خارج السرب

ضحية حب · #1

السلام عليكم ورحمة الله وبركاته

اخواني اخواتي اعضاء المنتدى كلكم هتستغربو اني اول يوم ليا في المنتدى معاكم بطلب منكم المساعدة وده لاني وحيدة وعندي مشكله ونفسي في حد يساعدني فيها يمكن لما يكون حد محايد وميعرفنيش ممكن يفيدني بنصيحه او بحل وانا هحكيلكم قصتي ويا ريت الي يقراها ويرد على موضوعي بالي شايفه صح

انا بنت عندي 27 سنة من المغرب زيي زي كل الناس بحب ادخل نت وبحب ادخل شات صوتي دخلت شاتات كثير ومسكت مواقع كثير في فتره زهقت وحبيت اهرب من كل الحجات دي دخلت شات صوتي وقررت بيني وبين نفسي ان محدش يعرفني في الموقع ده وفعلا ده الي حصل قعدت سنه بعرف كل الناس ومحدش يعرفني في يوم قفشني الي ماسك الموقع وهو شاب مصري اتعرفنا على بعض واتبدلنا الاميلات وبقينا اصحاب قوي والشخص ده كان محبوب قوي وسط الناس وخصوصا البنات لانه كانت كل يوم تيجي بنت تعترفله بحبها المهم وهو كان بيجي ويحكيلي وانا كنت بحس اني مشدوده ليه بس في نفس الوقت مش هقدر اقوله حاجه لاننا اصحاب وهو كان ليه صديق معانا في الشات بس هما بيعرفو بعض من زمان وبيعاملو بعض زي الاخوات انا مكنتش بطيق الشاب ده وكنت بدخل بنكات مختلفه عشان ازهقه وفي يوم ضيقته قوي وشديت عليه لغايه ما قالي ياريت مش تكلميني تاني وتقولي انتي مين فاعتذرتله واتاسفتله وقولتله انا مين بعدين بقيت كل ما اخش والاقيه بنسلم على بعض وبنقعد مع بعض وبقينا اصحاب يعني بقينا احنا الثلاثه مع بعض الشابين وانا في يوم اكتشف ان صديقي الاول انه يقولي انه ارتبط بواحده من النت زعلت واضيقت وفي نفس الوقت مش لازم ابين حاجة لاننا المفروض اصحاب وعشان مش ابين له حاجه قررت اني اتعرف عليها ونبقى اصحاب فعلا اتقربت منها ولو اني محبتهاش مش عشان انا مشدوده ليه بس مش عارفه ليه مكنتش بحبها يمكن من تصرفاتها معاه او من الي كانت بتعمله فيه المهم كنت بجالمها عشانه هو بس في الفتره دي مين الي كان معايا صديقنا التاني كنت بدخل بلقيه نقعد نتكلم اكثر من 7 سعات في اليوم وبنسهر يوم الاجازات مع بعض كنا بنقعد نهزر مع بعض ونحكي همومنا لبعض بس عمري ما قولتله اني في احساس تجاه صاحبه وفي يوم اتفاجئ بصديقي ده بيصرحلي بحبه لقيت نفسي فرحانه لاني كنت حاسه انه بيحبني بس مش قادر يقول وفي نفس الوقت انا كنت بوهم نفسي اني انا كمان بحبه وفعلا قولنا لصاحبنا اننا بنحب بعض لقيت معاملته معايا اتغيرت زي ما يكون اتفاجئ او اضايق من اني حبيت صاحبه ما بقاش بيكلمني زي ما كان في الاول ولا بيسالني عن حاجه انا حسيت بالتغيير ده بس قولت يمكن عشان مش صاحبه يضايق من كلامه معايا المهم بعد شهر من ارتباطنا اتفاجئ بلي انا مرتبطه بيه بيقولي ان في مشكله والمشكله دي انه هيروح الجيش لانه كان مستني اعفاء بس مجلوش ومده الجيش سنه ونص وبعدين هو لسه هيكون نفسه يعنيالمشوار قدامنا طويل سعتها ابتديت افكر لما افكر بقلبي يقولي مش لازم تسيبيه ولما افكر بعقلي بيقولي ده مش ليكي انك هتستني كثير المهم بيني وبين نفسي محتاره بعدين قررت اني انزل مصر وفعلا نزلت وكان الي انا مرتبطه بيه لسه منزلش اجازه استنيت ليوم اجازته وروحت قابلته ساعة ما شوفته محستش بحاجه زي ما اكون بقابل اي حد عادي مش حبيبي المهم كان المفروض يكون معاه صحبنا الاول بس لانه كانت عنده شغل مقدرناش نقابله بدري المهم لما اتصل بيه مكنش عاوز يجي ويقابلناي زي ما يكون كان خايف من حاجه صاحبه الح عليه انه يجي وفعلا جي بس سبحان الله العظيم او ما شوفته زي ميكون هو ده الانسان الي انا بحبه من اول نظره من غير ما نتكلم حسيت بقلبي بيضرب بسرعة وحجات جوايا مش عارفه اوصفها مقدرتش اتكلم ولا اقول حاجه وفي اليوم ده كانت معايا صحبتي هي كمان مقدرتش اقولها حاجه وفي نفس الوقت