسه مرتب ونظيف وقبل ما يركب معي جلس يطالع فيني بنص عين وانا كنت لابس النظارات الشمسيه واطالع فيه واسوي نفسي ما اشوفه وبعدين ركب جنبي وهو ساكت لا سلم علي ولا قال ولا كلمه وبعد ثواني طلعت امه من البيت وشايله شنطه كبيره وبعدها انا حقدت عليه قلت في نفسي ليش الحيوان ما يشيل مع امه الشنطه حسبي الله عليه المهم بعد ما ركبت الحرمه بدأ مشوار القلق والعذاب وحنا في الطريق قالت لي الحرمه : يابو محمد انت سعودي ؟ قلت لها : ايه قالت لي : يابومحمد هذا الليموزين لك ولا للشركه ؟ قلت لها : خاص فيني قالت لي : اهاااااااا وبعدين قالت لي : يابومحمد عن اذنك وقف عند البقاله دقايق ابي اشتري اكل حق الطريق عشان ما نجوع في الطريق وحنا مسافرين وبعدها قالت لي جمله وقف شعر راسي بسببها قالت لي : يابو محمد انتبه لولدي لا يهرب منك وبعدها انا طارت عيوني وبغت النظارات الشمسيه تطيح من وجهي وجلست اطالع في الولد من فوق لتحت وأقول في نفسي وش اللي يخلي الولد يهرب وفجأه شفت رجول الولد بدون نعال الله يكرمكم وبعدين جلس الولد يطالع فيني وهو ساكت كأنه يفكر في شي وجلس يطالع فيني لمدة طويله وانا اقول في نفسي شكله يبي يظربني كف او يشق ثوبي او أي شي وبعدها عرفت ليش الولد ما شال الشنطه مع امه لما جت تركب معي لأن الولد الله يشفيه عنده مرض في عقله على ما اعتقد انفصام بالشخصيه المهم بعد دقايق نزّل الولد الشماسه وكان يطالع في المرآية حقت الشماسه وبعدين جلس يتفل على يده ويحط التفال على شعره وبعدين اخذ الماء الموجود جنبي وفك القاروره وحط شوي مويه على يده وجلس يمسح على شعره وكان يبي يصلح شعره بالماء وبعدين ركبت امه معي وقالت لولدها : ما شاء الله عليك ياحمودي طالع كأنك امير والولد يطالع فيني وفي أمه ويضحك وانا اطالع فيه ومصدوم من الموقف المهم وحنا في الطريق قالت لي الحرمه : ابو محمد اصب لك شوي قهوه ؟ قلت لها : انا صائم ياخاله قالت لي : ليش تصوم ؟ اهااااا انت صائم عشان اليوم اثنين شكلك تصوم الاثنين والخميس صح ههههههههههههههههههه قلت لها : ياخاله انا صائم عشان اقضي صيامي لأني فطرت في شهر رمضان عشاني كنت ماسك خط ومسافر لمكه اخذ عمره قالت لي : اهااااااا وبعدين قالت لي : يابومحمد كم عمرك ؟ قلت لها : عمري 31 قالت لي : متزوج ؟ قلت لها : لا قالت لي : ليش ما تزوجت حرام عليك ههههههههههههههههههههههه استغفر الله العظيم قلت لها : ان شاء الله بتزوج بعدين قالت لي : بابومحمد وين ساكن ؟ قلت لها : في حي الربوه قالت لي : ياخي غالي حي الربوه ليش ما تسكن في حي الشميسي او حي منفوحه احسن لك وارخص لك هههههههههههههههههههههههههههه وبعدين قالت لي : بابومحمد فين تشتغل ؟ قلت لها : عاطل قالت لي : حرام عليك ليش ما تشتغل بوظيفه رسميه مسكينه شكلها ما تدري ان الوضع رايح فيها من زمان قالت لي : يابومحمد وش اصلك قلت لها : شمري قالت لي : شمري وساكن في الرياض ههههههههههههههههههههههههههههههههههه قلت لها : انا مثلك انتي من الجنوب وجايه اللرياض وبيني وبينكم انا ارتفع ضغطي بسبب كثرة كلامها معي وبعدها قلت لها : ياخاله عن اذنك تكفين خليني اسمع الشريط وانا كنت حاط شريط طارق سويدان عن السيره النبويه وبعدين قالت لي : الشريط هذا حق عائض القرني ههههههههههههههههههههه قلت لها : لا قالت لي : طيب ليش ما تسمع لعائض القرني والله انه طيب ههههههههههههههههههههههه اللهم طولك ياروح واخيراً وصلنا لمحطة النقل الجماعي قالت لي : يابومحمد فيه رحله الحين لخميس مشيط قلت لها : والله مدري ياخاله قلت لي : ليش ما تدري هههههههههههههههههههههههههههههههههههههههههههههههههه ههههههههههههههههههههههههههههههههههههههه وبعدها نزلت وراحت الله يوصلها بالسلامه ويعين الركاب اللي في الباص معها الموقف الثاني طبعاً هذا الموقف من شوراع مدينة جدة واللي يقص لي القصه واحد من اخوياي من سكان جده كان عنده زياره للرياض وبرضو معاه لليموزين في جدة واسمه موسى الله يوفقه ويفرج همه المهم قلت له : ها ياموسى كيف الليموزين في جده قال لي : ماعليه شغله طيب بس فيه فتن عظيمه والعياذ بالله قلت له : الله يعينك طيب ما صار لك موقف غريب في جده قال لي : المواقف كثيره وبيلها جلسه قلت له : طيب قل موقف واحد بس قال لي : بقول لك موقف صار لواحد من اخوياي قلت له : وش هو ؟ قال لي : هذا واحد من اخوياي معه ليموزين ومره من المرات أشر له واحد من الشباب في شارع على ما اعتقد شارع الاربعين او السبعين المهم وقفه واحد وقال له : لو سمحت نبيك توصلني لحي بريمان قال له سائق الليموزين : مو مشكله ابشر وركب الزبون وبعدين قال لسائق الليموزين : لحضه لحضه فيه ثلاثه من اخوياي بناخذهم من قدام معهم اغراض يركبونها معنا افتح لهم الشنطه وبعدين لما فتح الرجال الشنطه شاف الشباب شايلين اكياس ثقيله مررره ولما جا ينزل عشان يساعدهم مسك بيده الزبون اللي كان راكب جنبه وقال له والله ما تنزل خلاص الشباب بيشيلون الاكياس بدون مساعد والله ما تنزل وبعدها سواق الليموزين نغزه قلبه وشك في الموضوع وبعدين وهو في الطريق جته فكره جهنميه وقف عند محطة بانزين ونزل من السياره واتصل على واحد من اخوياه كان يشتغل في شرطة جده وقال له : يافلان انا معي شباب بصراحه شاك في امرهم وابيك بسرعه تجي توقفني عشان تفتشهم وتشوف وش معهم في الكيس قال له خويه : انا موقعي بعيد عنك بس انت حدد لي موقعك عشان ارسل لك دوريه توقفك وتفتشك على راحتك قال له انا في حي الصفا وفي طريقي لحي بريمان من عند كوبري بريمان وبعدين بلغ الشرطي على العمليات بأن فيه لليموزين فيه ركاب مشتبه فيهم المهم وهم ماشين في الطريق اشرت الدوريه لليموزين وامره بالوقوف بجهاز الميكروفون ولما وقفو انحاشو الركاب اللي كانو راكبين في الخلف واما الراكب الامامي كان بينحاش بس مسك فيه سواق الليموزين حتى مسكت فيه الشرطه ونزلوه وركبوه معم ولما فتشو الاكياس اللي معهم حصلو على مجموعة اسلحه كثيره الظاهر خاصة لليبع المهم بعد فتره تقابل سائق الليموزين مع خويه اللي في الشرطه وقال له : شفت الزبائن اللي ركبتهم معك وكانو معهم اسلحه قال له : ايه وشفيهم قال