هل فعلا شركة الاتصالات نهبتنا؟؟؟

لغز الحياة · #1

ياهلا ويا الف مرحبا بكم

في احدى صولاتي وجولاتي في المنتديات باقسام الاتصالات لقيت كثيييييير ناس يقولون ان الاتصالات السعودية سرقتهم ونهبت فلوسهم ........قولوا لي كيف؟؟؟

طبعا الي حاطين مواضيع او تعليقات مثل كذا كان عذرهم ان شركة الاتصالات اول ماطرحت الشرايح في الاسواق السعودية كانت بعشرة الاف ريال!!!!!!!!!!!!!!!!!!!!!

وقالوا بعد ان من يوم دخلت موبايلي والشرايح صارت رخيصة !!!!!!!!
انا طبعا حبيت انقل لكم الكلام الصحيح وبلاش نفكر تفكير اسود

بوضح لكم كيف وكل واحد يفكر تفكير سليم ...........

اول مانزلت خدمة الهاتف المتنقل بالسعودية كانت هيئة الاتصالات هي الي تحددالاسعار من قبل وتفرض كل شيئ ولاكان فيه الجوال مثل الحين انما بعد تحول شركة الاتصالات الى القطاع الخاص وصار فيه شركة "الجوال" اعطيت الشركات الحرية في تحديد اسعارها
وكان شي طبيعي انها تكون غالية في ذاك الزمان لانها شي جديد على اهل البلد ...

وفعلا كان شي جديد يوم كنا نشوف واحد معه جوال يووووووووووووه مانصدق انا والاهل كلنا ملزقين عيوننا نطالع بذاك الشي العجيب وبدأنا بعدين نتعود على وجود جوال مع الرجال
والا النسوان قاموا يطلعون جوالات ..... عاد النسوان الكبيرات ايامها يوم يشوفون وحدة معها جوال كانوا يعتبرونه مصيبة

ومع الوقت الاسعار بدات بالتناقص وانتشر الجوال حتى مع البزران الى ان دخلت موبايلي واشتدت المنافسة

بس ابي الفت نظركم لشي وقيسوا عليه
الحين يوم انه ينزل جهاز جوال بكم يكون؟؟؟؟؟؟

والله يوصل من حوالي 1000 الى 1500-2000 ريال

اذكر جوال النورس يوم نزل والله شاريه ابوي ب1500يال والحين صار ب70 ريال واقل

يعني كل شي جديد لازم يغلى ومع الوقت يقل سعره

وهذا الي في شركات الاتصالات وحدة جارتي يمنية تقول يوم نزل عندهم الجوال كانت الشريحة ب75.000ريال هذا بعد ما استقر السعر بد نزولها يعني بالريال السعودي مايعادل 2500 الى 2000 ريال وهذي عندهم مبلغ كبييييييييير
والحين تقول وصل سعرها من 250 الى 100ريال يعني بالريال السعودي من 2الى 5 ريال
معناته ان هذا الكلام مو بس في السعودية او يقتصر على شركة الاتصالات
انما في كل مكان وشوفوا وقارنوا

A7la banotah · 11-04-2008, 03:31 PM

ايهـ والله اتذّكر كآآنـ عندناآ جوّال ابو انتل يووووه كشخهـ بقووه

يختيـ ياااكثر كلآمـ هـ النآس خذيـ وًَ بقّي

...

يعطيك العآآفيهـ يالغاليهـ ..وين الإتصالآتـ عنّك لو يدرونـ انّك تدآفعين عنّهم
بيخلّونك تصرفين علىآ حسابهمـ

ودِّي ..

غلا الدنيا · 11-04-2008, 03:39 PM

هلا فيك لغز ..

بصراحه الكل ينهب من كل جهه

وبخصوص مبلغ الــ 10000
الاتصالات عوضت جميع العملاء الذين دفعوا مبلغ 10000 ريال وذلك بجعل المبلغ الباقي سداد للفواتير ..

