| الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور | |
|
|
|
|
|||||||
| الانتساب | تعليمات س - ج | قائمة الأعضاء | المفكرة | إشارة الأقسام مقروءة |
خارج السربمجلس للمواضيع ذات الفائدة من خارج سرب مجالسنا |
إعلانات منتديات منطقة الرياض
|
|||||||||||
|
|||||||||||
 |
|
|
LinkBack | أدوات الموضوع |
|
#1
|
||||
|
||||
|
أبشركم انـخـطـبـت ...(( قصة بنت ))
القصة: ( أبشركم انـخـطـبـت ) تقول كنت قاعدة أتفرج عالتلفزيون ... متابعة مسلسل .. وجاء مشهد زواج وحدة من الشخص اللي تحبه من زمااااان ... قلبت القناة على قناة ثانيه ... لقيت عرض أزياء فساتين عرايس... قلبت القناة .. لقيت خطوات وضع مكياج العروس ... سكرت التلفزيون وجريت الونة " تنهيدة كبيرة " تشقق الصدر التفت علىّ أبوي اللي نسيت تماما انه كان جنبي ... قال لي أبوي : خير إن شاء الله يابنتي ؟! وش فيك ؟! عسى ماشر ؟! أنا تلخبطت ساعتها وفتحت له التلفزيون وقعدت ساكتة ... إيه أكيد بسكت وش أقول ؟ أقول له ودي أعرس ؟؟؟ ( يعني أتزوج بالعربي ) ... أقول له إن صاحباتي اغلبهم تزوجوا ؟؟؟ وإلا أقول له إني تمنيت أكون مكان بنت خالي في كوشتها وفي الزفة أمس ؟ يقطع الدراسة وسنينها ياشيخ ... أوف والله غثا .. يا بخت جداتنا ماتطق الوحدة العشر سنين إلا هي مخطوبة .. وعلى الثنعش أعرست .. وان وصلت البنت ثمنطعش ما اعرست قالوا عانس !!! هذوليك البنات اللي عايشين صح مُبْ حنا اللي نعجز ونوصل سن اليأس ما اعرسنا ... أخخخ .. يُبه الله يفتح عليك وتخليني اعرس ... وتفكني من الدراسة ... وساعة انا غارقة في قاع هذي الهواجيس ويرن التلفون ويقطع حبل افكاري ... طالع الرقم ابوي وقال رقم غريب ... رد بلهجة رسميه : - وعليكم السلام ..... الله يسلمك ..... الحمد لله بخير ..... ايه أنا أبوفلانة ( منيب قايلة لاحد عشان محد يعرفني ويضحك علي ) .... لا منت غلطان انا هو ... ماعليك زود الله يسلمك ... من معاي ياخوي ماعرفتك ... والنعم .... تفضل وش السالفة اللي تبيني فيها ؟.... لا ماني مشغول ... لهالدرجة الموضوع مهم ؟!... تفضل تكلم شغلتني ... والتفت أبوي علي وعطاني نظرة غريبة .. أنا ساعتها قرصني قلبي مو من ردود أبوي بس من نظراته الغريبة .. رد أبوي على المتصل : وش فيها زود طيب ؟... لا بس مافيها أي ميزات عن الباقي ... اقول في نفسي .. ودي ارجفك يبه واخذ السماعة منك واكلم الرجال ناشر غسيلي حتى عند الرجاجيل .. رد ابوي على المتصل : طيب وبعدين ... أيوه .... طيب وش اسمك الكامل ؟ وش تشتغل بالضبط ؟ طيب من دلك علي وعطاك رقمنا ؟ لا الموضوع يا ابني مو بهالبساطة .... العملية مش بيع وشرى وبس ... الواحد لازم يسأل كثير ويحرص قبل يقدم على أي خطوة ... لا موضوع انك تجي لبيتنا خليها بعدين ... لين أسأل عن كل صغيرة وكبيرة ... لا لما اكتفي من السؤال وأخذ المعلومات اللي تكفي .. باتصل عليك تجي ونتفاهم ويكون خير إن شاء الله .. أنا كنت أتابع حركات أبوي وأنا متشققة من الفرحة ... أخيرا انخطبت وبتزوج مثلي مثل غيري ... يوووووه أخيرا بلبس فستان أبيض منفووووووش أخيرا بطلع أجهز واتقضى للزواج ... بسوي زواج كبير مررررررة وبحط زفة ريميكس وطرحتي مابيها خليجية بخليها مبتكرة ... منيرة منيب عازمتها هي وخواتها .. ماعزموني الأسبوع اللي فات على الدي جي اللي سووه ... وحصة صديقة امي منيب عازمتها بعد مطوعة مالي خلقها تحوسني لو حطيت ((أورق)) ... وبشتري أغراض واشيل واحط واخطط ... بيصدع راسي بس ولو لذيذ هالصداع ... يوم قفل الخط ابوي التفت علي وهو مبتسم ابتسامة تعجب وهو ساكت ... قلت : - هاه يبه ؟ متى بيجي يشوفني ؟ - منهو - هذا اللي خطبني تو - وشو؟! - خطيبي اللي تو - تموووووونين انتي ووجهك صار خطيبك على طول ماعندك وقت .. - ايه يبه ترا احذرك هالمرة شف تكرش العريس .. مثل ماكرشت ولد أم مساعد العام الماضي . للحين تراها حازة في نفسي .. ترا هالمرة بضرب عن الدراسة ... والا الاكل مقدر اضرب عنه ... وجع يبه بعنس من تحت رأس فعايلك بخطاطيبي ... والرسول حث على تزويج من ترضون دينه وخلقه ... وهذا الخاطب قايل قلبي انه أجودي .. ترا ما اعرفه بس اتوقع انه كذا... وترا العرس أهم من الدراسة عشان الجنس البشري ماينقرض .... وبعدين من قال لك اني منيب مكملة دراستي والله بكمل حسيت ان عيون ابوي بتطلع من شدة علامات التعجب اللي في وجهه .. بعدين انفجر من الضحك . - هي انتي وين رحتي ... حدك حدك لا تشطحين !!! - وش اشطح ؟! هذي الحقيقة يبه والحقيقة ماتزعل .. وانت الله يطول لنا بعمرك علمتنا على الصراحة وحب الحقيقة - أي عريس وأي هم؟؟!! انتي مصخنة ؟؟ هذا المتصل مندوب شركة يبي يجي يوريني المكنسة الكهربائية العجيبة على قولته اللي تغسل وتنفخ وتطبخ .. قومي نامي يابنيتي .. ولا تكثرين قعده قدام التلفزيون ... الحين بس عرفت ليه سكرتيه تو... أنا لا تسألون عن وجهي ... الله يقطع أم العجلة اللي تعرفونها .... مشكلتي إني أجزم على طوووووول قبل أتأكد انتهت القصة } وش رايكم في القصة ...........!!!!!
|
30-01-2007, 02:13 AM
|
#2 | |
|
مراقبة مجلس الأناقه و الجمال
   |
رد : أبشركم انـخـطـبـت ...(( قصة بنت ))
هههههههههههههههههههههههههههههههههههههههههههههه هههههههههههههههههههههههههههههههههه صرآآآآآحه ام الرجه,, ماهقيت في بنت كذا تخيل اقووول لابووي كذا عمري مااعرست,,, قصه حلوووه ملووكه يعطيك العافيه,, يــــــــــآآرب تعرسين ملووكه اخاافها قصتك  تقبلي وجودي,,,
|
|
|
|
30-01-2007, 11:09 AM
|
#3 | |
|
مراقبة الجوالات والاتصالات
|
رد : أبشركم انـخـطـبـت ...(( قصة بنت ))
ههههههههههههههههههههههههههههههه والله اللي ماعندهاااا وقــــت على طوول خطيبي خخخخخخخخخخخخخ بصراحه قصـــــه رووووووووعه ... يسلموووو ملووكه ..
|
|
|
|
30-01-2007, 04:55 PM
|
#4 | ||||||||||||||||||||||||
|
مراقبة مجلس أطايب شهية
|
رد : أبشركم انـخـطـبـت ...(( قصة بنت ))
دووم يارب الضحكه خخخخخخخخخخخخخخخخخ الله يعافيك بسم الله علي ياالدبا  |
||||||||||||||||||||||||
|
|
|
30-01-2007, 08:32 PM
|
#5 | |
|
شعلة المجلس العام
 |
رد : أبشركم انـخـطـبـت ...(( قصة بنت ))
وش ذا! هالبنت مرجوجة حييييييييييييييل! لا والاب عرف كيف يستدرجها بنظراته خخخخخخخخخخخخخخ يسلمو حبيبتي ملوكة على هالقصة الظريفة
|
|
|
|
|
31-01-2007, 11:26 PM
|
#6 | ||||||||||||||||||||||||
|
مراقبة مجلس أطايب شهية
|
رد : أبشركم انـخـطـبـت ...(( قصة بنت ))
الله يسلمكـ ياقلبى  |
||||||||||||||||||||||||
|
|
|
| زوار هذا الموضوع الآن : 1 (0 عضو و 1 ضيف) | |
| أدوات الموضوع | |
|
|
|
Powered by: vBulletin® Version 3.6.10 Copyright ©2000-2008, Jelsoft Enterprises Ltd.
SEO by vBSEO 3.1.0 Translated By vBulletin®Club©2002-2008 |
