| الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور | |
|
|
|
|
|||||||
| الانتساب | تعليمات س - ج | قائمة الأعضاء | المفكرة | إشارة الأقسام مقروءة |
المجلس العاممناقشة جميع المواضيع الجادة والهادفة وأمور المحافظات |
إعلانات منتديات منطقة الرياض
|
|||||||
|
|||||||
 |
|
|
LinkBack | أدوات الموضوع |
|
#1
|
||||
|
||||
|
المطوع والمرآة الجميلة
بسم الله الرحمن الرحيم السلام عليكم ورحمة الله وبركاته اما بعد أولاً اعتذر عن كتابة الموضوع باللغة العاميه لأني بصراحه ما اعرف اكتبه بالفصحى والسبب مستواي التعليمي ثانويه عامه تقدير جيد وثانياً أرجو عدم التدقيق في الاخطاء الأملائية لأني بصراحه اكتب الموضوع بسرعه ولا عندي احد يدقق بعدي المهم كلعادة كل يوم جمعة بعد صلاة الجمعة اجتمع أنا وعيال عمي وبعض عيال جيراننا في ملحق بيت عمي اللي مساحته صغيره بس سبحان الله تصير فيه سواليف كبيره المهم أول ما دخلنا الملحق سلمنا على بعض وبعدين جلس كل واحد فينا يسولف عن خطبة الجمعه اللي حضرها على حسب المسجد اللي صلى فيه وبعدين دخل علينا ولد جيراننا وأسمه خالد الله يوفقه وين ما راح لأن الرجال هذا ماهو مطوع بس يحب الخير للناس وإذا شافه الواحد حبه على طول من بشاشة وجهه المهم اول ما دخل خالد الملحق جلس جنبي وقال لي : بقول لك سالفة يابوسعد يحبها قلبك وانا عرفك يابوسعد تحب السواليف اللي مثل هذي قلت له : مو مشكله بس اهم شي لا يكون فيها كلام بايخ او قلت ادب قال لي : لا بالعكس سالفه حلوه قلت له : يلا قل قال لي : هذا واحد من أخوياي ماشاء الله عليه الله منعم عليهم بالمال الكثير ولله الحمد وعندهم شقه ملك في الاردن ودايماً كل سنه يطلع هو وأهله للأردن ويسكنون فيها وفي شقه قدام شقتهم ساكنه فيها عائلة أردنية وعندهم بنت كبيره شوي بس يقول عنها انها ملكة جمال ماشاء الله والبنت هذي دايماً تجي عند اهل خويي ومن باب الميانه وصارت تدخل البيت بدون اذن تاخذ اشياء مثل قدر او صحن او ملح أو فلفل او أي شي وإذا سافرو أهل خويي للسعودية يخلون نسخه من مفتاح الشقه مع البنت هذي عشان تجهزها إذا رجعو مره ثانيه للأردن المهم يقول خويي مره من المرات سافرت أنا وواحد من اخوياي بس انه رجال مطوع ومتشدد في الدين ومتعلم ويخاف الله ولا يحب الخرابيط ورجال هادي وعاقل ومحترم بالمررره ويقول لما وصل للأردن سكنت في الشقه أنا وخويي المطوع وبعد كم يوم دق الجرس حق الشقة وانا كنت جالس في المطبخ اطبخ لخويي عشان نتعشى مع بعض المهم راح المطوع يفتح الباب ولما فتح الباب كان اللي عند الباب بنت الجيران اللي يقول عنها انها ملكة جمال ولما شافها المطوع جلس يطالع فيها وكان منبهر من جمالها وبعدين قال لها المطوع : هلا ومرحبا سم أمريني قالت له : معليش فلان موجود قال لها : أيه موجود بس جالس في المطبخ تفضلي ادخلي وانتظريه داخل لين يخلص من المطبخ وبعدين دخل البنت وجلس المطوع معها في الصالة على الكنب حق الصالة والمشكله البنت كانت كاشفه ولابسه بنطلون برمودا ويقول بيني وبينك انا شكيت في الموضوع وقلت يمكن خويي المطوع دخل البنت