| الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور | |
|
|
|
27-12-2007, 04:25 PM
|
#61 | |
|
المراقب العام
    |
رد : يوميات عبرود في شوارع الرياض
الله يعطيك العافية على هذه الحلقات الراائعة والتي تحمل في طيتها المتعة والفائدة حلقات تستحق كل حلقها منها ان تكون موضوع مستقل بذاته تمنياتي لك بالتوفيق وفي انتظار جديدك الراائع والقيم تقبل تحياتي
|
|
|
|
|
28-12-2007, 02:11 AM
|
#62 | |
|
مراقب مجلس الصوتيات والمرئيات
العمــــــــدة  |
رد : يوميات عبرود في شوارع الرياض
الأخ عبرود سلمت لنا هالأنامل على ما خطت .. و سلم لنا هاللموزين الي جعلنا قريبين من اشياء كثيره كنا بعيدين عنها .. و الي فتح عيونا على أشياء كنى متساهلين فيها .. قصص ممتعه .. مضحكه .. معبره .. حزينه .. بأختصار هي روايه متكامله من قلم مميز .. و الي خلاها ممتعه هي اسلوبك البسيط و السهل الممتنع .. الله يوفقك انشاء و يرزقك الحرمه الصالحه و الذريه الواجده .. تحيـــــــــتي ،، 
|
|
|
|
|
|
28-12-2007, 10:14 AM
|
#63 | |
|
مشرف عام
~*¤*~واســطـهــ~*¤*~ |
رد : يوميات عبرود في شوارع الرياض
قريت موضوعك الأول حق الدوام وألحين خلصت من موضوعك هذا... اكتشفت ان فيه ناس فيها خير إلى الآن... وأنت أولهم يا بعدهم... الله يشفي امك قل آمين... ويسهل دربك ويفتحها في وجهك وين ما تروح... وتأكد من أني من المتابعين لك والمصفقين أيضا... وأي شي يقصرك بالرياض وانا اخوك تراني حاظر ومالك الا طيبة الخاطر اللي مثلك يستاهل من يخدمه... تقبل تحياتي...
|
|
|
|
|
29-12-2007, 06:12 PM
|
#64 | |
|
مراقبة المجلس الإسلامي
|
رد : يوميات عبرود في شوارع الرياض
طرح رائع من مواقف من الحياة باسلوب اروع اكثر ما احزنني المراة اللي مادفعت فلوس ونيتها غير سوية والحمدلله تذكرت (( من ترك شيئا لله عوضه الله خيرا منه )) فعوضك الله تعالى من رزقه الحلال خيرا مما عرضته المراه بالحرام ,,,, الف شكر لك لطرحكـــ
|
|
|
|
|
|
29-12-2007, 06:26 PM
|
#65 | ||||||||||||||||||||
|
مراقبة المجلس الإسلامي
|
رد : يوميات عبرود في شوارع الرياض
موقف مرعب بصراحه الله يحفظك اخوي ويرزقك من واسع فضلهـــ ,, نموذج لشاب ندر ان نسمع به في هذا الزمن مكافح ,,, شجاع ,,, خلوق ان شاء الله الف شكر لروعة صفحاتكـــ |
||||||||||||||||||||
|
|
|
|
30-12-2007, 03:35 PM
|
#66 | |
|
عضو مشارك
 |
رد : يوميات عبرود في شوارع الرياض
اشكر كل عضو وكل قارء تم مروره على موضوعي المتواضع واتمنا بأن ينال على اعجابكم وقبل ما ابدأ بالمواقف احب ان اجيب على سؤال الاخت فــتـــMــــو جـ1 / أيه اركب جميع الجنسيات ما عدى الاسرائيليه هههههههههههههه جـ2 / بصراحه اشتغل لمدة 16 ساعه ويبدأ شغلي من بعد صلاة الفجر حتى الساعه 10 صباحاً ومن بعد صلاة الظهر حتى الساعه 3 عصراً ومن بعد السااعه 5 حتى الساعه 11 ليلاً بس اذا كان