خارج السرب

فادي خلف النخله · #1

سلملم.

عزيزتي السحليه كيف تصطادين فارس احلامك مستقبلا>>>

ياروحي يالتتن مع اغنيه لمحمد عبتوه.

نرجع كيفية إصطياد العريس دون اللجوء إلى الاساليب السقيمه من المغازلات والترقيم والتميلح إلى مال امه داعي والترزز بالاسواق............إلخ

( اهم شي تميلحي على العجوز اللي حاطه عينك على ولدها ثم نفذي الاتي:.

1. خليكي مع امك ولا تروحين مع البنات وتتهبليين معهم اصبري عنهم كم شهر لين تتم العمليه.

2. أمشي وانتي حاطه راسك بين أكتوفك ولا ترفعينه أبد حتى لو اوجعتك رقبتك خلي الفكس دائم في متناول يديك.

3. كلمة خاله خليها دائما على لسانك خاصه لإم العريس علشان تحس بنوع من التميز عن باقي العجايز.

ملاحظه بسيطه
لامانع تنادين عجوز ثانيه بخاله علشان إذا ما نجحت الخطه مع العجوز نمبر ون تنجح مع نمبر تو الإحتياط واجب.

4.إذا بدت امك تتكلم إنغزيها حتى لو مالك داعي تطبيقا للمثل (( كثر الدق يفك اللحام ))

داري المثل ماله داعي بس مالقيت غيره

5.إخوانك الصغار لا حقيهم وطامري معهم وين ما يروحون حتى لو هي عادتك بس تصرفي معهم كأنك أمهم علشان العجوز تأخذ فكره إنك حريصه على ذريتك

6. كل ما اكلت امك من اكله زينه خليها تقول ( نفس الأكله اللي تسويها بنتي حتى لو الأكل من مطعم صيني أو مكسيكي)

7.اذا جيتي بتمدين يدك توجعي وخلي امك تقولك قدام العجوز( قايلتلك وانا امك ماله داعي تنظفين جدران البيت الخارجي)

>> عاد انتي وغرفتك نظفيها اول اللي كنها متهاوشه فيها قطاوه والا ثايره فيها قنبله ذرية هوروشيما<<
( اهب يا فادي وصرت اعرف هورشيما)

8. اذا تكلموا الحريم عن العرس اكتمي نفسك لين تحمر اخدودك علشان يقولون مستحيه ومالنا حق نتكلم عندها

9. مهما كان الحوار حماسي بينهم لا تبدين رايك خليك مثل البكما لان اللقافه تجيب أجل الخطه.

10. شعرك افرديه لا تخلينه طاير أو مجعد مهما كانت الموضه لأن العجايز ما يحبون الا اللي شعورهن ناعمه.

11. اذا تكلمت العجوز(ام المعرس) بأي راي سواء سياسي والا وطني والا اقتصادي وافقي عليه حتى لو انه ماسخ وماله داعي .

مثلاً
( تقول العجوز بوش متقهوي عندنا البارح ) قولي لها : وليها ما علمتينا يا خاله نجي نساعدكم بشغل البيت.)

12. في حفلات العروس اضغطي على نفسك واقضبي ارضك ولا ترقصين واعتبري الرقص عيب وشق جيب.

13. اذا جاء طاري السوق وهو لازم يجي طاريه لانه ملح الجلسه عند الحريم خلي امك تقول::.
( بناتي ما يحبون يطلعون السوق أبوهم يجيب اغراضهم)

هالحين العجوز بتكون طاحت بالفخ

نروح للمعرس

1. اهجدي في بيت اهلك ولا عاد تطلعين واذا جاء المعرس بيشوفك خلي ابوك يقوله البنت مستحيه شوي منك ومو متعوده تشوف احد غريب يعني زي كذا.

( عاد انتي طامري من صالون لصالون يالسحليه علشان الصبغ وتنظيف البشره والتشقير والخرابيط هذي كلها .

