مافكرتوا ليه البدل 5% بس؟؟؟

الكاتب : قحشة مصاقيل

عذراً للعودة

ولكن من صدقك هالسؤال ؟

خلك من الزكاة .. واعتبري ان كل السعوديين كبير وصغير يرسلونها للخارج ..

انتي تدرين كم الدولة تتبرع سنوياً لدول اخرى ؟

يعني كاني اصرف على الجيران وعيالي يطرون اكلهم ..!

احنا من اغنى دول العالم سواء قبل ارتفاع البترول او حتى بعد ارتفاعه والارقام القياسية اللي وصل لها , واللي المفروض انها تعزنا ما تذلنا ..!

ولكن مع الاسف حصل العكس .. وانقلبت الاية .. بدل ما نستعز .. صرنا ندور اللقمة ..!

انا وانتي والثاني والثالث امورنا زينه والحمد لله و الشكر ..

ساكنين في بيوت .. وعندنا اكلنا وشربنا .. ولنا رواتب و موظفين ..

ولكن في ناس من نفس دمنا و " سعوديين " ماتوا من البرد و الجوع ..!

ولبنان فاتحه ستار اكاديمي من حسابنا الخاص ..!

اذكر مرة قلت برد لي .. لابد نستعد نفسياً لسماع امور اكبر من موت " طفلة بسبة البرد "

والايام جايه وجاية بخير ..

الكاتب : نعناع الصباح

سمي طال عمرك وابشري الامور بخير ومو ناقصنا شئ

وصدقتي بعض الناس مايفهمون شئ من الامور الحساسه بالدوله

يعني بس يتكلمون من عاطفه ومساكين مانلومهم لانهم مو مطلعين على اي شئ

يعني مثلا يتوقعون ان الدوله ناسيتن اللي ماتوا في تبوك من البرد

والا ناسيتن اهل جيزان من الفيضانات والامراض

ولا ناسيتن طريق الجنوب ( طريق الموت )

والا ناستين الفقر والعنوسه بالدوله

والا ناسيتن الشباب العاطل على العمل بالالاف

والا ناستين التجار اللي هم من كبار الهوامير واحتكارهم للسوق

والا ناسيتن ان مستشفياتنا ماتكفي احد والعالم بالطوابير للسنوات مايجيهم الدور

والا ناسيتن المشاكل اللي تصير يمين ويسار


لا مو ناسيه شئ بالعكس تعرف كل شئ بس الشعب مايعرف شئ

ويجون يتكلمون وبس


بارك الله فيك على التوجيه السديد ونحن بحاجة الى فتيات عاقلات ناصحات مثلك

والى الامام


وبالله امااااانه يعني تسلمين لي على الحاسبه حقتك

الكاتب : بنت الاديب

يالغاليه

لو الزياده واحد بالميه التجار بيرفعون الاسعار اكثر واكثر

كان ودنا ان التجار يتوقفون عند حدهم ويضعون لهم عقوبات فعليه ويطبقونها عليهم

بدل هالتلاعب الي قاعد يصير وضياع الحقوق

تقبلي ودي

الكاتب : صنقور

أحمدوا ربكم بس ، وش فيها الـ 5 % ؟ صدق والله في ناس ما تملا عيونها التراب ( ما أقصد أي أحد بالمنتدى .. للمعلومية )

الكاتب : دنيا الحب

اخوي المجهول حياك الله

استاذي الكريم التوقعات لارتفاع الاسعار 30%

انت قلت مجرد توقعات والدولة تبذل جهدها لمنع هذا الارتفاع وتسعى جاهدة للسيطرة عليه


ولو ان الدولة سايرت هالارتفاع وعملت بدل غلاء 30% كان صار الارتفاع اعلى من كذا بكثير وصار التضخم شي اكيد


وانقصت ظهور المساكين العاطلين والعاملين في القطاع الخاص



اشكر لك تواجدك اخوي

الكاتب : المجهول

^
^
^
طيب يالغاليه لو الدوله ما قدرت على السيطره على الإرتفاع وهذا هو الحاصل...

وش الحل؟!!

يعني بالعربي وش ذنب المواطن المسكين؟!!