| الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور | |
|
|
|
|
|||||||
| الانتساب | تعليمات س - ج | قائمة الأعضاء | المفكرة | إشارة الأقسام مقروءة |
المجلس العاممناقشة جميع المواضيع الجادة والهادفة وأمور المحافظات |
إعلانات منتديات منطقة الرياض
|
|||||||
|
|||||||
 |
|
|
LinkBack | أدوات الموضوع |
|
#1
|
||||
|
||||
صاحب العمارة رفع الاجار 5000 ريال !!
تخيلوا يا جماعة الخير 5000 ريال مره وحده أنا تزوجت من سنة تقريبا و أهل زوجتي ساكنين بحي اليرموك ومن باب المجاملة استأجرت لي شقة بنفس الحي ويا ليتني ما استأجرت حي عدد البنغاليه الي فيه اكثر من السعوديين المهم لقيت شقه غرفتين و حمامين ومطبخ وصالة ومجلس بـ 15.000 ريال بالسنة قسم بالله لا الحي عاجبني ولا الشقة عاجبتني ولا جيراني عاجبيني بس الشكوى لله بعد شهرين صار ضغطي يرتف شوي شوي جيراني ازفت من الزفت ولا اختلط فيهم و كسروا قزاز سيارتي مرتين وسرقوه الاستبنه و المسجل و جارمن ومن زود النجاسه الي سرق السيارة شاق المراتب و التنده وشاق الطبلون بسكين ومكسر عدادات السرعة كلفتني تصليح حوالي 9500 ريال قسم بالله هذا غير الحكات الي بالسيارة لأن جيراني طال عمرهم إلي معاه ددسن و إلي معاه كرسيدا وصرت قسم بالله اقعد بالشهر و بالشهرين ما اغسل السيارة وليش اغسلها اصلا اذا بيجي جاري يشوهها والبزارين ما يحلى لهم اللعب إلا قدام باب شقتي وطبعا هذول النوعية من الناس كل يوم عزايم ومفاطيح والله اجي من الدوام الساعة 5 العصر ابغى موقف لسيارتي ما القى تلقى بالشقة الوحده واحد وزوجتة وبزارينه و اخوا زوجته و امها و ابوها و و و و و وين بلقى موقف معه وطبعا لأني ملقوف ودافع الإجار لمده سنة مقدم قلت حرام اطلع اصبر يا رجال المهم بعد مرور 7 شهور طفح الكيل وجلست مع المدام وقلت لها وش رايك نطلع من هالحي لقيتها هي تبي تطلع اكثر مني بس خايفه تقولي و تضغط علي بالمادة المهم هي بس وافقت ومير انط لأقرب مكتب عقاري ادور على شقة جديدة وبعد جهد لقيت شقة مره خياليه محد سكنها قبلي بعمارة فيها مصعد وحارس و الأهم ان موقعها مره ممتاز وتقع خلف سوق معروف عنه انه من ارقى اسواق الرياض طبعا الاجار كان غالي 25.000 ريال يعني 10.000 ريال فرق بس والله ما عندي مشكله و الحمد لله راتبي جيد قلت ما يخالف والحمد لله في دي اس ال بالعمارة وجيراني كلهم لبنانيين قسم بالله الواحد فيهم ما تدري هو بالشقة ولا برا من الهدوء الي فيهم و كل واحد له موقف سيارة ومافي امل يوقف بموقف احد ثاني والحمد لله لي اسبوعين واحس اني فعلا اشتريت راحتي طبعا يوم انقل ما علمت احد اني بنقل لأني اخذت اجازة واتفقت مع شركة النقل يبدأون الساعة 8 الصبح و الساعة 12وهم مخلصين قبل يجون الجيران المحترمين امس جاني اتصال على تلفون العمل من واحد من الجيران القدامى ماخذ رقمي بدون موافقتي من صاحب العمارة القديمة يقولي وينك فقدناك قلت منتب عاقل يا هيهو يالي كنت مقطعني بالزيارات المهم قالي وينك فيه قلت له انا نقلت ولا علمته مكاني الجديد قالي تدري ان صاحب الاجار خلى الاجار 19.000 ريال 19.000 ريال !!! على ايش قسم بالله حي زبالة وعمارة زبالة و جيران زبالة وشوارع ذاك الحي ما بعد سفلتوها ولا رصفوها و 19.000 ريال ياخي خافوا الله بالناس صحيح ان الاجارات ارتفعت بس 5000 ريال مرة وحدة العمارة فيها 10 شقق يعني 50.000 ريال زيادة جعل ربي يملا بطونكم يا تجار العقار ( الجشعين فقط ) بالتراب ولا تشبعون ابد انا اقول كلامي هذا وانا مرتاح في شقتي الجديدة واسجد لربي سجود الشكر ان راتبي يسمحلي اسكن بشقة اجارها 25.000 ريال بس الله يكون بالي راتبه 4000 ريال في السابق كنت اقول الي راتبه 2500 الله يعينه الحين والله اقول الي راتبه 6000 الله يكون بعونه وتقبلوا تحياتي وعذارا للاطاله
|
10-03-2008, 01:44 PM
|
#2 | |
|
مراقبة المجلس العام
   |
رد : صاحب العمارة رفع الاجار 5000 ريال !!
