لاتزعل لاتضايق...لاتنام وخاطرك متكدر..

نزعل ونتكبر وحنا من الطين
وكلمنا يصد لاقبل خويه
نفخر نقول إنا على الصد قاوين
وهي علينا في الحقيقه قويه
ننسى نهايتنا وعلى وين ماشين
وننسى الزمان اللي جمعنا سويه
المشكله ماهي بحاجه لتخمين
ولاهي ياناس صعبه القضيه
دق الرقــــــــــــــــــــــــم
كيفك.... هلا فيك... اهلين
انا الخوي اللي مزعل خويه
تغيب وصورتك داخل العين
ويبقى لحبك في خفوقي بقيه
اخـــــــــــــــوان حنا لو يجي بيننا شين
ومانفترق دام المحبه نديه
خلك قوي لاتحتكرك الشياطين
قبل الفوات وقبل وقت المنيه
هذي هي الدنيا من الحين للحين
لابد بين الناس تحصل خطيه
ومن لايقدر غلطة احبابه الحين
يقرأ حرووفي ويعتبرها هديه
باكر تمر سنين وسنين وسنين
والكل يرحل في الدروووووب المديه
صدقني تندم واذكر حروفنا زين
تندم على خلك اذا غاب ضيه
دنيا غريبه واكثر الناس ماشين