2. بعد عمليات التجميل وجاء يشوفك خلي اخوك بجنبه علشان ما يطول التبحلق ويبان المستخبي وذلك تطبيق النظريه ( اللمحه ذبحه))

3. في نهاية المشهد خلي ابوك يقوله : معليش وانا عمك ترى البنت شوي محيوسه وتوها مخلصه من شغل البيت
( هين يالشايب البنت من صالون لصالون وتقول شغل بيت )

وبهذي اللحظه الولد بينط على راس ابوك ويبوسه لين يشفط مخه علشان ويطلبك منه ويترجاه علشان يخلي العرس باقرب فرصه

تحذير هااااااااااااااااااااااااام

انتبهي من العرسان اللي امهاتهم مدرسات او وكيلات مدرسه او مديرات هذولي يبيلهن خطط بعيدة المدى.

وبالرفاء والبنين

دايم ؟ · 10-04-2008, 01:07 PM

هذي وصفة للقضاء على العنوسة

تسلم يامنسم

مناير · 10-04-2008, 01:10 PM

اقتباس


	انتبهي من العرسان اللي امهاتهم مدرسات او وكيلات مدرسه او مديرات هذولي يبيلهن خطط بعيدة المدى.

هههههههههههههههههههههههههههههه

يعطيك العـــــاافيــة

مهند الغامدي · 10-04-2008, 01:16 PM

هههههههههههه

والله صادق دايم هاذي وصفه سحريه للقضاء على العنوسه

تحياتي

زين الصبايا · 11-04-2008, 11:50 AM

هههههههههههههههههههههههههههههههه
هههههههههههههههههههههههههه

كل هذا علشان معرس

فادي خلف النخله · 15-04-2008, 03:13 PM

يسلموا على طلتكم..

وترقبوا جديدنا ااحسن طريقه للطلاق

الولد خربها صح >>>> هههههههههههههههههه

طاغيهـ الانوثهـ · 25-04-2008, 10:29 AM

اقتباس


	1. خليكي مع امك ولا تروحين مع البنات وتتهبليين معهم اصبري عنهم كم شهر لين تتم العمليه

<<واللي تنقز لين عند المرجج وش السواة ..
هههههههههههههههههههههههههههههههههههههههههههههههههه هههههههههههههه

اقتباس


	10. شعرك افرديه لا تخلينه طاير أو مجعد مهما كانت الموضه لأن العجايز ما يحبون الا اللي شعورهن ناعمه

يآآآويلي خخخ
وانآآاقول ليه لين الحين ما أعرست صآآر من حركآآت الجل والكيرلي خخخخ

اقتباس


	12. في حفلات العروس اضغطي على نفسك واقضبي ارضك ولا ترقصين واعتبري الرقص عيب وشق جيب

والله ع حسب <<فيس رافع خشمه خخخ
والله ان غنو نجدي ولا عزاة احلموا اقضب ارضي ههههههههههههههههههههههههههههههه

يسلمووووو خيووووووووووووووووووو

خارج السرب

مجلس للمواضيع ذات الفائدة من خارج سرب مجالسنا
(للمواضيع المنقولة)

كيفية إصطياد التماسيح ياسحالي للزواج

اللي زهق من قصة سندريلا

للحريم 5 طرق (لشفط) غضب الزوج

»

الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور

زوار هذا الموضوع الآن : 1 (0 عضو و 1 ضيف)

أدوات الموضوع
عرض صفحة الطباعة إرسال هذه الصفحة إلى صديق

خارج السرب

مجلس للمواضيع ذات الفائدة من خارج سرب مجالسنا (للمواضيع المنقولة)

كيفية إصطياد التماسيح ياسحالي للزواج

اللي زهق من قصة سندريلا

للحريم 5 طرق (لشفط) غضب الزوج

»

مجلس للمواضيع ذات الفائدة من خارج سرب مجالسنا
(للمواضيع المنقولة)