الان موبايلي تنهب ولكن بطريقه ذكيه ... وهي انك تشتري رقم ذهبي بمبلغ 2400 ريال ولكن تدفع على سنه كامله

كل شهر 200 ريال غير تكاليف المكالمات ..

المختصر ان الضحيه هو المستهلك ..

تمنياتي لك بالتوفيق ..

ملاك الحــب · 12-04-2008, 12:45 AM

يعطيك الف عافيه

دايم ؟ · 13-04-2008, 01:23 PM

اولا الاتصالات السعودية لم تعوض احد كما هو منتشر
يعني اللي حصلوا على الارقام مقابل 3500ريال
لم يعوضوا
اما الاجهزة
فأتذكر جوال موتورولا اشتريته بـــــ 7000 ريال
الحين ابي اعطيه احد ببلاش وما لقيت

لغز الحياة · 14-04-2008, 07:49 PM

هههههههههههه تقول اشتريت الموتورولار ب7000 والا تعرضه ببلاش وكيف تبي يكون سعر الشريحة حينها 3500 تعرف ان سعر الستلايت(الدش) كان حينها اول مانزل مائة الف ريييييال والان كل شهر تغير واحد هههههههه
يعني العملية عملية جديد ونادر وغالي وكلما كثرت السلعة في السوق قل سعرها ..تتوقع لوكان سعر الشريحة حينها 100 ريال كان يقدر الجوال يغطي طلب السسسسوق ؟؟؟؟؟!!!!
الان صاروا عملاءالجوال 17 مليون عميل وانت واحد فاتخيل 17 مليون شريحة ينباعوا خلال ايام ايش بيكون وضع الشركة !!1 هذي سياسة سعرية فرضها الحال وهيئة الاتصالات حينها واعتقد كان قرار صائب خصوصا أن الجوال ما كان من الاساسيات انما من الكماليات واللي كان عنده فائض مال يشتري رجال اعمال, امراء ,مسؤولين.
ماتذكر اول مرة شفت مع واحد بيجر !!!!!!!!!!!
والحين ماتلقاه ولا بريالين حتى لان انتهى وقته......

كبتن البرازيل · 15-04-2008, 11:23 AM

كلامك في محله ، وخاصة الشئ لما يكون جديد في السوق يكون غالي بس لما تمر السسنه واللي بعدها تبدأ الاسعار توصل للارض

اسعار شرائح الجوال كانت مرتفعة وانخفضت قبل وجود موبايلي ، يعني حتى انه طلعت شريحة خط مجاناً قبل وجود موبايلي

مواضيع ذات صلة
الموضوع	الكاتب	المجلس	المشاركات	المشاركة الأخيرة
رابطة الزعيــ نادي الهلال 2007 - 2008ــــــــــــــم	صدى الكلمة	عالم الرياضة	2205	19-06-2008 07:00 PM
ياكثر ماتتحمل ابراج الاتصالات	لغز الحياة	مجلس الجوالات والاتصالات	8	05-04-2008 08:39 PM
برنامج قطاف من الاتصالات السعودية	nanaief	مجلس الجوالات والاتصالات	15	05-04-2008 08:36 PM
هيئة الاتصالات ..؟؟	ابن الوطن	مجلس الجوالات والاتصالات	8	04-04-2008 05:33 AM
عاجل فضيحة أخلاقية هزة أكبر شركة في العالم في سعودية	عهود22	خارج السرب	20	01-04-2008 08:20 AM

هل فعلا شركة الاتصالات نهبتنا؟؟؟

مسجات مقالب مضحكة

::مسجات في حب رسول الله عليه الصلاة والسلام ::

»

الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور

زوار هذا الموضوع الآن : 1 (0 عضو و 1 ضيف)

أدوات الموضوع
عرض صفحة الطباعة إرسال هذه الصفحة إلى صديق