له الشرطي : هذولي مطلوبين امنياً وإذا احد وصلهم للمكان اللي في بريمان يدخلونه معهم الحوش ويقتلونه الله يستر علينا من زبائن الرياض من جد بعد الموقف هذا ودي الدوله تصرف لنا بدل خطر هههههههههههههههههههههههههههه معليشششششششششششششششش عشم ابليس في الجنة الموقف الثالث والأخير بصراحه الموقف هذا شوي مؤثر ومحزن مره من المرات كنت امشي في احد شوارع حي النسيم وكانت الساعه 8 صباحاً على ما اعتقد وكنت مركب معي زبون ولما نزلته عند بيتهم وسط الحاره وانا طالع من الحارة أشر لي رجال كبير في السن وعمره على ما اعتقد 63 سنة وكان لابس ثوب مغربي لونه بنّي وقال لي : ابيك توصلني لمستشفى الحرس الوطني قلت له : ابشر قال لي : بكم ؟ عشان المشوار قريب قلت له : بـ 10 ريال قال لي : انا بعطيك 15 لأن المشوار شوي بعيد وانا سواق لليموزين في السابق واعرف الاسعار والأصول اصول وبعدها انا ضحكت له وقلت له : انت كريم وحنا نستهال المهم وحنا في الطريق قلت له : من وين ياخالي قال لي : معك عواد العنزي من الشمال بس عايش في الرياض بعد ما تقاعدت من العسكرية قلت له : ونعم والله قال لي : وبلحيتك قلت له : سلامات عسى ما شر وش عندك بالمستشفى قال لي : انا رجال عندي فشل كلوي وابي اروح اغسل وانا كل يومين اروح قلت له : الله يشفيك ويفرج همّك المهم وحنا في الطريق ومع زحمت السيارات كان الطريق واقف بسبب الزحمة وكان الرجال ساكت وبعدين انا جلست اناظر الرجال بنصف عين طعباً انا لابس النظارات الشمسيه وهو مايشوف عيوني وانا اطالع فيه وكان الرجال يناظر على جهة اليسار وهو سرحان ويفكر بشي بس مدري وش هو وفجأة وهو سرحان نزلت دموع من عينه وهو مبتسم بيني وبينكم انا ضاق صدري من المنظر وبعدين قلت له : وش فيك ياخالي عسى ما شر قال لي : وهو مبتسم لا مافي شي بس تذكرت ام العيال بصراحه اشتقت لها بالحيل قلت له : ليش ام العيال مو ساكنه معكم في الرياض قال لي : ام العيال توفت قبل ثلاث سنوات قلت له : الله يرحمها قال لي : تدري ليش ابكي قلت له : عشانها صح قال لي : في ايام الغزو كنت مشترك في حرب الخليج وكنت متحمس للحرب وبعدين وانا جالس معها على الفطور وكنت بفطر قبل ما اروح للجبهه عشان اشارك مع الحرس الوطني بالحرب قالت لي : كل بشويش وشفيك مستعجل ترا الدنيا ماهي طايره قلت لها : ابي الحق على الجبهه قالت لي : يعني الجبهه اغلى منّي قلت لها : اقول الكلام هذا مو وقته قالت لي : خير ان شاء الله بيجي يوم وتشتاق لي بالمرره وبصراحه الحين انا مشتاق لها بالمررره ودي اموت اليوم قبل بكره عشان اشوفها لأني بصراحه فقدتها بالحيل والله العظيم لما قال لي الكلام هذا بعدها ما قدرت اطالع فيه وصرت اطالع جهة اليسار عشان ما يشوف عيوني وجلست عيني تدمع من الحزن على كلامه وبصراحه ما الومه يبكي أسأل الله القدير رب العرش العظيم بأن يجمعهم مع بعض في جنات النعيم إنه سميع مجيب في الحلقة القادمة لا تفوتكم بقول لكم قصتي مع السكران حسبي الله عليه وللحديث بقية محبكم في الله وسائق الليموزين / عبرود
|
|
|
|
|