مش عاوزه اوهم نفسي المهم رجعت انا وصحبتي وانا كاتمه كل حاجه جوايا ومش قادره اصرح بلي جوايا قابلت الي انا مرتبطه بيه بس بقابله عشان مش احسسه بحاجه وفي نفس الوقت بيني وبين نفسي حاسه اني بخدعه وفي يوم اتكلمت انا وصحبتي وقولتلها اني اول ما هرجع بلدي هنهي علاقتي بيه عشان اكون صريحه معاه اول هو ما سافر وصى عني صاحبنا وصاحبنا ده مكنش قادر يشوفني تاني ولا يكلمني تاني وكان بيتهرب مني وبيسال عني من بعيد لبعيد من صديقتي لاني كنت قاعدع معاهم في بيتهم وحصلت ظروف لقيته بيزعق لي زي ميكون هو الي مرتبط بيا ولما حس ادى مبرر انه خايف عليا بحكم اني مرتبطه باخوه وصديقه وقبل ما راجع ب3 ايام طلبت منه اني اشوفه عشان اسلم عليه لاني مش ضامنه اني ممكن اشوفه تاني ولا لا في اليوم ده خرجنا مع بعض وكانت عنينا وقلوبنا بتنطق بس كل واحد مننا مش قادر يقول كل الي بيقوله انه مش عاوزني ارجع بلدي وانه عاوزني اقعد وقعدنا واتكلمنا وقالي انتي ناويه ايه مع صحبي زطبيعي لانه صاحبه مش هقدر اصارحه بالحقيقه المهم اليوم ده كان كله اننا بنتكلم على كل واحد وحياته وهو مر باايه حسينا احنا الاتنين اننا مشدودين لبعض وصلني للبيت وقالي لازم تدخلي نت ونتكلم وفعلا هو اول ما وصل كلمته في التلفون وقولتله اني مش هدخل نت لقيته اتنرفز وبيقولي براحتك اضيقت وكلمته تاني وقولتله اني هدخل وفعلا دخلت لقيته بيقولي انا بكره اجازه ايه رايك نخرج سوى لان انتي مش فصلك الا يومين وتسافري وافقت لاني من غير ما احس وفعلا اتقابلنا وخرجنا مع بعض وروحنا مكان سياحي مشهور في مصر كان كل ما يبصلي بحس انه عاوز يقول حاجه بس مش قادر المهم قصينا اليوم كله مع بعض قبل ما ارجع قلتله انا عاوزه اودع النيل ركبنا مركب على النيل سعتها خلص الكلام بينا نطقت انا قلتله صعب جدا انك تقابل حد يفهمك انت عاوز تقول ايه من غير ما تكلم قالي فعلا سعتها مش عارفه الكلام جاب بعضه وصرحنا لبعض بحقيقه مشاعرنا وقررنا ان كل واحد مننا يلغي ارتباطه يالشخص الي هو مرتبط بيه وصلني للبيت وقررنا اننا نقضي يومي الاخير في مصر مع بعض وفعلا حصل وجالي وخرجنا ووصلني للمطار واحنا متواعدين اننا لبعض انا رجعت للمغرب يوم السبت يوم الحد كان يوم اجازه الشخص الي انا مرتبطه بيه كلمته يومها ونهيت علاقتي بيه لاني مكنتش عاوزه اخدعه وصاحبنا كمان انهى علاقته بالي هو مرتبط بيها وفضلنا مع بعض وبنكلم كل يوم على النت ورسايل على الموبيل وبنكلم بعض في التلفون وفي نفس وبنحاول نشوف حل اننا ازاي نصارح صاحبه بالموقف الي حصل المهم بعد شهر من رجوعي لقيته بيتهرب مني لما واجهته لقيته بيقولي انا حاسس بالذنب لاني حاسس اني خدعت صاحبي واخويه وانا مش هقدر اكلمك في حاجه غير لما اكلمه واشوف رده فعلا كلمه بس مقلوش انه بيحبني قاله ان انا الي بحبه وبياخد رايه في انه يتسلى بيا ولا لا التاني رد عليه قاله لا دي مش وش تسليه هي محترمه ومتستهلش وقاله انه مكنش بيحبني وانه كان اعجاب بس بس صاحبنا حس ان صاحبه مخنوق وهو بيقولو الكلام ده حس انه خطفني من صاحبه فقرر انه يسيبني انا ولو اننا رسمنا حياتنا وقررنا اننا نرتبط ببعض في اقرب فرصه واني هنزل اعيش هناك في مصر بدل من انه يخسر صاحبه لانه بيقول ان ده حب ملوث بخيانة وانه ازاي صاحبه هيبصلي او يبصله وهو هيفضل محتقر نفسه وكمان عشان صاحبه قاله مش هقدر اشوفكم انت وهي مع بعض.
انا حكيتلكم القصه كلها وعندي اسئله عاوزه ليها اجابة لاني تعبانه قوي ومش عارفه افكر لوحدي مش قادره اسيب الشخص الي بحبه او اتنازل عنه اعمل ايه عشان استرده؟ هما الاتنين فكروا في نفسهم وانا فين من ده كله؟ وهل فعلا دي تعتبر خيانة ملوثة زي مبيقول رغم انه عارف انه صاحبه محبنيش وكل الي كان بيربطني بيه علاقة نت بس ؟

