قلبــــــــــــي امرني ..

حروف فُتنت بها عيناي فوددت ان استحضرها هنا بين احاسيسكم العذبـــــه


والله لأدعي عليك
لين تصرخ بعالي الصوت
كفاني مصايب يا ناس
بس أبي راحة الموت




كانك نويت الهجر قبلك نويته
قربك غدى في ناظري مثل فرقاك
ما عاد ابي وصلك وحبك نسيته
غيرك كثير وراحة القلب جفواك
ما والله احدن في حياتي رجيته
لا تنتظر لحظة اجي واترجاك
حبك رحل عن خافقي ما بكيته
لا تحسب اني ميت فيك واهواك
قلبي امرني بالجفا ما عصيته
واكبر دليل اني من الوم بجفاك
اسمك وسط قلبي تراني محيته
ما بغاك انا ما بغاك ما بغاك ما بغاك




بارده اعصابك حبيبي وش عليك
حضرتك مرتاح والنار بيدي
عيبي اني بالصراحه مشتريك
وعيبك انك بالتلاعب مقتدي
قلبي اللي ما تعلم من هذيك
وانته بي ادرى وعارف مقصدي
الختام بكلمتي مالت عليك
واطي و عليت قدرك يا ردي




صارت حياتي معك تشبه مماتي
مافيك حاجه طيبه لا وصفتك
عمر الخطا ما كان نوع بصفاتي
حتى مشيت العام دربك وشفتك
أنا غلطت بحق نفسي وذاتي
غلطه بدت من يوم جبتك وضفتك
داخل خفوق حط حبك مناتي
تدري بصراحه ايش غلطة حياتي
إني نزلت لمستواك وعرفتك




قلب ذبحته بالغدر صار ينساك
والنفس عافت من عذابك وعدها
أنا الذي تلعب بقلبه وخلاك
وأنا الذي عنك المواجع حشدها
بحرق بقايا مابقا من خطاياك
واطوي صروح بالحشا تعتقدها




ما قد طلبتك بس أنا اليوم طلاب
أبي على كثر الرمل تكرهني
لأني كرهتك صدق ولا نيب لعاب
صعبه على مثلي خيانة حنيني
ياما جرحتيني بلا اسباب
وقلت لي: أنساني !!
وأنا أقول : بتراب ..
بتراب أبيعك
دام بعت سنيني
خلاص روح لعنبو قلب ما تاب
روح لهوى غيري وغيرك يبيني




ليه تحزن ياعمري والضياع إمخلوف
شوفني مبتسم والدون تكوي كوي
لأن عندي درايه في الزمن ومعروف
السوي اللي يسبه شخص ماهو سوي
تدري ليه أتبسم لاشتموني ضعوف
لأن شتم الضعوف
يدل إني قوي




ياللي ظلمت شلون ماتقبل الظلم
خلك تشوف شلون ظلمك كواني
ترحل تغيب تصد ماتاخذ العلم
ماتدري إن الدين ينرد ثاني ؟




ما كنت أظن الحب يكذب لسانه
لو ترتفع شمس الضحى من مغيبه
لكن أحس انه تغيـر زمانه
ملامحه صارت علي غريبه
مدري جفا ولا بوادر خيانه
والا على قلب اللي يحبك ضريبه
كانه جفا قلبي يجيبك حنانه
وكانه خيانة حب هذي مصيبه




تعبت أدور بين كل المظاهر
حب ولكن كل حب بلا لون
تعبت اصدق والخديعه تجاهر
والصدق ميت بالحقيقة ومدفون
تعبت أنادي كن حولي مقابر
أصرخ وصوتي بالصدى يجرح الكون
أجي غريب وارجع بكسر خاطر
أجي وأعود خافقي كله طعون




صدق من قال يادنيا ابد مالك امان بيوم
ولا للصاحب بقلبك مكان ولا تلوميني
انا ما جيت ابعاتب يكفينا عتـاب ولـوم
ولا بشره على منهو مع العربان جافيني
انا جيت اسأل الظالم سؤال ردده مظلوم
تظن ارتحت بعد اللي جرا مابينك وبيني




باين عـلى التعب والضيق وأنتاجه
منهار لوني متغـير ماهو بلوني
لقيتك اللي يصد معـقد حجاجه
وأنت أقرب الناس والغالي ومضنوني
لكن على الله بيديه الضيق وإخراجه
والا أنت الله معك خابت بك ضنوني
بلاش منك ومن موقفك وإحراجه
رح وأتبع اللي خذوك مني وخلوني
من صد عني ترى مانيب محتاجه
من دونه أعيش دامه عاش من دوني



مودتـــي