| الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور | |
|
|
|
|
|||||||
| الانتساب | تعليمات س - ج | قائمة الأعضاء | المفكرة | إشارة الأقسام مقروءة |
خارج السربمجلس للمواضيع ذات الفائدة من خارج سرب مجالسنا |
إعلانات منتديات منطقة الرياض
|
|||||||
|
|||||||
 |
|
|
LinkBack | أدوات الموضوع |
|
#1
|
||||
|
||||
|
هواجس مخيفة لشاب صريح
السلام عليكم تعالووو شوفوا اخونا هذا وش كانت تخيلاته .. فيما لو اصبحت قيادة المرأه للسياره امر واقع في يوم من الايام وكيف يبي يصير حاله وحال غيره من الشباب؟؟ طبعا الأخ خياله واسع بطريقه يخليك تضحك غصب عليك من طرافة بعض خيالاته الصعبه والمتشائمه من قلب اقرئوا هذا بلسانه هو: يقول الشاب عن نفسه وغيره : انا شدتني فكرة قيادة المرأه للسياره والسيارة بحد ذاتها مهيب المشكله ولكن المشكله الصدقيه تكون في كيفية التعايش والتأقلم على وضع جديد علينا وانا صراحة بنيت بعض التصورات والخيالات بيني وبين نفسي وش بيصير لو ساقو البنات عندنا والحريم بشكل عام وحبيت ابينها لكم لأنه صدق مهيب راكبه ولا مبلوعه انه يصير هالشي لان الصوره الممكنه بتكون وحده من هالصور التاليه اتخيل انا لو البنت ساقت عندنا في السعوديه وكني جالس مع المدام وهي تسوق بي وانا اقرا الجريده بجنبها ويمر علي الشباب من صوب سيارتي بسيارتهم ويأشرون وافتح قزاز السياره اقوله آمر ياخوي؟ يرد علي ويقول انطم انت حنا نكلم السواق والا ذيك البنت اللي بايعتها ومسوية روحها رجاله بين الرجال وفاش الكفر عندها ومسببه زحمه وتعطيل للسيارات طبعا مهيب سيارتها اللي مسببه هالتعطيل بس سيارات اللي وقفوا يساعدونها وش كثرهم جزاهم الله خير والا ذيك الزحمه في طريق الملك فهد لووول والسبب ثنتين متصادمات وكل وحده نازله بعجراها للثانيه والشباب ماودهم يفكون بينهم خخخخخخخ عاجبهم منظر مناطح الغزلان .. وغير هذا خايفين يفكون بينهم وهالشي مايحق ولا يجوز لهم طبعا ويازين الحال بعد لو توسع شوي ويصير اللي يوصل طلبات المطاعم بنات يااااربي والله اني لاطلب الأكله على حسب زين البنت اللي توصل الطلب انامثلا ما احب الاكل الصيني ولكني مستعد آكله لو اللي بتوصله لي مزيونه تفتح نفسي بسيارتها وطبعا كني اشوف نفسي مزهب نفسي قبل لاتجيب الطلب البنت وتسوقت لي شماغ جديد وثوب جديد وجزمه جديده وشاري لي نظاره كارتييه كله بس عشان استلم طلب المطعم والمصيبه اننا اساسا مشافيح وبعضنا قليل ادب خخخخخخ طيب بكره اذا يسمحون للبنات يسوقون ويمرون بنتين لحالهم بسيارتهم وشايلات الغطا عن الوجه ومظهرين القذله وش يبي يصير بالله لنا علموني تكفون؟ ولو تجيك هذيك الفاتنه المتحرره واللي تلفونها بيد واليد الثانيه ماسكه طرف الدركسون ورابطه حزام السياره ومبينه المواهب وتحكه باظافرها وهي بس تمايل يمين وشمال تبي تشوف خشتها وتوازن شوشتها في مراية السياره عند الاشاره خخخخخخخ وتاركه السياره اللي وراها منلطعه واللي مفهي بسببها ولازق له بعمود والي ضرب واحد من المشاه واخيرا الكلام موجه لكل وحده تتمنى هالأمر انه يصير لو لاقدر الله صار لها حادث سياره وهي لحالها ظنك من يبي سعفها ويشيلها ويكشف عورتها؟ تظنين الناس يبون يتركونك وينتظرون الين يجي احد من اهلك ابوك او اخوك او زوجك؟ تكفون فكونا من هالطاري وعساه مايحصل ولا تحملون الشباب شي ما لهم طاقه وصبرعليه وتفتنونهم والله ان الذيابه كثيره اللي جالسه تنتظر وتسن انيابها بفارغ الصبر لان الشباب ماينعطون وجه صدقوني انا شاب واعرف منكن فيهم ارحمونا وخلونا لاتغيرون على الشباب وضع اعتادوه ولا تفتحون علينا باب مسكر حنا في غنى عنه وخلونا ناخذ عبره من الدول اللي سبقتنا بهالشي واعيدوا النظر تكفون بهالنيه وتفكرون بعقولكم وش هي العواقب الخطيره المترتبه على هذا الامرواسأل الله انه يوفق ولاة الأمر وعلماء هذا البلد لمافيه الخير وصلاح المجتمع تمت سالفه هذا الشاب القلق وسالفة هواجسه المخيفه من قياده المرأه للسياره مستقبلا طيب انتم وش رايكم؟ توافقونه او تعارضونه؟؟ وتعتقدون ان الأمر بيكون بهالسوء؟؟؟
|
09-02-2008, 06:34 PM
|
#2 | |
|
عضو مؤسس
   |
رد : هواجس مخيفة لشاب صريح
مشكوووووووور اخويه ع الموضوع الجميل والمميز والممتع بحد ذاته بصراحه اخويه بحكمة اني اماراتي اعارض سياقة المرأه لسياره .. خصوصاً اذا كانت نفس الديره هب متعوده ع سواقة المرأه لسياره .. بصراحه بحكمة الي قريته في الموضوع وخيال الريال الي وداه بعيد .. مانصح المرأه بسياقة السياره لن بتصير مشاكل كثير خوصاً الشباب هب متعودين انهم يشوفون مره فاتشه طبعاً بتطير عقولهم خاصه اذا طلعت مزيونه هههههههه الله يعين بس . وانتم ديرتكم ماشاء الله الشوارع زحمه عندكم وشلون اذا ساقة المرأه شكل السيارات هب متحركه .. وتعتقدون ان الأمر بيكون بهالسوء؟؟؟ بتكون بها السوء واسوء الله يكون في العوووووووون أن شاء الله .. شااااااااااااكر لكـ اخوي ع الموضوع .. دمت بخيررررررررررررر ...