عندي مناسبه اقدر اوقف الشغل ليوم ثاني جـ3/ انا كتبت موضوع باسم عبرود والجرذي أتمنا بأن ينال على اعجاب اعضاء قسم الصرقعه نبدأ بالمواقف الحلقه الخامسة عشرة الموقف الأول بصراحه فيه بعض الحريم هداهم الله يقهرونك في بعض الحركات والطامّة الكبرى واللي تفقع مرارتي إذا قالت ياخزيااااه سعودي اخ خ خ خ خ خ بس المهم كلعادة إذا جيت اصلي لازم قبل ما ادخل أي مسجد احب دايماً اتطيب لأنه بصراحه لما تصلي وريحتك طيب تحس بخشوع وانت تصلي وانا دايماً احط دهن عود معتق هندي مع ورد طائفي بصراحه الخلطه هذي إذا حطيتها تخلي كل من مر من جنبي يسألني وش الطيب اللي انت حاطه لذى نصيحه انكم تجربونها وهي تباع عند الشركه العربيه للعود ربع توله دهن عود هندي معتق مع ربع توله ورد طائفي قطفه أولى قيمتها 570 ريال بس والله خياليه المهم مره من المرات وقفت أصلي العشاء في جامع الامام تركي بن عبدالله اللي يصلي فيه مفتى المملكه الشيخ عبدالعزيز آل الشيخ حفظه الله ومثل ماقلتلكم قبل ما ادخل المسجد لازم اتطيب المهم بعد ما طلعت من المسجد دخلت لشارع سوق الديره وأشرو لي ثلاث حريم ولما وقفت عندهم قالت لي وحده فيهم : حي الملز شارع الظهران بـ 15 أوكيه قلت لها : ان شاء الله وبعدها ركبو معي ولما ركبو معي قالت الحرمه اللي راكبه في الوسط يعنبو ذا الهندي ريحته زينه وانا ساكت ماقلت شي لأني عندي نظام اتبعه دايماً إذا ركبت مع حرمه ما احب اسولف معها مهما صار الا اذا كانت حرمه عجوز ممكن اتكلم معها اما الحريم اللي من الأربعين ونازل بس اقول لهم يمين ولا يسار ولا طوالي أو اوقف هنا المهم نرجع للموقف وحنا في الطريق قالت لي الحرمه اللي راكبه في الوسط : صدق أيش هذا طيب انت في حطي وانا ساكت ما ابي اجاوب على سؤالها وكررت السؤال مره ثانيه وقالت لي : هيه صديق ايش هذا طيب انت حطي وانا ساكت ما ودي اعطيها وجه بالسواليف وبعدها سوت حركه معي وقهرتني مسكت كتفي وهزتني وقالت : انت صديق ما اسمع وش انا اقول وبعدها انفجرت عليها وقلت لها : يا خاله الله يجزاك خير ما يجوز تتكلمين مع رجال مو محرم لك وبعدها انحرجت وقالت : يؤه ياخزيااااه سعودي وبعدها سكتت لين وصلنا لمشوارهم معنا كلامها يعني لو اجنبي عادي تتكلم معه من جد شي يقهر ما اقول الا الله يهدي ظال المسلمين الموقف الثاني مره من المرات كنت اوصل واحد بشارع الستين بالقرب من عند مستشفى قوى الأمن وكانت الساعه 1 ونصف الظهر وشفت لي شاب واقف على الرصيف ويطالع على جهة الغرب وبعدين مشيت ورحت اخذت لي زبون ثاني ولما مريت من عند نفس الشاب لقيته واقف مثل وقفته الاولى وبعد نصف ساعه مريت من عنده ولقيته واقف نفس الوقفه ولا تغيرت وبعدها شكيت في الوضع وقلت ليش هذا ما يأشر لاحد وليش واقف كل هذي المده ولا ركب سياره وبعدين وقفت عنده وتفاجأت بأنه شاب عمره في العشرين ولكن سبحان الله عيونه مختفيه من مكانها وكان أعمى الله يشفيه وبعدين