30-11-2007, 06:37 PM
|
#32 | |
|
عضو مستمر
 |
رد : يوميات عبرود في شوارع الرياض
لي رجعه مفصله للموضوع
|
|
|
|
|
|
06-12-2007, 06:43 AM
|
#33 | |
|
عضو مشارك
|
رد : يوميات عبرود في شوارع الرياض
قبل أن ابدأ احب ارد على رسالة وصلتني عن طريق الإيميل يقول يا اخ عبرود أبي تسمح لي تراني انا كل يوم انسخ يومياتك وأوزعها على اخوياي اخوي صاحب الرساله تكفى ابيك تنسخ الحلقه كامله بدون تغير في الحلقة لأنه بصراحه اكتشفت عضو في احد المنتديات يكتب حلقاتي في المنتدى اخر بس الله يهديه غير شي بسيط في الموضوع وخلاني كذاب عند بعض اخوياي الاخ كاتب في بداية الحلقات هذا مواطن سعودي كان يعمل في الجيش وعندما فصل من الجيش اشتغل سواق لليموزين هههههههههههههههههههه وانا اصلاً في السابق كنت موظف مدني وليس عسكري نبدأ بالحلقة الحلقة الثانية عشرة الموقف الأول بصراحه الموقف الأول هذا اعتبرة خاص للي ما تزوجو إلى الأن في يوم من الأيام كانت الساعة عشرة ليلاً وكنت طالع من مخرج 15 بحي الريان متجه إلى مخرج 14 ولما مريت من عند ستي ماكس فرع حي الربوة اللي قبل مخرج 14 أشر لي واحد سوداني وأسمه عبدالرحيم محمد عباس والسوداني هذا موظف يشتغل في مصنع بلاستيك وبصراحه انا اعتبره دكتور في علم النفس لأنه قال لي كلام خلاني اندم على عمري اللي راح وانا عزوبي وأنا بقول لكم جزء من الكلام اللي قال لي المهم قال لي : عليك الله انا داير اروح للصناعية اللي عند سوق حراج بن قاسم قلت له : ابشر قال لي : بكم ؟ قلت له : بـ 20 ريال قال لي : علي الطلاغ (الطلاق) انا اصو جاي من هناك بـ 15 ريال إذا داير 15 خليني اركب ما داير خليني أشوف لي ليموزين تاني قلت له : آآآآآييي دايرين 15 ما نقول لا وبعدها جلس يضحك علي وركب قال لي : الاخ سعودي قلت له : آآآآييي وبعدين قلت له شف يازول إذا بتزعل عشان كلمت آآآييي مو مشكله ماني قايلها قال لي : لاكين أزعل شنوو ياخي دي كلمه كويسة قلت له : بصراحه أنا لما جيت اشتري الليموزين من المعرض كان فيه محاسب سوداني ولما قلت له آآآييي قال لي شوف يازول انت راجل تحب تستهزأ بالناس وهذا الكلام ما كويس عيب عليك ياخي حنّا بني أدمين هههههههههههههههههههه قال لي : دا أصو سوداني عصبي ويمكن جالو موقف مع واحد سعودي كان بيستهزء بيهو لذا لا تهتم بكلامو المهم سألني وقال لي : عندك عيال ولا لا ؟ قلت له : بصراحه ما تزوجت إلى الأن قال لي : ليه ياخي انت هسع عمرك كم ؟ قلت له : 31 سنة قال لي : عليّ الطلاغ (الطلاق) عمرك ضاع ساكت هههههههههههههههههه قلت له : الشكوه الله قال لي : طيب السبب شنو عدم زواجك إلى الأن قلت له : بصراحه يازول انا ماعندي وظيفه رسمية عشان اصرف على زوجتي قال لي : طيب والليموزين دا شنو ؟ قلت له : بصراحه الليموزين جديد واشتريته قبل رمضان بيومين وما تأقلمت معه إلى الأن قال لي : طيب الليموزين دا ما بيجيب لك فلوس ؟ قلت له : الا والله بس الوظيفه احسن من الليموزين قال لي : بصراحه عمرك راح هدر ياخي انت لما بتنزلني هسع بتاخد الـ 15 ريال وبتروح تشتري فيها عشاء من مطعم بخاري او من مطعم مندي بس لما تكون متزوج تدخل بيتكم تلقى زوجتك مجهزه لك مثلاً سلطه خضار مع الخبز والله يازول على الطلاغ (الطلاق) صحن السلطة زاتو بتحس انه صحن ذبيحه لأنه معمول بيد زوجتك وبعدين قال لي بصوت فيه شوي من الحماس والعصبيه : ياخي خدوهم فغراء (فقراء) يغنيكم الله ياخي والله العظيم يازول حياتك هادي تتغير بعد الزواج وعلاقتك مع الناس بتتغير وبتصير الناس تحترمك حتى لو كنت صغير في السن برضو يحترموك ويضربون لك 1000 حساب وبعدين قال لي : لمواخزا انتم يالخليجين بشكل عام والسعوديين بشكلاً خاص عيبكم شيئين قلت له : وش هي ؟ قال لي : التكبر وكلمة عيب قلت له : التكبر على ايش ؟ قال لي : على الناس وعلى الاجانب وعلى الناس الضعيفه قلت له : طيب كلمة عيب وش فيها قال لي : اصو الكلمة هادي مسببه لكم الخساير والكلام الفاضي قلت له : وشلون ؟ قال لي : انتم لما تعزمو أي شخص في بيتك او في مطعم بتقدمو لو اكل اكثر من طاغتو(طاقته) مثلاً تذبح لو ذبيحه ويكون لوحدو ما معاهو حدا تصدق يازول لو الذبيحه هذي ذبحت في السودان كان اكلت نص سكان الخرطوم وتاني حاجه لما تكونو في مطعم بتدفع الفلوس كامله بدون ما تشتركو بغيمة (قيمة) الاكل قلت له : طيب هذا يازول من باب الكرم قال لي : كرم شنو ياخي المشكله حتى الفغير(فقير) بيدفع عن صاحبو المهم لما دخلنا الصناعية حقت حراج بن قاسم كان قدامنا مطب صناعي بس حجمه كبير شوي ولما طلعت فوق المطب حكت السياره من تحت وكان بصوت خفيف وبعدين قال لي : ياخي دا أصّو ما مطب دا عليّ الطلاغ (الطلاق) جبل ودايرليهو لاندكروزر هههههههههههههههه وبعدها نزلته وراح وتركني في هواجيس عن الزواج الموقف الثاني مره من المرات كنت امشي في شارع الثميري حق سوق الزل وركب معي ولد كان عمره على ما اعتقد 16 سنة ولما ركب جلس يفكر ويضحك ضحكه خفيفه وفي عيونه دموع تبي تطلع بس ما سكها من قوة القهر وكانت الضحكه اللي في وجهه ضحكت واحد مقهور المهم سألته وقلت له : عسى ما شر وشفيك ؟ قال لي : وهو يضحك ضحكة قهر كنت امشي داخل حارة شارع الثميري وبعدها طلعو لي اثنين من الشباب وكانو متلثمين ومعهم سكينه وقالو لي : عطنا جوالك بسرعه ولا تراني بذبحك وبعدها عطيتهم الجوال بكل هدوء وبرود وانا قلبي يتقطع من القهر والله العظيم ماني مصدق اني في السعودية وبعدها جلس يفكر ويهوجس بينه وبين نفسه وكانت عيونه تمتلي من دموع القهر وبصراحه انا عندي فكره ودي الدولة تطبقها وهي ياخذون من كل سجن من سجون المملكة سجين واحد ويكون علي قضية سرقة وتكون سمعته قويه ومشهورا بين السجناء وبعدها يقطعون يد السجين المشهور قدام السجناءالباقين واللي قضاياهم عباره عن سرقة وسطو على البيوت يعلنون الخبر في التلفزيون عشان باقي الحرامية اللي خارج السجن يدرون ان فيه تطبيق لحد السرقة والله العظيم بعدها بيبطلون السرقه وبتصير بعدها كل في أمان لأن بصراحه الان الحرامية يطبقون المثل اللي يقول من أمن العقوبة أساء الأدب وهذا سبب كثرة السرقات عندنا بس ما اقول الا الله