المجلس العام

سمو الحرف · #1

مرحبا..

بدخل بالموضوع دايركت ..لأن حايمتن تسبدي وطافحه..ومتحطمه وكل شي شين بالحياة فيني

البدايه..

بما اني بنت زي كل البنات كان عندي طموح واحلام ..منها اني اكمل الجامعه..وبالتحديد جامعه
الملك سعود بالرياض..قسم علوم سياسيه لأني احب هالشي مرره ..>>ياحياتي احلم

المهم درست ثاني ثانوي بمدرسه حكوميه وتعرفون بما انها حكوميه النظام=زفت

قالوا انه معدل تراكمي وناس يقولون لا ..المهم خلصت السنه لكن مو على خير

خلصت السنه وماكان احد يدري هل هو بينحسب المعدل ولا لا!!

مو مشكله ...نبدا المرحله الثانيه..بديت ثالث وطويت صفحه ثاني اللي كلهاا تحطييييييييييم

وانتقلت لمدرسه أهليه>>اتسآل على اي اساس صارت اهليه

درست وذاكرت الين طلعت عيوني وصلت لمرحله -بدون مبالغه- اني اذاكر وانا اصيح..

طلعت النتايج الحمدالله اخذت 98% وفرحت فيها بجدد وعطتني دافع اني اكمل الفصل الثاني بجهد اكبر

مع نهايه الفصل الثاني بدت الحوسه ..الاسئله من الوزاره..الاسئله من المدرسه......الخ

خلصت الامتحانات كانت هذيك الايام اسوأ ايام....أذاكر اروح انام لي ساعه..ارجع اكمل

اروح المدرسه..اجي ..انام ..اصحى اذاكر............وهكذا

قطعت عمري ..على هال7 تعابير انجليزي..>>>م ن ق هـ ر هـ

خلصنا الامتحانات....أخذت النتيجه..صارت نسبتي 96%.....وبعد المعدل90,96 الحمدالله ع كل حال

90 نعمه.....

جت المرحله الثالثه .........القدرات....>>احسه كان مشروع تكسب مادي اكثر من انه مشروع لتطوير التعليم...>>>>ماعلينا

اختبرت كان اختبار غباء أكثر من ماهو قدرات ..لعده اسباب منها:

بما اني بالقسم الادبي جايبين لي قسم كمي اللي هو رياضيات ومارياضيات>>طيب انا ليش دخلت ادبي!!

يعني لو كنت نابغه بالرياضيات بدخل ادبي!!وماجابوا لنا شي من ماده الانجليزي!!>>>هذا سبب

السبب الثاني: اسئله الجغرافيا كان اغلبها ف اقتصاد السعوديه..والبورصه..طيب مايمنع انكم تجيبون
هالاشياء..بس لازم يكون في تأهيل مسبق ف الثانوي..

السبب الثالث: نظام الوقت جدا جدا غبي مع احترامي لكل الجهود المبذوله ..
يعني اخلص اسئله قسم يكون عليه 30دقيقه تقريبا ..وممنوع افتح القسم الثاني لحد مايخلص الوقت
المحدد!!
والقسم اللي بعده يستحق اكثر من 30 دقيقه!!

المهم طلعت نتايج القدرات وصارت نسبتي النهائيه=86%

!!!!!!!!!!!!!!!!!!!!!!!

يعني وش السالفه بالضبط !! كل من هب ودب قام ينقص ف هالنسبه ولا كأني سويت حاجه!!!

انا اشوف ان اختبار القدرات هو تهرب من وزاره التعليم ورمي المهمه على عاتق مركز القياس

اللي استغل هالنقطه للربح المادي ..يعني كم طالبه دفعت..!!..وكم طالبه راح تنقبل!!
شوفوا هالكلام مكتوب بكتاب دليل الطالب التدريبي لاختبار القدرات..وقارنوه بالواقع:

((هذا الاختبار يقيس ملا تقيسه اختبارات المرحله الثانويه فهو لذلك يتيح لكثير من الطلبه
فرصه المنافسه للحصول على قبول في الجامعه ))

بصراحه تناقض مريع لا يتيح ولاهم يحزنون والدليل ..

نسبتي: 96%____>وبعد المعدل _____>90%____وبعد القدرات____>86%

وهذي نسب صديقاتي...

رورو: 95%______>وبعد المعدل_____>93%____>وبعد القدرات>>84%

ريمو: 99%_____بعد المعدل___>89%____>بعد القدرات______>84%

نجود: 99%____بعد المعدل___>>98%___>>وبعد القدرات_____>> 90%

ووحده صديقه صديقتي...>>مشوره ..المهم ماخذه نسبتها 100 وبعد القدرات 90%

يعني انتو تشوفون انه بمصلحه الطالب هالاختبار!!!!!!!!

ياناس سكروا الجامعه وريحونا....وريحوا عماركم...لا وزعلانين يوم التصنيف العالمي للجامعات!!