يا ريت الاقي حد يساعدني ارجوكم لاني هموت من كثر التفكير ونفسي في حد يساعدني اعمل ايه

واكون متشكره ليكم

جزاكم الله كل خير

اختكم في الله ضحية حب
.

<<<R>>> · 05-02-2007, 12:02 AM

اهلا وسهلا بك اختي الكريمه

ضحيه حب

فهمت من لهجتك انكِ من مصر وليس كما قلتي من المغرب

لأنني أعرف اللهجه المغربيه جيدا

هذا اولا

وثانيا بالنسبه لمشكلتك توبي الى الله وابتعدي عن هذه المشاكل

التي ستقودتك الى ماهو اسوا

هذه نصيحتي لك واتمنى لك الهدايه

خارج السرب

مجلس للمواضيع ذات الفائدة من خارج سرب مجالسنا
(للمواضيع المنقولة)

هل من مساعدة؟؟ارجوكم ..:'-':..

بمناسبة فترة الامتحانات

دقائق مؤثرة .. وكلماتْ !

»

الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور

زوار هذا الموضوع الآن : 1 (0 عضو و 1 ضيف)

أدوات الموضوع
عرض صفحة الطباعة إرسال هذه الصفحة إلى صديق

خارج السرب

مجلس للمواضيع ذات الفائدة من خارج سرب مجالسنا (للمواضيع المنقولة)

هل من مساعدة؟؟ارجوكم ..:'-':..

بمناسبة فترة الامتحانات

دقائق مؤثرة .. وكلماتْ !

»

مجلس للمواضيع ذات الفائدة من خارج سرب مجالسنا
(للمواضيع المنقولة)