كيف الحال؟!
ليتك تشوفين الحال
ليتك تشوفين الصبر وين صار
ولا الهم اللي سقا قليبي سم وخلا له الرمس دار
كيف الحال؟!
جاوبيني ليش نشوف الخطا من الحلال
يمكن لأن الي يخطي ينغفر له ولا يسألونه وش الي خلا دربك مال
ليش ينغفر لناس مايستحقون المغفره
ليش ننجبر على فرقا الغالين و الصمت محتلنا اشد احتلال
ليش القلب يحب والعين تشتاق
ليش الدم يحن ومجبورين على الفراق
وتسأليني كيف الحال!؟
ان حبيت انحرمت
وان شكيت انفضحت
وان كتمت انخنقت
وان نسيت تذكرت
وان غفيت انفزعت
وان ضحكت ماتدوم لي الضحكه
صرت اخاف ارسم البسمه على شفاهي
أكتم العبره أحبس الدمعه
صرت امثل الفرحه لين صرت بالتمثيل مبدعه
كرهت حياه الكذب والغدر والنفاق
أقابل ناس .. أعاشر ناس والنهايه عمري مضا معهم مجامله
اسمع كذبهم
أشوف نصبهم
أحس بكرههم
ماشفيت من طعنهم
شربت مرهم
وإلى الحين انا معهم
وتبين تعرفين كيف الحال
انا أحب ومن اعماق
يمكن لعب او جد حقيقه مو خيال
بس أحبه وبتم أحبه وبتنفس هواه
انا عاشقه وأغار
أنا أحب وبجنان
انا اموت فيه واحيا له
انا اعيش عشانه
انا اموت فدا له
انا اضيع وأهدي دربه
انا اغرق وانقذ مركبه
انا الوفا الأمان الحب والحنان
انا امه اخته بنته زوجته حبيبته الي حبته
انا اضيع لو يغيب
انا اغترب لو يضيع
انا دمه انا قلبه انا نبضه
انا نوره بالظلام
انا ظله انا شمسه
انا بير يكتم له الأسرار
انا أخاف عليه من ريش النعام
انا أغار عليه من هب النسيم
أنا باختصار أحبه
لو يبي روحي عطيته بس أحيا له
لو يبي كل مافيني افداه بس ابقا له
لو يتم بعيد عني والله ماارتاح الا لما اكون قباله
لو يمشي جمبي انسا نفسي قدامه
لو اسمع صوته انطرب وادندن ألحانه
أعشق كل مافيه
مبسمه
عيونه
ضحكته
قلبه
طوله
صوته
وكل مافيه باختصارأعشقه