نزلت له وقلت له : يابو الشباب تبي اوصلك مكان قال لي : لا بس ابيك توقف لي سيارة لليموزين قلت له : ابشر انا سواق لليموزين قال لي : لا والله ما توصلني بس ابيك تفزع لي بسيارة لليموزين لان مشواري بعيد قلت له : والله العظيم انا سواق لليموزين عشان تصدق تعال قرب وامسك المصباح اللي فوق السياره قال لي : لا مصدقك اجل تكفى قربني عند السياره ولما ركب قلت له : وين تبي اوصلك قال : ابي عند نادي النصر قلت له : اهم شي تدل ياخالي قال لي : ايه ماعليك بس ودني مع طريق خريص بأتجاه طريق الحجاز قلت له : ابشر المهم وحنا في الطريق طلعت من الطريق العام ودخلت مع الفرعي عشان اعبي بنزين ولما طلعت من الطريق العام للفرعي قال لي : شكلك غيرت الطريق سبحان الله بالرغم انه اعمى لكن حس اني طلعت عن مسار الطريق قلت له : عن اذنك شوي بعبي بنزين عشان السياره فاضيه قال لي : خذ راحتك المهم لما وصلت عند مخرج عريجاء قلت له : هذا مخرج عريجاء قال لي : ايه تكفى اطلع من فوق الكوبري ولف يسار وبعدين لما لفيت يسار قال لي : فيه صراف بنك حق بنك البلاد صح على يمينك قلت له : ايه قال لي : لف من عنده يمين ولما دخلت الشارع قال لي : الحين بتجيك ثلاث مطبات بعد ثالث مطب وقف عند البيت اللي عليه رقم 33 وسبحان الله بعد ثالث مطب شفت البيت بس تعديته شوي تقريباً 3 متر قال لي : احس انك تعديت البيت شوي صح والله بعدها حسيت اني سويت جريمه قلت له : ما شاء الله عليك وشلون عرفت قال لي : خلاص تعودت على كذا أسأل الله القدير رب العرش العظيم بأن يشفيه ويفرج همه إنه سميع مجيب الموقف الثالث بصراحه الموقف هذا شوي محزن مره من المرات طلعت من بيتنا الساعه 12 ونصف في الليل وكنت ابي اروح لمطعم ماما نوره اللي في شارع الضباب وأنا في الطريق قبل ما اطلع لكبوبري الخليج شفت لي ولد لابس ثوب صوف لونه بني واقف تحت الكوبري وكان يأشر لي من بعيد وبعدين انا وقفت عنده وكان الولد عمره تقريباً 18 سنه وشكله ولد نعمه ووسيم وشعره منتفش مثل القصات اللي طايحين فيها الشباب وكان الولد عيونه فيها شوي دموع المهم كان يكلمني وهو يرتجف وجالس يحكحك في جسمه ويمسح في خشمه وعيونه وبعدين قال لي : تكفى ابيك توصلني لمستشفى الامل قلت له : ابشر قال لي : بس ما معي فلوس الله يخليك تكفى وصلني قلت له : يارجال اركب مابي منك شي بس اركب وبعدها انا شغلت الفلشر ومشيت مع طريق خريص متجه لجهة الغرب وكنت مسرع وحنّا في الطريق جلس الولد يبكي ويقول : الله يلعن عيال الكلب اللي طيحوني فيه الله لا يوفقهم عيال الحرام وانا ساكت ماقلت شي بس جالس اتسمع عليه وهو جالس يطلع كلام من قلبه المقهور وبصراحه حسيت من كلامه ان الولد طاح في مقلب بن كلب الله يكرمك وبعدين جلس يبكي ويصيح ويقول الحين وش اقول لابوي وش اقول لأمي وبصراحه انا ودي اسأله بس خفت يصرخ علي وبعدين يجلس يكسر لي القزاز اللي في السياره المهم وحنا في الطريق كان