الله يبيـــــــــــحك كل ماحل طـــــــــــاريك :(

عجزت أنا يا بوي بالصوت أعزيك ** تخنقنى العبرة وجفت دموع

لو البكا يرجعك يابوي نبكيك ** لا شك درب الموت مابه رجوع

ولو الدمع يابوي لو سال يبقيك ** نذرف كثير الدمع طول السّبوع

الله يبيحك كل ما حل طاريك ** ويرحمك ربي في نهار يروع

عزيز في ربعك حنون بأهاليك ** كريم بضيوفك ولو هم جموع

وياما ضعيف الحال شلته بأياديك ** وقمت وحميته من قريب قطوع

تاقف مع المحتاج هذي مماشيك ** ويشهد على قولي كثير الربوع

عساك بالجنة تقطّف بأياديك ** أثمارها يا بوي من كل نوع
(( آآآآآمين ))

عسى العوض من بعد غيبة لياليك ** في واحد لاعه من الدهر لوع