| الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور | |
|
|
|
|
|||||||
| الانتساب | تعليمات س - ج | قائمة الأعضاء | المفكرة | إشارة الأقسام مقروءة |
خارج السربمجلس للمواضيع ذات الفائدة من خارج سرب مجالسنا |
إعلانات منتديات منطقة الرياض
|
|||||||||
|
|||||||||
 |
|
|
LinkBack | أدوات الموضوع |
|
#1
|
||||
|
||||
|
هستره اخر الليوووووووووووول
<الووووووووووو مين معي > معتس الساعه وحده 000 انا حزه الهجده00 يا تسذبها وش هجدته الا من جت وحده الا وبدت الذيابه تصايح والاشباح تنابح وقام كلش يتحرك ويصرصر حتى الجدران اللي ياما كلمتها مالها حس قامت تحتسي000 تصدقون عاد. وانا لحالي00 كلهم ناموا وخلوني00 وش ذنبي اني تخرجت وصرت عاطله00 وش دعوه وظفوني لو دراكولا دام اني سهرانه سهرانه لحالي  ما دريت الا وجدار يناديني < هييييييييييييه انتي تعالي معنا نبي نكمل البلوت. > هه انا اخبركم اربعه جدران وشلون تلعبوني معكم. < ذاك الجدار ما يقدر يلعب كله من ابوتس من حط ذا المكتبه وهي كاتمه على نفسه معاد يقدر يلعب معنا. < طيب طيب. لا تعصب. بس انا ما قد لعبت ترى. > عادي بنعلمتس < بس بدون غش. > اخصصصصصصصص اثرك خبره وتقولين ما قد لعبت. < ايه بس لا يكثر. انا اللي بخبص. <<<<<<<<<<<<<<< تخبص الورقه وتوزع. <<<<<<<<<<يلعبون. <<<<<<< واحد من الجدران يغش يأشر باللمبه. افا عليكم بس انا طبعا انتبهت للحركهوقلت: < يالغشاش بطلت مانيب لاعبه. > لا ما غشيت اصلا الكهرب مدري وش فيه ياشّر. < ياكذبك اصلا اللمبه مطفيه وشلون تشّر الا انت اللي تولعها وتطفيها. اقول الا خويكم ذا ابو مكتبه اصرف منكم بروح اشوف لي كم كتاب. وش ذا!!!!!!!!!!!  " الشكاوى الصريحه في الشارع ابو ريحه" للدكتور: مروح بن مخنز < ايه الصرف الصحي اللي ماله داعي لو انهم يكبون بلاويهم بعيد انحلت المشكله بس عجزانين يطولون مواصيرهم شوي. " البربسه والذ أطباق المطرسه" للشيفه: كريمه ثومه < الله يحوم تسبدتس وش ذا المطاريس زناجن ذا. "الخطه الخمسيه للشوارع المنسيه" للمهندس: مخطط بن ممسح < ايه اول حط خطه خمسيه لكتابك نظمه خله ينقرى بعدين تعال نظم شوارعنا ماحاسنا الا انت وامثالك. "خطوه خطوه لتصيري حلوه" للماكياجيره: ديرمه بنت كحله < بسم الله الرحمن الرحيم :eek: يقال لتس زينتيهن الحين ذولا غدو تسنهم سكن. " صاحب الجلاله الموقر .......... الخ متسلط بن ما عنده تفاهم" للطرار: آمر سم طال عمرك. < ايه هذولي اللي يعرفون يترزقون... دنيا كلها مصالح. " التاريخ المغبر لشداد بن عنتر" دكتور كحه: نصاب بن صاروخ. ترجمه: Weez_ Boom < ايه هين العبوا علينا علشانا ماندري. اما عبله ترسل لعنتر ماسج تقول ليه حاظرني اما بلّكتك وسلطت عليك هكر ... اوريك:mad: فكثروا منها........... " الكتاب الشهير كيف تصبح مليونير" للنصاب: الطش منا ومنا ومحدن داري. < اييه عاد المال الحرام ما فيه بركه مهما كثر. " الافاده لطالبات النحافه" للعصلا: دبا بنت مسواك. < ايه انتم تحركوا وخلوا عنكم كثر البلع وبتنحفون بدون هالتعذيب القسري اللي بالين به عماركم . " وسع صدرك وجرب برجك وحظك" المنجم: شفلع بن سلتع < صح ان لنا صدور ودنا نوسعها بس والله لنا عقول ودنا نكبرها ونكرمها عن هالخرابيط. " اللحظه المشؤومه__ انفجار اوكلاهوما" البروفيسور عقيد ركن: رشاش بن مطرطع ترجمه للعربيه: ستيف اوستن ترجمه للقلينزيه: رطينه القرقه. < الله يستر بس لا يتهمون بن لادن بعد ... كلش بيلزقونه فيه. " ديوان القلب الهائم في الجمال النائم" للشاعر الرومانسي المبدع: مخمور حتى الثماله. < ياشين قله الادب صدق انك ما تستحي .. والا على بالك باللغه العربيه الفصحى وشاعر مهجر بنقرى لك وانت ما عندك ولا قصيده صاحيه... اردى منك اللي يقرى لك. اقول: يالله باااااااااااااااااااااس عن هالخرابيط احسن شي كتاب ربي. بعدين رحت انسدحت ابي انوم ياربيييييييييييييييه ماجاني النوم وش اسوي؟ ما عندكم شي ينوم؟ ما ابي اعد الخرفان ثمن لي دخلت النت الصبح اتفشل يقولون فيه ريحه خرفان. اقول الا وش سنع هالجدران خل اعدهم جدار __ جدارين __ ثلاثه __ عشر طعش __ عشرطعش وعشرين......... افففففففف اكيد انهم ستّه اجل كم بيصيرون <<<<<<<<<< وغطت في سبات عميق عقب ليله حافله ونقل جماعي محمل هستره وبسمن الله عليكم الرحمن الرحيم --------------------------------------------------------------------------------
|
|
| زوار هذا الموضوع الآن : 1 (0 عضو و 1 ضيف) | |
| أدوات الموضوع | |
|
|
مواضيع ذات صلة
|
||||
| الموضوع | الكاتب | المجلس | المشاركات | المشاركة الأخيرة |
| قـــــصــــة.. صاحب الظل الطويل | المبهمه | حدائق الأدب | 10 | 06-07-2008 05:05 PM |
| مصحف باسمك مدى الحياة ( موضوع مهم جدا انشروه ولكم اجر عظيم بإذن الله ) | ألماسه وحساسه | المجلس الإسلامي | 10 | 24-06-2008 05:56 PM |
| اخر مستجدات البيت الهلالي | دايم ؟ | عالم الرياضة | 14 | 05-05-2008 11:43 AM |
| كاسبرسكاي 8.0.0.113 Internet Security اخر اصدار + | x-x-man-x-x | مجلس الكمبيوتر والإنترنت | 3 | 04-04-2008 05:57 PM |
|
Powered by: vBulletin® Version 3.6.10 Copyright ©2000-2008, Jelsoft Enterprises Ltd.
SEO by vBSEO 3.1.0 Translated By vBulletin®Club©2002-2008 |