ويحسبها من البنات العاهرات اللي يدقون الشقق وقلت في خاطري شكل خويي المطوع يحسبني دايماً اجبيها عندي وبيجلس ينصحها ويهزأ فيها ويلاغيها المهم جلس المطوع معها يسولف ويتناقش عن الاردن وعن عاداتهم وتقاليدهم وبعدين قال لها المطوع : انتي وين تشتغلين فيه قال له البنت : انا اشتغل محامية قال لها المطوع : شكلك تعبانه مررره ممكن تنسدحين على الكرسي شوي ابي اسوي معك حركه اخليك ترتاحين بعدها بالمرره البنت في بالدايه خافت وبعدين قال لها المطوع : لا تخافين انت محاميه واذا سويت لك شي تقدرين ترفعين علي قضية وبتفوزين فيها المهم وبعدين البنت وافقت ونامت على ظهرها على الكرسي اللي في الصالة وبعدين انا طلعت من المطبخ ابي اشوف وش بيسوي خوي المطوع مع البنت بيني وبينك انا خفت لا يسوي لها شي ويورطنا مع بنت الناس ولما طلعت من المطبخ طالع فيني خويي المطوع وأشر لي من بعيد وكان يقول لي أبعد وخلنا لوحدنا شوي وبعدين انا دخلت المطبخ وجلست اناظر خويي وكنت ابي اشوف وش بيسوي في البنت وبعدها قام خويي وجلس عند راس البنت وحط يده على راس البنت وجلس يقرأ القرأن وبعدين البنت قامت تتكلم مع المطوع بس بصوت رجال وأثر البنت كانت داخلها جنّي ومسكونه وكان خويي المطوع يقرأ عليها القرأن عشان يطلع الجني اللي فيها وبعدين قال خوي المطوع للجني : ياخي اتقي الله واطلع من البنت خلها ترتاح قال الجني : بصراح البنت حلوه ولاني طالع منها أبداً قال له المطوع : ليش ما تطلع منها قال الجني : لأني اموت فيها واحبها بالمرررره وبعدها جلس يقرأ المطوع على البنت حتى قامت واستفرغت اعزكم الله وبعدها طلع الجني منها وارتاحت بالمررره وبعدها صارت البنت ملتزمه ومتحشمة وصارت إذا جتنا للبيت واهلي فيه تلبس حجاب ولا تدخل الا بأذن وبعدها قلت لخويي المطوع : انت وشلون عرفت ان البنت فيها جنّي قال : انا عندي فراسه إذا شفت الواحد اعرف انه مسكون او مو مسكون والبنت أول ما فتحت الباب وشفتها عرفت انها مسكونه وقلت في خاطري خلني اسايسها شوي شوي وبعدين اقرأ عليها لذى أنا اقول سبحان من خلا المطوع هذا يسافر للأردن ويقابل البنت بالصدفه ويقرأ عليها وبعدها صارت ملتزمه أسأل الله القدير رب العرش العظيم بأن يسخر المطوع هذا لجميع البنات اللي يكشفون عندنا في السعوديه يمكن يكون فيهم جنّي هههههههههههههههههه هذا والسلام عليكم ورحمة الله وبركاته محبكم في الله وسائق الليموزين / عبرود
|
01-12-2007, 12:24 PM
|
#2 | |
|
عضو مؤسس
   |
رد : المطوع والمرآة الجميلة
صار المطوع يقرأ على خويهم ويتفل على اللي جابوه  الله يستر على الجميع مشكور عزيزي 
|
|
|
|
01-12-2007, 04:18 PM
|
#3 | |
|
مشرف الـمـجـالـس الـعـامـة
 
|
رد : المطوع والمرآة الجميلة
ياهلا والله اخوي عبرود استمتعت بالقراءة مع أني والله دخلتي الشكوك من المطوع بس الحمد لله على ثباته وقوة أيمانه والله يعطيك العافيه مجنـــــــون
|
|
|
|
01-12-2007, 05:03 PM
|
#4 | |
|
عضو مؤسس
|
رد : المطوع والمرآة الجميلة
الله يخليهم لنا ولا يورينا فيهم مكروه,, مشكور أخوي الله يعافيك على هالموضوع الحلو..