يستر الموقف الثالث مره من المرات كنت امشي في طريق الملك فهد وكنت ماسك خط الخدمة ومتجه لشارع التحلية ولما مريت من عند فندق الفيصلة أشر لي رجل الأمن حق الفندق وقا لي : في زبون عند مدخل الفندق يبي لليموزين قلت له : ابشر ولما جيت عند المدخل وأشوف ذاك الرجال اللي لابس لبس محترم وشكله برستيج ولما ركب معي ما قال ولا كلمة وكانت ريحته ما شاء الله مرررره روعة وفجأة طالع فيني وكان يكلمني وهو سكران ولسانه ثقيل وقال لي : أبي حييييي الررررررراااائد عند سووووبرمااااركت التميييمي قلت له : ابشر ولما طلعت من مدخل الفندق جلست افكر وش اسوي مع السكران الله يستر بس اهم شي يكون معه فلوس عشان يحاسبني وبعدين جلس يطالع فيني وقال لي : انتم يا سووووااااقين الليمووووززززين اكبر مسخرة قلت له : صدقت ههههههههههههههههههههه قال لي : صح ولا لا قال له : صح قال لي : انااااا اليووووووم مبسووووووووط واحب اكون مبسوووووط عندك مانع قل لي إذا عندك ماااااانع قلت له : لا والله ما عندي مانع اهم شي انت تنبسط وانا بصراحه اقول في نفسي الله يعدي الليلة على خير وبعدين جلس يطالع فيني وقال لي : وش قااااعد تقوووول تراااني اسسسسمعك قال له : ما قلت شي قال لي : اشوووه وبعدين جلس يطبل على الطبلون ويغني بصوت خفيف وشوي يرقص رقص خفيف وبعدين شغل الرادو على قناة ام بي سي اف ام وبعدها انا حقدت وقفلت الرادو قال لي : ليييشششش تقفلة قلت له : عشان ما يخرب مزاجك مع الموسيقا وانا بصراحه كانت ابي اقفلة عشاني ما احب اسمع اغاني لأنه حراااااااام وبعدين قال لي : تشرب دخاااااان قلت له : لا والله اشرب عصير منجا قال لي : لا ياشيخ تستهبل انت قالت له : لا والله ما استهبل بس احاول وبعدها جلس يطالع فيني وهو مبتسم وانا اطلع فيه بنص عين واهوجس في نفسي قلت شكله الحين بيطلع سلاح ولا بطيخ وبيقعد يهبل فيني في ذا الليل وبعدين قبل ما نوصل للعنوان اللي هو قال عليه قال لي : صاااادوه معك الكاميرا الخفيه ههههههههههههههههههههههه الاخ كان يستهبل علي قلت له : اخ خ خ خ الله يخسك والله اني جالس افكر وشلون اصرفك قال لي : بصراحه عجبتني ماخفت مثل باقي سواقين الليموزينات الهنود والباكستانيه قلت له : افا ليش دايماً تسوي مع كل واحد كذا قال لي : والله إذا انا رايق استهبلت عليهم بس انت جالس تداريني بالكلام وتسايسني وانا ابي اهبل فيك بس ما عرفت هههههههههههههههههههههههههه قلت له : والله انا كان تفكيري كله عن قيمة المشوار هل بتعطينياه ولا لا وبعدها لما وصلنا للماكن اللي هو يبيه طلع الحساب في العداد 22 ريال وقال لي : والله تستاهل 50 ريال ههههههههههههه وبعدها قلت له : المره الثانية كثر من الشراب عشان تعطيني اكثر وبعدها جلس يضحك وهو نازل اشوه خلصت يلا عن اذنكم بروح افطر في مطعم القرموشي بصراحه عنده معصوب بالجبن طعمه خنفشاري انصحكم تجربونه بس اهم شي قولو للعامل يكثر لكم الجبن والعسل على المعصوب هههههههههههههههههههههه احس في ناس حقدت علي لأنها تكره المعصوب محبكم في الله وسائق الليموزين / عبرود |
