اقتباس منسدح :\ لا تعلمين طيب <<خافت

ايه تراني شفته وهو محمر عيونه وحاط موضوع وش كبره
تحذير من وضع روابط من اليوتيوب
وقاااااااااال بعد إنه اللي يبي ينزل مقطع من اليوتيوب
لابد يحمله بالريل بلير (اللي أبو خالد منزل موضوع عنه)
ثم بعدين يعيد تحميله من موقع الرياض ويحط رابطه

<< بتوضح لك السالفة كلها بس مو تخويف ولا شي
يكون مسوي دعاية لأبو خالد ؟ مووووودري

ماعلينا نرجع للسالفة

اقتباس وليه تلوميني وش دخلني انا بس اسيرش باليوتيب 24 ساعه واطيح على اشياء اش ذنبي<<اللقافه

حبيبتي مثلك يفهم المقصود ومايحتاج أعيد التوضيح
كل اللي أقصده إنه ما نكون مثل هالناس اللي تنشر كل شي
حتى لو نيتنا طيبة ولا نقصد الهدم .. بس هي تجي كذا بدون قصد

وبعدين خلي بالك من هاليوتيوب لا تسرحين فيه كثير
خاصة من بعد الساعة 12

اقتباس انا بصراحه استغرب شي انه لهالدرجه قناة Fox ماحصلت مواضيع تعمل فيها تحقيقات عشان تجي تنبش عندنا :\

أنا صراحة ماعندي خلفية عن هالقناة
ووش ماكانت قلعة تقلعها
وبعدين ياقلبي هذي أحسن المواضيع عندهم
وش يبون أصلاً غير التحقير والتدمير وبث السموم ؟
يعني وش بنرجي منهم الغرب ؟

لكن قولي البلا من هذاااااااااااااا

7

اقتباس والا هذا الانسان اللي جالس يدور فيهم بالتحليه الموصيبه كل اللي بالتحليه سلنتح كلهم ترزرز وتميلح على قل سنع

هذولي هم الملامين قبل أي أحد

اقتباس لكن القصد من القناة والله اعلم انها تجلس تقول شفتوا انتوا كيف محكروين وتبدأ الدق على وتر المرأة انها وانها وانها وكأنه العلاقات شي واجب بحياتنا واذا انتي مو بعلاقه معناها انتي مو طبيعيه :|

صحيح وهذا جزء من أجزاء كثيرة من أسباب هالنشر طبعاً
ما ملّوا من المرأة وحقوقها ؟ .. غثونا الله يغثهم

اقتباس واللي استغرب منه السعودي معاها جالس يتفشخر بالموضوع لا ويعدد لها الطرق بفشخرة بعدين مو هذا بس المقطع الوحيد لا هي عملت مقابلات والخ الخ الخ

هذا المستغرب فعلاً .. إنه يكون بلانا منا وفينا
حسبنا الله ونعم الوكيل
كيف وصل التفكير بتقليد الغرب وإرضاءهم بهالتصرفات !!

اقتباس بس عندي سؤال هل قناة Fox اخذت اذن قبل ان تصور او صورت بدون لا احد يدري

والله ما أظنها تفرق
هو باقي شي نظامي أصلاً بهالدنيا ؟؟


الله بس يهدينا ويصرف عنا هالتفكير التعبان
ويصلحنا وشبابنا ويبعد عنا كل سوء


عبوطة تعالي سولفي دايم .. وجيبي معك كل الأسرار
نشوفك على خير


سلاماتي