يمشي وراي البوليس السري وكان يأشر لي بالانوار يبيني اوقف له وانا امشي بسرعه وقول في خاطري والله ما اوقف الا في المستشفى اخاف اوقف وبعدها يصير للولد شي وبعدها جلست أأشر للعسكري بأن معي حاله طارئه وبعدها جلس يمشي وراي العسكري لين دخلنا المستشفى الامل اللي في حي عرقه وبعدها نزل الولد ودخل مع باب الطواريء المهم قال لي العسكري : وش السالفه قلت له : ياخي هذا واحد مريض مسكين الظاهر مفعول المخدرات اللي يستخدمها بدت تأثر عليه قال لي : طيب ليش كل هذي السرعه قلت له : ياخي حاله طارئه وشفيك انت قال لي : خير ان شاء الله وبعدها راح وفكني من شره المهم بصراحه وضع الولد اللي وصلته كان مررره صعب احس والله اعلم انه طاح بشباب كانو ناوين عليه بنيّة خبيثه بس ما اقول الا الله يستر على عيالنا ويحفظهم من كل مكروه قبل ما اخلص الحلقه انصحكم تجربون حنيني تمور الصالحيه والله طعمه خالي وينفع مع هذا البرد خذولكم صحنين وحطوها في الميكرويف عشان تسخن وبعدها كلوها مع كاس لبن اكتيفيا قسماً بالله في الصميم واخيراً خلصت انتظروني في مواقف ثاني في الحلقه رقم 16 من يومياتي في شوارع الرياض محبكم في الله وسائق الليموزين / عبرود
|
|
|
|
|
|
30-12-2007, 06:16 PM
|
#67 | |
|
مشرف عام
~*¤*~واســطـهــ~*¤*~ |
رد : يوميات عبرود في شوارع الرياض
ثاني شي يحس بالدنيا من حوله  بإنتظار الحلقات القادمه بس أمانه لا تطول وعندي سؤال هل اسمك الحقيقي عبرود؟!! تقبل تحياتي... |
|
|
|
|
|
30-12-2007, 06:28 PM
|
#68 | |
|
مراقبة المجلس الإسلامي
|
رد : يوميات عبرود في شوارع الرياض
ونصيحتك بالحنيني في محلها ,,, |
|
|
|
|
|
31-12-2007, 03:14 AM
|
#69 | |
|
عضو جديد
 |
رد : يوميات عبرود في شوارع الرياض
|
|
|
|
|
|
31-12-2007, 04:03 PM
|
#70 | |
|
عضو جديد
|
رد : يوميات عبرود في شوارع الرياض
|
|
|
|
|
 |
| زوار هذا الموضوع الآن : 2 (0 عضو و 2 ضيف) | |
| أدوات الموضوع | |
|
|
مواضيع ذات صلة
|
||||
| الموضوع | الكاتب | المجلس | المشاركات | المشاركة الأخيرة |
| ..::..**..::..المميز في مجلس الرياض..::..**..::.. | توتة | مجلس الرياض | 24 | 12-03-2008 12:04 PM |
| رابطة زعيم آسيا نادي الهلال السعودي | هلالي ودمي ازرق | عالم الرياضة | 1689 | 15-11-2007 07:13 PM |
| ألعاب نارية.. مسرحيات.. مسابقات.. عروض شيقة.. برامج ثقافية في مواقع مختلفة في مدينة الرياض | $MAJED$ | مجلس الرياض | 12 | 19-10-2007 10:30 PM |
| التقرير الشامل لحفل مجالس منطقة الرياض | خالد اليزيد | مجلس المواضيع المتميزه | 58 | 07-08-2007 04:42 PM |
| أرشيف.. حملة الرياض بلا حرائــــــــــــق | توتة | مجلس الرياض | 0 | 04-08-2007 03:20 AM |
|
Powered by: vBulletin® Version 3.6.10 Copyright ©2000-2008, Jelsoft Enterprises Ltd.
SEO by vBSEO 3.1.0 Translated By vBulletin®Club©2002-2008 |
