المجلس العام

نفسي عزيزة · 22-12-2007, 10:03 PM

عبرود

ماشاء الله عليك رائع في طرحك

رجعت ذاكرتي للخلف أحاول أن أجبر نفسي على الذكريات

بالفعل مواقف مرعبه أعان الله الدول المحتلة

بوركت أخي في أنتظار الأحداث القادمة

عبرود · 23-12-2007, 11:08 PM

الجزء الثالث

لما اطلق صدام اول صاروخ على السعوديه والله مدري وين بالضبط هل هو على الرياض او على الشرقيه كنت وقتها جالس في غرفتي واتسمع على شريط عبدالكريم عبدالقادر أغنية أسمها اجر الصوت ههههههههه الله يسامحنا بس وكانت الساعه تقريباً 12 ليلاً أو 12ونصف ليلاً المهم وانا اتسمع على الشريط سمعت صوت صافرت الأنذار وقلت في نفسي شكل الدفاع المدني انهبل جالس يجرب صفارات الأنذار في اخر الليل وبعد دقايق شفت الصفرات الانذار طولت وهي تشتغل وقلت ياولد لايكون الوضع من جد وبعدها طلعت من غرفتي وشفت ابوي وامي وخالتي جالسين في الصاله قدام التلفزيون وقلت لهم وش اللي صاير هذي جد ولا تجربه قال لي ابوي لا من جد وبعدها رحت اركض على البلكونه وابي اشوف الصاروخ طبعاً بيتنا كان على شارع الأربعين في حي الصفا وكانت مسار الطائرات اللي تجي توقع في جده لازم تمر من قدام بيتنا وانا جالس اراقب السماء في الليل وشفت طياره جايه من بعيد على بالي صاروخ وجلست اصرخ واقول يايبا تعال شف الصاروخ في السماء وبعدها جا ابوي وهو يركض ولما شافه طالع فيني وضربني وقال لي رح انقلع ادخل غرفتك بسرعه هههههههههه ورحت للغرفه وانا اصيح من الطق وبعدين شغلت التلفزيون وكان اللي يتكلم في التلفزيون سليمان العيسى الله يهديه قال اطلق صدام حسين صواريخ على جميع مناطق المملكه وكان وجهه عبوساً قمطريرا وعليه علامات الخوف وبعدها العالم راحت فيها وجلسو يفكرون وبعد دقايق تقريباً طلع المذيع جميل سمان وكان وجهه بشوش الله يذكره بالخير وكان يبي يوضح للناس بأن الوضع مطمأن وبأن الصاروخ اطلق على الرياض او الدمام فقط وبعدها العالم قامت تسب وتلعن في سليمان العيسى
وبعدين بعد فتره صرنا متعودين على اطلاق الصواريخ في بداية الأمر كان اهل الرياض واهل الشرقيه في قمة الرعب بس في المره الثانية صارو يطلعون في السطوح ويراقبون محل سقوط الصاروخ ويروحون له ههههههههههههه من جد شعب زاحف وكنت اتصل على عيال عمي وعيال خالتي في الرياض واقول لهم وش صار لكم لما طاح عليكم الصاروخ كان يقولون لي والله شكله يخوف بس الحين خلاص صرنا ما نخاف من الصورايخ هههههههههههه وكنت اقول ياحظكم عندكم صواريخ اما عندنا في جده مافي الا الدجه
وبعد فتره من بداية الحرب بدأت الأختبارات الفصل الأول وكان الأسأله مررره سهله وكان المدرسين ينجحون الطلاب عشان يفتكون مننا وعلى ما اعتقد كان في توجيه بزيادة الدرجات عشان وضع الحرب اللي حنا فيه وبعد الأختبارات بدأت الإجازة ورحنا للطائف وكان عندنا بيت جدي ابو امي الله يرحمه وكان موقعه في حي مسرا بالقرب من منزل العبيكان اللي فوق الجبل واجتمعنا حنا وجماعتنا كلنا فيه وكان الطريق اللي قدام البيت تمر فيه المواكب والضيوف الخاصين بالدولة عشان كان في اجتماعات لرؤساء دول العالم في قصر المؤتمرات اللي في الطائف وكان من ضمن المواكب اللي مرت من قدام بيتنا موكب الشيخ جابر الصباح الله يرحمه وكان ساكن في الطائف هو بعض الأسره الحاكمة للكويت