أول شي مبروك عليك السكن الجديد وعساك دوم مرتاح فيه يارب ومايجي احد ويزعجك  صحيح اسعار مواد البناء مع أزمة ارتفاع الاسعار وصل أسعار بعضها لأكثر من الضعف لكن على كلامك ان العماره قديمه ومبنيه قبل حصول الأزمه يعني مواد البناء الداخله في العماره تكاليفها أقل مقارنه مع عماره مبنيه بعد بداية الأزمه واللي شي طبيعي ان تكون ايجاراتها متناسبة مع تكلفة البناء معناها أن صاحب العماره يعوض نفسه عن شي هو مادفعاه أصلا ً .. ولكنه الطمع هو اللي أعمى عينه هو وغيره عن الناس المساكين اللي رواتبهم مايبقى منها إلا القليل بسبب الضرائب والايجارات وكملتها عليهم ارتفاع الاسعار .... !! الله يعينهم دمت بكل خير وعافيه سيدي الكريم مع أجمل تحياتي
|
|
|
|
10-03-2008, 01:48 PM
|
#3 | |
|
عضو مؤسس
 |
رد : صاحب العمارة رفع الاجار 5000 ريال !!
|
|
|
|
|
10-03-2008, 06:32 PM
|
#4 | |
|
مشرفة مجالس الأسرة والمجتمع
لـمـعـة الـمـاس  |
رد : صاحب العمارة رفع الاجار 5000 ريال !!
واهنيك بكل صراحه انك سكنت مع لبنانيين <<<< انا عارفه ان كثير بيزعلون مني لاني بالفعل عانيت كثير من الجيران اهل ديرتي ناسي وربعي بالنسبه للاجار يالغالي ارتفاعه هذا موب شي جديد وازعاج الجيران بعد موب جديد والتجار بعد ماراح يوقفون عند هالحد بعد سنه او سنتين بيكون الاجار من 19000 الى 25000 وبيدفعون الضعوف مااقول غير حسبي الله عليهم ونعم الوكيل تقبل احترامي
|
|
|
|
|
| زوار هذا الموضوع الآن : 1 (0 عضو و 1 ضيف) | |
| أدوات الموضوع | |
|
|
مواضيع ذات صلة
|
||||
| الموضوع | الكاتب | المجلس | المشاركات | المشاركة الأخيرة |
| ريال مدريد محتار ما بين روبين وألفيس..وهل سيتخلى عن سيسينيهو | eL sEcret0s | عالم الرياضة | 15 | 19-08-2007 02:47 PM |
| (من) و [إلى] ريال مدريد | eL sEcret0s | عالم الرياضة | 10 | 07-08-2007 08:33 PM |
| مشاريع ضخمة بتكلفة 118.4مليار ريال يدشنها ملكنا الغالي | توتة | مجلس الرياض | 8 | 11-04-2007 01:09 AM |
| تقديم مباريات دوري ابطال اوروبا ليوم الثلاثاء | ][ الــكــايــد ][ | عالم الرياضة | 21 | 20-02-2007 11:45 PM |
| ((===الـــتـــغـــطـــيـــه الـــمــبــاشــره لــخـــلـــيـــجــــ18ـــي===)) | المجهول | عالم الرياضة | 57 | 31-01-2007 09:05 AM |
|
Powered by: vBulletin® Version 3.6.10 Copyright ©2000-2008, Jelsoft Enterprises Ltd.
SEO by vBSEO 3.1.0 Translated By vBulletin®Club©2002-2008 |