|
|
|
|
|
01-12-2007, 05:43 PM
|
#5 | |
|
مراقب الجوالات والاتصالات
|
رد : المطوع والمرآة الجميلة
وبصراحه كشيت في المطوع قلت خربها يوم خلها تنام بس الحمد لله اني كملت القصه للأخر الله ينفع فيه يارب يوجعل ما عمله في ميزان حسناته تمنياتي لك بالتوفيق ..
|
|
|
|
|
01-12-2007, 07:01 PM
|
#6 | |
|
عضو جديد
  |
رد : المطوع والمرآة الجميلة
اهم شي انه منك هاذا اللي يكفي الـــــــــــــــــــحــــــــــــــــــارثـــــــ ــــــــــــــــــــي [عزيزي الزائر يتوجب عليك التسجيل لمشاهدة الرابط للتسجيل اضغط هنا] [عزيزي الزائر يتوجب عليك التسجيل لمشاهدة الرابط للتسجيل اضغط هنا]
|
|
|
|
|
01-12-2007, 08:59 PM
|
#7 | |
|
عضو مؤسس
 |
رد : المطوع والمرآة الجميلة
أحييك أخوي تحياتي
|
|
|
|
|
01-12-2007, 09:49 PM
|
#8 | |
|
مشرف المجالس الادبية
فَوْقَ شُرْفَةِ الغَيْمـ |
رد : المطوع والمرآة الجميلة
مساؤكـ جنات عرض شيق يا عبرود بيني وبينك قلت في نفسي وش عنده ذا المطوع أحسنت الحبكة والسرد . أعذب التحايا
|
|
|
|
|
02-12-2007, 03:07 AM
|
#9 | |
|
كبار الشخصيات
 |
رد : المطوع والمرآة الجميلة
بارك الله فيك و وفقك ورزقك رزقا طيبا لاينفذ
|
|
|
|
|
02-12-2007, 04:09 AM
|
#10 | |
|
المراقب العام
 |
رد : المطوع والمرآة الجميلة
دووم طرحك يشدني ويبهرني ابدعت بسرد القصه وطريقه الطرح بإنتظاار القاادم والأحلى منك تحيتي
|
|
|
|
|
| زوار هذا الموضوع الآن : 1 (0 عضو و 1 ضيف) | |
| أدوات الموضوع | |
|
|
مواضيع ذات صلة
|
||||
| الموضوع | الكاتب | المجلس | المشاركات | المشاركة الأخيرة |
| رابطة الزعيــ نادي الهلال 2007 - 2008ــــــــــــــم | صدى الكلمة | عالم الرياضة | 2205 | 19-06-2008 07:00 PM |
| الرئيس الهلالي يشرف على فريق القدم ... الكويتي المطوع هلالياً في الفترة الثانية | كلي دلع | عالم الرياضة | 11 | 04-10-2007 05:40 AM |
| آخر المفاجآت الهلاليه: تسجيل الكويتي بدر المطوع كمحترف ثالث بدلا عن برونو!! :) | المجهول | عالم الرياضة | 29 | 16-09-2007 01:43 AM |
| قصة ابن عم الدكتور الداعية عبدالمحسن الأحمد مع الفتاة الجميلة ... | ღ.¸¸دانـــة¸¸.ღ | مجلس الصوتيات والمرئيات | 22 | 12-09-2007 06:26 PM |
|
Powered by: vBulletin® Version 3.6.10 Copyright ©2000-2008, Jelsoft Enterprises Ltd.
SEO by vBSEO 3.1.0 Translated By vBulletin®Club©2002-2008 |
| [عزيزي الزائر يتوجب عليك التسجيل لمشاهدة الرابط 