وللحديث بقية

بصراحه جاني النوم تصبحون على خير

محبكم في الله وسائق الليموزين/ عبرود

بنت الاديب · 25-12-2007, 12:34 AM

الله عليك وعلى ايام الطايف

ياحبي للعبيكان روووووووووعه والله معرفتهم تنشرى

متابعه لمذكراتك وانتظر الباقي

تصبح على خير نوم العوافي

تقبل احترامي

ملك الورد · 25-12-2007, 02:51 AM

الله لايعودها من حرب

عبرود · 25-12-2007, 09:55 AM

قبل ما أبدأ بالجزء الرابع والأخير أحب ان أشكر كل عضو وكل قارء تم مروره على موضوعي المتواضع وإن شاء الله يكون اعجبكم وأرجو بأن تنصحوني إذا كنت على خطأ وأن تدعو لي بالتوفيق إذا كنت على صواب

الجزء الرابع والأخير

أذكر كل ما قربت تنتهي الإجازه الدراسيه يصدر امر بتمديد الإجازة حتى إشعار اخر وكانت هذي اطول إجازه دراسيه صارت في التاريخ بس والله مذكر كم مدتها بس بصراحه كانت جده في هذيك الأيام مرررره مزحومه من اهل الرياض واهل الشرقية ولما نطلع للكورنيش نعرف سيارتهم لأن أرقام اللوحات كانت لأهل الرياض عباره عن ستة ارقام وكانت تبدأ بـ 4أو 5 أو 6 أو 7 وأهل الشرقية كانت تبدأ برقم 3 وكانت عبارة عن سبعة ارقام
من المواقف الطريفة اللي صارت ايام ازمة الخليج مره من المرات كان السواق العراقي احمد علوان الله يذكره بالخير داخل في تفتيش في احد شوارع جدة وكان راكب لكزس موديل 90م على عز الكزس القديمه ولما طلب منه العسكري الإثبات وشاف انه عراقي جلس يطالع فيه وهو خايف وقام الأخ احمد الله يوفقه وأعطى العسكري علكه أي لبان وبعد ما طلع من التفتيش ناظر احمد علوان مع المرأة الخاصة بالسيارة وشاف العسكري وهو يرمي العلكه على بالى ان فيها سمّ او متفجرات ههههههههههههه
والله اذكر كان يجي برنامج اسمه رسالة من التلفزيون الكويتي على القناة الأولى وكانت بداية البرنامج تجي انشوده ابياتها تقول على ما اعتقد
أرض الكويت تصيح اني رهينة
هيا انقذوني ادركوني ياعرب
دوا بها فهد العروبة حكمة
مادام قلبي والكويت تغتصب

وسبحان الله المذيع اللي كان يقدم الرساله هذه كان شنبه هذيك الأيام اسود أما الحين صار في شنبه شوي بياض وشيب

المهم بعد وقت طويل من بداية الحرب تقريباً تسعة اشهر أو عشرة أشهر انتهت الإزمة وكانت في بداية عام 1991م وكنت جالس في المجلس واتفرج على التلفزيون وكان فيه منظر الدبابات والسيارات الكويتيه والسعوديه عليها اعلام الكويت والسعوديه وامريكا داخلة لدولة الكويت وهم يرقصون ويغنون على بالي تشجيع كورة او شي من ذا القبيل واذكر كان الجو حق الكويت كان مغيّم وكان الغيم عباره عن دخان أبار النفط اللي فجرها جنود صدام حسين قبل مايطلعون من الكويت وبصراحه كان في منظر ما انساه إلى الأن وهو انه كان في بعض الحريم والعوائل يرقصون مع الجنود الأمريكان وبعد كم يوم سمعت شريط محاضرة للشيخ احمد القطان وكان اسم المحاضرة
(ليتها لم تعود)
وكان موضوع المحاضره يتكلم عن رقص الحريم مع الجنود الأمريكان وعن بعض الحركات اللي مالها داعي والله ما اذكرها بالضبط
ومن الأشياء اللي كنت اذكراها في ايام الحرب مره من المرات وحنا في جدة كنا نازلين من كوبري السليمانية ومتجهين إلى دوار الأمير سلطان بن سلمان اللي في المطار القديم وكان منظر عمائر الأسكان مررره حلو وهي مشتغله الأنوار فيه كأنها عماير امريكا وكانت عماير الأسكان هذي مهجوره ولا كان يسكن فيها احد بس سبحان الله بعد ما لجؤ الكويتين عندنا سكنو فيها وأحيوها وسبب احياء عماير الأسكان الحين هم الأسرا الكويتين الله يذكرهم بالخير وأذكر لما جانا الكوتي اللي كان ساكن عند ولد خالتي ابو تركي وهو جا يودعنا بصراحه كان منظر مررره مؤثر
آآآآخخخخخ
تبون الصراحه والله كانت احسن ايام عمري هذيك الأيام برغم انها كانت أيام حرب بس كانت كل العالم فيها تقول اخوان وكل واحد يفزع لثاني مو مثل الحين كل الناس بينهم حسد وسوق اسهم وخساير وطفره وقلّت أدب
وتبون الصراحه بعد هذيك الحرب تدهورت صحة الشيخ جابر الصباح وصحة الملك فهد رحمهم الله جميعاً وبعدها صارت سمعتنا حنا يالسعودين بشكل خاص والخليجين بشكل عام في تدهور بين العالم
آآآآآآآآآآآه ياهذيك الأيام