|
|
|
|
|
09-02-2008, 11:37 PM
|
#3 | |
|
مشرفة مجالس الأسرة والمجتمع
لـمـعـة الـمـاس  |
رد : هواجس مخيفة لشاب صريح
ماشاء الله على هالخيال اذا خياله واسع بهالشكل ياليته يعود نفسه على هالوضع من الحين علشان لو شاف وحده تسوق مايتخرع والله ياهالموضوع اخذ اكبر من حجمه بكثييييييييييييييييير مشكور يالغالي تقبل احترامي
|
|
|
|
|
|
10-02-2008, 12:11 AM
|
#4 | |
|
مراقب مجلس أسرتي الجميلة
(¯`·._) (حكـــاية حــال) (¯`·._) |
رد : هواجس مخيفة لشاب صريح
والله خيال واسع بجد لكن نسأل الله أن يكتب لنا الخير والصالح
|
|
|
|
|
10-02-2008, 03:03 AM
|
#5 | |
|
عضو فعال
 |
رد : هواجس مخيفة لشاب صريح
 انا مادري ليش حاطين في بالنا ان سواقة السيارة للمره مشكله ياحبايبنا مشكلتنا في عقول الكثير من البشر لازم على الحكومه انها تطورها عشان يتقبلون مسائل اكبر من سواقة المراة للسيارة وعشان يكونون قادرين على استيعاب اي قضية من قضايا العصر امااااا اننا نحط مشاكلنا على بنت تسوق والا بنت فاتشه خشتها ومطلعه بكلتها الخضراء  او توقف السيارات وتصير زحمه عشان وحده تسوق سيارة احس اننا محتاجين 100 سنة عشان نعرف ونتصرف مثل الاوادم ارجع لنقطه وهي ان الحكومة ملتزمه التزاما كليا <---- اخس ياجورج بوش  انها تطور عقليات الناس من حيث تطبيق القانون على الصغير والكبير والغني والفقير والامير والحقير ونصير سواسيه في الحقوق والواجبات والحريات وانها تكون صادقه في بناء نموذج فكري جميل نقدر نتعايش معه بكل سلاسه ويتعايش معه الغير بكل رحابه  من هنا نقول ارفع راسك انت سعودي <---- بس انتبه لاتصكك حصاه باي
|
|
|
|
|
|
10-02-2008, 03:44 AM
|
#6 | |
|
عضو مؤسس
|
رد : هواجس مخيفة لشاب صريح
|
|
|
|
|
|
10-02-2008, 04:13 AM
|
#7 | |
|
عضو مؤسس
 |
رد : هواجس مخيفة لشاب صريح
خلي يسمحون بالسواقه لنا ونتفاهم ثانيا: ياخي غضوا البصر وتنحل جميع مشاكل الشعب السعودي والفلسطيني العراقي والاسلامي والعالمي بس نبي منكم غض البصر طيب ياشيخ غضه 50% راضين بس غضوا شوي الله يهديكم ياعيالي<<جدتي ه الي كاتبه الكلام؛<<ماتعرف تنصب ما اطول عليك تحياتي,,
|
|
|
|
|
|
10-02-2008, 08:47 AM
|
#8 | |
|
乂 أنـثــى إستــثـنـائيــة 乂
 |
رد : هواجس مخيفة لشاب صريح
خيالك واسع مررررررررررررررررررررة يعني امممم هو كل الشباب مثلك والا كل البنات حلوين ههههههههههههههههههههه الله يعين بس تابع تحليلات كل شي بمثل هالتخيلات اللي احسك مبسوط عليها من جد هههههههههه
|
|
|
|
|
|
10-02-2008, 12:37 PM
|
#9 | ||||||||||||||||||||||||
|
مـحـظـور
|
رد : هواجس مخيفة لشاب صريح
اخوي فلاسـ[جميرا]ـي احييك على صراحتك في ابداء رأيك الذي لم تجامل فيه وبين وبينك كلامك بمحله بل أأييددك عليه ليش نكابر ونتجاهل حقيقة وطبيعة مانحن عليه في هذا المجتمع وخصوصيته؟؟؟ |
||||||||||||||||||||||||
|
|
|
|
11-02-2008, 12:31 PM
|
#10 | ||||||||||||||||||||||||
|
مـحـظـور
|
رد : هواجس مخيفة لشاب صريح
يااختي العزيزه هذا خيال صاحبنا وليس خيالي الشخصي خخخخخخخخخ هذا اولا بعدين ليش تقولين الموضوع اخذ اكبر من حجمه؟ انظري حواليك يمنه ويسره وخليه هو بعد يدلي برأيه مثل غيره يعني جت على اخونا المتشائم هذا؟؟!!!! |
||||||||||||||||||||||||
|
|
|
|
| زوار هذا الموضوع الآن : 1 (0 عضو و 1 ضيف) | |
| أدوات الموضوع | |
|
|
|
Powered by: vBulletin® Version 3.6.10 Copyright ©2000-2008, Jelsoft Enterprises Ltd.
SEO by vBSEO 3.1.0 Translated By vBulletin®Club©2002-2008 |