بصراحه كان عندي طموح وعندي اهداف ...الحين ماعندي الا العيطي!!

اذا انا بنت ومتضايقه هالقد..ياعمري يالشباب والله انكم تنرحموون..

ويقولون من وين يجون هالارهابيين!!

خلاص تعبت وربي....

كل ماتذكرت شكلي وانا اذاكر

ما اقول الا: حســــبـــــي على الظـــــــــــــالــــــــــــم

تحياتي وشكرا هلى جهد القراءه!!!

الضامي · 17-07-2008, 04:46 AM

اولاً ماني عارف وش دخل ذا السوالف هنا ... ويقولون من وين يجون هالارهابيين!!
ثانياً انتي يا اختي الكريمة ربما تكونين مقتدرة وعندك قدرة تدخلين مدرسة اهلية وتحصلين على درجات عالية او تشترين رجات ... وهذا هو حال المدارس الأهلية ... ولكن هناك اسر اعتقد غير قادرة حتى على مصاريف المدارس الحكومية وما من مفر لا هنا ولا هناك ولن يبقى لهم سوا الله ومجهودهم لذالك تم ايجاد اختبار القياس او القدرات كي تتم المساوات بين الفئتين والأعتماد على معلومات الطالب المتخرج وليس على جيب الطالب ... لذلك نحصل على كوادر قادرة وليس على كوادر تسمتد قدرتها بالمادة ... وهذا اراه من الحلول التي لابد منها كي تتم المساوات بين طبقات المجتمع ... كوني بلجنة القبول والتسجيل في احد الأكاديميات العسكرية وجدنا ذالك يفيدنا كثيراً عند اختبار القبول النظري ... فوالله هناك متقدمين لا يستطيع ان يفرق بين احرف اللغة الأنجليزية لدرجة انه يترك الأجابات فارغة خصوصاً بالأنجليزية ... اليس هذا اكبر دليل على شراء الدرجات بمنما نسبهم تتعدى 90 ... لذا كان اختبار القدرات بمثابات المسوات بين طبقات المجتمع والا لبقي ذوي الحاجة على ارصفة الحياة .... مجرد وجهة نظر تخصني انا فقط .. حتى وان اختلفت لدى الأخرين ... فوجهات النظر لا تفسد للود قضية ... صادق التحايا وارقها لك اختي

سمو الحرف · 17-07-2008, 07:04 AM

اشكرك الضامي كل الشكر على جهد القراءه ...

بس اخالفك برأيك..طيب هالأسر اللي ماتقدر تدفع للمدارس يرضو ماهي قادره تدفع رسوم دخول الاختبار!

وتبي تعرف من وين جو الارهابيين !!

اقولك شلون!!

طالب تخرج من الثانوي النسب مرتفعه>>ماقبلوه الجامعه>>اغلب الوظايف تطلب شهادات جامعيه >>
بيعاني من البطاله والفراغ>>خصوصا لمايكون واحد ذكي..ويستغل تفكيره بشي سلبي وش بيطلع؟؟

الاجابه سهله بس مافكرت على المدى البعيد..

وبالنسبه للمدرسه صح انها كانت اهليه لكن نظامها حكوومي والتوجيه ماقصر بالرقابه علينا يعني ماحسيت بفرق عن
الحكومي ولاشريت درجات ع قولتك..كله كان بمجهودي ماامدح نفسي لكن قهر لما ينعتك احد بأنك ماسويت شي!

<<بجد انقهرررت حسستني اني ماسويت شيّ

اشكرك عزيزي مره ثانيه..

المضطهد · 17-07-2008, 11:03 AM

اختبار القدرات وضع لاخفاق الطالب وتردي نسبته

ع شان ما يقعد يتشرط ابي القسم الفلاني ابي الكليه الفلانيه

اما ناحيت مادي فهو مشروع رابح

عن نفسي لم ادرك هذه القدرات

لاكن قبل اسابيع وصل بنا الحديث مع احد المعلمين الي حساب دخل الوزاره من هذا القدرات ووصلت معنا الي ملااايين

مشبب بن علي · 17-07-2008, 05:48 PM

ياطويلة العمر ...

انتي قلتي عبارة كانت كفييييلة بالرد على الموضوع

( القدرات....>>احسه كان مشروع تكسب مادي اكثر من انه مشروع لتطوير التعليم )

وبس هذا هو الهدف ..

وطبعا الوزير اللي حطها .. كان وزير ماشا الله عليه .. يحب الطلاب كثيرا

ويسعى لتطوير المدارس .. والحد من عدد المادرس المستأجرة <<< ياشيخ طييير

********

انا معك لما قلتي ومن يجون الارهابيين .. فعلا هم نتاج لمثل هذه الظروف ..

*********

ياشيخه الوزير نفسه دخل علينا مادة جديدة .. وسماها الوطنية .. واللي على حد علمي

انه بس دولتنا اللي تدرس هالمادة ..