سبحان الله جميع رؤساء دول الخليج مع رئيس العراق كلهم توفو ماعدى رئيس دولة عمان

وسبحان الله كم فقدنا عزيزين على قلوبنا من بعد هذيك الأيام وإلى يومنا هذا

والله اني مشتاق لهم بالحيل

أسأل الله القدير رب العرش العظيم بأن يجمعنا معهم في الفردوس الأعلى من الجنة إنه سميع مجيب

من باب المشاركة بالذكريات

انا ودي من كل واحد فيكم إذا مافيها احراج وقرأ الذكريات هذي ويقول لنا كم كان عمره وأين كان عايش وكان في أي مرحلة دراسية

هذا والسلام عليكم ورحمة الله وبركاته

محبكم في الله وسائق الليموزين / عبرود

الكريستال · 26-12-2007, 01:14 AM

لإعطاء القراء خلفية بسيطة عن بعض الأمور حبيت أضيف هالمشاااركة أرجو إنها تنال اعجابكم

هذا صاروخ سكود
(هجومي أرض-أرض)
السوفييتي الأصل العراقي التطوير و الاستخدام في حرب 1990م اللي أطلق على المملكة أكثر من مرة

[عزيزي الزائر يتوجب عليك التسجيل لمشاهدة الرابط للتسجيل اضغط هنا]

وهذا صاروخ الباتريوت
(دفاعي أرض-جو)
اللي كان يستخدم لرد الهجوم من قبل صواريخ سكود الموجهة على المملكة
وهو يستخدم للتصدي للأهداف الجوية سواء طائرات أو صواريخ وهو موجود في قواتنا المسلحة

[عزيزي الزائر يتوجب عليك التسجيل لمشاهدة الرابط للتسجيل اضغط هنا]

وهذا منظر لبعض آبار النفط اللي قامت القوات العراقية بحرقها مما سبب الكثير من المشاكل البيئية و الصحية
والتي امتدت لسنين عديدة بعد الغزو

[عزيزي الزائر يتوجب عليك التسجيل لمشاهدة الرابط للتسجيل اضغط هنا]

وهذا طبعاً ما فيه شكـ هو النادي المفضل عندي

[عزيزي الزائر يتوجب عليك التسجيل لمشاهدة الرابط للتسجيل اضغط هنا]

وختاماً تقبلوا احترامي وتقديري لكم
الكريستال

مواضيع ذات صلة
الموضوع	الكاتب	المجلس	المشاركات	المشاركة الأخيرة
تغطية .. بطولة المملكة الأولى التنشيطية (( 8))	مجنــــــــون	عالم الرياضة	30	17-04-2007 07:29 PM
تغطيه للأخضر في دورة الخليج	رومنصي مشاكص	عالم الرياضة	68	27-01-2007 06:56 AM

المجلس العام

مناقشة جميع المواضيع الجادة والهادفة وأمور المحافظات

حرب الخليج الأولى في ذاكرة عبرود

لا تدخــــــــل من البـــــــــــــــاب ... !!

مادة التربية الاسلامية في الصف العاشر بالامارات

»

الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور

زوار هذا الموضوع الآن : 1 (0 عضو و 1 ضيف)

أدوات الموضوع
عرض صفحة الطباعة إرسال هذه الصفحة إلى صديق