|
|
|
|
|
06-12-2007, 08:51 AM
|
#34 | |
|
عضو مؤسس
  |
رد : يوميات عبرود في شوارع الرياض
يسلملي الشمري يا بعد حيي مواضيعك ومواقفك روووووووووووووعه
|
|
|
|
|
|
06-12-2007, 03:30 PM
|
#35 | |
|
مـحـظـور
|
رد : يوميات عبرود في شوارع الرياض
وربي لو اني مكانك بخاف وربيي
|
|
|
|
|
|
09-12-2007, 04:04 AM
|
#36 | |
|
عضو جديد
 |
رد : يوميات عبرود في شوارع الرياض
السلام عليكم ورحمة الله وبركاته تسصدق ياشيخ أنقطع عني الانترنت والآن أنا بالمقهى والسبب أنت الله يجزاك خير ............. محبك التبوكي
|
|
|
|
|
|
13-12-2007, 04:10 AM
|
#37 | |
|
عضو مشارك
|
رد : يوميات عبرود في شوارع الرياض
الحلقة الثالثة عشرة الموقف الأول مره من المرات كنت موصل حرمه مع ولدها لسوق الديره اللي قريب من امارة الرياض ولما نزلتهم جتني حرمتين من الباب الثاني وركبو بدون ما يكاسروني بالسعر وبعدين قالت لي وحده فيهم : ابيك توصلنا لشارع السويلم حق العطورات قلت لهم : ان شاء الله وحنّا وسط الزحمة كانت وحده فيهم تسألني وتقول لي : توصل مدرسات وطالبات للمدارس والجامعات قلت لهم : ايه قالت لي : طيب بكم توصلنا قلت لهم : بصراحه انا الحين عندي ناس اوصلهم ولا عندي وقت اقدر اوصلكم فيه قالت لي : طيب تعرف احد يوصلنا عن طريقك قلت لهم : اعرف واحد بس انه جديد على الشغله ولا اقدر اضمنه لكم قالت لي : لا نبي واحد عنده خبره في الشوارع المهم بعد ما وصلنا لشارع السويلم عند محلات العطور قالو لي : خلاص وقفنا هنا ولما نزلو قالو لي : ها كم حسابك ؟ قلت لهم : عشره ريال ولما عطتني وحده فيهم العشره قالت لي وهي تدخل السوق بسرعه : هي شف وش مكتوب بالعشره ولما قرأت المكتوب بالعشره بصراحه ندمت اني وصلتهم الحيوانه كانت كاتبه ( بنت ابوها اتصل نصل = ؟؟؟؟؟؟؟؟0555) حسبي الله ونعم الوكيل الموقف الثاني مره من المرات كنت امشي من عند سوق المعيقلية وأشر لي هذا الرجال المطوع وكان من اهل حائل وكان عنده شغل بالرياض وبيرجع بعد كم يوم المهم قال لي : بكم توصلني حي الخليج قلت له : بـ 20 ريال قال لي : ياحيي مدامك سعودي ابشر بعزك وبعد ما ركب معي بدأت سواليف الطريق وقال لي : ها كيف الليموزين معك عسا ان شاء الله به ربح قلت له : الحمد لله به خير بس بنفس الوقلت فيه فتن عظيمة والعياذ بالله لو الواحد ما يخاف الله قسماً بالله يروح فيها ويضيع مستقبله بس ما اقول الا الله يصبرنا قال لي : شكلك تشوف بلاوي به الليموزين ؟ قلت له : والله اشوف العجب العجاب قال لي : وش اخر البلاوي اللي صارت لك قلت له : عن الموقف الاول اللي ذكرته في بداية الحلقه حق العشره ريال وبعدها قال لي عن موقف صار لواحد من اخوياه بس موقف فيه حركه ذكيه قال لي : هذا واحد من اخوياي مطوع وملتزم ورجال يخاف الله وكان الرجال مرررره وسيم وكان عنده مشكله وهي ان وجهه ما يطلع فيه شعر الا قليل جداً قلت له : وشلون ما يطلع فيه شعر ؟ قال لي يعني ما يطلع له شنب ولا دقن الا دقن خفيفه جداً ما تنشاف الا اذا قربت له وكان ما شاء الله عليه جميل المهم مره من المرات راح يوصل امه واخوه واخته للسوق وكان جالس بالسياره ينتظرهم وهو جالس ينتظر جته بنت جريئة جداً وفتحت عليه الباب وركبت بدون أي مقدمات وقالت له : يلا امش شف لك أي مكان بسرعه وهو بعدها انفجع وانبهر من الموقف اللي صار له وقال لها : يا اختي انا ماني راعي الحركات هذي اتقي الله وانزلي الله يهديك قالت له : والله اذا ما مشيت بشقق هدومي وقول انك انت خاطفني وبعدها الذكي جلس يفكر عن حيله يبي يصرف فيها البنت ما شاء الله عليه تدرون وش سوى ؟ نزل وفتح الباب حق البنت وجلس يصرخ ويقول : اقول انزلي حسبي الله عليك انتي طالق طالق طالق وخلي اهلك ينفعونك يلا انزلي انا ما ابيك انتي طالق اقول انتي طااااالق وبعدها جلس يسحبها مع الباب والبنت انصدمت من الحركه اللي سواها فيها وماتت من القهر وبعدها هو ركب سيارته ومشى من عندها والظاهر غير موقفه اللي كان واقف فيه عشان ينتظر اهله ههههههههههههههههه من جد عجبني أسأل الله القدير رب العرش العظيم بأن يحفظ أبناء المسلمين من شر الفتن وشر المعاصي انه سميع مجيب معليش اكمل معكم باقي المواقف في الحلقه القادمه لأنه اقامة صلاة الفجر وانتظروني في الحلقة القادمة مع موقف توصيلي للجثة من مخرج 15 إلى نهاية مخرج 16 بحي السلي للحديث بقية محبكم في الله وسائق الليموزين / عبرود |
|
|
|
|
|
16-12-2007, 03:22 AM
|
#38 | |
|
عضو جديد
|
رد : يوميات عبرود في شوارع الرياض
الله يحفظكم ان شاالله ويكفيكم شر الفتن بجد سواااااالف ماتصدق وانا سمعت كثيييييييييييييير وللاسف اللي اسمعه ان بعضهم ينفتنون بجد ....الله يهديهم بانتظار الحلقات القادمه جزاك الله الف خير
|
|
|
|
|
|
16-12-2007, 03:33 AM
|
#39 | |
|
مشرف المجالس الادبية
مصلوب على جذع آنثى  |
رد : يوميات عبرود في شوارع الرياض
صباحكـ جنات جاذبيتكـ لا تُقاوم  أكمل يا عبرود 
|
|
|
|
|
|
18-12-2007, 03:36 PM
|
#40 | |
|
عضو فعال
 |
رد : يوميات عبرود في شوارع الرياض
|
|
|
|
|
|
| زوار هذا الموضوع الآن : 2 (0 عضو و 2 ضيف) | |
| أدوات الموضوع | |
|
|
مواضيع ذات صلة
|
||||
| الموضوع | الكاتب | المجلس | المشاركات | المشاركة الأخيرة |
| ..::..**..::..المميز في مجلس الرياض..::..**..::.. | توتة | مجلس الرياض | 24 | 12-03-2008 12:04 PM |
| رابطة زعيم آسيا نادي الهلال السعودي | هلالي ودمي ازرق | عالم الرياضة | 1689 | 15-11-2007 07:13 PM |
| ألعاب نارية.. مسرحيات.. مسابقات.. عروض شيقة.. برامج ثقافية في مواقع مختلفة في مدينة الرياض | $MAJED$ | مجلس الرياض | 12 | 19-10-2007 10:30 PM |
| التقرير الشامل لحفل مجالس منطقة الرياض | خالد اليزيد | مجلس المواضيع المتميزه | 58 | 07-08-2007 04:42 PM |
| أرشيف.. حملة الرياض بلا حرائــــــــــــق | توتة | مجلس الرياض | 0 | 04-08-2007 03:20 AM |
|
Powered by: vBulletin® Version 3.6.10 Copyright ©2000-2008, Jelsoft Enterprises Ltd.
SEO by vBSEO 3.1.0 Translated By vBulletin®Club©2002-2008 |