يا اخواني الوطنية تجي بالفطرة .. وموجودة اساسا ..

لكن الهدف مادي فقط واغراض اخرى ..

*************************

اذا فيه حل .. فالحل الافضل هو الغاء احد الاختبارين

إما اختبار الثانوية العامة .. واعتماد القدرات .. أو العكس ..

تقبلي مرور أخوك الصغير

مشبب بن علي

سمو الحرف · 17-07-2008, 09:24 PM

مشكور المضطهد على المرور..وربي كلامك ينقط عسل

مشبب يسلموو..احلى شي ان الوزير يحب طلابه كثيير>>الشعور متبادل والله.

وللمعلوميه بمدرسه ولد اختي بالإبتدائي مدرس الوطنيه مصري !!

ماألومهم مالقوا سعودي عاطل حطوا مصري!

فوضـ حرفي ـــت · 18-07-2008, 02:32 AM

سمو الحرف ....

قلبي معاكم وربي ....
يعني مثال / اختي الله يوفقها
نجحت جيد منخفض جدا من الثانويـــة
وما شالله تبارك الله عليها ...
ألحين ... 86%

طبعا تقول انه شختك بختك ههههههههههههههههه
وبينما خالة عيالي الله يخلف عليها ..
تخرجت 96% والحين 86%

تفكر المكسينه بالطب .... يا يولاه ..
شي يقهر لما يكون وزير للتعليم ويقول
بقناة فضائيــة وعلى مسمع من الجميع
نحن لا نريد المعلمين يواصلون دراسات عليا
نريد .. فقط بكالريوس ... والفصل مباشرة لا اكمال للتعليم

اسئلكم بالله هذا منطق وزير تربية وتعليم ... ؟؟

لما وزير التربية واالتعليم يتفاخر أنه أرجع لميزانية الدولة ..
100 مليون ريال ... هل هذا يستحق ... أن يكون وزير ؟؟
للتربية والتعليم ... هل يتوقع أن مثل هذا التصرف يدل
على أمانه .. أم على قل دبره ....؟؟

وعدم احسان تصرف ...

لكن عموما ان شالله يكون تحسن قادم ..
والتطوير على قدم وساق بالتعليم ..

أمنيـــــاتي ..

سمو الحرف · 18-07-2008, 03:16 AM

تسلم اخوي ...

>>قامت تخنق فيني ذا العباير لكلامك..

والله بجد كنت ناويه اني ادخل علوم سياسيه او قانون واصير شي..

بس الظاهر مالي الا البيت ..

مجنــــــــون · 18-07-2008, 04:02 AM

سمو الحرف

صدقيني معاناة الكثيرين طرحتيها بلسانك ..

ماأكثر الذين يشكون من هذا الأختـبار الذي بكل أمانه

يفوق قدرات الطلاب وأطلاعهم

لأنه حسب ماشاهدته من اختبار للقدرات

أجدها أكبر من أستيعاب طالب في هذه المرحلة الدراسية

ومثلما ذكرتي وذكر بعض الأخوة

فأن الهدف بالأول والأخير مادي

ومادام المجال مسموح فلماذا لايلهفون بعض الملايين بمسمى خدمة الوطن والمواطن

تحيتي وتقديري ..

مجنــــــون

سمو الحرف · 18-07-2008, 04:08 AM

يعطيك الف عافيه مجــنـــون....

ولو كنت انا الوحيده اللي عانيت منه ماكتبت الموضوع وراح اعتبرالخطاء خطأي..

بس بجد شي يقهر ..

يسلموو ع المرور

مواضيع ذات صلة
الموضوع	الكاتب	المجلس	المشاركات	المشاركة الأخيرة
بادر الآن بعلاج (العادة السرية) قبل فوات الآوان	نجـم الريـاض	المجلس الإسلامي	11	05-10-2008 05:45 PM
بادر الآن بعلاج (العادة السرية) قبل فوات الآوان	نجـم الريـاض	المجلس الإسلامي	4	11-08-2008 12:29 PM
مأسآة مخرج 7 ..إلى متى؟!	دنيا الحب	مجلس الرياض	23	27-07-2008 12:41 PM
فضيحة أخرى بإدارة مدينة الملك خالد العسكرية	عاشق ثرى وطنه	المجلس العام	7	03-04-2008 03:50 AM

المجلس العام

مناقشة جميع المواضيع الجادة والهادفة وأمور المحافظات

أنـــا..والقدرات......مدري وش يحسون به!!

بين المشرق والمغرب...(دعوة الى النقاش الهادف)

طريق جابر الصباح فــى (( مهب الريــح ))

»

الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور

زوار هذا الموضوع الآن : 1 (0 عضو و 1 ضيف)

أدوات الموضوع
عرض صفحة الطباعة إرسال هذه الصفحة إلى صديق